फिलिप्पि 2:6 - बारेली पावरी

⁶ जू परमेश्वरोन स्वरूप सारखो होयीन बी परमेश्वर सारखो होयनेन बी आपना ताबामा मेकनेन चीज नी सोमज्यु.

फिलिप्पि 2:6 Cross References

मत्ती 1:23

“देख, एक कुवारी भारीस होयसे एने एक पुऱ्याक जन्मो आपसे, एने तेरो नाव इम्मानुएल मेकायसे,” जेरो मतलब छे-परमेश्वर आमरे पुठी से.

योहान 1:18

परमेश्वर काजे कुदुबी कबी नि देख्यो, एखलुत पुऱ्यु जू बासोन खुवामा छे चू तीनाक सामने लाव्यू.

योहान 10:30

मे एने बास एकुत छे,”

योहान 10:33

यहुदि माणसे जोवाब आप्या, “वारला कामोन कोरता आमु तार पोर दोगळा नि देता बाकीन परमेश्वरोन बुराई कोरनेन वोजेसी; एने इनान कोरता कि तू माणूस होयीन तू खुदो काजे परमेश्वर बोनावतलु.”

योहान 10:38

बाकीन ओगर मे कोरो, ती भोले मार पोर भुरसू मा कोरु, बाकीन तीना कामोन ते भुरसू कोरु, काहाकि तुमु जाणे एने सोमजे कि बास मारेमा छे एने मे बासोमा छे.

योहान 14:28

तुमु सोमव्या कि मे तुमु काजे कोयू, “मे जाम, एने तुमरेनचा पोछु आवीस” ओगर तुमु मार पोर मोंग कोरता, ती इना वातोसी खुश होयता कि मे बासोनचा जाम, काहाकि बास मार गोथू मोटू छे.

योहान 14:9

येसु तिना काजे कोयू, “हे फिलीप, मे ओतरा दाहळासी तुमरे साते छे, एने काय तू मेसेक नि उवेखतू? जू मेसेक देखलू छे चू बासो काजे देखलू छे. तू काहा कोये कि बासो काजे मेसेक देखाळ?

योहान 17:5

हिमी हे बासो, तू आपने साते मारी महिमा तिनी महिमासी कोर जो जोगोन कोवोन पेहेले, मारी तारे साते होती.”

योहान 20:28

यो सोमवीन थोमा जोवाब आप्यू, “हे मारा प्रभू, हे मारा परमेश्वर.”

योहान 5:18

इनापोरसी यहुदि ओवी बी जादा तीनाक मार नाखनेन कोशिश कोरणे बाज गोया, काहाकि चू शब्बाथोन दाहळान नियम काजे ओतरु नि तुडतेलु, बाकीन परमेश्वर काजे आपनु बास कोयीन आपना खुदो काजे परमेश्वर बोराबोर कोयतु होतु.

योहान 5:23

कि आखा माणसे जोसो बासोन मान राखतला छे तोसोच पुऱ्यान बी मान राखू. जू पुऱ्यान मान नि कोरे, चू बासोन जू तीनाक मुकललु छे, मान नि राखतलु.

रोमी 9:5

डाह-डाहा बी तिंदरा छे एने मसिह बी डीलोन रूपसी तीनुमा गोथू होयू जू आखान उपोर परम परमेश्वर पिढ्यान पिढ्या सोयावा होये. आमेन.

2 कुरीन्थियो 4:4

एने तीनु अविस्वासन कोरता जिंदरी बुद्धी इना संसारोन भोगवान आंदवी कोर देदलु छे, काहाकि मसिह जू परमेश्वरोन प्रतिरूप छे, तेरे विजावान वारली खोबरोन विजावो तीनु पोर चोमके.

2 कुरीन्थियो 8:9

तुमुक आपना प्रभू येसु मसिहन दया मालूम छे कि चू धोनवान होयीन बी तुमरेन कोरता गोरीब बोन गोयू, काहाकि तेरे गोरीब होयनेसी तुमु धोनवान बोन जावू.

1 तीमथी 1:17

हिमी कायमोन राजा मतलब अविनाशी, नी देखतला चे, एक मात्र परमेश्वरोन आदर एने महिमा पिढ्यान पिढ्या होयती रोये. आमेन.

1 तीमथी 3:16

इनुमा शंका नी होय कि भोक्तीन फरक गंभीर छे, मतलब होयो जे डीलोमा प्रगट होयलो, आत्मामा धोरमी ठेरायू, सोरग दूत काजे देखायतू दिसरा जातीमा हेरा प्रचार होयलू, जोगोमा हेरे पोर भुरसू कोरलु होतु, एने महिमामा उपर चुटायलु होतु.

तीतुस 2:13

एने इनी सोयावा आसोन मतलब आपना मोटला परमेश्वर एने छुटकारू आपने वावु येसु मसिहन महिमा प्रगट होयनेन वाट जुवता रोयू.

इब्रानियो 1:3

चू तेरी महिमान विजावो एने परमेश्वरोन रुपोन प्रतिरूप छे, एने आखा चीजो काजे हेरो ताकतोन वचनोन लारे सोमावतेलु छे, चू पापो काजे धुवीन उचला जागा पोर महामहीमोन जेवळे धोळे बोस रोयू.

इब्रानियो 1:6

एने जेतार चू पेहेला काजे जोगोमा पोछु लावे ती, कोये, “परमेश्वरोन आखा सोरग दूत तीनाक नोमोन कोरे.”

इब्रानियो 1:8

बाकीन पुऱ्यान बारामा चू कोये “हे परमेश्वर, तारो सिहासन कायमोन छे एने तारा राज दंडन नियाव राज दोंड छे.”

इब्रानियो 13:8

येसु मसिह काल ने आज कायम एक सारखु छे.

प्रकाशित वाक्य 21:6

पोछु चू मेसे काजे कोयू, “जे वाते पुरा होय गोयला छे मे सूरवात एने आखरी पेहेलु एने शेवटलु छे, मे तीसला काजे जीवनोन पाणीन झोरोमा गोथू सेंतमेंत पिवाडीस.