फिलिप्‍पि 3:12 - बान्‍तावा राई

¹² अ़ङ्‌का मो मित्‍चिऩङ्‌चि झारा बुयाङा तोक्‍तुङ्‌चिउङ्‌युङ्‌सुङ्‌च़ङ माङ्‌लो अ़ङ्‌का बुयाङा तासुङ्‌लोङ्‌युङ्‌सुङ्‌च़ङ निकिना माआङ, मेन मो मित्‍चिऩङ्‌चि लाप्‍माचिओ निकिना अ़ङ्‌का बुया खात्‍ङाङा। मो मित्‍चिऩङ्‌चिओ निकिना ख्रिस्‍तआ अ़ङ्‌का ऩलावाङ!

फिलिप्‍पि 3:12 Cross References

मत्‍ति 5:48

खोन्‌ओसा निनाम्‍मादु कायुङ आम्‍नुओ पापा देत्‍नि अ़नुवाक म़मुयाङ, खानानिन्‌छाङ मोवात्‍निङा अ़नुवाक लिसानिन।”

छाम्‍माय़ङ 9:15

मेन हाङ्‌पाआ हननिया अ़लोवा, “खारा! देकिनालो निरावाचि, हाङ्‌चि खोन्‍कि इस्राएलि म़नाचिओ अ़चुबुदा अ़ङ्‌ऩङ खालुमा निकि खो अ़ङ्‌का छेन्‍तुङ्‌युङ्‌सुङ।

रोमि 8:39

खोन्‍किना नाम्‍चोक्‌दुओ सावाचिआ ना हेन्‍खामा भेन्‌युओ सावाचिआ, अ़नुछ्‍याङा, झारा मुन्‍माय़ङ्‌दाओ खाक्‍कोछाङ य़ङ्‌आ, ख्रिस्‍त येसु आन्‍हाङ्‌पा आन्‍कान्‌एदा म़युङ्‌याङ्‌ओसा आन्‍निनाम्‍हाङ्‌ओ अ़चुसोम्‍तुक्‍मादाङ्‌का आन्‍कान फेक्‍मा म़ऱनिन।

१ कोरिन्‍थि 13:10

मेन याक्‌ओ खाउग़रि म़ता, खोन्‍कि मान्‌याक्‌युक्‌ओ माखात।

१ कोरिन्‍थि 13:12

ओन्‍ग़रि आन्‍कान दर्पनादावा थेम्‍बुवारिरि खाम, मेन मोन्‍ग़रि छेङ्‌छेङ्‌छेङ्‌वा खाङ्‌मुन। ओन्‍ग़रि अ़ङ्‌का अ़क्‍चिलोक ओन्‍ङा तुप्‍तुङ, देत्‍नि निनाम्‍हाङ्‌आ अ़ङ्‌का नुलोक ऩसिन्‍ताङ्‌युङ्‌साङ मोवात्‍नि मोन्‍ग़रि अ़ङ्‌का झारा तुप्‍तुङ।

१ कोरिन्‍थि 9:24

दि खानानिन त़सिन्‍तिमिन्‌येन, लोत्‍मा होरादा झारा कालोत्‌चि म़लोत, मेन सिरिफा अ़क्‍छाआ ओन्‍ङा तोक्‍तु? मोवात्‍निङा खानानिन्‌छाङ सिरिफा तोक्‍मा निम्‍पाङ लोरानिन।

२ कोरिन्‍थि 13:9

आन्‍कान्‍का मान्‍ऱकादा मुन्‌येन्‍कानुछाङ खोन्‍कि खानानिन काछो त़लिसिन्‌हिदा आन्‍काओ ऩङानु। खानानिन उन्‍निज़ङ्‌नि लिसानिन निम्‍पाङ आन्‍कान्‍का यामारिन्‍का।

२ कोरिन्‍थि 7:1

खोन्‌ओसा सोमातुक्‍निङ्‌निओ यावाचि ओ, आन्‍कान्‌एदाओ हिप्‍माय़ङ्‌चि म़युङ्‌याङ्‌ओसा आन्‍पोक खोन्‍कि आन्‍लावा झारा पोप्‍मादाङ्‌का आन्‍कान आप्‍पि सेङ्‌सिन्‍चिन्‍ने, खोन्‍कि निनाम्‍हाङ्‌ओ अ़चुकित्‍मादा झारा सेङिन्‍ने।

