फिलिप्पि 1:1 - बारेली पावरी

¹ मसिह येसुन सेवक पौलुस एने तीमथीन तोरोफसी, आखा चुखला माणसोन नावे जे येसु मसिहमा रोयीण फिलीप्पी देसोमा रोयता होता, पुढारी एने सेवक साते.

फिलिप्पि 1:1 Cross References

मरकुस 13:34

यो तिना माणसो तोसी हालत छे, जु पोरदेश जाणेन टेमे आपनो घोर छुळीन जाय, एने आपना पावोर काजे होक आप देय; एने होर एक जोना काजे तेरो काम देखाळ देये, एने राखवाव काजे जागतू रोयनेन आग्या आपे.

योहान 12:26

ओगर कुदु मारी सेवा कोरसे ती, मारे पोछोव चालू; एने चा मे छे, चा वारू सेवक बी रोयसे ओगर कुदु मारी सेवा बी कोरसे ती, बास तेरु मान कोरसे.

प्रेषित 1:20

भजन संहितान किताबमा लिखलो छे, तेरो घोर उजळी जाय, एने तीनामा कुदू नि वोसे, एने तेरो पोद कुदु दिसरू ली लेये.

प्रेषित 20:28

इनान कोरता आपनी एने आखा टूवान तोपास कोरु जीनामा पवित्र आत्मा तुमुक पुढारी ठरावलु छे, कि तुमु परमेश्वरोन मंडव्यान राखवावी कोरे, जीनाक चू आपना लुयसी मुले लेदला छे.

प्रेषित 9:13

हनन्या जवाब आपी, हे प्रभू मी लोकेत इना माणसोन बारामा सोमवाळलू छे कि यु यरुशलेममा तारा चुखला माणसो काजे कोतरू नुकसान कोरलु छे.

रोमी 1:1

पौलुसोनचा गोथो जू येसु मसिहन दास छे, एने प्रेषित होयनेन कोरता बुलावलु छे, एने परमेश्वरोन तिना वारली खोबरोन कोरीन ओलोग कोराय गोयलु छे,

रोमी 1:7

तीनु आखान नावे जे रोममा परमेश्वरोन मोंगावा छे एने चुखला होयनेन कोरीन बुलावला छे; आखान बास परमेश्वर एने प्रभू येसु मसिहनचा गोथो तुमु काजे दया एने शांती जोळतली.

1 कुरीन्थियो 16:10

कोबी तीमथी आव लागे, ती देखजू कि चू तुमरेनचा हिंमतसी रोये; काहाकि चू मारे सारखू प्रभून काम कोरतेलु छे.

2 कुरीन्थियो 1:1

पौलुसोन भूनी गोथो जी परमेश्वरोन मोर्जी मसिह येसुन प्रेषितोन छे, एने भाश तीमथी भूनी गोथो परमेश्वरोन तिनी मंडवीन नावे, यो कुरिन्थमा छे, एने आखा अखायान चुखला माणसोन नावे.

गलातियों 1:10

हिमी मे काय माणसोक मोनावतलु नीती परमेश्वर काजे? काय मे माणसो काजे खुश कोरणेन मारी मोर्जी छे? ओगर मे हिमी तोक माणसो काजे खुश कोरतू रोयतू ती मसिहन दास नी रोयतू.

गलातियों 3:26

काहाकि तुमु आखा तिना भुरसान लारे मसिह येसु पोर जे परमेश्वरोन पुऱ्या बोनसे.

गलातियों 3:28

हिमी नी कुदू यहुदि रोयू, नी युनानी, नी कुदू पावोर, नी स्वतंत्र, नी कुदु नोर, नी कुदु नारी, काहाकि तुमु आखा मसिह येसुमा एक छे.

इफिसीयो 1:1

पौलुस तोरोफसी जी परमेश्वरोन मोर्जीसी येसु मसिहन प्रेषित छे तिना चुखला एने प्रभू येसु मसिहमा विश्वासी माणसोन नाव जो इफिसमा छे.

