कायसे मैं जानत आंव कि ऊ अपने मोंड़ों और परिवार हों, जो ऊके पाछें रै जैहें, हुकम दैहै कि बे यहोवा परमेसुर की गैल में अटल बने रएं, और धरम और न्याय करत रएं; जीसें कि जो कछु यहोवा परमेसुर ने अब्राहम के बारे में कई आय ऊहों पूरो करे।”
ई लाने उन ने अपने चेलन हां हेरोदियन के संग्गै ऊके ऐंगर जौ कहबे हां पठैव, कि हे गुरू; हम जानत आंय, कि तें सच्चो आय; और परमेसुर की गैल सच्चाई से सिखात आय; और कोऊ की परवाह नईं करत, कायसे तें मों हेरी बात नईं करत।
यीशु ने उन से कओ; तुम तो मान्सन के सामूं अपने आप हां धरमी ठैरात आव: पर परमेसुर तुमाए हिया हां जानत आय, कायसे जौन बस्त मान्सन के लेखे जसवारी आय, बो परमेसुर के लेखे ओछी आय।
उन ने उत्तर दओ; कुरनेलियुस सूबेदार जौन धरमी और परमेसुर से डराबेवारो आय और सबरी यहूदी जात में सुनाम मान्स आय, ऊ ने पवित्तर सरगदूत से जौ हुकम पाओ आय, कि तोय अपने घर बुला के तोसे बचन सुने।
कायसे हाकम साजे काम के लाने नईं, परन्त बुरए काम के लाने डरबे कौ कारन आय, सो जदि तें हाकम से निडर रैबो चाहत आय, तो साजे काम कर तो हाकम तोरी पीठ थपथपा है।
पर यहूदी ओई आय, जौन हिए से आय; और खतना ओई आय, जौन हिए और आत्मा कौ आय; लिखे से बात नईं बनत: ऐसन की बड़वाई मान्सन कुदाऊं से नईं, परन्त परमेसुर कुदाऊं से होत आय।
सो जब लौ पिरभु न आबै, बेरा से पेंला कोऊ बात कौ न्याय न करो: ओई तो अंधयारे की लुकी बातें उजारे में दिखा है, और हियों के सोचों हां उजागर कर है, तब परमेसुर कुदाऊं से सबरन की बड़वाई हुईये।
और हम अपने परमेसुर से जा बिन्तवाई करत आंय, कि तुम कोई बुरय काम नईं करो; ईसे नईं, कि हम अच्छे दिखाबें, अकेले ईसे कि तुम भलो करो, चाए हम कछु काम के न कड़ें।
और साजो काम करबेवारी रई होबै, जीने अपने लरका वारन हां ठीक से पालो होबै; पाहुरन की सेवा खुसामद करी होबै, पपित्तर जनन के गोड़े धोय होबें, और दुखियन की मदद करी होबै, और अच्छे कामन में मन से लगी रई होबै।
हमाए पिता परमेसुर के लेखे में सुद्ध और साफ भक्ति जा आय, कि हम अनाथों और बिधवाओं की दुख पीड़ा में उन की सुध लेबें, और अपने आप हां संसार की बातन से दूर राखें।
दूसरी जातन में तुमाओ चाल चलन सई रैबे; ई लाने कि जौन जौन बातन में बे तुम हां बुरए काम करबेवारो जान के बदनाम करत हते, बे तुमाए साजे कामन हां तक के; उनईं के काजें, दया किरपा के दिना परमेसुर की मईमां करें।