फिलिप्पि 4:3 - बारेली पावरी

³ जे खोरला साथीदारमा तुसे काजे बी विनता कोरो कि तू तीनु बायराण मदत कोर, काहाकि चे मारे साते वारली खोबर कोयनेमा क्लेमोस एने दिसरा साती साते मेहनत कोऱ्या, जिंदरो नाव जीवनी किताबमा लिखायलो छे.

फिलिप्पि 4:3 Cross References

लुका 10:20

ते बी इनापोरसी खुश मा होयू कि भुंडली आत्मा तुमरा ताबामा छे, बाकीन इनापोरसी खुश होयू कि तुमरो नाव सोरगोमा लिखलो छे.

रोमी 12:1

इनान कोरता हे भाशो एने बोहनिश्या, मे तुमु काजे परमेश्वरोन दया फोम आपीन विनता कोरो कि आपना डीलो काजे जीवतला, एने चुखला एने परमेश्वर काजे गोवणे वावा चीजे बलिदान कोरीन चोळावू यित तुमरी आत्मिक आराधना छे.

रोमी 16:12

त्रुफेना एने त्रूफासा काजे जू प्रभूमा मेहनत कोरला छे, नमस्कार मारा मोंगावा पिरसिस काजे, जी प्रभूमा जादा मेहनत कोरली, नमस्कार.

रोमी 16:9

उरबानूस काजे, जू मसिहमा आमरू साथीदार छे, एने मारू मोंगावू इस्तखुस काजे नमस्कार.

फिलिप्पि 1:12

हे भाशो, मारी मोर्जी छे कि तुमु यो सोमजी लेवू कि मारे पोर जो वितलो छे, तीनासी वारली खोबरोन बोढती होयली छे.

फिलिप्पि 1:16

कुदू एक ते ओसो सोमजीन कि मे वारली खोबरोन प्रचारोन कोरीन जोवाब आपनेन कोरता ठेराय गोयलु छे, मोंगसी वारली खोबर प्रचार कोरतेला छे.

फिलिप्पि 1:27

निसतो ओतरो कोरु कि तुमरो चाल चलन मसिहन वारली खोबरोन लायक रोये कि मे आवीन तुमुक देखो, नीती नी बी आवो, तुमरे बारामा सोमवो कि तुमु एकुत आत्मामा पाका रोयू, एने एक मोन होयीन वारली खोबरोन भुरसान कोरता मेहनतोन कोरता रोयतला.

फिलिप्पि 1:5

इनान कोरता कि तुमु पेहेले दाहळे गोथो हिमी तोक वारली खोबरोक पोसरावनेमा मारे साते जुळायला होता.

फिलिप्पि 1:7

वारू छे कि मे तुमरे आखान कोरता ओसोत विचार कोरो, काहाकि तुमु मारा मोनोम आव लागला छे, एने मार बंदीमा एने वारली खोबरोन कोरता जोवाब एने माप आपनेमा तुमु आखा मारे साते दयामा एखठा होयू.

फिलिप्पि 4:2

मे युवदी काजे बी सोमजाडो एने सुंतखे काजे बी कि चे प्रभूमा एक मोनोसी रोये.

कुलुस्सि 1:7

तेरी शिक्षा तुमु आपना मोंगावा साथीदार इपफ्रास गोथू आव्यु जू आमरेन कोरता मसिहन विश्वासी सेवक छे.

प्रकाशित वाक्य 13:8

कोवीन चे आखा रोयने वावा, जिंदरे नावे तिना गाडरा काजे जीवनोन किताबमा लिखाय नी गोयो जू जोगोन पेहलेत टेमे घात होयलू छे, तिना चिल्लान पूजा कोरसे.

प्रकाशित वाक्य 17:8

जो जोनावर तू देखलू छे चू पेहेले ते होतु बाकीन हिमी नी होय, एने उंडा खाडामा गोथू निकवीन विनाशमा पोळसे; एने कोवीम रोयने वावा जिंदरो नाव जोगोन घोडनेन टेमे जीवनोन किताबमा लिखाय नी गोयो, तिना जोनावरोन जी दशा देखीन कि पेहेले होतु एने हिमी नी होय एने पोछु आव लागसे, नोवलाय कोरसे.”

प्रकाशित वाक्य 20:12

पोछु मे नानला मोटला आखा मोरला काजे सिहासनोन सामने उभरोहलू देख्यू, एने किताबे उगळी गोया; एने ओवी पोछि एक किताब उगळाय गोयी; मतलब जीवनोन किताब; एने जोसो तिना किताबमा लिखायलो होतो, तोसोच हिंदरा कामोन अनसारे मोरलान नियाव कोराय गोयू.

प्रकाशित वाक्य 20:15

एने जेरो कुदान नाव जीवनोन किताबमा लिखायलो नि जोळ्यो, चू आगठान झीलमा घालाय गोयू.

प्रकाशित वाक्य 21:27

बाकीन हेरेमा कुदू विटोव चीजे, नीती भुंडला काम कोरणे वावा, नीती झुटान गाळने वावू काहना रितीसी जाय नि सोके, बाकीन निस्ता चे माणसे जिंदरा नावे गाडरान जीवनोन किताबमा लिखला छे.

प्रकाशित वाक्य 3:5

जे जय हासील कोरे तीनुक इना रितीन धोव्वा छिंदरा पेरावसे, एने मे तेरो नाव जीवनोन किताबमा गोथो कानला रितीसी नी निकावो; बाकीन हेरो नाव आपनु बास एने आपना सोरग दूतो सामने मान लीस.