फिलिप्‍पि 3:5 - बान्‍तावा राई

⁵ देकिनालो अ़ङ्‌का ना लिसाङ्‌ओ आथ्‌कालेन्‌दा सिप्‍मायाम्‍बुन ऩपाक्‍ताङ्‌ओ। अ़ङ्‌का इस्राएलि रावाओ बेन्‌यामिन भुङ्‌दाओ ओ, अ़ङ्‌का खाक्‍कोछाङ हिब्रुचिदाङ्‌का च़लोक हिब्रु ओ। य़ङ्‌हुप अ़तुक्‌वादाओनालो अ़क्‍छा फरिसि ओ।

फिलिप्‍पि 3:5 Cross References

लुका 1:59

नुनु आथ्‌कालेन बात्‍तुकि खोसोओ अ़सिप्‍मायाम्‍बुन पाक्‍माओ निम्‍पाङ मोचि झारा म़कोवान्‍चिन। खोन्‍कि मोचिआ अ़पाओवात्‍निङा अ़छाओ अ़ऩङ्‌छाङ जकरिया वात्‍मा अ़लाप्‍ताङा।

लुका 2:21

आथ्‌कालेन्‌दा नुनु सिप्‍मायाम्‍बुन मुवाहिदा खोक्‍कोसोओ अ़चुऩङ येसु अ़वात्‍ताचु। मो ऩङ मरियम्‌आ छा वात्‍मा बुयाङा निनाम्‍हाङ काफाआ खाएत्‍तुयुङ्‌सुओ।

लुका 5:38

खोन्‌ओसा अ़ऩङ्‌वा अङ्‌गुरा माङ्‌वा अ़ऩङ्‌वा साहोक्‌वाओ बेखादा युङ्‌मादोत।

छाम्‍माय़ङ 22:3

खोन्‍किना पावल्‌आ लोचि, “अ़ङ्‌का किलिकियाओ तार्सस सहरादा पुक्‍ताङ्‌च़ङ्‍ओ अ़क्‍छा यहुदि ओ। मेन अ़ङ्‌का ओ यरुसलेम सहरादा पोयाङ्‍ओ खोन्‍कि काचिन्‍पा गमलिएल्‌एदाङ्‌का आन्‍सुन्‍तुम्‌चिओ अ़चुय़ङ्‌हुप्‌वा तोङालो ताया तोक्‍तुङ्‌ओ। खोन्‍कि आय़ झारा ओदा खानानिन्‌वाङा अ़ङ्‌काछाङ अ़ङ्‌मिन्‍मा पाक्‍तुङ्‌कि झारा काचिदा निनाम्‍हाङ ब़क्‍तुङ्‌योङ।

छाम्‍माय़ङ 23:6

मेन धियायोक्‍खादा अ़क रुहुप सदुकिचि खोन्‍कि नि फरिसिचि म़याआङाओ सिन्‍तुकिना पावल अ़धिवाङ य़ङ्‌आ चेवा, “अ़ङ्‍ब़ब़ निछाचि ओ, अ़ङ्‌काछाङ फरिसिचिओ अ़चुछा फरिसिङा ओ। अ़ङ्‌का म़सुवादाओ म़नाचि निनाम्‍हाङ्‌आ म़लासुखोन्‍तुलोइसुचिनिओ य़ङ्‌दा अ़ङ्‌का साकोङ्‌छ़ङ मुङाओसा ओदा सेन्‍खादा छुक्‍ङाङा।”

छाम्‍माय़ङ 6:1

मो लेन्‍चिदा ख्रिस्‍त काखेङ्‌चिओ अ़चुखिप्‍मा च़लोक पोन्‌याङ्‌सा खाराङा। खोन्‍कि हिब्रु य़ङ काचेप साकोङ्‌छ़ङ कामु यहुदिचिओ अ़चुदेङ्‌सालाप्‍पादा ग्रिक य़ङ काचेप साकोङ्‌छ़ङ कामु यहुदिचि छुऩङ्‌वा म़मुवा, देकिनालो अ़लेन्‍खिन्‍तुम चामायु अ़हासाङाहिदा ग्रिक य़ङ काचेप यहुदिचिओ अ़चुमेन्‍मित्‍माचिआ तोक्‍मा दोराङाओ ओन चामायु मान्‍तोक्‌अ़दाङा।

रोमि 11:1

खोन्‌ओसा अ़ङ्‌का खासेन्‍ङा, दि निनाम्‍हाङ्‌आ अ़चुम़नाचि ऩङाम़छिरुयुङ्‌सुचि? देम्‍खाछाङ माआङ! अ़ङ्‌का आप्‍पिछाङ अब्राहाम्‌ओ अ़छा, बेन्‌यामिन भुङ्‌ओ अ़क्‍छा इस्राएलि ओ।

२ कोरिन्‍थि 11:22

दि मोचि हिब्रुचि ओ? अ़ङ्‌काछाङ हिब्रुङा ओ। दि मोचि इस्राएलिचि ओ? अ़ङ्‌काछाङ ओ। दि मोचि अब्राहाम्‌ओ अ़छाचि ओ? अ़ङ्‌काछाङ ओ।