फिलिप्पि 1:8 - बारेली पावरी

⁸ इनाम परमेश्वर मारू गोवा छे कि मे येसु मसिहीन सारका मोंग कोरीन तुमरे आखान लालसाय कोरतेलू छे.

फिलिप्पि 1:8 Cross References

लुका 1:78

यो आमरा परमेश्वरोन इनी मोटीत दयासी होयसे; जिनान वजेसी आमरेपोर सोंदारेन विजावो उगसे,

रोमी 1:9

परमेश्वर जेरी सेवामा आपनी आत्मा काजे तेरा पुऱ्यान वारली खोबरोन बारामा कोयतेला छे होयुत मारू गोवा छे कि मी तुमु काजे काहना रितीसी हमेशा फोम कोरतू रोयतेलू.

रोमी 9:1

मे मसिहमा खोरो कोयो, मे झूट नी बुल रोयू एने मारी सद विवेक बुद्धी बी पवित्र आत्मान गोवायी आपतली.

2 कुरीन्थियो 13:9

जेतार आमु कोम ताकत वावा छे, एने तुमु ताकत वावा छे, ती आमु खुश होयतला छे, एने जी प्रार्थना बी कोरतेला छे कि तुमु पुरा होय जाये.

2 कुरीन्थियो 6:12

तुमरेन कोरता आमरा मोनोमा काय सोवाल नी होय, बाकीन तुमरेत मोनोमा सोवाल छे.

2 कुरीन्थियो 7:15

जेतार तुमु काजे आखा आग्याकारी होयनेन फोम आवतेली ती कोसा तुमु बिहीता एने कापता जाईन तेरी भेट लेदा, ती तुमरो मोंग तुमरे तोरोफसी ओवी बी बोढतो जातलो छे,

गलातियों 1:20

जे वाते मे तुमु काजे लिखने बाज रोयू, देखू परमेश्वरोन उपस्थीती जानीन कोयो कि चे झुटा नी होय.

गलातियों 3:26

काहाकि तुमु आखा तिना भुरसान लारे मसिह येसु पोर जे परमेश्वरोन पुऱ्या बोनसे.

गलातियों 4:19

हे मारा पुऱ्या जेतार तोक तुमरो मोन मसिहन सारखो मोन नी बोने तेत्यार तोक मे तुमरेन कोरीन ओवी दुख सोहोन कोरतेलू छे.

फिलिप्पि 2:1

आखरी, अगर मसिहमा काहीन शांती, एने मोंगसी हिंमत एने आत्मान सहभागीता, एने गिन एने दया छे.

फिलिप्पि 2:26

काहाकि तेरो मोन तुमरे आखामा लागलो होतो इना रितीसी चू दुखी रोयतू होतु काहाकि तुमु तेरी बिमारीन हाल सोमवला होता.

फिलिप्पि 4:1

इनान कोरता हे मारा मोंगावा भाशो जीनामा मारो मोन लागलो रोयतेलो छे, जो मारो खुशी एने मुकुट होये, हे मोंगावा भाशो प्रभूमा इना रितीसी बोनला रोयू.

कुलुस्सि 2:1

मारी मोर्जी से कि तुमु सोमजी जावू कि तुमरे भूनी तिंदरेन कोरता जे लौदीकियामा छे, एने तीनु आखान कोरता जे मारा डीलोन मूय नि देख्यू मे कोसू मेहनत कोरतेलू.

कुलुस्सि 3:12

इनान कोरता परमेश्वरोन नेवाळलान सारखा जे चुखला एने मोंगावी छे, मोटली दया, एने भोलाई एने दीनता एने नम्रता एने सहन शीलता ली लेवू.

1 थिस्सलुनीकियो 2:5

काहाकि तुमु जानतला छे कि आमु ते कोबी कोपटी वाते नि कोऱ्या, एने नि कोबी लालुचोन कोरता, बाहानो कोरता होता, परमेश्वर गोवा छे;

1 थिस्सलुनीकियो 2:8

एने तोसाच आमु तुमरी लालच कोरता जायीन, निस्ता परमेश्वरोन ओतरा नि बाकीन वारली खोबर पोर बी आपनु-आपनु जीव तुमुक आपनेन कोरता तीयार होता, इनान कोरता कि तुमु आमरा गोवता होय गोयलु होता.

2 तीमथी 1:4

एने तारा आसवा काजे फोम कोरीन कोरिन रात दाहळू तुसेक भेट कोरने कोरीन लालूच राखो कि खुशीसी भराय जाम.

फिलेमोन 1:12

तीना काजे मतलब जू मारा डीलोन कावजो छे, मे तारेनचा पोछु मुकली देदलु छे.

फिलेमोन 1:20

हे भाश जी खुशी मेसेक प्रभूमा तार तोरोफसी जोळे. मसिहमा मारा जीवो काजे निवो कोच कोर दे.

1 योहान 3:17

बाकीन जिना कुदा जुव जोगोन धोन छे एने चू तेरा भाशो काजे गोरीब देखीन तेरो पोर गिन नि कोरनो जुवे, ती तेरेमा परमेश्वरोन मोंग कोसो बोनीन रोय सोकसे?