फिलिप्पि 1:6 - बारेली पावरी

⁶ मेसेक इनी वातोन भुरसू छे कि जू तुमरे पुठी वारला कामो काजे चालु कोरलु छे, चू तीना काजे येसु मसिहन दाहळा तोक पुरा कोरसे.

फिलिप्पि 1:6 Cross References

योहान 6:29

येसु तीनुक जोवाब आप्यू, “परमेश्वरोन काम योत छे कि तुमु तीना पोर, जीनाक चू मुकलु छे, भुरसू कोरु,”

प्रेषित 11:18

चो जे सोमवीन हुगात रोय गोया एने परमेश्वरोन बोढाई कोरता जायीन कोये बाज गोया तेत्यार ते परमेश्वर दिसरा जाती काजे जीवनोन कोरता मोन फिरावनेन वरदान आपलु छे.

प्रेषित 16:14

लुदिया नावोन थुआतीरा देसोन जामन्या रोगोंन कापळा वेचने वावी एक भोक्तोन बायर सोमवी रोयी होती, प्रभू तेरु मोन उगाळ देदू कि ची पौलुसोन वातो पोर ध्यान लागाळे.

1 कुरीन्थियो 1:8

चू तुमुक आखरी तोक पाकु बी कोरसे कि तुमु आमरा प्रभू येसु मसिह दाहळामा गुणावावा नि गीनाये.

2 कुरीन्थियो 1:15

इना भुरसासी मेसेक लागतो कि पेहेले तुमरेनचा आवो कि तुमुक एक ओवी दान जोळे;

2 कुरीन्थियो 2:3

एने मे जीत वात तुमु काजे इनान कोरता लिख्यू कि कोदि ओसो नी होये कि मारे आवनेसी, जीनासी मेसे काजे खुशी जोळनो जुवे मे तिंदरेसी नाराज होयो काहाकि मेसेक तुमरे आखापोर इनी वातोन भुरसू छे कि जू मारा आनंद छे, चोत तुमरा आखान बी छे.

2 कुरीन्थियो 7:16

मे खुशीमा छे, काहाकि मेसेक होर एक वातोमा तुमरे पोर पुरू भुरसू छे.

2 कुरीन्थियो 9:4

ओसो नि होयो कि ओगर कुदू माणूस मकीदुनीया मायलु मारे साते आवे एने तुमु काजे तीयारीमा नि देखे, ती होय सोके कि इना भुरसान वजेसी आमु (यो नि कोयता कि तुमु) लाजवाय जाय.

गलातियों 5:10

मे परमेश्वर पोर तुमरा भुरसामा भुरसू मेकतलु कि तुमरु काहीन दिसरू विचार नी रोये; बाकीन जे तुमु काजे बिहाळतला छे, चू कुदू काहा नि होय दोंड जोळसे.

इफिसीयो 4:12

जीनासी चुखला माणसे तीयार होय जाय एने सेवान काम कोराय जाय एने मसिहन डीलोन बोढतो जाय.

फिलिप्पि 1:10

न्या तोक कि तुमु वारलासी वारला वातो काजे वारलो सोमजू, एने मसिहन दाहळा तोक खोरला बोनीन रोयू.

फिलिप्पि 1:29

काहाकि मसिहन वजेसी तुमरे पोर यो गिन होयी कि नी तीनु पोर जो भुरसू कोरे बाकीन तिंदरेन कोरता दुख भी उठाव्यू.

फिलिप्पि 2:12

इनान कोरता हे मोंगावा जिना रितीसी तुमु हमेशा आग्या मानता आवला छे तोसोत हिमी बी निस्तु मारे साते रोयता जायीन नि बाकीन खास कोरीन हिमी मारे नांबे रोयनेसी बी बिहीता एने कापता जायीन आपना-आपना छुटकारान काम पुरा कोरता जावू.

फिलिप्पि 2:13

काहाकि परमेश्वर ओतरू छे जू तेरी खुदोन मोर्जीन कोरता तुमरा मोनोमा मोर्जी एने काम, दुयू वातो काजे कोरनेन ओसोर नाख्यू.

फिलिप्पि 2:16

कि मसिहन दाहळामा मेसेक मोटाय कोरनेन मतलब रोये कि नी मारो दोवळनो नी मारी मेहनोत कोरनो वायबार होयो.

कुलुस्सि 2:12

एने तेरे साते बाप्तिस्मामा गाळाय गोया एने तीनामा परमेश्वरोन ताकत पोर भुरसू कोरीन जू तीनाक मोरलाम गोथू जीवाळ्यू तेरे साते जीव उठ्या.

1 थिस्सलुनीकियो 1:3

एने आपना परमेश्वर एने बासोन सामने तुमरा भुरसान काम, एने मोंगोन मेहनत एने आपना प्रभू येसु मसिहमा आसोन धीरोज काजे एक सारखा फोम कोरतेला.

2 थिस्सलुनीकियो 1:11

इनान कोरता आमु हमेशा तुमरेन कोरता प्रार्थना बी कोरतेला कि आमरू परमेश्वर तुमुक इना बुलावलान लायक सोमजे एने भोलाईन होर एकन मोर्जी एने भुरसान हर एक कामो काजे ताकत पुठी पुरा कोरे.

2 थिस्सलुनीकियो 3:4

आमुक प्रभूमा तुमरे पोर भुरसू से कि जी-जी आग्या आमु तुमुक आपला छे, तुमु तीनुक मानतला छे, एने मानता भी रोयू.

फिलेमोन 1:21

मे तारी आग्या माननेवावू होयनेन भुरसू कोरीन तुसेक लिखो एने यो सोमजो कि जो काय मे कोयने बाज रोयू, तू तीनाम गोथू लोकेत बोढीन कोरिस.

इब्रानियो 10:35

इनान कोरता आपनु भुरसू मा छुळू जेरो महान प्रतीफोव छे.

इब्रानियो 12:2

एने भुरसान कोरता एने पुरो कोरणे वावा येसु भूनी तुमरी नोजोर लागाळ रोयू, जू तिना खुशीन कोरता जो तेरे ओगोव मेकलो होतो लाजवायनेन चिंता नी कोरीन ख्रुसोन दुख झेल्यू, एने परमेश्वरोन सिहासनोन जेवळे धोळे जायीन बोश्यू.

1 पतरस 5:10

तुमु इतरीक वार तोकलीत झेलीन आखो दयान परमेश्वर छे, जू तुमु काजे येसु मसिहमा तेरी ओमोरकाईन महिमान कोरता बुलावलु, चू खुद तुमु काजे सिद्ध, पाक्का ताकत वावा एने स्थिर कोरसे.

2 पतरस 3:10

बाकीन प्रभून दाहळू चुटान सारखो आवी जासे, तिने दाहळे सोरगोमा मोटलो आवाज बुलोसी जातु रोयसे एने कोवी जाताच ताती होयीन पीगवी जासे एने कोवी एने तिना पोरला कामे बी बोवी जासे.