Mikeya 5:2 - Bhibhiliya Nya Guage

² Ni uwe Bhetlehema wa Efrata, ambari u gu dugwana vbakari nya mazanazana ya Judha, khavbo gwago gu na duga uye a na khalago mufumeli wa Israyeli, uye a nga bani ari gitugulwana gukhugela gikhatini gya gale, gukhugela matshiguni ma si vbeligo.

Mikeya 5:2 Cross References

Matewu 2:6

Uwe Bhetlehema, litigo la Judha, khu vbindrwi khu mayigo nya makhongolo ya Judha, kholu muthangeli a na gu thangelago vathu vangu va na Israyeli, a na duga khavbo gwago!”

Johane 7:42

Ina kha yi ganeli Milowo khiyo Kristo a na dugela nyumbani ya Dhavhidhe, tigoni ga Bhetlehema, a gu umo a nga velegedwa umo Dhavhidhe, gani?”

Dzindzimo 90:2

Khu gale, sigomo na si ngari mwalo, na wu si gu vangi litigo ni mafu, uwe u Nungungulu kala gupindruga!

Isaya 11:1

Khu tshinani ga Jese, gu na thunga litamo, khu mikhambani gwaye, gu na buga pfhundre.

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

Vakolosi 1:17

Uye a di romo na gu si gu vangwi gilo, khuye a tiyisago silo satshavbo.

Gutuledwa 19:16

Vbatshokatunu nya mwendra wu fenengedzago giwunu gyaye, gu lovidwe pwani: “Pfhumu nya dzipfhumu; Mufumeli nya vafumeli.”

1 Samuweli 17:12

Dhavhidhe a diri gyanana gya Jese, Muefrata, givelegwa gya Bhetlehema wa Judha. Jese a diri ni livbandre na siraru sanana, gambe a di gumbide gikhatini gya Sawule.

Genesi 48:7

“Na nyi guta khu Padhani-Arami, Rakeli a di nyi fela tigoni ga Khanani, vbakari nya ndzila, na gu tshade pfhukhana nya gukari gu vbweta gu vboha Efrata; nyi mu dzingide vbale ndzilani nya guhongole Efrata, a gu Bhetlehema.”

1 Johane 1:1

Hi ngu mi lovelani khu mahungu ya wule a nga bani a romo gukhugela guhegulani, uye hi mu pwidego ni gu mu wona khu maho yathu. Khu lisine, ethu hi mu wone, hi wuya hi mu phara khu mandza. Ha gu ganela khu Lito nya guvbanye.

Vahebheru 13:8

Jesu Kristo khuye wa moyo, wa vbanova, wa muhuno, ni wa gikhati gyatshavbo.

Matewu 28:18

Khavbo avbo, Jesu a di hidzimela, a va embela, khuye: “Nyi ningidwe tshivba yatshavbo nya gufume Ndzadzini ni mafuni.

Rute 4:11

Vathu vatshavbo va nga bani varomo vbatshanganotunu, gumogo ni madhota va di hakha, khavo: “Ethu hi dzifakazi, Pfhumu Nungungulu, a na gire nyamayi yoyo a belago muhuno nyumbani gwago, kha nga Rakeli ni Liya, khu wuvili wawe va vbahidego nyumba ya Israyeli. Khu guralo, uwe Bhowazi tiya longo omu Ewufrate, ni lina lago li na dhumiswe omu Bhetlehema.

Genesi 35:19

Rakeli a difa a gu dzingwa ndzilani nya guhongole Efrata, a gu Bhetlehema.

Vahebheru 7:14

Hi ngu dziti gukhethu, khu guvelegwa, Pfhumu yathu a di gu lumba nyumba ya Judha. Aholu, Mosi kha ganela gilo khu lihundzu leli gikhati a nga ganela khu vaphasi nya mhamba.

Amosi 9:11

Khu litshigu lolo, nyi na wusa gambe tshatsha wa Dhavhidhe wu thegidego. Nyi tshikedzela malufa yaye, nyi wusa marumbi yaye. Nyi na wu vbahedza nga idzo wu nga bani ma romo khidzo khu gale;

Jeremiya 30:21

Moyo wawe a na khala muthangeli, vbakari gwawe a na duga mufumeli, nyi na mu ranisa, uye a na hidzimela vbafuvbi gwangu; kholu khu mani a na tiyelago gu vboha vbafuvbi gwangu? A ngu ganela Pfhumu Nungungulu

Isaya 53:2

Kholu githumi gyangu gi di dandra mbeli ga Pfhumu Nungungulu kha nga litamo li thungago, mwendro kha nga khamba mafuni nya gihala; a diri mwalo giemo nya gutsakise mwendro wumburi.

1 Samuweli 10:19

Khu guralo, enu muhuno mu kanyiside Nungungulu wanu, a mi vbulugisidego guvivbani gwanu ni mithumoni yanu yatshavbo, mu mu embela, khenu: Hi emisele mufumeli. Khu guralo, tshanganani mbeli ga Pfhumu Nungungulu khu mahundzu yanu, khu sikwata sanu nya likhumi mazana (1.000).”

Luka 23:38

Khu vbatshani gwaye gu di lovidwe milowo khu gigereki ni Gihebheru, pwani: “OYU KHU MUFUMELI WA VAJUDHA.”

Luka 23:2

Va di phela gu mu ketsari, khavo: “Hi mane oyu mwama na gu kutsedzela vathu gu wugela mufumo, khuye: Mu nga livbini khupho ga Sezari, ni gukhuye uye kamwe khuye mufumeli Kristo.”

