फिलिप्पि 2:9 - बारेली पावरी

⁹ इना वोजेसी परमेश्वर तीना काजे घोनु महान बी बोनाव्यू एने तीनाक चो नाव जो आखा नावोमा मोटो छे.

फिलिप्पि 2:9 Cross References

मत्ती 11:27

“मारू बास मेसेक आखो काहीन सोप देदलु छे; एने कुदू बासो काजे नी उवखतलु, निस्तु; पुऱ्या काजे; एने चू जीना पोर पुऱ्यु तीनाक देखाळने हिंडे.”

मत्ती 28:18

येसु तिंदरेनचा आवीन कोयू, “सोरग एने कोवीन आखो होक मेसेक आपाय गोयलो छे.

लुका 10:22

मारू बास मेसेक आखो काहीन आप देदलु छे; एने कुदु नि जानतलो कि पुऱ्यु कुन छे निस्तू बास, एने बास कुन छे ज्योबी कुदू नी जानतला निसतो पुऱ्यान तोरोफसी चू जीना पोर पुऱ्यु तीनाक प्रकट कोरतेलू.

योहान 13:3

येसु, यो जानीन कि बास आखो काहीन मारा हातोमा कोर देदलु छे एने मे परमेश्वरोनचा गोथू आव रोयू एने परमेश्वरोनचा जाम,

योहान 17:11

मे हिमी जोगोमा नि रोयो, बाकीन जे जोगोमा रोयसे, एने मे तारेनचा आवो हे चुखलु बास, आपना तीना नावोसी जो तू मेसेक आपलु छे तीनुक सोमाव कि चे आमरेन तोसा एक होये.

योहान 17:12

जेतार मे हिंदरे पुठी होतु, ती मे तारा तीना नावोसी, जो तू मेसेक आपलु छे तिनान राखवावी कोऱ्यु. मी तेरी पुस-पास कोऱ्यु, एने नाशोन पुऱ्या काजे छुळीन तिंदरेमा गोथू मोटलु नाश नी होय, इनान कोरता कि पवित्र शास्त्रामा जो कोवाय गोयलो चो पुरो होये.

योहान 17:5

हिमी हे बासो, तू आपने साते मारी महिमा तिनी महिमासी कोर जो जोगोन कोवोन पेहेले, मारी तारे साते होती.”

प्रेषित 5:31

तीना काजे परमेश्वर प्रभू काजे छुटकारू आपन्यु ठेरावीन आपने जेवळे हाते उचू कोर देदू छे, कि चू इस्राईल काजे मोन फिरावनेन ताकत पापोन माफी आप सोके.

इफिसीयो 1:10

कि टेमोन पुरो होयने पोर जो काय सोरगोमा एने धोरती पोर आखो काय चो मसिहमा एखठा कोरे.

कुलुस्सि 1:18

चू डील, मतलब मंडवीन मुंडको छे, चू पेहेलू छे, एने मोरलामा गोथू जीव उठने वावामा पेहेलू चू प्रधान ठोरे.

2 थिस्सलुनीकियो 1:12

काहाकि आमरू परमेश्वर एने प्रभू येसुन मसिहन दयान अनसारे आमरा प्रभू येसुन नाव तुमरेमा महिमा आपे एने तुमु तीनामा.

इब्रानियो 1:4

एने सोरग दूतो सी तोतरुत मोटू ठेऱ्यू, जोतरू चू तिंदरे गोथा मोटो पोदन वारीस होयीन मोटो नाव हासील कोर लेदू.

इब्रानियो 1:9

तू धर्म सी मोंग एने अधोरम साते दुष्मोनी कोरतेलू छे, इना वोजेसी परमेश्वर, तारू परमेश्वर तारा सातीदारो सी बी बोडीन खुशीन तेलोसी ज्यादा अभिषेक कोरलु छे.

इब्रानियो 12:2

एने भुरसान कोरता एने पुरो कोरणे वावा येसु भूनी तुमरी नोजोर लागाळ रोयू, जू तिना खुशीन कोरता जो तेरे ओगोव मेकलो होतो लाजवायनेन चिंता नी कोरीन ख्रुसोन दुख झेल्यू, एने परमेश्वरोन सिहासनोन जेवळे धोळे जायीन बोश्यू.

इब्रानियो 2:9

बाकीन आमु तीना काजे मतलब येसु काजे जू थुलाक टेमोन कोरीन सोरग दूतो सी कोम कोराय गोयू, मोरोनोन दुख हाकेलनेन कोरीन महिमा एने आदरोन मुकुट पेहेरलु देखला, काहाकि परमेश्वरोन मोंगसी चू आखान मोरोनोन चव चाखे.

1 पतरस 3:22

चू सोरग पोर जाईन परमेश्वरोन जेवळे धोळे बोठ गोयू; एने सोरग दूत एने अधिकारी एने ताकत वावा तेरे अधीन कोराय गोयला छे.

2 पतरस 1:17

काहाकि जेतार चू परमेश्वर जून आदर एने महिमा जोडी एने प्रतापमय महिमासी जी आवाज आयु, “यु मारा मोंगावा पुऱ्यु छे, जेरेसी मी खुश छे.”

3 योहान 1:7

काहाकि चे तिना नावोन कोरता निकवी रोया, एने दिसरा जात्या पुठी काय नि लेतला.

प्रकाशित वाक्य 1:5

एने येसु मसिह जुव गोथो जू भुरसान योग्य गोवा एने मोरलामा गोथू जीव उठने वावामा पेहेलुत एने धोरतीन राजान हाकिम छे, तुमुक अनुग्रह एने शांती जोळती रोये. चू आमरे पुठी मोंग कोरतेलू, एने चू आपना लुयोन लारे पापोसी छुळावतलो छे,

प्रकाशित वाक्य 11:15

तेत्यार सातवू सोरग दूत फेपाऱ्यो फुक्यू, ती सोरगोमा एरा बारामा मोटला-मोटला बुले होयने बाज गोया, “जोगोन राज आमरा प्रभून एने हेरा मसिह होय गोयो, एने चू कायम राज कोरसे.”

प्रकाशित वाक्य 19:16

तेरा छिंदरापोर एने तेरा जागा पोर यो नाव लिखलो छे, “राजान राजा एने प्रभून प्रभू.”

प्रकाशित वाक्य 3:21

जो जय हासील कोरे, मे तीनाक मारे पुठी मारा सिहासन पोर बोसाळीस, जोसू मे बी जय हासील कोरीन मारा बासो पुठी तेरा सिहासन पोर बोठ गोयू.

प्रकाशित वाक्य 5:12

एने चे उचला बुलोसी कोयता होता, “खुन कोराय गोयलु गाडरुत, ताकत एने धोन एने ग्यान एने ताकतवान एने मान एने गौरव एने धन्यवादन लायक छे.”