फिलिप्पि 1:7 - बारेली पावरी

⁷ वारू छे कि मे तुमरे आखान कोरता ओसोत विचार कोरो, काहाकि तुमु मारा मोनोम आव लागला छे, एने मार बंदीमा एने वारली खोबरोन कोरता जोवाब एने माप आपनेमा तुमु आखा मारे साते दयामा एखठा होयू.

फिलिप्पि 1:7 Cross References

प्रेषित 20:23

निसतो यो कि पवित्र आत्मा होर नगरमा गोवायी आपी आपीन मेसेक कोये कि बंधन एने दुख तारेन कोरता तीयार छे.

प्रेषित 21:33

तेत्यार पालटनोन सोरदार साते आवीन तीना काजे धोर लेदू; एने दुय साकवमा बांदनेन आग्या आप्यू पुछने बाज गोयू, “यु कून छे, यु काय कोरलु छे?”

1 कुरीन्थियो 13:7

ची आखा वाते सोहोतली, आखा वातोन पारोख कोरतेली, आखा वातोन भुरसू कोरतेली, आखा वातोन धीर धोरतली.

1 कुरीन्थियो 9:23

मे यो आखो काहीन वारली खोबरोन कोरता कोरो कि दिसरान साते तिंदरो भागीदार होय जाम.

2 कुरीन्थियो 3:2

आमरी चिट्ठी तुमुत छे, जो आमरा मोनोन लिखली छे एने तीनाक आखा माणसे उवेखतला एने भोनतेला.

2 कुरीन्थियो 7:3

मे तुमु काजे गुणावा ठेरावनेन कोरता यो नि कोयतु काहाकि मे पेहेलेसी कोय देदलु छे कि तुमु आमरा मोनोमा ओसा बोस गोया कि आमु तुमरे साते मोरने जीवने कोरीन तीयार छे.

गलातियों 5:6

मसिह येसुमा संता वावा एने नी सुंता कोरला काय कामोन नी होय, बाकीन निसतू भुरसू, जू मोंगोन लारे प्रभाव पाळतलु.

इफिसीयो 3:1

इना रितीसी मे पौलुस जो तुमु दिसरा जातीन कोरता प्रभू येसुन मसिह बांधायलु छे.

इफिसीयो 4:1

इनान कोरता मे जू प्रभूमा बांदायलु छे तुमु काजे विनता कोरो कि जिना बुलावला गोथो तुमुक प्रेषितोन छे तेरे सारखी चाल चालू.

इफिसीयो 6:20

जिनान कोरता मे साकव्यासी बांधलु राजदूत छे; एने यो बी कि मे इतरा वारामा जोसो मेसेक लाग्यो हिंमतसी बुलो.

फिलिप्पि 1:12

हे भाशो, मारी मोर्जी छे कि तुमु यो सोमजी लेवू कि मारे पोर जो वितलो छे, तीनासी वारली खोबरोन बोढती होयली छे.

फिलिप्पि 1:13

न्या तोक कि केसरोन राजघोरोन आखी टुवू एने रोयला आखा माणसोमा यो प्रगट होय गोयो कि मे मसिहन कोरता बंदी छे.

फिलिप्पि 1:14

एने प्रभूमा जे भाशे छे, तीनुमा गोथा लोकेत मारे बंदी होयनेन वजेसी हिंमत धोरीन परमेश्वरोन वचन बिंदास सोमवनेन होर कोरतेला.

फिलिप्पि 1:5

इनान कोरता कि तुमु पेहेले दाहळे गोथो हिमी तोक वारली खोबरोक पोसरावनेमा मारे साते जुळायला होता.

फिलिप्पि 2:22

बाकीन तीना काजे ते तुमु पारखी एने जानी बी रोया कि जोसू पुऱ्यु बास साते कोरतेलू तोसोत वारली खोबरोन कोयनेमा मारे साते मेहनत कोरतेलु.

फिलिप्पि 4:14

ते बी तुमु भोलो कोऱ्या कि मारा साती बोन्या.

फिलिप्पि 4:15

हे फिलीप वावा तुमु खुदोक मालूम छे कि वारली खोबर प्रचारोन पेहेले जेतार मे मकीदुनीयामा गोथू गोयू, तेत्यार तुमु काजे छुळीन ओवी काहणी मंडवीमा लेन देनोन बारामा मारी मदत नी कोऱ्या.

फिलिप्पि 4:3

जे खोरला साथीदारमा तुसे काजे बी विनता कोरो कि तू तीनु बायराण मदत कोर, काहाकि चे मारे साते वारली खोबर कोयनेमा क्लेमोस एने दिसरा साती साते मेहनत कोऱ्या, जिंदरो नाव जीवनी किताबमा लिखायलो छे.

कुलुस्सि 4:18

मेसेक पौलुसोन मारा हातोन लिखला नमस्कार, मारा साकव काजे फोम कोरजू, तुमरे पोर मोंग होयती रोये. आमेन.

कुलुस्सि 4:3

एने इना साते-साते आमरेन कोरता बी प्रार्थना कोरता रोयू, कि परमेश्वर आमरेन कोरता वचन सोमवाळनेन ओसू झोपलु उगाळ देदू कि आमु मसिहन तिना भेदोन वर्णन कोर सोके जिनान वजेसी मे बंदीमा छे.

1 थिस्सलुनीकियो 5:5

काहाकि तुमु आखा विजावान पुऱ्या एने दाहळान पुऱ्या होयसे; आमु नि रातन छे, नि आंदारान छे.

2 तीमथी 1:8

इनान कोरता आत्मा प्रभून गोवायी सी एने माही सी जू तेरु बंदी छे लज्जीत नी होये बाकीन इना परमेश्वरोन ताकतोन ओनसारे वारली खोबरोन कोरता मारे पुठी दुख वेठ्या.

2 तीमथी 2:9

जिनान कोरता मे भुंडला कामो सारखु दुख झेल रोयू या तोक कि बंदी वानी छे बाकीन परमेश्वरोन वारली खोबर बंदीवान नी होय.

फिलेमोन 1:13

तीनाक मे मारेंचा राखणे होतु कि चू तारा तरफसी इना बंदीमा जे वारली खोबरोन वोजा छे, मारी सेवा कोरे.

इब्रानियो 3:1

इनान कोरता हे चुखला भाशो, तुमु जे सोरगोन बुलावनेन सहभागी छे, तिना प्रेषित एने महायाजक येसु पोर जीनाक आमु मानतला मोन लागाळू.

1 पतरस 4:13

बाकीन जोसो-जोसो तुमु मसिहन दुखोमा सहभागी होयतला छे, खुशीमा रोयू, जीनासी तेरी महिमा प्रकट होयते सोमय भी तुमु खुशीसी भोराय जावू.

1 पतरस 5:1

एरेन कोरता मी जो तुमु आखा डाह-डाहा छे, मसिहन दुखोन गोवा छे, एने देखायने वावी महिमामा भागी होयीन तीनुक यो सोमजाडो,

2 पतरस 1:13

मी यो आपनेन कोरता वारलो सोमोजतलु छे कि जेतार तोकून मे या डील छे, तेत्यार तोक तुमु काजे फोम देवाळी-देवाळीन जागतू रोयीस.

1 योहान 3:14

आमु उवेखतला कि आमु मोरनेमा गोथा निकवीन जीवनोमा पुग रोया; काहाकि आमु भाशोसी मोंग कोरतेला छे जू मोंग नी कोरतेलू चू मोरनेन दशामा रोयतलु.