फिलिप्पियों 2:12 - बृज भासा

¹² हे मेरे प्यारे भईयाओ, तुम लोग सदां ते मेरी आग्‍या मान्‍त आये हैं, अब मैं तुम लोगन ते दूर हूं पर जब में तुमारे संगओ बउते जादा अब उतसाह के संग परमेस्‍वर की आग्‍या मानते भये आदर भाव ते अपने उद्धार के कामन कूं पूरौ करते जाऔ।

फिलिप्पियों 2:12 Cross References

मत्‍ती 11:12

यूहन्‍ना बपतिस्मा दैबे बारे के समैं ते लैकै सुरग के राज के लोगन के संग मार-पीट करी जातै और जो मार-पीट करबे बारे हैं, बे जबरन राज कूं लैबे की कोसिस कर रये हैं।

मत्‍ती 11:29

मेरौ जूआ अपने ऊपर लै लेओ और मोते सीखौ मेरौ सुभाव नम्र और दयालू है जा तरैह ते तुम अपनी आतमा में सान्‍ती पाऔगे।

प्रेरितन के काम 16:29

तब जेलर दीया लैकें भीतर गयौ काँपते भये पौलुस और सीलास पामन में गिर परौ।

प्रेरितन के काम 9:6

अब उठ नगर कूं जा और जो कछू तोय करनोंए, बू तोय बताय दयो जाबैगौ।”

रोमियों 2:7

जो लोग भलाई के काम करते भये महिमा, आदर और अमरता की खोज में रैहतै, परमेस्‍वर बिनें कबऊ नांय खतम हैबे बारौ जीबन दैबेगौ।

1 कुरिन्थियों 15:58

जामारै हे मेरे प्यारे भईया बहनों, तुम अटल और मजबूत बने रहौ और जि जानिकें कै पिरभू के काजै तुमारी मेहनत बेकार नांय, तुम पूरी तरैह ते पिरभू के काम करते रहौ।

1 कुरिन्थियों 2:3

मैं निरबलता और भय के संग, और भौत थरथराबत भयौ तुमारे संग रहो।

1 कुरिन्थियों 4:14

मैं इन बातन कूं तुमें सरमिन्दा करबे काजै नांय लिख रयौ, पर अपनों प्यारौ बेटा समझकें चिताय रयौऊं।

2 कुरिन्थियों 7:15

जब बू जि याद करतै कै तुम सबन ने वाकी कैसी आग्‍या मानी और भय और आदर के संग तुमने बाकूं कैसै अपनांयौ तौ तुमारे काजै वाकौ पिरेम और भौत बढ़ जातुए।

इफिसियों 6:5

हे सेबकों जा संसार में जो तुमारे स्‍वामी हैं बिनकी आग्‍या कौ पालन आदर और भय के संग और सच्‍चे हिरदय ते करौ, और जि सोचौ कै तुम ईसू मसीह की सेबा कर रये हौ।

फिलिप्पियों 1:27

बस एक बात को ध्‍यान रखौ, कै तुमारो चाल-चलन ईसू मसीह के सुभ समाचार के योग्‍य होय। चाँहे मैं तुमारे जोरै आयकै मिलूं चाँहे नांय मिलूं, पर जब कबऊ तुमारे बारे में सुनूं तौ जेई सुनूं कै, तुम एक आतमा में डटे रैहकें और एक मन हैकें सुभ समाचार के भरोसे के काम काजै भौत मेहनत करतौ

फिलिप्पियों 1:29

तुम लोगन कूं ईसू मसीह पै भरोसौ करवे कौई नांय बल्कि वाकी वजह ते दुख भोगबे कौऊ वरदान मिलौ है।

फिलिप्पियों 1:5

चौंकि तुम सुरू तेई अब तक सुभ समाचार फैलायबे में मेरे संग रहे हो।

फिलिप्पियों 1:6

मोय जा बात कौ भरोसौ है, कै परमेस्‍वर नें जि भलौ काम तुमारे बीच में सुरू करौये, परमेस्‍वर जा काम कूं पिरभू ईसू मसीह के आयबे तक पूरौ करैगौ।

फिलिप्पियों 2:19

मोय पिरभू ईसू मसीह पै आसा है कै मैं जल्दी तिमुथियुस कूं तुमारे जौरें भेजुंगो, जाते कै मोए तुम लोगन कौ हाल चाल पतौ चलै और मैं सान्‍ती पांऊ

फिलिप्पियों 4:1

हे मेरे प्यारे भईयाओ। पिरभू में जई तरैह ते डटे रहौ, और हे मेरे भईयाओ मोय तुम लोगन ते मिलवे की बड़ी इच्छा है, चौंकि तुमई मेरौ आनन्द और मुकुट हैं।

फिलिप्पियों 4:15

है फिलिप्पियों तुम लोग जानें कै जब मैं सुभ समाचार की सुरूआत करबे काजै मकिदुनियां ते चले गयौ तौ तुम लोगन नें छोड़ कें और काऊ कलिसिया नें मेरी मदत नांय करी।

1 थिस्सलुनिकियों 1:3

और अपने परमेस्‍वर पिता के सामने तुमारे भरोसे के काम, पिरेम के काम और कठिन मेहनत और हमारे पिरभू ईसू मसीह में आसा ते उत्‍पन्‍न तुमारी सहन सीलता कूं लगातार याद करैं।

2 तिमुथियुस 2:10

मैं चुने भये लोगन के काजै सब कछू सहन करूं। कै बेऊ बा उद्धार कूं जो मसीह ईसू में है, कबऊ नां खतम हैबे बारी महिमा के संग पायें।

इब्रानियों 12:1

जब भरोसे के गबाहन की इतनी बड़ी भीड़ ते हम घिरे भये हैं, तौ आओ बाधा पौंहचाबे बारी हर एक चीज कूं और बा पाप कूं जो सहज मेंई हमें उलझा लेतै बाय झटक फैंकें और बू दौड़ जो हमें दौड़नी है, आओ धीरज के संग बाय दौड़ें।

इब्रानियों 4:1

परमेस्‍वर के आराम में पिरबेस करबे की बू प्रतिग्‍या अब तक बनी भयी है, जामारैं हमें सावधान रैहनों चहिऐं कै, तुम लोगन में कोई बामें पिरबेस करबे ते ना रैह जाबे।

इब्रानियों 4:11

जामारैं आओ हम बा आराम में पिरबेस करबे की पूरी-पूरी कोसिस करें, जाते कोई बिन लोगन की तरैह आग्‍या ना मानते भये बाते वंचित ना हैबै।

इब्रानियों 5:9

और एक बार सम्पूर्न बन जाबै पै बिन सबन काजै जो वाकी आग्‍या का पालन करैं, बू अनन्‍त छुटकारे का स्रोत बन गयौ।

1 पतरस 2:11

मेरे प्यारे दोस्तो, मैं तुमते बिनती करूं जा दुनियां में तुम अपने आपकूं परदेसी जानकें, सरीर की बुरी इच्‍छा ते बचायकें रखौ, जिनके काजै आतमा जूझतिऐ।

2 पतरस 3:18

हमारे उद्धार करबे बारे हमारे पिरभू ईसू मसीह की किरपा और ग्‍यान में बड़ते जाऔ। अब हमेसा हमेसा वाकी महिमा होती रहै। ऐसौई होबे।