फिलिप्‍पि 2:25 - बान्‍तावा राई

²⁵ इपाफ्रोदितस, खो अ़ङ्‌निछा, अ़ङ्‌काएनान अ़क्‍नि नुय़ङ्‌खान खालुमा काचि कामु खोन्‍कि नुय़ङ्‌खान कारात अ़क्‍निओ रात्‍खामि खोन्‍कि खानानिन्‌आ त़बाइसुम्‌ओ य़ङ्‌काखुन खोन्‍कि अ़ङ्‌का हाप्‍ङाहिदा काफा ओ, खो खानानिन्‌एदा लामाबान्‍मानि मिन्‍ङाङा।

फिलिप्‍पि 2:25 Cross References

युहन्‍ना 13:16

अ़नुछ्‍याङा अ़ङ्‌का खानानिन लोनानिन, हारुक अ़हाङ्‌पाएदाङ्‌का तोक्‍पो अ़लिनिन, खोन्‍कि य़ङ्‌खान काखात य़ङ्‌खान काखान्‌दाङ्‌का तोक्‍पो अ़लिनिन।

युहन्‍ना 17:18

देत्‍नि खानानिन्‌आ अ़ङ्‌का हेन्‍खामादा त़छुत्‍नि, मोवात्‍नि अ़ङ्‌काछाङ मोचि हेन्‍खामादा छुत्‍तुङ्‌योङ्‌च़ङ।

रोमि 16:3

प्रिस्‍का खोन्‍कि अकिलास ख्रिस्‍त येसुदा अ़क्‍नि काचि कामु अ़ङ्‌यावाचि सेवानि लोत्‍निप़नि।

रोमि 16:9

ख्रिस्‍तदा आन्‌यावा अ़क्‍नि काचि कामु अ़ङ्‌यावा उर्बनास खोन्‍कि अ़ङ्‌का सोमातुक्‍तुङ्‌योङ्‌ओ स्‍ताखुस सेवानि लोत्‍निप़नि।

१ कोरिन्‍थि 3:9

देकिनालो आन्‍काच्‍या ना निनाम्‍हाङ्‌ओ निम्‍पाङ अ़क्‍नि अ़चुकाचि कामुचिओ। खानानिन निनाम्‍हाङ्‌ओ अ़चुव़क ओ, निनाम्‍हाङ्‌ओ अ़चुखिम्‌ओ।

२ कोरिन्‍थि 2:13

मेन अ़ङ्‌निछा तितस मोदा मान्‍धित्‌ङा, खोन्‌ओसा अ़ङ्‌मिन्‍मा चाअ़त्‍सा। खोन्‍किना मोचिदाङ्‌का हासाङ्‌च़ङ्‌कि अ़ङ्‌का माकेदोनियाह्‍यात्‍नि खाराङ।

फिलिप्‍पि 2:26

खोसाआ खानानिन झारा अ़न्‍नुनु तुप्‍मा स़याङ। खो तुआओ य़ङ्‌खान खानानिन्‌आ त़एनुम्‌ओसा खो चाअ़त्‍लो लिसायुङ्‌सा।

फिलिप्‍पि 4:18

अ़ङ्‌का तोक्‍मादोत्‌ओदाङ्‌का च़लोक्‌ङा तोक्‍तुङ्‌युङ्‌सुङ। इपाफ्रोदितस्‌लाम्‍पा त़छोक्‍निओ आम्‍नुओ छुक्‍तुप्‍मा अ़ङ्‌का तोक्‍तुङ्‌युङ्‌सुङ। मो निनाम्‍हाङ्‌ओ अ़चुऩङानुओ नाम्‍नुओ अ़सुङ अ़क्‌तात लोक्‍माखान्‍तुओ हेन्‍खोक्‌वा ओ।

फिलिप्‍पि 4:3

अ़ङ्‌सोम्‍कुवाओ यावा, अ़ङ्‌का खानाछाङ लोनाङ्‌ना, ओ मेत्‍छामाचि फासुचि, देकिनालो मोचिआ अ़ङ्‌काएनान अ़क्‍नि नुय़ङ्‌खान खालुमा, क्‍लेमेसएनान खोन्‍कि नि यावाचिएनान अ़क्‍नि चात्‍लो काचि मुवायुङ्‌साचि। मोचिओ अ़चुऩङ ह़ङ्‌म़ङ्‌ओ छाप्‍लाखादा याक्‌याङ।

कलस्‍सि 1:7

मो नुय़ङ्‌खान आन्‍कान्‍का सोमातुक्‍तुम्‌योम्‍काओ काफापा यावा इपाफ्रास्‌आ खानानिन त़चिन्‍तिन। मो आन्‍काओ लिप्‍पादा ख्रिस्‍तओ अ़क्‍छा सोम्‍कुवा मुमा खान्‍तुओ काब़त्‍पा ओ।

कलस्‍सि 4:11

युस्‍तस अ़ऩङ मुयाङ्‌ओ येसुआछाङ खानानिन सेवा ऩछोक्‍तिन्‌युङ्‌सिन। निनाम्‍हाङ्‌ओ अ़चुहाङ्‌होन्‌ओ निम्‍पाङ काचि कामु यावाचिएदाङ्‌काओ यहुदि साकोङ्‌छ़ङ कामुचि ओचि सुम्‌कापाङ ओ। ओचिआ अ़ङ्‌का अ़न्‍नुनु अ़ङ्‌सोम ऩसेत्‍ताङ्‌युङ्‌साङ।

१ थेसलोनिकि 3:2

खोन्‍कि खानानिन तुप्‍सि तिमोथि छुत्‍तुम्‍का। खो आन्‍निछा ख्रिस्‍तओ अ़चुनुय़ङ्‌खान खालुमा काफा निनाम्‍हाङ्‌ओ अ़चुकाचि कामु ओ। आन्‍कान्‍का खो खानानिन नुलोक साकोङ्‌छ़ङ मुमेत्‍मा फासि खोन्‍कि आम्‍नुओ सोम्‍कुवादा राक प़सि छुत्‍तुम्‍का।

फिलेमोन 1:24

अ़ङ्‌काएनान काचि कामुचि मर्कुस, अरिस्‍तार्खस, देमास खोन्‍कि लुकाओछाङ अ़चुसेवानि।

हिब्रु 3:1

खोन्‌ओसा निनाम्‍हाङ्‌आ ऩबुत्‍तिन्‌ओ त़सेङियेन्‌ओ अ़ङ्‍ब़ब़, नाना, खोन्‍कि निछाचि ओ, निनाम्‍हाङ्‌आ अ़छाम्‍साओ खोन्‍कि मुलो काब़क्‍पानि आन्‍कान य़ङिन्‌ओ येसु मित्‍तानुम।