Ŋwàʼlə̀ Mak 9:27 - The New Testament in the Babanki language

²⁷ Yesò ghaʼ kəvu kə wen ə̀ gyàmtə̀ wen ghə̀ lù tɨ̀mə.

Ŋwàʼlə̀ Mak 9:27 Cross References

Shwèʼ 3:7

Ghə̀ gàʼ a lì ə̀ ghàʼ kwoŋ toghə wen ə̀ tsòʼsə̀ wen, ghə̀ lù tɨ̀mə. Tò a zhʉ ayì, afwen wen to.

Ŋwàʼlə̀ Mak 1:31

Ghə̀ dyʉ̀ ghàʼ kəvu kə wen ə̀ tsòʼsə̀ wen, no a zhʉ̀ kò bvìʼ wen yì mè ghə̀ lù ku fozhɨvə vəwenə zhɨ.

Shwèʼ 9:41

Bità gyàmtə̀ tsòʼsə̀ wen ghə̀ lù tɨ̀mə mù dzàŋtə̀ viʼi vəbyɨməvə vyi bènə̀ ki mpfʉ vyi ə̀ dìʼ à vəwenə la ghə̀ diʼ tò to.

Ŋwàʼlə̀ Mak 8:23

Yesò ghaʼ kwoŋ wìʼ ayì wenə̀ wen fʉ̀ fa ntə̀ʼ ayì, ghə̀ chʉ mənte à wen a ashɨ mù ghʉ̀ avu wen à wen a kətʉ ə̀ bèm à wen la, “Wu lè zì wù yen kəfo a?”

Ŋwàʼlə̀ Mak 5:41

Ghə̀ dyʉ̀ ghàʼ kəvu kə wàyn ayì ə̀ gàʼ à wen la, “Talitha koum.” A diʼ la, “Wàyn wùwì ə tyetə, mà gàʼà à wù la wù lu!”

Ŋwàʼlə̀ Mak 1:41

Yesò sə diʼ nə̀ kusə nshinsə à wìʼ ayì no nànto ə̀ nàʼsə̀ kəvu kə wen ə̀ kùmsə̀ wen ə̀ gàʼ la, “Ma kòŋ li, to lì.”

Matìyò 9:25

A sə ə diʼ to ando viʼi fʉ a kəbəŋ, ghə̀ kwen dyʉ̀ a ngə̀ŋ ə ghaʼ kəvu kə wàyn a yi, no a zhʉ ko, ghə̀ lu tò lu.

Ŋwàʼlə̀ Mak 9:26

Kəzhwì kə byɨkə akì ku nkəʼ ə̀ nə̀ʼ wàyn ayì no nànto mù fʉ̀, wàyn ayì mù sə kə̀ʼə̀ to nə̀ kəmpfʉ kə wìʼ. Nghoʼo viʼi mù sə gàʼà la, “Ghə̀ pfʉ li.”

Ŋwàʼlə̀ Mak 9:28

Yesò nè kwèn a ngə̀ŋ, ndzɨ̀mtə̀sə bàm wen sə nyoʼtə bèm à wen la, “Byìʼì ghò a kə yì nto ghoʼo yès, yès dzɨ̀m shìsə̀ kəzhwì kə byɨkə akì a?”

Shwèʼ 23:19

Kətʉ kə vəsugyèʼ kə ghoʼo kə akì ghaʼ kwoŋ wàyn ayi ə̀ gùftə̀ dyʉ̀ nə̀ wen a kəshi kə lyomtəkə ə̀ bèm à wen la, “Wù kəŋə shə̀ʼtə̀ la ghò à mò a?”