Эфеслилеге 3:1 - Сыйлы Инжил бла Забур

¹ Ол себепден а мен, Пауул, сиз башха миллетлиле ючюн Масих Иссагъа жесир болгъанма.

Эфеслилеге 3:1 Cross References

Лука 21:12

Быланы барындан да алгъа уа сизни тутарыкъдыла, сизге зулму этерикдиле, синагогалагъа берликдиле, тюрмелеге атарыкъдыла эм Мени атым ючюн патчахланы бла оноучуланы алларына элтирикдиле.

Ишлери 21:33

Ол заманда аскер башчы, къаршы келип, Пауулну тутду эмда эки бугъоу бла бугъоуларгъа буюруп: «Бу кимди эмда не этгенди?» – деп сорду.

Ишлери 23:18

Ол да, жашны аскер башчыгъа келтирип: «Тутмакъ Пауул, мени чакъырып, бу жашны санга келтиририми тилегенди, муну уа санга бир айтыр заты барды», – деди.

Ишлери 26:29

Пауул а анга: «Аз эсе, кёп эсе да, жангыз сен тюйюл, алай а бюгюн сёзюмю эшитгенле барысы да, бу бугъоуларымдан башха, мени кибик болуругъузну мен Аллахдан тилер эдим», – деди.

Ишлери 9:15

Алай а Раббий анга: «Бар! Нек десенг миллетлеге эм патчахлагъа эмда Израиль улулагъа Мени атымы билдирир ючюн, ол Мени сайлагъан сауутумду.

II Коринфлилеге 1:6

Биз къыйынлыкъ сынай эсек да, сиз жапсарылыр эм къутхарылыр ючюн сынайбыз. Къутхарылыуугъуз а биз тёзген къыйналыуланы кётюргенигиз бла болады.

II Коринфлилеге 10:1

Сизни арагъызда кесим уялчакъ болгъан, алай а сизден узакъда таукел болгъан мен Пауул, Масихни жууашлыгъы бла эм тёзюмлюк этиую бла сизге жалбарама:

II Коринфлилеге 11:23

Масихни жумушчуларымыдыла? Акъылдан чыкъгъанча айтама! Мен а бегирек да. Мен кёбюрек да уруннганма, чексиз тюйюлгенме, кёп кере тюрмеде эм кёп кере ёлюмге къаршы болгъанма.

Галатиялылагъа 5:11

Сора къарындашларым, мен энтда сюннет этилирге керекди деп ууаз бере эсем, манга энтда зулму нек этедиле? Алай болса къачны бедишлиги кетерилир эди.

Галатиялылагъа 5:2

Ма, мен Пауул сизге айтама: сиз сюннет этиле эсегиз, сизге Масихден бир тюрлю хайыр боллукъ тюйюлдю.

Галатиялылагъа 5:24

Масихникиле уа, кеслерини гюняхлы табийгъатларын кюсеулери бла эм итиниулери бла бирге къачха кергендиле.

Эфеслилеге 3:11

Бу, Аллахны ёмюрледен да алгъа этген эм бизни Раббийибиз Масих Иссада толтургъан планыды.

Эфеслилеге 3:13

Мынга кёре сизден тилейме, мен сизни ючюн сынагъан къайгъыларым ючюн мудах болмагъыз, ала уа сизге махтау тапдырадыла.

Эфеслилеге 3:8

Сыйлыланы битеу барындан да эм гитче болгъанымлай, Масихни акъылгъа сыйынмагъан байлыгъыны юсюнден башха миллетлеге хайыр хапар берирге

Эфеслилеге 4:1

Алай бла мен, Раббий ючюн тутмакъ болуп сизден тилейме, сиз алгъан чакъырылыуугъузгъа тийишли жашагъыз.

Эфеслилеге 6:20

Мен аны ючюн келечилигими тутмакълыкъда толтургъан Хайыр Хапарны мен, манга тийишлисича, таукеллик бла билдирир ючюн тилек этигиз.

Колослулагъа 1:24

Энди мен сизни ючюн азап чекгениме къууанама эмда Масих Кесини чархы – жамауаты ючюн сынагъан къыйынлыкъланы жетмегенлерин мен чархымда толтурама.

Колослулагъа 4:18

Мен – Пауул – къолум бла салам жазама. Мени тутмакълыгъымы эсигизде тутугъуз. Аллахны шафауаты сизни барыгъыз бла да болсун. Амин.

Колослулагъа 4:3

Аны кибик, биз Аллахны сёзюн жайып, мен аны ючюн тутмакъ болгъан Масихни тасхасын билдирир ючюн, Аллах бизге эшик ачсын деп, бизни ючюн да тилек этигиз.

II Тимотейге 1:16

Онисифорну юйюрюне Раббий ахшылыкъ берсин; ол мени кёп кере тынчайтханды эм мени тутмакълыгъымдан ыйлыкъсынмагъанды.

II Тимотейге 1:8

Алай бла Раббийибиз Масих Исса гъа шагъатлыкъ этмекден, не Аны ючюн тутмакъ болгъан менден ыйлыкъсынма; алай а Аллахны кючюне ышанып Масихни Хайыр Хапарын жайыуда мени бла бирге азап чек.

Филимоннга 1:1

Масих Исса ючюн тутмакъ болгъан мен Пауулдан эм Тимотей къарындашдан сюйюлюннген эм бирге уруннган нёгерибиз Филимоннга,

Филимоннга 1:23

Мени бла бирге Масих Исса ючюн тутмакъ болгъан Эпафрас эм биргеме уруннган нёгерлерим Марк, Аристарх, Димас, Лука санга салам айтадыла.

Филимоннга 1:9

Андан эсе, Масих Исса ючюн тутмакъ болгъан мен къарт Пауул санга сюймеклик бла жалбарама.

Билим Ачханы 2:10

Сен сынарыкъ къыйынлыкъладан къоркъма. Ма, ибилис, сизни сынар ючюн, сизни арагъыздан бир къауумланы тюрмеге саллыкъды эм он кюн къыйынлыкъда боллукъсуз. Ёлюрге керек болсанг да тюз бол, сора санга жашауну тажын берликме.