फिलिप्पियों 1:27 - बृज भासा

²⁷ बस एक बात को ध्‍यान रखौ, कै तुमारो चाल-चलन ईसू मसीह के सुभ समाचार के योग्‍य होय। चाँहे मैं तुमारे जोरै आयकै मिलूं चाँहे नांय मिलूं, पर जब कबऊ तुमारे बारे में सुनूं तौ जेई सुनूं कै, तुम एक आतमा में डटे रैहकें और एक मन हैकें सुभ समाचार के भरोसे के काम काजै भौत मेहनत करतौ

फिलिप्पियों 1:27 Cross References

मत्‍ती 12:25

ईसू ने बिनके मन की बात जानकै फिर बिनते कही, “जा राज में दरार पर जाबै तौ बू कैसे टिकौ रैहबेगौ बू तौ खतमई है जाबेगौ। और जा नगर और कुल में फूट पर जाबे तौ बू उजड़ जाबैगौ।

प्रेरितन के काम 2:46

बे सब मिलके रोजाना बडे़ पिराथना घर में जाते हते। बे आपस में अपने घरन में मिल जुलकै आनन्द के संग रोटी खाबते।

प्रेरितन के काम 24:24

कछू दिना बाद फेलिक्स अपनी पत्नी द्रुसिल्‍ला के संग मापै आयौ और वाकी पतनी यहुदी हती। फेलिक्स ने पौलुस बुलबायौ और ईसू मसीह पै भरोसे के बारे में सुनौ।

प्रेरितन के काम 4:32

भरोसौ करबे बारेन कौ सबरौ झुंड एक मन और एक हिरदय हतो। कोई जि नांय कैहतो कै वाकी कोई चीज अपनी है। उनके जौरे जो कछू हतो, बामें सबकौ साझौ हतो।

रोमियों 1:16

चौंकि मैं सुभ समाचार ते लज्जित नांय होत जि हर एक भरोसौ करबे बारे के काजै पहले यहुदी और फिर गैर यहुदिन के काजै उद्धार के काजै परमेस्‍वर की सामर्थ है।

रोमियों 1:5

जाई के द्वारा हमें किरपा और भेजे भये चेला बनवे कौ अधिकार मिलौ है, जाते मैं ईसू मसीह के नाम में सब गैर यहुदियन में पिरचार करूं और बे सब लोग भरोसौ करके वाकी मानें।

रोमियों 1:9

परमेस्‍वर, जाकी सेबा में अपनी आतमा ते, वाके बेटा ईसू के सुभ समाचार के बारे में करतूं, बेई मेरौ गबाह है कै, मैं अपनी पिराथनान में तुम लोगन कूं लगातार याद करतौ रैहतूं।

रोमियों 10:8

पबित्र सास्त्र में जि लिखौ भयौ है, “वचन तेरे जौरे है, तेरे होटन पै है और तेरे मन में है।” यानी भरोसा कौ बू वचन जाकौ हम पिरचार करतै कै,

रोमियों 15:16

मैं गैर यहुदिन के काजै ईसू मसीह कौ सेबक बनकै परमेस्‍वर के सुभ समाचार के काजै एक पुरोहित के रूप में काम करूं ताकि गैर यहुदी परमेस्‍वर के आगे अपनाबे योग्‍य भेंट बन सकें और पबित्र आतमा के द्वारा परमेस्‍वर के काजै पूरी तरैह पबित्र बनें।

रोमियों 15:29

मैं जानतूं कै, जब मैं तुमारे जौरे आऊँगो तौ तुमारे काजै मसीह के पूरे आसीरबादन समेत आऊँगो।

1 कुरिन्थियों 1:10

हे मेरे भईया बहनों, मैं तुमते ईसू मसीह जो हमारौ पिरभू है वाके नाम में तुम सबनते जि बिनती है कै, तुम एकई बात बोलो। तुमारे बीच में मत-भेद ना होबे पर तुमारे बिचार और इच्‍छा एकई होय।

