फिलिप्‍पि 4:19 - बान्‍तावा राई

¹⁹ अ़ङ्‌निनाम्‍हाङ्‌आ खोक्‍कोसोओ अ़चुओ अ़न्‍नुनु च़लोक अ़चुचासुम्‍छेन्‍बिवा आम्‍नुओ झारा दोत्‌ओ ख्रिस्‍त येसुदा त़याइन्‌येन्‌ओसा ऩतासिन्‍लान्‍प़न।

फिलिप्‍पि 4:19 Cross References

मत्‍ति 6:32

निनाम्‍हाङ मान्‍सिन्‍कादाचिआ ओ झारा सामाचि म़लामुचि। मेन निनाम्‍मादुओ आम्‍नुओ पापाआ खानानिन ओवाको झारा सामाचि दोत्‌याङ निकिना अ़सिन्‌याङ।

युहन्‍ना 20:17

येसुआ मो अ़लोवा, “अ़ङ्‌का मान्‍लाप्‌युङ्‌दाङ, देकिनालो अ़ङ्‌का ओन्‍ग़रितारि निनाम्‍हाङ पापाएदु मान्‍खात्‌युक्‍ङा। अ़ङ्‌निछाचिएदा खाराकि मोचि खाएत्‍तुचि, ‘अ़ङ्‌पापा खोन्‍कि आम्‍नुओ पापा खोन्‍कि अ़ङ्‌निनाम्‍हाङ खोन्‍कि आम्‍नुओ निनाम्‍हाङ्‌एदा खात्‍ङाङा।’”

युहन्‍ना 20:27

खोन्‍किना खोक्‍कोसाआ थोमा अ़लोवा, “आम्‍छुक कुसिप ओदा पाउ, खोन्‍कि अ़ङ्‌छुक्‌चि खाचि। आम्‍छुक बात्‍तुकि अ़ङ्‌हेबेक्‌दा पाउ। मान्‍केङ मान्‍मुदा, मेन साकोङ्‌छ़ङ मुवा।”

रोमि 1:8

झारादाङ्‌का बुया, अ़ङ्‌का अ़ङ्‌निनाम्‍हाङ येसु ख्रिस्‍तलाम्‍पा खानानिन झारासोओ निम्‍पाङ आलाङ प़ङ। देकिनालो आम्‍नुओ साकोङ्‌छ़ङ्‌ओ अ़तुक्‌वादा झारा हेन्‍खामादा खालुसायुङ्‌सा।

रोमि 11:33

आगा! निनाम्‍हाङ्‌ओ अ़चुतोक्‍मा, खोन्‍कि अ़चुखारु खोन्‍कि ताया देम तोक्‍पो ओ! खोक्‍कोसोओ अ़चुछ़ङ्‌छेन्‍माचि साङ्‌आ खालुमा ऱचि खोन्‍कि खोक्‍कोसोओ अ़चुलाम साङ्‌आ तुप्‍मा ऱ!

रोमि 2:4

माङ्‌लो निनाम्‍हाङ्‌ओ अ़चुसोम्‍तुक्‍माआ खाना खोक्‍कोएदा लामान्‍चिन ऩतित्‌नि त़सिन्‍तुन कि, दि खोक्‍कोसोओ तोक्‍पो अ़चुसोम्‍तुक्‍मा, अ़चुआङ्‌मा खोन्‍कि अ़चुहुङ्‌मा त़सुङ्‌तुङु?

रोमि 8:18

अ़ङ्‌का मिन्‍ङाङा, आन्‍कान म़प़ओ साया आइमित्‌ओ आन्‍दुखाचिएनान तोङ्‌माखाङ्‌मा अ़खान्‍तुन्‍चिन।

रोमि 9:23

उवा, साम्‌ओ निम्‍पाङ बुया म़चुम्‍सुचिओ, खोन्‍कि खोक्‍कोसाआ सोमा म़तुक्‍तुचिओचि, ब़द्‍धे अ़चुऩङ्‌लोङ्‌मा खाङ्‌मेत्‍माचि निकिना खोक्‍कोसाआ ओवात्‍नि अ़मुवा।

