Эфеслилеге 4:1 - Сыйлы Инжил бла Забур

¹ Алай бла мен, Раббий ючюн тутмакъ болуп сизден тилейме, сиз алгъан чакъырылыуугъузгъа тийишли жашагъыз.

Эфеслилеге 4:1 Cross References

Ишлери 9:31

Битеу Иудеяда, Галилеяда эм Самарияда болгъан жамауат ла ырахатлыкъда эди ле. Ийманда ёсе, Раббийден къоркъуу бла жашай, Сыйлы Нюрден кёлленип кёп бола эди ле.

Римлилеге 11:29

Нек десегиз Аллахны саугъалары бла чакъырыуу ызына алынмайдыла.

Римлилеге 12:1

Алай бла, къарындашла, Аллахны мархаматлылыгъыны хатыры бла сизден тилейме, кесигизни Аллахха тири, сыйлы, Аны ыразы этиучю къурманнга беригиз. Анга тюз акъыл бла алай къуллукъ этерсиз.

I Коринфлилеге 4:16

Ол себепден сизден тилейме: мен Масиххе эниклегеним кибик, сиз да манга эниклегиз.

II Коринфлилеге 10:1

Сизни арагъызда кесим уялчакъ болгъан, алай а сизден узакъда таукел болгъан мен Пауул, Масихни жууашлыгъы бла эм тёзюмлюк этиую бла сизге жалбарама:

II Коринфлилеге 5:20

Ол себепден биз Масихни аты бла келечилебиз, Аллах Кеси буйругъун бизни юсюбюз бла айтып ангылатхан кибик ангылатады. Масихни аты бла тилейбиз: Аллах бла жарашыгъыз.

II Коринфлилеге 6:1

Биз а, Аллах бла бирге урунуучулача, Аллахны шафауатын къабыл этгенигиз бошуна болмасын деп, сизге жалбарабыз.

Галатиялылагъа 4:12

Къарындашла, сизден тилейме, мени кибик болугъуз, нек десегиз мен да сизни кибикме. Сиз бир зат бла да мени жюрегими къыйнамагъансыз.

Эфеслилеге 2:10

Нек десегиз биз Аллахны чыгъармасыбыз, Масих Иссада ахшы ишле этерге жаратылгъанбыз. Биз жашауубузну ол ишлени этип ашырыр ючюн Аллах аланы бизге этерге алгъындан буюргъанды.

Эфеслилеге 3:1

Ол себепден а мен, Пауул, сиз башха миллетлиле ючюн Масих Иссагъа жесир болгъанма.

Эфеслилеге 4:17

Ол себепден мен айтама эм Раббийни хатыры бла тилейме, сиз энди, башха миллетле кеслерини акъылларыны магъанасызлыгъы бла этгенча этмегиз.

Эфеслилеге 4:4

Сиз чакъырылгъаныгъызда бир умутха чакъырылгъаныгъыз кибик, Нюр бирди, чарх да бирди,

Эфеслилеге 5:2

Масих, бизни сюйюп, Кесин бизни ючюн Аллахха саугъагъа эм ариу ийисли къурманнга бергени кибик, сиз да алай, сюймекликни жолунда жюрюгюз.

Колослулагъа 1:10

Сиз Раббийге тийишли жашап, хар не жаны бла да Аны ыразы этип, хар ахшы иш бла битим берип, Аллахны билиу бла ёсер ючюн,

Колослулагъа 2:6

Ол себепден, сиз Раббий Масих Иссаны къалай къабыл этген эсегиз да, Аны жолунда алай жюрюгюз.

Колослулагъа 4:12

Масих Иссаны къулу, сиз тамамлы болур ючюн эм Аллахны ыразы этген хар затдан толур ючюн, сизни ючюн хар заманда да тилек этип кюрешиучю сизни Эпафрас сизге салам айтады.

I Фесалоникачылагъа 2:12

Биз сизден, сизни Кесини Патчахлыгъына эм махтаууна чакъыргъан Аллахха тийишли жашарыгъызны жалбарып тилеген эдик, сизни кёллендирип ийнандыргъан эдик.

II Фесалоникачылагъа 1:11

Ол себепден сизни ючюн хар заманда да тилек этебиз; Аллахыбыз сизни чакъырылыуугъузгъа тийишли кёрсюн эм ахшылыкъ этерге хар ниетигизни эм иймандан келген ишигизни Кесини къудурети бла тамам этсин деп тилейбиз.

II Тимотейге 1:9

Аллах, бизни ишлерибизге кёре тюйюл, Кесини муратына эм шафауатына кёре бизни къутхарып, сыйлы жашаугъа чакъыргъанды. Ол шафауат бизге Масих Иссада ёмюрледен да алгъын берилгенди,

Титге 2:10

Урламазгъа, алай а толу ышаннгылы болгъанларын кёргюзтюрге тюшюндюр. Бизни Къутхарыучубуз Аллахны юйретиую къалай аламат болгъаны хар не жаны бла кёрюнюр ючюн, ала алай этсинле.

Чюйютлелеге 13:21

Кесин ыразы этген ишлени Масих Иссаны юсю бла сизде чыгъарып, сиз Аны буйругъун толтурур ючюн, сизни хар тюрлю ахшы ишде тамамлы этсин. Анга ёмюрледен ёмюрлеге махтау болсун! Амин.

Чюйютлелеге 3:1

Алай бла, кёкню чакъырыууна къошулгъан сыйлы къарындашла, биз ачыкъ къабыл этген ийманыбызны Келечиси эм Баш Дин Къуллукъчусу болгъан Масих Иссаны ангылагъыз.

I Петер 2:11

Сюйюлюннгенле! Сизден тилейме, бу дунияда киргинчилеча эм жолоучулача болуп, жаныгъызгъа къажау тургъан чархыгъызны тыйгъычсызлыкъларындан узакъ болугъуз

I Петер 3:9

Аманлыкъгъа аманлыкъ бла неда аман сёзге аман сёз бла жууап этмегиз. Ол угъай эсенг, алгъыш этигиз; нек десегиз сиз алгъышлы болургъа чакъырылгъансыз.

I Петер 5:10

Бизни Масих Иссада Кесини ёмюрлюк махтаууна чакъыргъан, шафауатдан толу болгъан Аллах, Ол Кеси, сизни бу аз заманда азап чегиуюгюз бла сизни тамамлы, бегимли, кючлю, къууатлы этсин.

II Петер 1:3

Кеси махтауу бла эм ахшылыгъы бла бизни чакъыргъан Аллахны кючю, Аны таныгъаныбыз себепли, бизге жашаугъа бла Аллахны жолунда жюрюуге керекли хар затны бергенди.

II Ахия 1:5

Бийче, энди уа сенден тилейме, бирбирибизни сюейик. Бу мен санга жазгъан жангы фарыз тюйюлдю, алай а биз алгъындан алгъан фарызды.