फिलिप्‍पि 2:8 - बान्‍तावा राई

⁸ अ़चुकात्‍मादा म़नावात्‍नि म़लिसाकि आप्‍पि म़सिम्‍सान्‍चिन, खोन्‍कि अ़चुस़मादामातारि निनाम्‍हाङ्‌ओ अ़चुलोमाय़ङ अ़मुवाकि क्रुस्‌दाछाङ म़सुवा।

फिलिप्‍पि 2:8 Cross References

मत्‍ति 17:2

मोदु अ़चुकाखेङ्‌पाचिओ अ़चुबुदा खोक्‍कोसोओ अ़चुकात्‍मा फान्‍ता। खोक्‍कोसोओ अ़चुङाइवा नाम्‌वात्‍नि लेरा, खोन्‍कि खोक्‍कोसोओ अ़चुतित साम्‌वात्‍नि ओम्‍पुवाचिचि लेरा।

मत्‍ति 26:39

खोन्‍किना खोक्‍को अ़क्‍चित ह्‍यात्‍नि म़खाराकि बाखादा म़बोम्‍सान्‍चिन खोन्‍कि याम़मारा, “आपो, लिमा ऱनालो ओ दुखाओ लाङ्‌चोक्‍खुङ्‍ओ दुखा अ़ङ्‌काएदाङ्‌का माङ्‌निप़नि। खोन्‍नुछाङ अ़ङ्‌मिन्‍मावा माआङ, मेन आम्‍नुओ मिन्‍मावा लिने।”

मत्‍ति 26:42

येसु ह्‍वादुओदु म़लासाखाराकि याम़मारा, “आपो, अ़ङ्‌का ओ मान्‍दुङ्‌माङ अ़नुनिन्‌नालो आम्‍नुओ मित्‍मा तालाने।”

लुका 9:29

येसु याम़माराङाहिदा खोक्‍कोसोओ अ़चुङाइवाओ अ़चुकात्‍मा फान्‍ता, खोन्‍कि खोक्‍कोसोओ अ़चुतित नाम्‍चिम्‍पेलेक्‌वात्‍नि छोक्‍छोक्‍छोक्‌वा खोन्‍कि ओम्‍पुवाचिचि लेरा।

युहन्‍ना 10:18

साङ्‌आछाङ अ़ङ्‌कादाङ्‌का अ़ङ्‌ह़ङ्‌म़ङ खात्‍मा अ़ऱन, मेन अ़ङ्‌का आप्‍पि अ़ङ्‌मिन्‍माआ अ़ङ्‌ह़ङ्‌म़ङ प़ङ। अ़ङ्‌ह़ङ्‌म़ङ प़मा पाङ अ़ङ्‌काएदा याक्‌याङ, खोन्‍कि लामातोक्‍मा पाङ्‌छाङ अ़ङ्‌काएदा याक्‌याङ। ओ लोमाय़ङ अ़ङ्‌का अ़ङ्‌पापाएदाङ्‌का तोक्‍तुङ्‌युङ्‌सुङ।”

युहन्‍ना 14:31

खोन्‌ओसा अ़ङ्‌का अ़ङ्‌पापा सोमातुक्‍तुङ्‌योङ्‌ओ ओ हेन्‍खामाआ सिन्‍मादोत देत्‍नि अ़ङ्‌पापाआ ऩलोवाङ्‌युङ्‌साङ मोत्‍निङा अ़ङ्‌का मुङ। पुवालोन्‍तानिन, आन्‍कान ओदाङ्‌का खारिन्‍ने।”

युहन्‍ना 15:10

अ़ङ्‌लोमाय़ङ्‌चि त़मुम्‍च़म्‌नालो खानानिन अ़ङ्‌सोमातुक्‍मादा त़याइन। मोवात्‍निङा अ़ङ्‌का अ़ङ्‌पापाओ अ़चुलोमाय़ङ्‌चि मुङ्‌युङ्‌सुङ्‌च़ङ खोन्‍कि खोक्‍कोसोओ अ़चुसोमातुक्‍मादा युङ्‌ङा।