इफिसीयो 1:15

इना रितीसी, मे बी तीना भुरसान जो तुमु माणसोमा प्रभू येसु पोर छे एने आखा चुखला माणसोन कोरता मोंगोन वारली खोबर सोमवीन.

इफिसीयो 6:24

जे आपना प्रभू येसु मसिह पुठी खोरलो मोंग कोरतेला, तिंदरो आखापोर दया होयती रोये.

फिलिप्पि 2:19

मेसेक प्रभू येसुमा आस छे कि मे तीमथीस काजे तुमरेनचा छाटू मुकलीस, काहाकि तुमरा हाल सोमवीन मेसेक शांती जोळे.

फिलिप्पि 2:5

जोसो येसु मसिहन स्वभाव होतु तोसोत तुमरो बी होयो;

फिलिप्पि 3:12

यो मतलब नी कि मे लेदलु छे नीती पाको होय गोयलो छे; बाकीन तिना चीजो काजे धोरणेन कोरता दोवळीन जाये कोरतेलु जिनान कोरता मसिह येसुन मेसेक धोरतू होतु.

फिलिप्पि 3:3

काहाकि सुंता वावा ते आमुत छे जी परमेश्वरोन आत्मान ओगवाईसी आराधना कोरतेला, एने मसिह येसु पोर मोटाय कोरतेला छे, एने डीलोपोर भुरसू नी कोरतेला.

फिलिप्पि 3:8

नीती मे आपना प्रभू येसु मसिहन उवखनेन बारामा वारलान वजेसी मे आखा चीजोन नुकसान सोमोजतलु. जेरे कारण मे आखा चीजोन हानी उठावलु छे एने तीनुक कोचरू सोमजतेलु, जेरेसी मे मसिह काजे ली लेदू.

1 थिस्सलुनीकियो 1:1

पौलुस एने सिलवानुस एने तीमथी जुव गोथू थेस्सलुनीका काजे मंडवीन नावे जो परमेश्वर बास एने प्रभू येसु मसिहमा छे; दया एने शांती तुमुक जोळती रोये.

1 थिस्सलुनीकियो 2:2

पुन तुमुक खुदो काजे मालूम छे कि फिलीप्पीमा दुख भुगतने एने तोकलीत सोहोन कोरणे पोर बी परमेश्वर आमुक ओसी हिंमत आप्यू, कि परमेश्वरोन वारली खोबरोन भारी खिलाप होयतेली ते बी तुमुक सोमवाळ्या.

2 थिस्सलुनीकियो 1:1

पौलुस एने सिलवानुस एने तीमथीन तोरोफसी थेस्सलुनीकि देस वावान मंडवीन नावे, जू आमेरू बास परमेश्वर एने प्रभू येसु मसिहमा छे.

2 थिस्सलुनीकियो 1:10

यो तिने दाहळे होयसे, तेत्यार चू तेरा चुखला माणसोमा महिमा देखणे एने आखा भुरसू कोरणे वावामा नोवलायन वजेसी होयने कोरीन आवसे; काहाकि तुमु आमरी गोवायी पोर भुरसू कोऱ्या.

1 तीमथी 1:2

तीमथीन नावे जो भुरसामा मारो खोरलु पुऱ्यो छे, परमेश्वर बास एने आमरू प्रभू येसु मसिहनचा गोथू तुसेक अनुग्रह, एने दया एने शांती जोळती रोये.

1 तीमथी 3:8

तोसोत सेवक काजे भी वातळा होयनो जुवे, इमानदार सी चालन्यू, मोंदळ्यु एने भुंडला कामोन कोमाय कोरने वावू एने लालची नी जुवे;

तीतुस 1:1

पौलुसोन भूनी गोथो जू परमेश्वरोन सेवक एने येसु मसिहन प्रेषित छे, परमेश्वरोन नेवाळला माणसोन भुरसू एने तिना खोराइन उखाइतान अनसारे जो भोक्तीन अनसारे छे,

तीतुस 1:7

काहाकि पुढारी काजे परमेश्वरोन भंडारी होयनेन वजा निरदोष होयनो जुवे, नि जिद्दी, नि रीसावू, नि मोंदळ्यु, नि लोळाय कोरणे वावु, एने भुंडला कोमायीन लालच्यु नि रोयनो जुवे.

