फिलिप्‍पि 2:7 - बान्‍तावा राई

⁷ मेन खोक्‍कोसाआ झारा म़छिरुचि, खोन्‍कि हारुक म़मुवान्‍चिन्‌किना म़नावा म़लिसा।

फिलिप्‍पि 2:7 Cross References

मत्‍ति 12:18

“खानुम, अ़ङ्‌काफा अ़ङ्‌का छेन्‍तुङ्‌युङ्‌सुङ। खो अ़ङ्‌का सोमातुक्‍तुङ्‌ओ, खोन्‍कि खोएदा अ़ङ्‌ऩङानुवायुङ्‌सा। अ़ङ्‌का खोएदा अ़ङ्‌लावा पाक्‍तुङ्‌प़ङ, खोन्‍कि खोसाआ रावा-रावाओ म़नाचि तोङ्‌लो छ़ङ्‌छेन्‍माय़ङ खाम़एत्‍तुचि।

मत्‍ति 20:28

मोवात्‍निङा म़नाओ अ़छाछाङ ब़त्‍लुसि माआङ, मेन ब़त्‍सि, खोन्‍कि ब़द्‍धेकापाङ फोङ्‌माओ अ़लुङ छोन्‍सि निकिना अ़ह़ङ्‌म़ङ प़सि ताओ।”

मर्कुस 9:12

येसुआ मोचि म़लासुलोचि, “अ़नुछ्‍या, एलिया बुया ता, खोन्‍कि झारा य़ङ्‌चि लासुतोङ्‌सुचि। खोन्‍नुछाङ म़नाओ अ़छाआ चाअ़त्‍लो दुखा आङ्‌मा खोन्‍कि झारासा ऩङाअ़छित निकिना साम्‍कालिन्‌दा देत्‍नि छाप्‌याङ?

लुका 22:27

अ़धिवाङ साङ ओ, चा-चासि कायुङ हे काब़त? दि चा-चासि कायुङ माआङ कि? मेन अ़ङ्‌का आम्‍नुओ रादा अ़क्‍छा काब़त्‍पावाको मुङाङा।

युहन्‍ना 1:14

मो य़ङ पोक लिसाकि आन्‍रादा म़याआ। युहन्‍नाआ खोक्‍कोसोओ अ़चुतुक्‌वादा सालुम्‍स़ङ प़याङ्‌सा म़लोचि, “साङ्‌कोओ अ़चुतुक्‌वादा अ़ङ्‌का खानानिन लोनानिन, खोक्‍को ओङा ओ, अ़ङ्‌कादाङ्‌का आदेङ म़ताओ तोक्‍पो म़मुयाङ, देकिनालो खोक्‍को अ़ङ्‌कादाङ्‌का बुयाङा म़युङाङा।” आन्‍कान्‍का खोक्‍कोसोओ अ़चुसाम खाम्‌युङ्‌सुम्‍का। खोक्‍को निनाम्‍हाङ पापाओ अ़क्‍छा ओन्‍ङा अ़चुछा खान्‍तुलो तोक्‍पो म़मुवाङा। मो य़ङ सोम्‍तुक्‍मायु खोन्‍कि अ़छ़ङ्‌आ भेप्‍तुओ म़मुवाङा।

रोमि 1:3

ओ नुय़ङ्‌खान निनाम्‍हाङ्‌ओ अ़चुछा आन्‍हाङ्‌पा येसु ख्रिस्‍तओ अ़तुक्‌वादाओ। खोक्‍को म़ना म़लिसाकि दाउद हाङ्‌ओ अ़भुङ्‌दाङ्‌का म़पुक्‍तान्‍चिन।

रोमि 15:3

देकिनालो ख्रिस्‍तआ खोक्‍को आप्‍पि अ़चुऩङा मान्‍नुम़दान्‍चिन, मेन ओवात्‍नि छाप्‌याङ, “खानानिन कासुङ्‌चिओ अ़चुसुङ्‌मा अ़ङ्‌काएदा छुक्‍ता।”

रोमि 15:8

अ़ङ्‌का खानानिन लोनानिन, ख्रिस्‍त देकि सिप्‍मायाम्‍बुन म़लिसाओचिओ अ़चुहारुक म़लिसाओनालो, आन्‍सुन्‍तुम्‌चिएदा खोक्‍कोसाआ अ़मुवाओ हिप्‍माय़ङ्‌चिदा निनाम्‍हाङ अ़छ़ङ म़मुयाङ निकिना खाङ्‌मुमा ख्रिस्‍त सिप्‍मायाम्‍बुन म़लिसाओ।

