Эфеслилеге 4:11 - Сыйлы Инжил бла Забур

¹¹ Ол а, бирлени абустолла этип, башхаланы файгъамбарла этип, башхаланы Хайыр Хапарны жайыучула этип, дагъыда башхаланы кютюучюле эм устазла этип салгъанды.

Эфеслилеге 4:11 Cross References

Маттай 28:20

Битеу Мен сизге буюргъанны тутаргъа аланы юйретигиз; ма, Мен, бу ёмюрню ахырына дери хар кюн да сизни блама», – деди. Амин.

Ишлери 13:1

Антиохияда болгъан жамауатда бир къауум файгъамбарла бла устазла бар эдиле: Барнаба эм Нигер аталгъан Шимон, Киринейли Лукий, Ирод тетрарх бла бирге ёсген Менахем эм Шауул.

Ишлери 20:28

Ол себепден кесигизге да, Сыйлы Нюр сизни кютюучюле этип салгъан битеу сюрюуге да сакъ болуп къарагъыз. Раббийни эм Аллахны жамауатын, Ол Кеси къаны бла сатып алгъан жамауатны кютюгюз.

Ишлери 21:8

Экинчи кюн а Пауул бла биз, аны биргесине болгъанла, андан чыгъып, Кесариягъа келдик эм жетисинден бири болгъан, Хайыр Хапарны билдириучю Филипни юйюне барып, анда къалдыкъ.

Римлилеге 12:7

Къуллугъу болгъан, къуллукъ этиуде турсун; устаз эсе устазлыкъ этсин.

I Коринфлилеге 12:4

Фахмула кёп тюрлюдюле, Нюр а бирди;

Эфеслилеге 2:20

Абустолла бла файгъамбарла салгъан мурдорну юсюнде бегимли болгъансыз, Масих Исса уа Кеси мюйюшню баш ташыды.

Эфеслилеге 3:5

Адам улуланы алгъыннгы туудукъларына билдирилмеген, энди уа Масихни сыйлы абустолларына бла файгъамбарларына Сыйлы Нюрню юсю бла ачыкъ этилген сыр а ма буду:

Эфеслилеге 4:8

Ол себепден Китапда: «Бийикге чыгъып, жесирлени жесирлегенди эм адамлагъа саугъала бергенди», – деп айтылгъанды.

II Тимотейге 4:5

Алай а сен хар не жаны бла да сакъ бол, къыйынлыкълагъа тёз, Хайыр Хапарчылыкъны ишин эт, къуллукъ этиуюнгю толтур.

Чюйютлелеге 5:12

Нек десегиз, заман бла алып къарагъанда, сиз устазла болургъа керек эдигиз; алай а сизни жангыдан Аллахны сёзюню ал башланнганындан юйретирге керекди эмда сизге, къаты аш тюйюл, сют керекди.

Яхуда 1:17

Сиз а, сюйюлюннгенле, бизни Раббийибиз Масих Иссаны абустоллары сизге алгъындан айтып билдирген сёзлени эсигизде тутугъуз:

Билим Ачханы 18:20

Кёк да, сыйлы абустолла да, файгъамбарла да, аны башына келгеннге къууаныгъыз; нек десегиз Аллах анга сюд этип, дертигизни жетдиргенди», – деп къычырыкъ этдиле.

Билим Ачханы 21:14

Шахарны къабыргъасы онеки мурдорну юсюнде ишленнген эди, аланы юсюнде да Къозуну онеки абустолуну атлары жазылып эди.