गलाति 5:17

हेवामि च़माथाङ्‌मा मिन्‍माचि सेङ्‌लावाओ अ़चुदेङ्‌सालाप्‍पादा म़मु, खोन्‍कि सेङ्‌लावाओ अ़चुमिन्‍मा हेवाओ अ़देङ्‌सालाप्‍पादा। खानानिन दे च़मा त़स़न्‌येन, मोचिएदाङ्‌का खानानिन छेक्‍मा निम्‍पाङ ओचि अ़क्‌तात निओ अ़चुदेङ्‌सालाप्‍पादा याक्‌चि।

एफिसि 1:4

निनाम्‍हाङ्‌ओ अ़चुबुदा सेङ्‌याङ्‌ओ खोन्‍कि थुपि मात्‍द़ङ्‌ओ लिसिन्‍ने निकिना हेन्‍खामा मुन्‍मा बुयाङा आन्‍कान सोमाम़तुक्‍ताकि ख्रिस्‍तएदा आन्‍कान म़छेन्‍ता।

एफिसि 4:12

खोन्‌ओसा, ख्रिस्‍तओ अ़चुपोक पोन्‍ने खोन्‍कि ब़त्‍माओ काचिचि कामु निनाम्‍हाङ्‍ओ अ़चुम़नाचि म़चुम्‍नान्‍चिन्‍ने निकिना खोक्‍कोसाआ ओवात्‍नि अ़मुवा।

फिलिप्‍पि 1:1

ओ छाप्‍लावा ख्रिस्‍त येसुओ अ़चुहारुक्‌चि पावल खोन्‍कि तिमोथिदाङ्‌का ओ। ख्रिस्‍त येसुदा अ़क्‍भोम त़लिसिन्‌ओ फिलिप्‍पिदा कायुङ धिताङ्‌पाचि खोन्‍कि साम्‍भुङ काफापाचि झारा निनाम्‍हाङ्‌ओ अ़चुम़नाचि अ़ङ्‌का छाप्‍तुङ्‌योङ्‌ओ।

फिलिप्‍पि 3:16

दि आन्‍कान निनाम्‍हाङ्‌आ खाङ्‌म़मेत्‍तायुङ्‌सा, मो नुलोक क़क्‍तुम्‌युङ्‌सुम्‍ने।

फिलिप्‍पि 3:3

देकिनालो सेङ्‌लावालाम्‍पा काब़क आन्‍कान्‌ङा ओ, खोन्‍कि ख्रिस्‍त येसुआ दि अ़मुवायुङ्‌सा मोदा आन्‍कान तोक्‍पो कालि खोन्‍कि च़माथाङ्‌मादा सोम्‍कुवा मान्‍मुकादा अ़नुछ्‍याओ सिप्‍मायाम्‍बुन कापाक आन्‍कान्‌ङा ओ।

फिलिप्‍पि 3:8

अ़नुछ्‍या ख्रिस्‍त येसु अ़ङ्‌हाङ्‌पा निकिना सिन्‍मा तोक्‍पो अ़वाखाम तोक्‍तुङ्‌ओदा नि झारा य़ङ्‌चि अ़काचि मात्‍द़ङ्‌ओनि मित्‍तुङ्‌च़ङ। ख्रिस्‍त तोक्‍मा ऱङ्‌ने निकिना खोक्‍कोसोओ निम्‍पाङ अ़ङ्‌का झारा य़ङ्‌चि छिरुङ्‌युङ्‌सुङ्‌च़ङ, खोन्‍किना झारा मोचि सिप्‍भाङ्‌वा मित्‍तुङ्‌च़ङ,

१ थेसलोनिकि 5:15

खानुम, साङ्‌छाङ अ़त्‍लोओ अ़फान्‌दा अ़त्‍लो अ़च़निन्‍ने, मेन अ़क्‍छा निएदा खोन्‍कि झारा म़नाचिएनान अ़धुन नुलोक च़मालामानिन।

२ थेसलोनिकि 2:13

हाङ्‌पाआ सोमाऩतुक्‍तिन्‌ओ ब़ब़, नाना खोन्‍कि निछाचि ओ, आम्‍नुओ निकि आन्‍कान्‍का अ़धुन निनाम्‍हाङ आलाङ मान्‍प़माङ अ़ऱन्‍मिन्‍का, देकिनालो बुयादाङ्‌काङा सेङ्‌लावाओ सेङ्‌मा काचिलाम्‍पा खोन्‍कि अ़छ़ङ्‌दाओ साकोङ्‌छ़ङ्‌लाम्‍पा ह़ङ्‌म़ङ प़मा निम्‍पाङ निनाम्‍हाङ्‌आ खानानिन ऩछेन्‍तिन।

