- फिलिप्पियों 1:10 - Bundeli Holy Bible

¹⁰ कि तुम चीनो कि कौन सी बात तुमाए काजें भली आय, और जब लौ पिरभू फिन के आहें; तुम पवित्तर और बिन खोट के बने रओ।

- फिलिप्पियों 1:10 Cross References

- उत्पत्ति 20:5

का ओई ने खुद मोए सें नईं कई, ‘बा मोरी बहन आय?’ और ऊ बईयर ने भी खुद कई, ‘ऊ मोरो भईया आय;’ मैंने तौ अपने मन के खरेपन और अपने ब्‍योहार की सच्‍चाई सें जौ काम करो।”

- मत्ती 16:23

तब ऊने मुड़के पतरस से कई, हे शैतान मोरे सामने से दूर हो: तें मोरे लाने ठोकर कौ कारन आय; कायसे तें परमेसुर की बातन पे नईं, पर मान्सन की बातन पे मन लगात आय।

- मत्ती 26:33

ई पे पतरस ने ऊसे कई, जदि सबरे तोरे काजें ठोकर खाएं तो खाएं, पर मैं कभऊं नईं खै हों।

- यूहन्‍ना 1:47

यीशु ने नतनएल हां अपनी कोद आत हेर के ऊके बारे में कई, तको, सही में एक इस्राएली आय: जी में कोऊ छल नईंयां।

- यूहन्‍ना 3:20

कायसे हर एक जौन बुरओ करत आय, ज्योत से बैर करत आय, और ज्योत के ऐंगर नईं आत, कि कऊं ऊके काज दिखा न जाबें।

- प्रेरितन के काम 24:16

ई लाने मैं भी परमेसुर और मान्सन के आंगू अपनी सोच हां निरदोस बनाए धरबे की सदा कोसिस करत आंव।

- रोमियों 12:2

और ई संसार के जैसे न बनो; पर तुमाए समज के नए हो जाबे से तुमाओ चाल सोई बदलत जाबे, जी से तुम परमेसुर की साजी और भावती, और सिद्ध अभलाखा अनुभव से मालूम करत रओ।

- रोमियों 12:9

दिखाबे कौ प्रेम न होबै; बुराई से दूर रओ; भलाई में लगे रओ।

- रोमियों 16:17

सो हे भईया हरौ, मैं तुम से बिन्तवाई करत आंव, कि जौन मान्स ऊ सीख के बिरुद्ध जौन तुम ने सीखी आय, फूट डालबे और ठोकर खिलाबे के काजें कछु करें, उन हां ताड़ लए करे; और उन से दूर रओ।

- रोमियों 2:18

और ऊ की मनसा जानत और नैम व्यवस्था सीख के साजी साजी बातें तोय अच्छी लगत आंय।

- रोमियों 7:16

जदि जौन मैं नईं चाहत और ओई करत आंव, तो मैं मान लेत आंव, कि नेम व्यवस्था भली आय।

- रोमियों 7:22

कायसे मैं भीतर आत्मा से परमेसुर की व्यवसथा से खुस रैत आंव।

- रोमियों 8:7

कायसे देयां की मन्सा अनसार चलबो तो परमेसुर से बैर धरबो आय, जा बात न तो परमेसुर की नेम व्यवस्था के आधीन आय, और न हो सकत आय।

- पैली कुरिन्थियों 1:8

बो तुम हां आखीर तक पक्को सोई कर है, कि तुम हमाए पिरभु यीशु के फिन के आबे के दिना लौ बिना लांछन ठैरो।

- पैली कुरिन्थियों 10:32

तुम न यहूदियन, न यूनानियन, और न परमेसुर की मण्डली के लाने उपटा के कारण बनो।

- पैली कुरिन्थियों 8:13

ई काजें जदि खैबो मोरे भईया हां ठेस खबाए, तो मैं कभऊं कोऊ भांत से मांस न खै हों, न होबे कि मैं अपने भईया को उपटा कौ कारण बनों।

- दूसरी कुरिन्थियों 1:12

कायसे हम अपने हिये की जा बात मानत आंय, कि और ऊ पै बड़वाई करत आंय, कि संसार में और तुमाए बीच हमाई चाल परमेसुर को भाबेवारी पवित्तर और सांची हती, और ऐसो संसार के ज्ञान से नोंई, अकेले परमेसुर की दया से भई।

