फिलिप्पियों 2:13 - बृज भासा

¹³ परमेस्‍वर नें अपने उद्‍देस्‍ये पूरौ करवे काजै तुम लोगन के मन में जि इच्‍छा जगाईये और बा कामें करबे काजै सक्‍तीऊ दयीऐ।

फिलिप्पियों 2:13 Cross References

लूका 12:32

“हे छोटे झुन्‍ड, मत डर, चौंकि तुमारे पिता कूं जि अच्‍छौ लगौ है, कै तुमें राज दे।

लूका 2:14

और बे जि कह रहे हते कै, “सुरग में परमेस्‍वर की महिमा हो और धरती पै बिन लोगन कूं सान्‍ती मिलै जिनते बू खुस होते।”

यूहन्‍ना 3:27

यूहन्‍ना ने बिनते कही, “आदमी कूं बेई मिलतै जो सुरग की ओर ते बाय दयौ जातै।

यूहन्‍ना 6:45

परमेस्‍वर की ओर ते बात बतायबे बारेन नें जि लिखौए, ‘कै बे सब परमेस्‍वर के सिखाये भये हुंगे।’ जा काऊ नें पिता ते सुनों और सीखौऐ बू मेरे जौरें आबतै।

यूहन्‍ना 6:65

और फिर बानें कही तबई तौ मैंनें कही हती, “जब तक कोई मेरे जौरें नांय आय सकत तब तक परमेस्‍वर पिता बाय मेरे जौरें आयबे की अनुमती नांय देबेगौ।”

प्रेरितन के काम 11:21

पिरभू की सामर्थ उनके संग हती और भौत ते लोग भरोसौ करकें पिरभू की और फिरे।

रोमियों 12:3

जामारै बा किरपा की बजैह ते जो वरदान बानें मोय दयौ है, बाय ध्‍यान में रखते भये, मैं तुम में ते हर एक ते कहता हूं, अपने कूं यथोचित समझो अर्थात् जितना भरोसा परमेस्‍वर नें तुमें दयौ है, बाई के अनुसार अपने कूं समझनों चहिऐं।

रोमियों 9:11

तौ जुड़बा बेटन के पैदा हैबे ते पैहले और बिनके कछू भलौ बुरौ करबे ते पैहले रिबका ते परमेस्‍वर नें कही, “बड़ौ बेटा छोटे बेटे की सेबा करैगौ।” जाते परमेस्‍वर का इच्‍छा वाके चुनाव ते सिद्ध होतै। जो आदमी के कामन पै नांय टिकी पर बा परमेस्‍वर पै टिकी है जो बुलाबे बारौ है।

रोमियों 9:16

जामारै जि बात न तौ काऊ आदमी की इच्‍छा ते होतै और न काऊ की दौड़ धूप ते, पर जि तौ दयालु परमेस्‍वर पै निर्भर करतै।

1 कुरिन्थियों 12:6

काम तौ भौत तरैह के हैं, पर सबन के बीच में काम करबे बारौ परमेस्‍वर तौ एकई है।

1 कुरिन्थियों 15:10

पर आज मैं जो कछू हतूं, परमेस्‍वर की किरपा ते हूं। वाकी किरपा मोपै भई है, बू किरपा बेकार नांय। पर मैंनें दूसरे भेजे भये चेलान ते बढ़ चढ़कें मेहनत करी है, बू मेहनत करबे बारौ मैं नांओ पर परमेस्‍वर की किरपा हती जो मेरे संग रैहती है।

2 कुरिन्थियों 3:5

जि नांय कै, हम खुदई जा लायक हैं कै अपनी ओर ते काऊ बात कौ बिचार कर सकें, पर हमारी योग्‍यता तौ परमेस्‍वर की ओर ते है।

इफिसियों 1:11

सब बात परमेस्‍वर के उद्देस्य और योजना के अनुसार होतें। बानें हमें अपनी योजना में पैहले तेई ठहरायौए, कै हम ईसू मसीह के जरिये परमेस्‍वर के पबित्र लोग बनबे काजै चुने गये हैं।

इफिसियों 1:5

और बानें पिरेम के अनुसार अपनी खुसी और मकसद ते पैहलेई ठहरा दियो, कै हम ईसू मसीह के जरिये वाकी गोद लये भये सन्तान कहलाबें।

इफिसियों 1:9

चौंकि बानें अपने भले उद्देस्य के अनुसार अपने भेद को हम पै पिरगट करो और जि भेद बुई है जाये परमेस्‍वर नें मसीह में पूरौ करबे काजै पैहले तेई तय कर लयो हतो।

इफिसियों 2:8

चौंकि भरोसे के द्वारा किरपा तेई तुमारौ उद्धार भयौ है, जि तुमनें तुमारी ओर ते नांय मिलौ बरन जि तौ परमेस्‍वर कौ दान है।

2 थिस्सलुनिकियों 1:11

जामारैं हम लगातार तुमारे काजै जि पिराथना करतै कै, हमारौ परमेस्‍वर तुमें कबऊ नांय खतम हैबे बारे जीबन लायक बनामें जाके काजै तुम बुलाए गये हो। हम चाहमें कै परमेस्‍वर तुमें अपनी सामर्थ ते भर दैबै, जाते तुम भलाई की हरेक इच्‍छा और भरोसे के हरेक काम कूं पूरौ कर सकैं।

2 तिमुथियुस 1:9

जानें हमारौ उद्धार करौ है, और परमेस्‍वर के पबित्र लोग हैबे काजै बुलायौ है, और जि हमारे कामन के अनुसार नांय पर वाकी मनसा और वाके अनुग्रह के अनुसार है जो ईसू मसीह में सुरुआती समै ते हम पै भयौ है।

इब्रानियों 13:21

तुम्हें सब उत्‍तम साधनन ते सम्पन्‍न करै। जाते तुम वाकी इच्‍छा पूरी कर सको। और ईसू मसीह के द्वारा हमारे भीतर बू सब कछू पैदा करै जो बाय भाबै है। वाकी महिमा युगान युग तक हैती रहबै। ऐसौई हैबै!

1 पतरस 1:3

हमारे पिरभू ईसू मसीह के पिता परमेस्‍वर कौ धन्यबाद होय। बानें हमारे पिरभू ईसू मसीह कूं मरे भयेन में ते जी उठबे के द्वारा अपनी बड़ी दया ते हमें जीबित आसा में नयौ जन्म दियौ है।