२ कोरिन्‍थि 12:21

अ़ङ्‌का लाङाबान्‍ङाहिदा अ़ङ्‌निनाम्‍हाङ्‌आ अ़ङ्‌का आम्‍नुओ तुक्‌वाआ लेजो ऩमुङा हे निम्‍पाङ खोन्‍कि साङ्‌चि बुया हेवा म़मुवा ओ, खोचि ब़द्‍धेकापाङ्‌आ अ़चुपोप्‍मान्‍चिन, ताङ्‌लान, हेवा खोन्‍कि राकादाङ्‌का मान्‍लाम़युक्‍नान्‍चिन्‌ओसा अ़ङ्‌का सोखा मुमादोत हे निकिना अ़ङ्‌क़माकात्‌याङ।

२ कोरिन्‍थि 4:17

देकिनालो आन्‍काओ अ़क्‍दुओ खोन्‍कि अ़चुप्‍पो अ़चाअ़त्‍माआ आन्‍काओ निम्‍पाङ तोङ्‌माखाङ्‌का अ़ऱन्‍मिन्‌ओ खोन्‍कि अ़धुन्‌ओ तोक्‍पो ऩङ्‌लोङ्‌मा चुम्‍सुयुङ्‌सुङु।

एफिसि 1:18

अ़ङ्‌का ओसोओ निम्‍पाङ्‌छाङ यामात्‍ङा, आम्‍नुओ साकोङ्‌वादाओ म़क छेङ्‌छेङ्‌छेङ्‌वा लिने, खोन्‍कि दिसु सोम्‍कुवाओ निम्‍पाङ खोक्‍कोसाआ खानानिन ऩबुत्‍तिन्‌युङ्‌सिन, खोन्‍कि निनाम्‍हाङ्‌ओ अ़चुम़नाचिएदा खोक्‍कोसोओ साम्‍स़रिओ पाङ्‌यि तोक्‍माओ चासुम्‍छेन्‍बि दि ओ, मो खानानिन्‌आ सिन्‍मा त़ऱम।

एफिसि 1:7

निनाम्‍हाङ्‌ओ अ़न्‍नुनु अ़चुसोम्‍तुक्‍माआ ख्रिस्‍तओ अ़चुहेन्‍खोक्‌वालाम्‍पा खोक्‍कोसाआ म़फोङ्‌सा खोन्‍कि आन्‍हेवाचि म़लेत्‍ता।

एफिसि 2:7

येसु ख्रिस्‍तआ ओ आन्‍कान्‌एदाओ खोक्‍कोसोओ अ़चुसोम्‍तुक्‍मादा अ़न्‍नुनु तोक्‍पो अ़चुसोमातुक्‍मा तायाङ्‍ओ जुगादा खाङ्‌मुमा निम्‍पाङ ओ।

एफिसि 3:16

अ़ङ्‌का यामात्‍ङा, निनाम्‍हाङ्‌ओ अ़न्‍नुनु तोक्‍पो सायाआ अ़चुलावाओ सावालाम्‍पा आम्‍नुओ कोङ्‌हुत्‌दा त़छोसिन्‍लो ऩमुन्‍ने।

एफिसि 3:8

झारा निनाम्‍हाङ्‌ओ अ़चुम़नाचिएदा अ़ङ्‌का अ़न्‍नुनु अ़चुप्‍पा लिसाङ्‌नुछाङ ख्रिस्‍तओ तुप्‍माङा अ़ऱन्‍मिन्‌ओ अ़चुआसिखाओ नुय़ङ्‌खान निरावाचि खाएत्‍मा निम्‍पाङ अ़ङ्‌का ओ अ़वाखाम ऩपुवाङ्‌ओ।

फिलिप्‍पि 4:7

साङ्‌आछाङ तुप्‍मा अ़ऱन्‍मिन्‌ओ निनाम्‍हाङ्‌ओ अ़चुसेवाङ्‌निआ आम्‍नुओ साकोङ्‌वाचि खोन्‍कि आम्‍नुओ मिन्‍माचि रात्‍तुचि देकिनालो खानानिन ख्रिस्‍त येसुएदा त़याइन्‌येन।