युहन्‍ना 4:34

येसुआ मोचि म़लोचि, “अ़ङ्‌का काछुत्‌ओ अ़चुमिन्‍मावा च़मा खोन्‍कि खोक्‍कोसोओ अ़चुकाचि तामालामाङा अ़ङ्‌चामायु ओ।

छाम्‍माय़ङ 8:33

खोक्‍को अ़सुङ्‌ता, खोन्‍कि नुलोक छ़ङ मान्‍छेन्‍प़अ़दा। खोक्‍कोसोओ अ़छावारिओ अ़तुक्‌वादा साङ्‌आ खालुमा ऱ कि? देकिनालो खोक्‍कोसोओ अ़चुह़ङ्‌म़ङ हेन्‍खामादाङ्‌का अ़खात्‍ता।”

रोमि 5:19

देत्‍नि अ़क्‍छा म़नाओ लोमावा मान्‍च़दामाआ ब़द्‍धेकापाङ हेवामि मुचि, मोवात्‍निङा अ़क्‍छा म़नाओ लोमाय़ङ्‌वा च़मालाम्‍पा ब़द्‍धेकापाङ साम्‌योक्‍मि म़मुचि।

२ कोरिन्‍थि 8:9

देकिनालो आन्‍हाङ्‌पा येसु ख्रिस्‍तओ अ़चुसोमातुक्‍मा खानानिन त़सिन्‍तुम्‌योम। खोक्‍को कातोक म़मुवाङानुछाङ आम्‍नुओ निम्‍पाङ खोक्‍को मान्‍तोक्‍कादा म़लिसा, खोन्‌ओसा खोक्‍कोसोओ अ़मान्‍तोक्‍दामादाङ्‌का खानानिन कातोक लिमा रुवानिन।

गलाति 3:13

आन्‍को निम्‍पाङ माङ्‌हिम म़लिसाकि य़ङ्‌हुप्‌आ तारुओ माङ्‌हिम्‌दाङ्‌का ख्रिस्‍तआ आन्‍कान म़लेइसा, देकिनालो “स़ङ्‌दा क़ङ्‌माय़ङ झारा माङ्‌हिम लि”नि छाप्‌याङ।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

हिब्रु 12:2

आन्‍साकोङ्‌छ़ङ कापुङ खोन्‍कि काताला येसु नुलोक आन्‍म़क्‌आ खाम्‍ने। खोक्‍कोसाआ आदेङ तोक्‍माय़ङ अ़चुऩङ्‌नुमा अ़मित्‍ताकि सायापेप्‍माय़ङ क्रुस्‌दा स़माओ अ़तुक्‌वादा दित्‍छाङ मान्‍मित्‌अ़दा। खोन्‌ओसा ओन्‍ग़रि खोक्‍को निनाम्‍हाङ्‌ओ अ़चुहाङ्‌युङ्‌खाओ अ़चुचुप्‍ताङ्‌छुक्‌लिप्‍पा म़युङ्‌याङ।

हिब्रु 12:4

हेवाओ अ़देङ्‌सालाप्‍पादा आम्‍नुओ ङेन मुमादा खानानिन्‌आ हान्‌तारि ह़ मान्‍सोन्‍त़युक्‍तुम।

१ पत्रुस 2:24

हेवाओ अ़सावा आन्‍कान्‌एदा दित्‍छाङ अ़युङ्‌निन्‍ने, खोन्‍कि साम्‌योक्‍मिओ निम्‍पाङ ह़ङिन्‍ने निकिना क्रुस्‌दा खोक्‍कोसाआ आप्‍पि आन्‍हेवा अ़खुया। खोक्‍कोसोओ अ़चुखेन्‍चिलाम्‍पा खानानिन त़नुन्‌युङ्‌सिन।

१ पत्रुस 3:18

देकिनालो ख्रिस्‍त्‌छाङ आन्‍कान निनाम्‍हाङ्‌एदा तात्‍मा निम्‍पाङ साम्‌योक्‍मि म़ना मान्‍साम्‌योक्‍मिचिओ निकि खोक्‍को अ़धुन्‌ओ निम्‍पाङ हेवामिचिओ अ़चुफान्‌दा अ़क्‍दु म़सुवा। खोक्‍को पोक्‌दा म़सुवा, मेन लावादा म़खोन्‍तालोन्‍ता।