रोमि 8:3

आन्‍को हेवामि आन्‍मित्‍माचि मान्‍ऱकादा म़लिसाओसा य़ङ्‌हुप्‌आ दि मुमा मान्‍ऱदो, मो निनाम्‍हाङ्‌आ अ़मुवा। निनाम्‍हाङ्‌आ आप्‍पिओ अ़चुछा अ़याङाकि आन्‍कान्‌वाको हेवामिचिओ आन्‍हेवाचिओ निम्‍पाङ हेन्‍खोक्‌वा अ़पुवाकि हेवाओ अ़क़म्‍मा आन्‍कान्‌एदाङ्‌का अ़लुक्‍ता।

२ कोरिन्‍थि 13:4

अ़नुछ्‍याङा, मान्‍ऱदामादा खोक्‍को क्रुस्‌दा म़ख़न्‍तानुछाङ खोक्‍को निनाम्‍हाङ्‌ओ अ़चुसावादा ओन्‍ग़रि म़ह़ङ्‌याङ। मोवात्‍निङा, आन्‍कान्‍काछाङ ख्रिस्‍त मान्‍ऱकादा म़मुवाङावात्‍निङा मुन्‌येन्‍का, मेन ओन्‍ग़रि आन्‍कान्‍का खोक्‍कोएनान ह़ङिन्‍का, खोन्‌ओसा खानानिन्‌एनान आन्‍काओ च़माथाङ्‌मादा निनाम्‍हाङ्‌ओ अ़चुसावा आन्‍कान्‍का तोक्‍तुम्‍का।

२ कोरिन्‍थि 8:9

देकिनालो आन्‍हाङ्‌पा येसु ख्रिस्‍तओ अ़चुसोमातुक्‍मा खानानिन त़सिन्‍तुम्‌योम। खोक्‍को कातोक म़मुवाङानुछाङ आम्‍नुओ निम्‍पाङ खोक्‍को मान्‍तोक्‍कादा म़लिसा, खोन्‌ओसा खोक्‍कोसोओ अ़मान्‍तोक्‍दामादाङ्‌का खानानिन कातोक लिमा रुवानिन।

गलाति 4:4

मेन ग़रि तालाकि निनाम्‍हाङ्‌आ अ़चुछा अ़य़सा। खोक्‍को अ़क्‍छा मेत्‍छामाएदाङ्‌का म़पुक्‍तान्‍चिन, खोन्‍कि यहुदि य़ङ्‌हुप्‌ओ अ़पाङ्‌दा म़पुक्‍तान्‍चिन।

फिलिप्‍पि 2:6

ख्रिस्‍त अ़नुछ्‍याङा निनाम्‍हाङ म़मुवाङानुछाङ, खोक्‍कोसाआ निनाम्‍हाङ्‌एनान अ़क्‍निवा लिमा अ़क्‌तात लाप्‍मायुङ्‌मादोत्‌ओ सामावात्‍नि मान्‍मित्‌अ़दा।

हिब्रु 12:2

आन्‍साकोङ्‌छ़ङ कापुङ खोन्‍कि काताला येसु नुलोक आन्‍म़क्‌आ खाम्‍ने। खोक्‍कोसाआ आदेङ तोक्‍माय़ङ अ़चुऩङ्‌नुमा अ़मित्‍ताकि सायापेप्‍माय़ङ क्रुस्‌दा स़माओ अ़तुक्‌वादा दित्‍छाङ मान्‍मित्‌अ़दा। खोन्‌ओसा ओन्‍ग़रि खोक्‍को निनाम्‍हाङ्‌ओ अ़चुहाङ्‌युङ्‌खाओ अ़चुचुप्‍ताङ्‌छुक्‌लिप्‍पा म़युङ्‌याङ।

हिब्रु 13:3

खानानिन्‌छाङ छेक्‍खादा मोचिएनान त़याइन्‌येन्‌वा काछेक्‌चि फासानुम्‍च़म। खोन्‍कि खानानिन्‌आछाङ दुखा त़आङ्‌तुम्‌योम्‌वा दुखादा म़छुक्‍ताओचि फासानुम्‍च़म।

हिब्रु 4:15

आन्‍काओ मुलो काब़क्‍पा आन्‍माऱदामाचिदा सोमामान्‍तुक्‍कादा ऩमुनिनिन। मेन आन्‍कान्‌वात्‍नि खोक्‍को झारा य़ङ्‌दा हेवादा धान्‍मा अ़लाप्‍ताहिदाछाङ खोक्‍को हेवादा मान्‍धान्‍दान्‍चिन।