कलस्‍सि 1:27

झारा रावाचिओ निम्‍पाङ खोक्‍कोसोओ ओ ब़द्‍धे तोक्‍पो अ़चुकोङ्‌दुम खोसोओ अ़चुम़नाचिआ अ़तुप्‍नेनि निनाम्‍हाङ म़मिन। अ़कोङ्‌दुम ओक्‍कोङा ओ, ख्रिस्‍त खानानिन्‌एदा म़याक्‌याङ। ओ य़ङ्‌आ खानानिन्‌छाङ निनाम्‍हाङ्‌ओ अ़चुसाम त़तोक्‍तुम्‌नि मिन्‍मा ऩप़न।

कलस्‍सि 3:16

ख्रिस्‍तओ अ़चुय़ङ खानानिन्‌एदा च़लोक याक्‍ने। झारा खारुएनान अ़क्‍छानिएदात्‍नि चिन्‍मुवानिन खोन्‍कि चाप्‍चेत्‍मुवानिन। चोन्‍मा छाम, साम्‍ऱङ, खोन्‍कि लावामि छाम लुवानिन। आम्‍नुओ साकोङ्‌वादाओ आलाङ्‌एनान निनाम्‍हाङ्‌एदा छाम लुवानिन।

१ थेसलोनिकि 2:12

आन्‍कान्‍का खानानिन निनाम्‍हाङ्‌ओ अ़चुऩङानुओ ह़ङ्‌म़ङ ह़ङानिन निम्‍पाङ यायोक प़नि खोन्‍कि राक प़ निकिना लोनि। खोक्‍कोसाआ खानानिन खोक्‍कोसोओ अ़चुसाम्‍स़रिओ अ़चुहाङ्‌होन्‌दा ऩबुत्‍तिन।

१ तिमोथि 6:17

ओ हेन्‍खामादाओ कातोक्‌चि ऱक्‍भाक मान्‍लिदानिन्‌नि लोचि। अ़छ़ङ मात्‍द़ङ्‌ओ चासुम्‍छेन्‍बिदा माआङ, मेन आन्‍कान ऩङानुमान्‍चिन्‌ओ निम्‍पाङ झारा सामा ब़द्‍धे याङ्‌मा काप़ निनाम्‍हाङ्‌एदा मोचि सोम्‍कुवा म़मुने।

फिलेमोन 1:4

फिलेमोन निछा, अ़ङ्‌का देम्‍खा यामात्‍ङा, मोन्‌हिदा खाना मित्‍नाकिना अ़ङ्‌का अ़ङ्‌निनाम्‍हाङ अ़धुन आलाङ प़ङ।

१ पत्रुस 5:1

अ़ङ्‌काछाङ अ़क्‍छा ताङ्‌पाओसा ख्रिस्‍तओ दुखाओ सालुम्‍स़ङ खोन्‍कि आन्‍कान खाङ्‌म़मेत्‌ओ साम्‌दा कावाङ्‌चिओसा हान आम्‍नुओ रादाओ ताङ्‌पाचि अ़ङ्‌का राक प़ङ्‌योङ्‌च़ङ।

१ पत्रुस 5:10

झारा सोमाकातुक निनाम्‍हाङ्‌आ ख्रिस्‍तदा अ़धुन अ़चुऩङ्‌चोन्‍माओ निम्‍पाङ खानानिन ऩबुत्‍तिन्‌युङ्‌सिन। खानानिन्‌आ अ़क्‍चित्‌तारि दुखा त़आङ्‌तुम्‍चिउम्‌कि खोक्‍कोसाआ खानानिन अ़ऩङ्‌वा ऩलासिन्‍मुन, ऩतोङ्‌सिन, सावापोरिओ ऩमुन, खोन्‍कि ऩतुङ्‌निन्‌ओ छ़ङ्‌दा खानानिन ऩयुङ्‌सिन।