- फिलिप्पियों 2:25 - Bundeli Holy Bible

²⁵ और मैंने इपफ्रुदीतुस जानें मोरो भईया, और संग्गै काम करबेवारे सिपाई जैसो, जो तुम ने मोरी सेवा हां पठैव हतो, ऊहां मैंने तुम लौ पठैबे को मन बनाओ आय।

- फिलिप्पियों 2:25 Cross References

- यूहन्‍ना 13:16

मैं तुम से सांची सांची कहत आंव, कि चाकर अपने मालक से बड़ो नईं; और न पठैव भओ अपने पठैबेवाले से बड़ो होत आय।

- यूहन्‍ना 17:18

जैसे तेंने मोय संसार में पठैव, मैंने सोई उन हां संसार में पठैव आय।

- रोमियों 16:3

प्रिसका और अक्विला हां जौन मसीह यीशु में मोरे संग्गै काम करबेवारे आंय, नमस्कार।

- रोमियों 16:9

उरबानुस हां, जौन मसीह में हमाओ संगी काम करबेवारो आय, और मोरे प्यारे इस्तखुस हां नमस्कार।

- पैली कुरिन्थियों 3:9

कायसे कि हम परमेसुर के संग्गै काम करबेवारे आंय; तुम परमेसुर की खेती और परमेसुर के बनाए भए आव।

- दूसरी कुरिन्थियों 2:13

तो मोरो मन ठण्डो न पड़ो, कायसे भईया तीतुस मोहां नईं मिलो; सो उनसे विदा लैके मैं मकिदुनिया कोदाऊं चलो गओ।

- फिलिप्पियों 2:26

कायसे ऊ को हिया तुम से जुड़ो हतो, और किलपत रैत हतो, तुम ने ऊ की बीमारी की खबर सुनी हती।

- फिलिप्पियों 4:18

मोरे लौ सब कछु आय, और बिलात सोई आय: जौन बस्तें तुम ने इपफ्रुदीतुस के हाथन पठैई हतीं बे मोहां बहुतई साजी लगीं, बे मानो ऊ बली जैसे आय, जी की गन्ध और बलदान से परमेसुर खुस होत आय।

- फिलिप्पियों 4:3

और मोरे भले जनो जिन ने मोरे संग्गै सेवा करी आय तुम से बिनती करत आंव, कि तुम उन बईयरन को हाथ बटाओ, जौन मोरे संग्गै सुसमाचार के परचार में लगी रईं, उन ने मोरे और क्लेमेंस के संग्गै मिलके बहुत काम करो, उन के नाओं जीवन की पोथी में लिखे आंय।

- कुलुस्सियों 1:7

ओई बातें तुम ने हमाए प्यारे भईया इपफ्रास जौन हमाए संग्गै सेवा करत आय सुनी, इपफ्रास हमाई समझ से पिरभू यीशु मसीह को पक्को काम करबेवारो आय।

- कुलुस्सियों 4:11

और यीशु जो यूस्तुस कहात आय, तुम हां नमस्कार कैत आंय। और इस्राएली लोगन में से जेई जनें मोरे संग्गै सेवा करत रय आंय, और इन से मोहां खीब अच्छो लगो आय।

- 1 थिस्सलुनीकियों 3:2

और हम ने तीमुथियुस हां जौन यीशु मसीह में हमाओ भईया, और परमेसुर को बचन परचार करबेवारे आंय, तुम लौ पठैव कि बो तुम हां बिसवास में पक्को करे।

- फिलेमोन 1:24

और मरकुस और अरिस्तर्खुस और देमास और लूका जौन मोरे संग्गै काम करत आंय, तोहां नमस्कार कैत हैं।

- इब्रानियों 3:1

सो भईया हरौ, तुम सब उनके जनें आव, और यीशु मसीह हां जौन प्रेरित और हमाए महायाजक आएं ध्यान धरौ।