1 कुरिन्थियों 15:58

जामारै हे मेरे प्यारे भईया बहनों, तुम अटल और मजबूत बने रहौ और जि जानिकें कै पिरभू के काजै तुमारी मेहनत बेकार नांय, तुम पूरी तरैह ते पिरभू के काम करते रहौ।

2 कुरिन्थियों 13:11

अब हे भईया-बहनो, आखिर में मेरौ तुमते जेई कैहनों है कै खुस रहौ। सिद्ध बनते जाऔ, एक मन रहौ, हिम्मत रखौ, मेल ते रहौ। पिरेम और सान्‍ती कौ परमेस्‍वर तुमारे संग रैहबै।

2 कुरिन्थियों 4:4

जा संसार के देबता सैतान नें अबिसबासिन के मन में इतनों अन्धेरौ कर दयौ है कै, बे परमेस्‍वर के स्‍वरूप मसीह के महिमा के सुभ समाचार कौ प्रकास नांय देख पा रये हैं।

2 कुरिन्थियों 9:13

तुमारी जा सेबकाई कौ नतीजा जि होगौ कै लोग परमेस्‍वर की बड़ाई करिंगे। चौंकि तुम ईसू मसीह के सुभ समाचार कूं अपनांयकै वाके अधीन रैहतो और गरीब बिसबासिन और सबन काजै पूरे मन ते दान देतौ।

गलातियों 1:7

पर जा सच्‍चे सुभ समाचार कूं छोड़कै कोई दूसरौ समाचार तौ कोई है ही नांय, कछू लोग तुमें बिचलित करके ईसू मसीह के सुभ समाचारै बिगारबो चाँह रये है।

इफिसियों 1:13

तुम लोगनेंऊं तौ सच्‍चाई कौ वचन जो उद्धार कौ सुभ समाचार है, बाये सुनिकै मसीह पै भरोसौ करो और परमेस्‍वर नें तुमें पबित्र आतमा की मौहर लगायकै लोगन कूं जि बतायौ है कै तुम वाके है गयेऔ, पबित्र आतमा कौ बादा परमेस्‍वर नें पैहले तेई करौ है।

इफिसियों 1:15

मैंनें पिरभू ईसू में तुम लोगन के भरोसे और सब परमेस्‍वर के पबित्र लोगन के काजै तुमारे पिरेम के बारे में सुनों है,

इफिसियों 4:1

मैं पौलुस, जो पिरभू के सुभ समाचार सुनाबे की बजैह ते जेल में बन्दी हूं, तुमते बिनती करतूं कै जा बुलाहट ते तुम बुलाये गये हों बाई तरैह ते अपनों चाल-चलन रखौ।

फिलिप्पियों 1:5

चौंकि तुम सुरू तेई अब तक सुभ समाचार फैलायबे में मेरे संग रहे हो।

फिलिप्पियों 2:12

हे मेरे प्यारे भईयाओ, तुम लोग सदां ते मेरी आग्‍या मान्‍त आये हैं, अब मैं तुम लोगन ते दूर हूं पर जब में तुमारे संगओ बउते जादा अब उतसाह के संग परमेस्‍वर की आग्‍या मानते भये आदर भाव ते अपने उद्धार के कामन कूं पूरौ करते जाऔ।

फिलिप्पियों 2:24

फिरऊ मोय पिरभू पै भरोसौ है कै मैं जल्दी तुमारे जौरें आऊंगो।

फिलिप्पियों 3:18

चौंकि जैसौ मैं तुमते बार-बार कैह चुकौऊं और रोते भयेऊ कैहरौऊ, भौत से लोग तौ ऐसी चाल चलतें कै ईसू मसीह के क्रूस के दुसमन बन गये हैं।

फिलिप्पियों 3:20

पर हमारौ देस तौ सुरग है और हम सुरग ते आयबे बारे हमारे उद्धारकरता पिरभू ईसू मसीह कौ बेसबरी ते इन्तजार कर रये हैं।

फिलिप्पियों 4:1

हे मेरे प्यारे भईयाओ। पिरभू में जई तरैह ते डटे रहौ, और हे मेरे भईयाओ मोय तुम लोगन ते मिलवे की बड़ी इच्छा है, चौंकि तुमई मेरौ आनन्द और मुकुट हैं।

