फिलिप्पि 4:6 - बारेली पावरी

⁶ कानलीत वातोन चिंता मा कोरू; बाकीन होर एक वातोमा तुमरो मांगनो, प्रार्थना एने विनतान लारे धन्यवाद साते परमेश्वर ओगोव उबराखाय जाय.

फिलिप्पि 4:6 Cross References

मत्ती 10:19

जेतार चे तुमुक धोरावसे ती जी चिंता घोन कोरता कि आमु काहनला रितीसी एने काय कोयसु, काहाकि जो काय तुमु काजे कोयनो रोयसे, चो तिने टेमे तुमु काजे कोवाय जासे.

मत्ती 13:22

जो झाडक्यामा वेरायलो होतो, यो चो छे, जू वचन काजे सोमोवतलु छे, बाकीन चे इना संसारोन चिंता एने धोनोन धुकू वचन काजे दाब देतला छे, एने चो फोव नी लावतलो,

मत्ती 6:34

एरेन कोरता वाहनेन चिंता मा कोरु, काहाकि वाहनेन दाहळू आपनी चिंता खुद कोर लेसे; आजून कोरता आजून दुख सोवटो छे.

मत्ती 6:8

इनान कोरता तुमु तिंदरे सारखा मा बोनु, काहाकि तुमरू बास तुमरा मांगनेसी पेहेले जानतलु छे कि तुमुक काय जुवतलो छे.

लुका 10:41

प्रभू तिनी काजे जोवाब आप्यू, “मार्था, हे मार्था; तू घोणा वातोन कोरता चिंता कोरतेली एने घाबराय तेली.

लुका 12:22

ओवतेन येसु आपना चेला काजे कोयू, “इनान कोरता मे तुमु काजे कोयो, आपना जीवन चींता नि कोरनो; कि आमु काय खाजे; नी आपना डीलोन कि काय पेहेरसू.”

लुका 12:29

एने तुमु इनी वातोन हेरमा मा रोयू कि काय खासु एने काय पीसू, एने नी शंका कोरु.

लुका 18:1

ओवतेन येसु एरा बारामा कि, हमेशा प्रार्थना कोरणे एने हिंमत नि छुळनो जुवे, तीनुक यु दाखलू कोयू.

लुका 18:7

इनान कोरता परमेश्वर आपना नेवाळलान काय नि नियाव कोरे, यु रात ने दाहळू तेरी प्रार्थना कोरतू रोयसे? काय चू तिना बारामा वार लागाळ छे?

1 कुरीन्थियो 7:21

कोबी तू दासोन देसोमा बुलावाय गोयलु छे ती चिंता मा कोरे; बाकीन कोदि तू मोकवू होय सोके, ती ओसोच काम कोर.

1 कुरीन्थियो 7:32

आखरी मे मेसेक यो जुवे कि तुमु चिंता नी होये बिना वियाव वावू आदमी प्रभून वातोन चिंतामा रोयतलु छे कि प्रभू काजे कोसू प्रसन्न राखो.

2 कुरीन्थियो 1:11

तुमु बी मेवायीन प्रार्थनान लारे आमरी मदत कोरसु कि जो वरदान जादा जोनान लारे आमुक जोळ्यो, तिनान वोजेसी जादा माणसे आमरे भूनी गोथा धन्यवाद कोरे.

इफिसीयो 5:20

एने हमेशा आखा वातोन कोरता आपना प्रभू येसुन मसिहन नावोसी परमेश्वर बासोन धन्यवाद कोरता रोयू.

इफिसीयो 6:18

हर टेमे एने हर भातीसी आत्मान प्रार्थना, एने विनता कोरता रोयू कि आखा चुखला माणसोन कोरता जागता रोये कि आखा पवित्र माणसोन कोरता लगातार विनता कोऱ्या कोरु.

कुलुस्सि 3:15

मसिहमा शांती जिनान कोरता तुमु एक डील होयीन बुलावला छे तुमरा मोनमा राज कोरे, एने धन्यवाद कोरता रोये.

कुलुस्सि 3:17

वचनमा नीती कामोमा जो कायबी वात कोरु आखो प्रभू येसुन नावोसी कोरु, एने तिनान लारे परमेश्वर बासोन धन्यवाद कोरु.

कुलुस्सि 4:2

प्रार्थनामा लागला रोयू, एने धन्यवाद साते आमरेन कोरता जागता रोयू.

1 तीमथी 2:1

हिमी मे आखा गोथू पेहेले यो रावन्या कोरो कि विनता, एने प्रार्थना, एने निवेदन, एने धन्यवाद आखा माणसोन कोरता रोये.

1 तीमथी 5:5

जे छाचलीन रोंडायला छे, एने जेरा कुदू नी होय, ची परमेश्वर पोर आस राखे, एने रात दाहळू विनता एने प्रार्थनामा मग्न रोयतली छे;

1 पतरस 4:7

आखा चीजोन नाश होयन्यो छे; एरेन कोरता एक मोन होयीन प्रार्थना कोरता रोयू.

1 पतरस 5:7

आपनो आखा चिंता तेरे पोर नाख देवू, काहाकि चू तुमरी चिंता कोरतेलू छे.