फिलेमोन 1:1

पौलुस भूनी गोथू यु मसिह येसुन बंदी छे, एने भाश एने तीमथी भूनी मोंगावू काम कोरन्यू फिलेमोन.

इब्रानियो 13:23

तुमु काजे यो ध्यान रोये कि आपनु भाश तीमथी काजे छुळ देदला छे अगर चू छाटू आव लाग्यू तीबी तेरे साते आवीन तुमु काजे मेवीस.

याकुब 1:1

परमेश्वरोन एने प्रभू येसु मसिहन चेलू याकुबोनचा गोथा चे बारा पिढी काजे गया तीतर बीतर होईन रोयला तीनुक नमस्कार मुकलो.

1 पतरस 2:25

काहाकि तुमु पेहेले भोटकायला गाडरान ओगोव होता, बाकीन हिमी आपना जीवन सोमावने वावा एने पुढारीनचा आव लागला छे.

2 पतरस 1:1

शिमोन पतरसोन जुव गोथो, जू येसु मसिहन पावोर एने प्रेषितोन छे, तीनु माणसोन नाव जे आमरू परमेश्वर एने छुटकारू आपने वावु येसु मसिहन धारमिकतान लारे आमरेन तोसो किमतीन भुरसू हासील कोर लेदू.

यहुदा 1:1

यहुदा भूनी गोथो जो येसु मसिहन दास एने याकुबोन भाश छे, तीनुक बुलावलान नावे जो परमेश्वरोन बासोमा मोंगावा एने येसु मसिहन कोरता वारला छे.

प्रकाशित वाक्य 1:1

येसु मसिहन प्रकाशित वाक्य, जो योहान काजे परमेश्वर इनान कोरता आप्यू कि आपना दास काजे चे वाते, जेरु तेत्यारुत होयनो जोरुरी छे, देखाळ्यू; एने चू आपना सोरग दूत काजे मुकलीन तेरे लारे आपनु दास योहान काजे कोयू,

प्रकाशित वाक्य 1:20

मतलब तीना सात चांदण्यान भेद जीनाक तू मारा जेवळ्या हातोमा देखलू होतु, एने तीनु सात सोना वावान दिवठान भेद, चे सात चांदण्या सात मंडव्यान दूते छे, एने चे सात दिवठा सात मंडव्या छे.

प्रकाशित वाक्य 19:10

तेत्यार मे हिनाक नोमोन कोरणेन कोरता तेरा पायो पोर पोड गोयू चू मेसे काजे कोयू, “देख, ओसू मा कोरे, मे तारो एने तारा भाशो साते वावू दास छे जू येसुन गोवायी देणेपोर पाकु छे परमेश्वर काजे नोमोन कोर; काहाकि येसुन गोवायी भविष्यवाणीन आत्मा छे.”

प्रकाशित वाक्य 2:12

“पीरगमून मंडव्या दूतो काजे यो लिख जेरे जुव दुयधारी एने तेज तोलवार छे, चू यो कोये कि.

प्रकाशित वाक्य 2:8

स्मुरना मंडव्यान दूतो काजे यो लिख, “जो पेहेलू एने आखरी छे, जो मोर गोयलु होतु एने हिमी जीवतू होय गोयलो छे, चू यो कोये कि,

प्रकाशित वाक्य 22:9

बाकीन चू मेसे काजे कोयू, “देख, ओसू मा कोरे; काहाकि मे तारा, एने तारा भाशोन भविष्य कोरता, एने इना किताबोन वातोन मानने वावान साते दास छे परमेश्वर काजे नोमोन कोर.”