कुलुस्सियों 1:10

जाते कै तुमारौ चाल-चलन बिलकुल पिरभू के जैसौ है जावै और तुम सब तरैह ते पिरभूए खुस रख सकौ। तुमारे जीबन ते हर तरह के भले काम होते जावें और परमेस्‍वर कौ ग्‍यान तुम में दिन प्रतिदिन बढ़तौ जाबै।

कुलुस्सियों 1:4

चौंकि हमनें तुमारे बारे में सुनों है कै तुमारौ भरोसौ ईसू मसीह पै पक्‍कौ है और तुम सब परमेस्‍वर के पबित्र लोगन के संग बड़ेई पिरेम भाव ते रैहमें।

1 थिस्सलुनिकियों 3:6

तिमुथियुस जो तुमारे जौरें ते बापस आयौ हतौ, बानें तुम्हारे पिरेम और भरोसे को समाचार सुनांयौ। बानें जेऊ बात बताई के तुम हमें हमेसा पिरेम के संग याद करतौ, और हमें देखवे की इच्‍छा रखतो जैसे कै हमऊं तुम्हें देखवे की इच्‍छा रखतै।

1 थिस्सलुनिकियों 4:1

हे भईयाओ, अब हमें तुमकूं कछु और बात बतानी हैं। पिरभू ईसू के नाम में हम तुमते पिराथना और निबेदन करतै, कै तुमनें हमते परमेस्‍वर कूं खुस करबे काजै जो सिछा पाई है और निस्चय तुम बा तरैह ते चल रये हैं, और बामें बैसेई जादा ते जादा चलते रहो।

1 तिमुथियुस 1:11

जि खरी सिछा महान परमेस्‍वर की महिमा के बा सुभ समाचार के अनुसार है, जो मोकूं सौंपौ गयौ है।

1 तिमुथियुस 1:19

भरोसौ और भलौ बिबेक रख, चौंकि कछू ऐसेऊ लोग है जिन्‍नें भलौ बिबेक नांय रखो जामारैं बे भरोसे ते भटक गये हैं।

2 तिमुथियुस 4:7

मैं अच्‍छी लड़ाई लड़ चुकौऊ और अपनी दौड़ पूरी कर चुकौऊं, मैंनें अपने भरोसे की रखबाली करीए।

तीतुस 2:10

और स्‍वामी के य्हाँ चोरी ना करै, पर सब तरैह ते अच्‍छे और भरोसे मन्द रैहमें। ऐसौ करबे ते बे हमारे उद्धारकरता परमेस्‍वर की सिछा की सोभा बढ़ांगे।

फिलेमोन 1:5

चौंकि पिरभू ईसू और परमेस्‍वर के पबित्र लोगन के प्रति जो तुमारो पिरेम और भरोसौ है वाके बारे में सुन्‍तौ रैहूं।

याकूब 3:18

धारमिकता सान्‍ती के छेत्र में बुई जाबै और सान्‍ती बनांयबे में जीबन कौ फल मिलैगौ।

2 पतरस 3:11

चौंकि जि सब चीज जा तरैह ते नस्‍ट हैबे बारीऐं, तौ तुम चाल-चलन में सब तरैह ते अच्‍छे काम करते भये पबित्र जीबन जीऔ।

2 पतरस 3:14

जामारैं हे मेरे प्यारे मित्रों, जब तुम इन बातन की आसा देख रयेऔ तौ तुम जि जतन करौ कै सान्‍ती ते पिरभू की नजर में दोस रहित बेकसूर ठहरौ।

यहूदा 1:3

हे प्यारे भईयाओ, हम जा उद्धार में बराबर के सहभागी हैं। मैं वाके बारे में तुमें लिखबे की कोसिस कर रयौ हतो, पर अब मैंनें जि जरूरी समझौ कै, जा चिठ्‌ठी के द्वारा तुम लोगन ते जि बिनती करूं कै तुम लोग बा भरोसे में बने रैहबे काजै संघर्स करौ, जो सदा काजै परमेस्‍वर के पबित्र लोगन कूं सौंपौ गयौ है।