- फिलिप्पियों 4:3 - Bundeli Holy Bible

³ और मोरे भले जनो जिन ने मोरे संग्गै सेवा करी आय तुम से बिनती करत आंव, कि तुम उन बईयरन को हाथ बटाओ, जौन मोरे संग्गै सुसमाचार के परचार में लगी रईं, उन ने मोरे और क्लेमेंस के संग्गै मिलके बहुत काम करो, उन के नाओं जीवन की पोथी में लिखे आंय।

- फिलिप्पियों 4:3 Cross References

- लूका 10:20

पर ईसे खुस न हुईयो, कि आत्मा तुमाए वस में आय, पर ईसे खुस हुईयो कि तुमाए नाओं सरग में लिखे आंय।

- रोमियों 12:1

ई लाने हे भईया हरौ, मैं तुम हां परमेसुर की दया की याद करा के बिन्तवाई करत आंव, कि अपनी देयां हां जीयत, और पवित्तर, और परमेसुर हां साजो लगबेवारो बलिदान कर के चढ़ाओ: जाई तुमाई आत्मिक सेवा आय।

- रोमियों 16:12

त्रूफै ना और त्रूफोसा हां जौन पिरभु में मैनत करत आंय, नमस्कार। प्रिया पिरसिस हां जीने पिरभु में एन मैनत करी, नमस्कार।

- रोमियों 16:9

उरबानुस हां, जौन मसीह में हमाओ संगी काम करबेवारो आय, और मोरे प्यारे इस्तखुस हां नमस्कार।

- फिलिप्पियों 1:12

भईया हरौ, मोरी जा चाहना आय, कि तुम जौ समझो कि जो कछु मोय पे बीती, ऊसे पिरभू को जस बढो आय।

- फिलिप्पियों 1:16

कछु जनें तो प्रेमबस परचार करबे से जौ जानत आंय कि मैं इते सुसमाचार हां बचाबे हां आओ।

- फिलिप्पियों 1:27

इत्तो करौ कि तुमाओ जीवन सुसमाचार की बातन जैसो होबै, और चाहे मैं आओं और न आओं मोहां पता चलै, कि तुम एकई मन के बने आव और एक होकें पिरभू की बात दूसरन लौ बताबे में लगे रैत आव।

- फिलिप्पियों 1:5

कायसे तुम पेंला से आज लौ सुसमाचार फैलाबे में मोरे संग्गै रैत आव।

- फिलिप्पियों 1:7

मैं एैसई तुम सब के लाने सोचत आंव, कायसे तुम सबरे जनें मोरे हिये में बसे आव, और चाहे मैं इते जेहल में आंव और सुसमाचार हां प्रचारत आंव तुम सबरे जनें मोरे संग्गै ठांड़े आव।

- फिलिप्पियों 4:2

मैं यूओदिया और सुन्तुखे हां सोई समझात आंव, कि बे पिरभू में एक मन से रैबें।

- कुलुस्सियों 1:7

ओई बातें तुम ने हमाए प्यारे भईया इपफ्रास जौन हमाए संग्गै सेवा करत आय सुनी, इपफ्रास हमाई समझ से पिरभू यीशु मसीह को पक्को काम करबेवारो आय।

- यूहन्‍ना के दरसन कौ खुलासा 13:8

और धरती के बे सब रैबेवारे जिन के नाओं ऊ मेमने की जीवन की पोथी में नईं गए, जो संसार की रचना की बेरा से घात भओ आय, ऊ जनावर की पूजा कर हैं।

- यूहन्‍ना के दरसन कौ खुलासा 17:8

जो जनावर तेंने तको आय, जो पेंला तो हतो, परन्त अब नईयां, जो बिलात गैरे कुण्ड में से कड़ है और विनाश में पड़ है। और धरती के रैबेवारे मान्स जिनके नाओं पेंला से जीवन की पोथी में नईं लिखे गए, ई जनावर की जा हालत तक के, कि पेंला हतो, और अब नईंयां; और अब फिन आ जा है, अजूबा मान हैं।

- यूहन्‍ना के दरसन कौ खुलासा 20:12

फिन मैंने लौरे जेठे सब जनें हां मरे भए हां सिंहासन के सामूं ठांड़ो तको, और पोथी खोली गईं; और फिन एक और पोथी खोली गई, जानो जीवन की पोथी; और जैसो उन पोथियन में लिखो भओ हतो, उन के काजन अनसार मरे भयन कौ न्याव करो गओ।

- यूहन्‍ना के दरसन कौ खुलासा 20:15

जी को नाओं जीवन की पोथी में नईं कड़ो, बो सोई आग की झील में डालो गओ।

- यूहन्‍ना के दरसन कौ खुलासा 21:27

और उते कोऊ गन्दी बस्त और गन्दो काम करबेवारो, और झूठ बनाबेवारो कैसऊ न घुस पाहै; परन्त बे जनें जिन के नाओं जीवन की पोथी में लिखे आंय।

- यूहन्‍ना के दरसन कौ खुलासा 3:5

जो कोऊ इन बातन में पक्को रै है, उन हां ऐसई सफेद उन्ना पैराए जै हैं, और मैं कैसऊ उन को नाओं जीवन की किताब में से न काट हों, मैं परमेसुर और सरगदूतन के सामूं जौ मान लै हों कि जे मोरे जनें आंय।