फिलिप्पि 2:8 - बारेली पावरी

⁸ एने माणसोन रुपमा आवीन आपनो खुदो काजे दिन कोर देदू एने न्या तोक आग्याकारी रोयू कि ख्रुसोन मोरोन बी सोहोन कोऱ्यु.

फिलिप्पि 2:8 Cross References

मत्ती 17:2

चा तिंदरे सामने तेरो रूप बदली गोयो, एने तेरो मुय सूर्यान तोसो चोमक्यो एने तेरा डोगला दिवा सारखा विजावो होय गोया.

मत्ती 26:39

ओवतेन येसु थुलूक ओगु जायीन उबळू पोळ गोयू; एने जी प्रार्थना कोऱ्यु, कि हे मारा बास ओगर होय सोके ती यो दुख मारेनचा गोथो तोव जाय बाकीन जोसो मे लागे तोसो नि बाकीन जोसो तूसेक लागे तोसोत होयने दे.”

मत्ती 26:42

एने चू दिसरे कावा जायीन एने प्रार्थना कोऱ्यु कि, “हे मारा बासो, अगर यो मारे पिये बिना नी छेटो होय सोकतो ती तारी मोर्जी पुरी होये.”

लुका 9:29

जेतार चू प्रार्थना कोरणेत बाज रोयू होतु, ती तेरा चेहरान रूप बोदोल गोयो, एने तेरा छिंदरा धोव्वा सोप होयीन चोमोकने बाज गोया.

योहान 10:18

कुदू तीनाक मारेंचा गोथू हापके नी, बाकीन मी तीना काजे आपसुत आप देतलू छे मेसेक तिनान आपनेन बी होक छे, एने तीनाक पोछु लेनेन बी होक छे जी आग्या मारा बासो जू गोथी मेसेक जोळली छे.”

योहान 14:31

बाकीन यो इनान कोरता होय रोयो कि जोग जाणे कि मे बासोपोर मोंग कोरतेलू छे, एने जोसो बास मेसेक आग्या आपलु मे तोसोच कोरतेलू छे. उठू, न्या गोथा जाता.

योहान 15:10

कोदि तुमु मारी आग्या काजे मानसु, ती मारा मोंगोमा जुळायीन रोयसू; जोसु कि मे मारा बासोन आग्या काजे मानतलु छे, एने तेरा मोंगमा जुळायीन रोयलु छे.

योहान 4:34

येसु तीनु काजे कोयू, “मारो खाणो यो छे कि मेसेक मुकलने वावान मोर्जीन अनसारे चालो एने तेरो काम पुरो कोरो.

प्रेषित 8:33

तेरी नम्रतामा तेरु न्याय नि होय सोक्यू एने तेरे टेमेन माणसोन वर्णन कून कोरसे काहाकि धोरतीमा गोथू तेरु जीव उठाळ लेतलू.”

रोमी 5:19

काहाकि जोसो एक माणसोन आग्या नी माननेसी घोणा सोवटा माणसे पापी गीनायसे, तोसात एक माणसोन आग्या माननेसी घोणा सोवटा माणसे धोरमी गीनायसे.

2 कुरीन्थियो 8:9

तुमुक आपना प्रभू येसु मसिहन दया मालूम छे कि चू धोनवान होयीन बी तुमरेन कोरता गोरीब बोन गोयू, काहाकि तेरे गोरीब होयनेसी तुमु धोनवान बोन जावू.

गलातियों 3:13

मसिह जू आमरेन कोरीन शापित बोन्यू, आमुक मुले लीन नियम शास्त्रान श्रापमा गोथू छुळाव्यू काहाकि लिखलो छे “जू कुदु ख्रुस पोर चोळावतला चू शापित छे.”

तीतुस 2:14

जू खुद काजे आमरेन कोरता आप देदू कि आमु होर एक भातीन पापोमा गोथू छुळाव लेय एने चुखा कोरीन आपनेन कोरता एक ओसी जात बोनाव लेये जे वारला-वारला कामोमा तीयार जुवे.

इब्रानियो 12:2

एने भुरसान कोरता एने पुरो कोरणे वावा येसु भूनी तुमरी नोजोर लागाळ रोयू, जू तिना खुशीन कोरता जो तेरे ओगोव मेकलो होतो लाजवायनेन चिंता नी कोरीन ख्रुसोन दुख झेल्यू, एने परमेश्वरोन सिहासनोन जेवळे धोळे जायीन बोश्यू.

इब्रानियो 12:4

पापोसी लोळायता जायीन तुमु ओसी लोळायी नी कोऱ्या कि तुमरो लुय वोयलो होय.

1 पतरस 2:24

चू खुद आपना पापो काजे, आपनी डील पोर लीन ख्रुस पोर चोळ गोयू, जेरेसी आमु पापोन कोरता मोरीन धारमिकतान कोरता जीवन जीवसु, तेरे मार खाणेसी तुमु वारला होया.

1 पतरस 3:18

एरेन कोरता मसिह भी, मतलब अधोरमीन कोरता धोरमी, पापोन वजेसी एक कावा दुख झेललु तेत्यार आमु काजे परमेश्वरोनचा पुगाळे, चू डीलोन भाव से ती माराव देदा, बाकीन आत्मान भावमा जीवतु होय जासे.