1 Dzikoronika 5:2

Judha a diri ni tshivba vbatshani ga vandriyaye vatshavbo, wufumu wu dzude khavbo gwaye; aholu fanelo nya wutiwula, ya gu lumba Josefe.)

1 Dzikoronika 4:4

ni Penuweli, babe wa Gedhori; Ezeri a diri babe wa Husa; esi khiso sanana sa Huri, matiwula ya Efrata babe wa Bhetlehema.

Ekisodha 18:21

Uwe hatha vbakari nya vathu vatshavbo, vama nya gukari nya vadi ni lisine, va thavago Nungungulu, vama va tumbegidego, va si dzumeligo gurengeledwa, u va vega kha nga vathangeli nya likhumi mazana, nya lizana, nya livbandre magumi ni nya likhumi.

Gutuledwa 21:6

A di nyi embela gambe, khuye: “Satshavbo si giregide! Eni kheni Guphela ni Mahegiso (Alfa ni Omega). Oyu a gu ni lidora nyi na mu ninga a sela mahala mati nya gifefe nya guvbanye.

Gutuledwa 2:8

Lovela ngilozi ya libandla la Esmirina, khuwe: “Wule a gu Guphela ni Guhegisa; wule a ngafa a wuya a wuga, wari, khuye:

Dzindzimo 132:6

Hi pwide gupwani ngasa nya gidzumeledzwano yomo Efrata, aholu hi diya yi manela thembweni ga Jahari.

1 Dzikoronika 2:54

Sanana sa Salima khesi: Bhetlehema ni va na Netofati, Atiroti-Bheti-Jowabi ni Hazi-hamanahati ni Zeruwa.

1 Samuweli 23:23

Indrani mu ya wudzisela sihogo saye satshavbo a sihalago umo, mu wuya mu ta nyi ninga lisine. Khavbo avbo, nyi na hongola nanu; uye a gu bani na guromo khu lisine tigoni mule, nyi na ya mu vbweta vbakari nya mazanazana nya Vajudha.”

1 Samuweli 17:18

Dzega gambe likhumi sibaba sesi nya gugirwe khu mahwe uya ningela muthangeli nya masotshwa yawe. U vbweta guti vandriyago va ngu wuga kharini, u nyi resela gitiviso.

Dhewuteronome 1:15

Khu guralo, nyi hathide vathangeli nya mahundzu yanu, vama nya guti ni mapimo, nyi va gira vathangeli vbakari gwanu, vathangeli nya likhumi mazana, vathangeli nya lizana, vathangeli nya livbandre magumi, vathangeli nya likhumi ni manganagana, gukhedza khu mahundzu yanu.

1 Samuweli 8:12

vambe a na va gira dzindruna nya sikwata nya likhumi mazana, vambe nya sikwata nya livbandre magumi; vambe va lima marembwe yaye ni guvbwera dzimbewu dzaye; vambe va pfhula matshari nya nyimbi ni simbi nya dzikareta dzaye.

Ekisodha 18:25

Mosi a di hatha vbakari nya vathu vatshavbo va na Israyeli, vama nya vadi a va emisa mbeli nya vathu kha nga vathangeli nya likhumi mazana, nya lizana, nya livbandre magumi ni nya likhumi.

Matewu 2:1

Na velegidwe Jesu tigoni ga Bhetlehema ga Judheya matshiguni ya mufumeli Herodhi, va di vboha Jerusalema vagengeli va nga bani va guta khu Khugadambo.

Genesi 35:16

Va di khuga khu Bheteli, gu nga tshade pfhukanyana gasi gu vboha dhoropani ga Efrata, Rakeli a di hefemula gyanana khu gugaradzega ngudzu.

Valamuli 17:7

Gu diromo lidzaha limwedo nya Mulevhi nya gudugele Bhetlehema ga Judha, nya lihundzu la Judha, uye a di luvede mule.

Rute 1:1

Ga gikhati valamuli va nga bani va gu fuma, gu di manega ndzala tigoni ga Israyeli. Mwama nya gukari wa Bhetlehema tigoni ga Judha, a di hongola ni mwangadzi waye gumogo ni sanana saye sa sivili aya luvela tigoni ga Mowabhi.

Isaya 55:4

Wonani gukhenu, nyi mi emisede gu khala fakazi ga va nya mayigo, muthangeli ni mwamangulu nya mayigo.

Hoseya 6:3

Hongoleni hi muti Pfhumu Nungungulu, hi na dzi garadze khu gu vbweta gu muti. Uye a nata gu fanana ni Wuronga, a nata avbo gwathu kha nga ndzadzi nya gilimo, ndzadzi nya maronga yi naganisago mafu, kha na tandrega guta hi phasa.

Zakariya 13:7

Uwe litshari, khuga u wugela Muhavisi wangu, ni gu wugela mwama a gu mubangaladzi wangu, a ngu ganela Pfhumu Nungungulu nya Tshivba Yatshavbo. Bayisa Muhavisi dzi fela gu phalalega dzinvuta, Eni nyi na thawuludza libogo nyi phasedzela avo nya vadugwane.

Isaya 7:14

Khu guralo, Pfhumu kamwe a na gu ninga giwonegiso gimwegyo a gu egi: “Nyamahegyane nya likendzi a na khura mimba a velega gyanana nya gikhwathana, a na gi riyago lina nya gupwani Emanuweli.”

Mikeya 4:10

Uwe lidhoropa la Siyoni, vbisega nga nyamayi a vbwetago gu velega, kholu u na duga dhoropani u ya khala khabini, u vboha kala Bhabhiloni; khiyo u na gu ya tshudziswago iyo. Khiyoyo Pfhumu Nungungulu, a na gu tshudzisa mandzani ga valala vago.