- दूसरी कुरिन्थियों 2:17

कायसे हम बिलात जनों जैसे नईंयां, जौन परमेसुर की बातन में कछु दूसरी बातें जोड़ देत आंय; अकेले हिये से, परमेसुर की बातें परमेसुर हां मानो सजीव देखत मसीह में कैत आंय।

- दूसरी कुरिन्थियों 6:3

हम जो नईं चाहत कि कोई बात से तुमहां ठेस लगे, कि हम जानें सेवा करी ऊहां कोऊ बुरओ न कैबें।

- दूसरी कुरिन्थियों 8:8

मैं ऊ अग्यां तो नईं करत, अकेले दूसरन की खुसी से तुमाओ प्रेम सांचो आय जौ परखबे को कैत आंव।

- गलतियों 5:11

अकेले भईया हरौ, जैसे मैं अबै लौ खतना की बात करत आंव, तो काय हां मोहां परेसान करो जात आय; क्रूस से जौन डर हतो बो चलो गओ।

- इफिसियों 4:15

अकेले प्रेम में सूदे चलत, सबरी बातन में जौन मुखिया आय, जानो मसीह में बढत जाओ।

- इफिसियों 5:10

और जौ जांचो, कि पिरभू हां का अच्छो लगत आय?

- इफिसियों 5:27

पिरभू यीशु मसीह ने मण्डली हां एक बढ़िया मण्डली करो, और ऊहां सबरे दोस से दूर करके अपने लौ खड़ी होबे लाक बनाओ।

- इफिसियों 6:24

जौन जनें हमाए पिरभू यीशु मसीह से पूरे मन से प्रेम राखत आंय, उन सबरन पै दया होत रए।

- फिलिप्पियों 1:16

कछु जनें तो प्रेमबस परचार करबे से जौ जानत आंय कि मैं इते सुसमाचार हां बचाबे हां आओ।

- फिलिप्पियों 1:6

और मोहां पक्को बिसवास आय, कि जीने तुम में तरन तारन को काज करो आय, ओई यीशु मसीह के आबे लौ पूरो कर है।

- फिलिप्पियों 2:16

तुम ऐसई बने रए तो मोहां जो गरब हुईये, कि जौन सेवा मैंने तुमाए बीच मैनत से करी बो ऊं सई नईं गई।

- 1 थिस्सलुनीकियों 3:13

कि बो तुमाए मन हां पक्को करे, कि जब हमाओ पिरभू यीशु मसीह अपने मानबे वारन के संग्गै फिन के आबें, तो हम परमेसुर के सामूं पक्के और सांचे माने जाबें।

- 1 थिस्सलुनीकियों 5:21

सबरी बातन हां परखो जौन साजी होबें उन हां मानो।

- 1 थिस्सलुनीकियों 5:23

सान्ति दैबेवारे परमेसुर तुम हां साजो राखे; और तुमाई आत्मा, प्रान और देह हमाए पिरभू यीशु मसीह के आबे लौ बिन खोट बने रैबें।

- यहोशू 24:14

ई लाने अब यहोवा परमेसुर कौ डर मानकें ऊकी सेवा खराई और ईमानदारी सें करो; और जौन देवतन की सेवा तुमाए पुरखा महानदिया के ऊ पार और मिस्र में करत हते, उनहों दूर करके यहोवा परमेसुर की सेवा करो।

- 1 यूहन्‍ना 4:1

भईया हरौ, सबरे मान्सन की बात न मानो: परन्त उनकी बात हां परखो, कि बे बातें परमेसुर से आंय कि नईंयां; कायसे मुतके अगमवकता ई संसार में हो गए आंय।

- यूहन्‍ना के दरसन कौ खुलासा 2:2

कि तोरे कामन हां, और पूरी मेहनत, और तोरो धीरज जानत आंव; और जौ भी कि तें बुरय लोगन हां नईं चाहत; और जौन अपने आप हां प्रेरित कहत आंय, पर हैं नईंयां, उन हां तेंने परख के लबरा पाओ।