फिलिप्पि 2:12 - बारेली पावरी

¹² इनान कोरता हे मोंगावा जिना रितीसी तुमु हमेशा आग्या मानता आवला छे तोसोत हिमी बी निस्तु मारे साते रोयता जायीन नि बाकीन खास कोरीन हिमी मारे नांबे रोयनेसी बी बिहीता एने कापता जायीन आपना-आपना छुटकारान काम पुरा कोरता जावू.

फिलिप्पि 2:12 Cross References

मत्ती 11:12

योहान बाप्तिस्मा आपनेवावा दाहळे गोथा हिमी तोक सोरगोन राजमा ताकतोन चढाई, एने ताकत वावा तीनाक हापकी लेतला.

मत्ती 11:29

मारो जुवळो आपनेपोर हाकली लेवू, एने मारेसी सीकू; काहाकि मे नम्र एने मोनोन गोरीब छे एने तुमु काजे आपना आत्मामा आराम जोळसे.

प्रेषित 16:29

जेतार चू दिवू मांगाळीन माहाय कापतू जायीन पौलुस एने सिलासोन ओगोव पोळ गोयू.

प्रेषित 9:6

बाकीन हिमी सोहोरमा उठीन जा, एने जो तुसेक कोरनो छे चो तुसेक कोयीस.”

रोमी 2:7

जू वारला कामोन एकुत जागे उबो रोयीण, महिमा एने, आदर, एने ओमोर हेरेमा छे तीनुक चू ओमोर जीवन आपसे;

1 कुरीन्थियो 15:58

इनान कोरता हे मारा मोंगावा भाशो, पाका एने जागेत रोयू, एने प्रभून कामोमा आखामा बोढता जावू, काहाकि यो जानतला छे कि तुमरो मेहनत वायबार नी होय.

1 कुरीन्थियो 2:3

मे बिना ताकतोन एने बिक साते, एने जादा थुर-थुर कापतू जायीन तुमरे साते रोयु.

1 कुरीन्थियो 4:14

मे तुमुक लाजवाडने कोरता ये वाते नि लिखतु, बाकीन आपनु मोंगावू पुऱ्यु जानीन तुमुक कोयो.

2 कुरीन्थियो 7:15

जेतार तुमु काजे आखा आग्याकारी होयनेन फोम आवतेली ती कोसा तुमु बिहीता एने कापता जाईन तेरी भेट लेदा, ती तुमरो मोंग तुमरे तोरोफसी ओवी बी बोढतो जातलो छे,

इफिसीयो 6:5

हे दास, जे माणसे इना जोगोमा मे तुमरा मालक्या छे, आपना खोरला मोनोसी बिहता एने कापता जायीन जोसा मसिहन तोसाच तिंदराबी आग्या माणू.

फिलिप्पि 1:27

निसतो ओतरो कोरु कि तुमरो चाल चलन मसिहन वारली खोबरोन लायक रोये कि मे आवीन तुमुक देखो, नीती नी बी आवो, तुमरे बारामा सोमवो कि तुमु एकुत आत्मामा पाका रोयू, एने एक मोन होयीन वारली खोबरोन भुरसान कोरता मेहनतोन कोरता रोयतला.

फिलिप्पि 1:29

काहाकि मसिहन वजेसी तुमरे पोर यो गिन होयी कि नी तीनु पोर जो भुरसू कोरे बाकीन तिंदरेन कोरता दुख भी उठाव्यू.

फिलिप्पि 1:5

इनान कोरता कि तुमु पेहेले दाहळे गोथो हिमी तोक वारली खोबरोक पोसरावनेमा मारे साते जुळायला होता.

फिलिप्पि 1:6

मेसेक इनी वातोन भुरसू छे कि जू तुमरे पुठी वारला कामो काजे चालु कोरलु छे, चू तीना काजे येसु मसिहन दाहळा तोक पुरा कोरसे.

फिलिप्पि 2:19

मेसेक प्रभू येसुमा आस छे कि मे तीमथीस काजे तुमरेनचा छाटू मुकलीस, काहाकि तुमरा हाल सोमवीन मेसेक शांती जोळे.

फिलिप्पि 4:1

इनान कोरता हे मारा मोंगावा भाशो जीनामा मारो मोन लागलो रोयतेलो छे, जो मारो खुशी एने मुकुट होये, हे मोंगावा भाशो प्रभूमा इना रितीसी बोनला रोयू.

फिलिप्पि 4:15

हे फिलीप वावा तुमु खुदोक मालूम छे कि वारली खोबर प्रचारोन पेहेले जेतार मे मकीदुनीयामा गोथू गोयू, तेत्यार तुमु काजे छुळीन ओवी काहणी मंडवीमा लेन देनोन बारामा मारी मदत नी कोऱ्या.

1 थिस्सलुनीकियो 1:3

एने आपना परमेश्वर एने बासोन सामने तुमरा भुरसान काम, एने मोंगोन मेहनत एने आपना प्रभू येसु मसिहमा आसोन धीरोज काजे एक सारखा फोम कोरतेला.

2 तीमथी 2:10

इनान वोजेसी मे नेवाळला माणसोन कोरता आखो काय सोब देदलु छे, कि चे बी इना छुटकारू काजे मसिह येसुमा छे, ओमोर महिमा पुठी जोळे.

इब्रानियो 12:1

इना वजेसी जेतार कि गोवा एक ओसो मोटला वादवो आपनुक घेरवी रोयो, ती आवू, आखा रुकने वावी चीजे एने घेरनेवावा पाप काजे छेटा कोरीन, जी दोवोळ जीनामा आपनु काजे दोवळनो छे धीर धोरीन दोवळू.

इब्रानियो 4:1

इनान कोरता जेतार कि तेरा आरामोमा जाणेन वायदू हिमी तोक बोनली छे, ती आपुक बिहीन रोयनो जुवे, कोदि ओसो नी मालूम होय कि तुमरेमा गोथू कुदू तीनासी रोय जाय.

इब्रानियो 4:11

इनान कोरता आपनु तिना आरामोन भोरायने कोरता कोशिश कोरु, कोदि ओसो नी होयो कि तीना रितीसी आग्या नी मानणेन वजेसी काहनास माणसोन नाश होय जाय.

इब्रानियो 5:9

चू पाकु बोनीन तेरी आग्यान पालन कोरने वावान कोरता ओमोर जीवनोन छुटकारान झोर बोन गोयू.

1 पतरस 2:11

हे मोंगावा, मी तुमु काजे विनता कोरो कि तुमु खुदो काजे दिसरा देसोन एने पाहांतऱ्या जानीन इना संसारोन लालूच गोथो जू आत्मामा लोळाय कोरतेली छे, वाचीन रोयू.

2 पतरस 3:18

बाकीन आमरा प्रभू एने छुटकारू आपने वावु येसु मसिहन दयामा बोढता जावू, तिनान महिमा हिमी बी छे एने कायम होयती रोयसे. आमेन.