- फिलिप्पियों 3:14 - Bundeli Holy Bible

¹⁴ मैं आगे हां निसाने पै पहुंचबे हां बढ़ो चलो जात आंव, कि ऊ इनाम पाओं, जीके काजें पिरभू ने मोहां बुलाओ आय कि मोहां सरग पौचाबे।

- फिलिप्पियों 3:14 Cross References

- लूका 16:16

नैम व्यवस्था और आगमवकता यूहन्ना तक रए, ऊ बेरा से परमेसुर के राज कौ भलो सन्देसो सुनाओ जा रओ आय, और हर कोऊ ऊ में जबरदस्ती पिड़त आय।

- रोमियों 11:29

कायसे परमेसुर के बरदान और बुलाहट अटल आंय।

- पैली कुरिन्थियों 9:24

काय तुम हां पता नईंयां, कि दौड़ में बिलात जनें दौड़त आंय, अकेले इनाम एकई को मिलत आय, तुम ऊंसई दौड़ो कि इनाम पा जाओ।

- दूसरी कुरिन्थियों 4:17

कायसे हमाओ छिन भरे की परेसानी हमाए काजें खास मान देत आय।

- फिलिप्पियों 3:3

कायसे हमाओ खतना भओ, हम परमेसुर की आत्मा मैं होकें ध्यान करत आंय, और पिरभू की जय मानत आंय अपनी नईं।

- कुलुस्सियों 2:18

उन से धोका न खाईयो जौन ऐसे दिखात आंय कि बड़े कोंरे मन के आंय, जौन सरगदूतन की पूजा करत आंय परन्त तुम हां ऊ इनाम से जौन तुम हां मिलो चईये ऊ में बिलोरा डालत आंय। ऐसो मान्स बेसमझी की बातें करत आय और स्वारथी आय।

- 1 थिस्सलुनीकियों 2:12

कि तुमाओ जीवन जैसो परमेसुर चाहत आय ऊं सो होबै, जीने तुम हां अपने राज में बुलाओ आय।

- 2 तीमुथियुस 1:9

जीने हमाओ तरन तारन करो, और हम हां अपनौ बना लओ, जौ हमाए पुण्य के कामन से नईंयां; परन्त परमेसुर की दया से भओ आय।

- इब्रानियों 3:1

सो भईया हरौ, तुम सब उनके जनें आव, और यीशु मसीह हां जौन प्रेरित और हमाए महायाजक आएं ध्यान धरौ।

- इब्रानियों 6:1

सो अब हमें समझवारो हो जाओ चईये, जौन पिरभू मसीह की पेंला की बातें नईं, परन्त बड़े हो जाबो चईये, कि समझें कि हम ने कैसे अपने बुरय कामन हां छोड़ के अपनो चित्त परमेसुर की बातन पै लगाओ।

- 1 पतरस 1:13

ई काजें अपनी अपनी बुद्धि की करयाई कस के, और हुसयार रैके ऊ किरिया की पूरी आसा राखो, जौन पिरभु यीशु के उजागर होबे की बेरा तुम हां मिलबेवारो आय।

- 1 पतरस 5:10

अब परमेसुर जौन सबरी दया कौ दाता आय, जीने तुम हां मसीह में अपनी सदा की मईमा के लाने बुलाओ आय, तुमाए तनक बेरा लौ पीड़ा उठाबे के पाछें खुद तुम हां सिद्ध, पक्को, सकतीवान और पक्को कर है।

- 2 पतरस 1:3

ओई परमेसुर की बलसकती ने सबई कछु जौन जीवन और भक्ती से समबन्ध राखत आय, हम हां ओई की पैचान से दओ आय, जीने हम हां अपनी मईमां और साजे गुनो के अनसार बुलाओ आय।

- यूहन्‍ना के दरसन कौ खुलासा 3:21

जौन पक्को निकल है, मैं ऊहां अपने संग्गै सिंहासन पै बैठा हों।