१ तिमोथि 5:10

मो अ़नुवाक काचि मुवाओसा झारासाआ साया अ़मेत्‍ताओ मुमादोत। अ़छाचि नुलोक पोइसुचिओ, तावाङ्‌चि साऩङ्‌वा मेत्‍तुचिओ, निनाम्‍हाङ्‌ओ अ़चुम़नाचिओ अ़चुलाङ वास़त्‍तुचिओ, दुखा कातोक्‌चि फासुचिओ खोन्‍कि झारा अ़नुवाक काचिदा अ़मिन्‍मा कापाक काइसाओ मुमादोत।

१ तिमोथि 6:19

ओवात्‍नि आप्‍पिओ निम्‍पाङ माय़ङ्‌ओ अ़नुवाक छ़ङ युङ्‌मा अ़ऱने, खोन्‍किना मोचिआ अ़नुछ्‍याओ ह़ङ्‌म़ङ अ़लाप्‌युङ्‌ने। मो अ़नुछ्‍याओ ह़ङ्‌म़ङ ओ।

हिब्रु 12:14

झारा म़नाचिएनान नुलोक तोङानिन्‌कि युङानिन। सेङ्‍ओ ह़ङ्‌म़ङ ह़ङानिन। सेङ्‌लो मान्‍ह़ङ्‌माङ साङ्‌आछाङ हाङ्‌पा अ़खान।

हिब्रु 12:23

खानानिन बुया म़लिसाओचिओ निनाम्‍मादुओ अ़चुयायोक्‍खादा त़तान्‌युङ्‌सिन। मोचिओ अ़चुऩङ निनाम्‍मादु छाप्‍तायुङ्‌सा। मोचि अ़च़क़ल़क मुमाय़ङ साम्‌योक्‍मि म़नाचिओ अ़चुलावा ओ। खानानिन झारा म़नाचि छ़ङ्‌काछेन निनाम्‍हाङ्‌एदा त़तान्‌युङ्‌सिन।

हिब्रु 13:21

खोक्‍कोसोओ अ़चुमिन्‍मा तामालामा रुवानुम निकिना झारा अ़नुवाक य़ङ्‌चिआ ऩयाङ्‌सिन्‍प़न्‍ने। दिसु य़ङ्‌आ निनाम्‍हाङ्‌ओ अ़चुऩङानुयाङ, येसु ख्रिस्‍तलाम्‍पा खोक्‍कोसाआ खानानिन्‌एदा ओ अ़मुने। अ़धुन-अ़धुन्‌तारि खोक्‍कोसोओ अ़चुऩङ्‌लोङ्‌ने! मोवात्‍निङा लिने।

याकुब 3:2

देकिनालो आन्‍कान झारासा ब़द्‍धे फिसुम्‍च़म। साङ चेप्‌ओ य़ङ्‌दा देम्‍खाछाङ अ़फिसुन्‌नालो खोसाआ झारा अ़याम क़म्‍मा ऱ, खोन्‍कि खो लाहि मात्‍द़ङ्‌ओ म़ना लि।

१ पत्रुस 5:10

झारा सोमाकातुक निनाम्‍हाङ्‌आ ख्रिस्‍तदा अ़धुन अ़चुऩङ्‌चोन्‍माओ निम्‍पाङ खानानिन ऩबुत्‍तिन्‌युङ्‌सिन। खानानिन्‌आ अ़क्‍चित्‌तारि दुखा त़आङ्‌तुम्‍चिउम्‌कि खोक्‍कोसाआ खानानिन अ़ऩङ्‌वा ऩलासिन्‍मुन, ऩतोङ्‌सिन, सावापोरिओ ऩमुन, खोन्‍कि ऩतुङ्‌निन्‌ओ छ़ङ्‌दा खानानिन ऩयुङ्‌सिन।

२ पत्रुस 3:18

मेन आन्‍हाङ्‌पा खोन्‍कि कालेन्‍पा येसु ख्रिस्‍तओ अ़चुताया खोन्‍कि अ़चुसोम्‍तुक्‍मादा पोन्‌याङ्‌सा खारानिन। ओन्‍ग़रि खोन्‍कि अ़धुन हाङ्‌पाओ अ़चुऩङ्‌लोङ्‌ने। मोवात्‍निङा लिने!