फिलिप्पि 2:7 - बारेली पावरी

⁷ बाकीन आपसुत ओसो शून्य कोर देदु एने दासोन रूप धारण कोऱ्यु एने माणसोन सारखु होय गोयू.

फिलिप्पि 2:7 Cross References

मत्ती 12:18

“देखू, यु मारू सेवक छे, जिनाक मे नेवाळलु छे, मारू मोंगावू, जीनासी मे खुश छे मे मारी आत्मा तीना काजे आपीस, एने चू दिसरा जातीन नियावोन वारली खोबर कोयसे.”

मत्ती 20:28

जोसो कि माणसोन पुऱ्यु चू इनान कोरता नि आव्यु कि तेरी सेवा कोरणे नि बाकीन सेवा कोरणे एने घोना सोवटा काजे छुटकारान कोरता आपनु जीव अरपण कोरे.

मरकुस 9:12

येसु तीनु काजे जोवाब आप्यू, “एलिया छाचलीन पेहेले आवीन आखो काय सुदारसे, बाकीन माणसोन पुऱ्यान बारामा यो काहा लिखलो छे कि चू घोनो दुख उठावसे, एने विटाव गीनायसे?”

लुका 22:27

काहाकि मोटू कुन छे जू खाणे बोस रोयू, कि यु चाकरी कोरणे बाज रोयू? काय नि यु खाणे बोस रोयू? बाकीन मे तुमरे इचमा एक चाकरोन तोसु छे.

योहान 1:14

एने वचन देहधारी होयो; एने दया एने खोरलायसी पुरो होईन आमरे इचमा वस्ती कोऱ्यु, एने आमु तेरी ओसी महिमा काजे देख्या, जोसो बासोन एखला जून महिमा.

रोमी 1:3

आपनु पुऱ्यु आपना प्रभू येसु मसिहन वारली खोबरोन बारामा वायदू कोरलु होतु, जू डीलोन भावशी दाऊदन पिढीमा पोयदा होयू,

रोमी 15:3

काहाकि मसिह आपना खुदो काजे खुश नि कोऱ्यु, बाकीन जोसो लिखलो छे “तारी बुराईन बुराई मारे पोर आव पोडी.”

रोमी 15:8

इनान कोरता मे कोयो कि जी वायदू बाप दादा काजे आपाय गोयली होती तीनुक पाका कोरनेन कोरता मसिह, परमेश्वरोन खोरलायीन सबूत आपनेन कोरता, सुंता कोरला माणसोक सेवक बोनाव;.

रोमी 8:3

काहाकि जो काम नियम डीलोन वोजेसी कमजोर होयीन नि कोर सोकी, तीनुक परमेश्वर कोरलु छे, मतलब तेरात पुऱ्या काजे पापमय डीलोन सारखो, एने पापोन बलिदान होयनेन कोरता मूकल्यु, डीलोमा पापोन दोंडोन आग्या आप्यू.

2 कुरीन्थियो 13:4

चू कोम ताकतोन वोजेसी ख्रुस पोर चोळी ते गोयू, ते बी परमेश्वरोन ताकतसी जीवतलु छे आमु बी तेरेमा कोम ताकत वावा छे, बाकीन परमेश्वरोन ताकतसी जो तुमरेन कोरता छे, तेरे साते जीवसु.

2 कुरीन्थियो 8:9

तुमुक आपना प्रभू येसु मसिहन दया मालूम छे कि चू धोनवान होयीन बी तुमरेन कोरता गोरीब बोन गोयू, काहाकि तेरे गोरीब होयनेसी तुमु धोनवान बोन जावू.

गलातियों 4:4

बाकीन जेतार टेम पुरी होय गोयी ती परमेश्वर आपना पुऱ्या काजे मूकल्यु जू बायरा गोथू जन्मो लेदू एने नियम शास्त्रान तेरे हातोन बोनलु छे.

फिलिप्पि 2:6

जू परमेश्वरोन स्वरूप सारखो होयीन बी परमेश्वर सारखो होयनेन बी आपना ताबामा मेकनेन चीज नी सोमज्यु.

इब्रानियो 12:2

एने भुरसान कोरता एने पुरो कोरणे वावा येसु भूनी तुमरी नोजोर लागाळ रोयू, जू तिना खुशीन कोरता जो तेरे ओगोव मेकलो होतो लाजवायनेन चिंता नी कोरीन ख्रुसोन दुख झेल्यू, एने परमेश्वरोन सिहासनोन जेवळे धोळे जायीन बोश्यू.

इब्रानियो 13:3

बंधनमा जेलमा छे तिंदरी फोम कोरु जोसा तुमु बी तिंदरे साते जेलमा छे, एने तिंदरा विचार कोरु जिंदरे साते दुय कावार कोरे काहाकि तुमरो बी डील छे.

इब्रानियो 4:15

काहाकि आपनु ओसलु महायाजक नी होय जू आपना कोमजूरीमा आपनेपोर दया नी राख सोके, होयु आखा वातोमा आपनेन सारखू पारखाय गोयलु ते बी बिना दोषोन निकव्यू.