- फिलिप्पियों 2:8 - Bundeli Holy Bible

⁸ और मान्स बनके ई संसार में आए और खुदई नेंचें हो गए, और परमेसुर की अग्या मानके क्रूस पै मरबे हां तईयार हो गए।

- फिलिप्पियों 2:8 Cross References

- मत्ती 17:2

उन के आंगू ऊको रूप बदल गओ और ऊको मों सूरज घांई चमक उठो, और ऊके उन्ना उजाले जैसे चमकदार हो गए।

- मत्ती 26:39

फिन बो उन से तनक आंगू बढ़ो और मों के बल गिरो, और जा बिनती करन लगो, ओ मोरे बाप, जदि हो सकत आय, तो जौ कटोरा मोय से टल जाबै; फिन भी मोरी नईं, पर तोरी मनसा पूरी होय।

- मत्ती 26:42

फिन ऊने दूसरी बेर जाके जा बिनती करी; ओ मोरे बाप, अगर जौ मोरे पिये बगैर नईं टल सकत तो तोरी मनसा पूरी होबै।

- लूका 9:29

जब बो बिन्तवाई कर रओ हतो, तो ऊके चेहरे कौ रूप बदल गओ: और ऊकौ उन्ना सफेद होकें चमकन लगो।

- यूहन्‍ना 10:18

कोई ऊहां मोय से नईं छीनत, पर मैं ऊहां अपने आपई देत आंव: मोय ऊहां देबे को हक भी आय, और फिन ले लेबे कौ भी हक आय: जौ हुकुम मोय अपने बाप से मिलो आय।

- यूहन्‍ना 14:31

परन्त जौ ई लाने भओ कि संसार जान ले कि मैं बाप से प्रेम करत आंव, और जी तरहां बाप ने मोय हुकुम दओ आय, वैसई मैं ऊ को पालन करत आंव, उठो, इते से चलें।

- यूहन्‍ना 15:10

जदि तुम मोरे हुकुम कौ पालन कर हौ, तो तुम मोरे प्रेम में बने रै हौ, वैसई जैसो मैंने अपने बाप के हुकम को मानो है, और ऊके प्रेम में बनो रहत आंव।

- यूहन्‍ना 4:34

यीशु ने उन से कई, मोरी रोटी जा आय कि अपने पठैबेवाले की मन की बात पूरी करों और ऊ को काज पूरो करों।

- प्रेरितन के काम 8:33

ऊ की दीनता के काजें ऊकौ न्याय नईं होने पाओ, ऊ टैम के मान्सन के बारे में को लेख को कर है, कायसे धरती से ऊकौ प्राण उठाओ जात आय।

- रोमियों 5:19

कायसे जैसो एक मान्स के हुकम न मानबे सें बिलात जनें पापी ठैरे, ऊंसई एक मान्स के हुकम मानबे से बिलात जनें धरमी ठैर हैं।

- दूसरी कुरिन्थियों 8:9

तुम हमाए पिरभू यीशु की दया जानत आव, कि बे धनी होकें तुमाए लाने कंगाल बने कि उनके कंगाल होबे से हम धनी हो जाबें।

- गलतियों 3:13

मसीह जौन हमाए काजें श्रापित कहाए, हम हां मोल लेके नैम के श्राप से छुड़ा लओ कायसे ऐसो पोथी में लिखो आय, कि जौन काठ में लटकाओ जै है ऊ श्रापित आय।

- तीतुस 2:14

उन ने अपने आप अपनो बलदान करो, कि हम हां सबरे पापन से दूर करबें, और हम हां साजो कर के ऐसे बनाबें जौन धरम के काज में लगे होबें।

- इब्रानियों 12:2

और हम अपनी नजर हां यीशु मसीह पै लगाबें; जौन हमें आगे लै चलत आय, जिन ने क्रूस पै चढ़ाए जाबे की निन्दा सई; और आज मजे से अपने बाप के संग्गै सरग में सिंहासन पै बिराजे आंय।

- इब्रानियों 12:4

तुम में से कोऊ पाप से लड़त भओ ऐसो नईं लड़ो कि तुमाओ रकत बहो।

- 1 पतरस 2:24

बो खुद हमाए पापन हां अपनी देयां पे लएं भए क्रूस पे चढ़ गओ, जीसे हम पापन के लाने मर के धार्मिकता के लाने जीवन बिताएं; ओई के मार खाबे से तुम साजे भए।

- 1 पतरस 3:18

ई लाने कि मसीह ने सोई, जाने कि अधरमी जन के लाने धरमी ने पापन के काजें एक बेर पीड़ा भोगी, जीसे हम हां परमेसुर के ऐंगर पोंचाबें: बो देयां के लेखे से मार डालो गओ, पर आत्मा के लेखे से जिलाओ गओ।