फिलिप्‍पि 1:27 - बान्‍तावा राई

²⁷ अ़च़वाङ य़ङ ओङा ओ, आम्‍नुओ ह़ङ्‌म़ङ्‌ओ च़माथाङ्‌माआ ख्रिस्‍तओ अ़चुनुय़ङ्‌खान खान्‍तुओ मुने। अ़ङ्‌का बान्‍ङाकि तुप्‍नानिन्‌नुछाङ माङ्‌लो अ़ङ्‌का अ़युङ्‌ऩङ्‌ऩङ्‌ङाने, अ़ङ्‌का ओ य़ङ आम्‍नुओ तुक्‌वादा एन्‍मा स़ङा, खानानिन अ़क्‌तात लावादा अ़क्‍नि त़लिसिन्‌कि त़एविन्‌ओ खोन्‍कि अ़क्‍मिन्‍माओ त़लिसिन्‌कि नुय़ङ्‌खान्‌ओ साकोङ्‌छ़ङ्‌ओ निम्‍पाङ अ़क्‍नि त़मुन्‌येन्‌ओ अ़ङ्‌का एन्‍मा तोक्‍तुङ्‌ने।

फिलिप्‍पि 1:27 Cross References

मत्‍ति 12:25

मेन खोक्‍कोसाआ मोचिओ अ़चुमिन्‍मा अ़सिन्‍ताकि मोचि म़लोचि, “झारा हाङ्‌होन आप्‍पि-आप्‍पिओ अ़चुदेङ्‌सालाप्‍पादा म़फेक्‌नालो मोचि आप्‍पि म़लुक्‍खात, खोन्‍कि झारा सहरा माङ्‌लो खिम्‍लुम्‍पा, अ़क्‍छा निओ अ़चुदेङ्‌सालाप्‍पादा म़फेक्‌नालो मोचि म़लुक्‍खात।

छाम्‍माय़ङ 2:46

मोचि अ़लेन्‍खिन्‍तुम निनाम्‍हाङ ब़क्‍खाखिम्‌दा अ़क्‍नि म़कोवान्‌यान्‍चिन, खोन्‍कि म़तोङाकि अ़चुखिम्‌चिदा अ़चुऩङानुयाङ्‌सा खोन्‍कि अ़नुवाक साकोङ्‌वाआ पेम्‍पाक म़हासाचाङा,

छाम्‍माय़ङ 24:24

अ़क्‍चित लेन्‌कि फेलिक्‍स्‌आ यहुदिमा अ़खिम्‍हाङ्‌मा द्रुसिल्‍ला खात्‍तुकि पावल अ़युङ्‌साओदा खाराचि। खोन्‍कि खो छेक्‍ताङाओदाङ्‌का खुत्‍लुवाकिना येसु ख्रिस्‍तएदाओ साकोङ्‌छ़ङ्‌ओ अ़तुक्‌वादा खोएदाङ्‌का अ़एनाचु।

छाम्‍माय़ङ 4:32

साकोङ्‌छ़ङ कामुचि झारा अ़क साकोङ्‌वा खोन्‍कि अ़क मिन्‍मा म़लिसायुङ्‌सा, खोन्‍कि मोचिएदा युङाङाओ अ़चुचासुम्‍छेन्‍बिचि “अ़ङ्‌को ओन्‍ङा”नि मान्‌य़ङ्‌याङ्‌चि। मेन मोचि झारासोओ अ़चुचासुम्‍छेन्‍बिचि अ़क्‍छा निएदा म़हासुङुचि।

रोमि 1:16

नुय़ङ्‌खान खालुमा अ़ङ्‌लेजो अ़कात्‍निन, देकिनालो झारा साकोङ्‌छ़ङ कामु लेत्‍माओ निम्‍पाङ ओ निनाम्‍हाङ्‌ओ अ़चुसावा ओ: बुयाओदु यहुदिचि, खोन्‍कि ग्रिक्‌चिओ निम्‍पाङ्‌छाङ ओ।

रोमि 1:5

आन्‍हाङ्‌पा येसु ख्रिस्‍तलाम्‍पा निनाम्‍हाङ्‌आ आन्‍कान सोमाम़तुक्‍ताकि छाम्‍माय़ङ लिमाओ अ़वाखाम म़पुवायुङ्‌सा, खोन्‌ओसा झारा रावाओ म़नाचि साकोङ्‌छ़ङ्‌दा खोन्‍कि लोमाय़ङ्‌दा तित्‍मा ऱम्‍च़म्‌कि निनाम्‍हाङ्‌ओ अ़चुऩङ अ़लोङ्‌ने।

रोमि 1:9

अ़ङ्‌का झारा अ़ङ्‌साकोङ्‌वाआ खोक्‍कोसोओ अ़चुछाओ अ़चुनुय़ङ्‌खान खालुमादा खोक्‍को ब़रुङ, खोन्‍कि अ़धुन अ़ङ्‌यामात्‍मादा अ़ङ्‌का खानानिन मित्‍नानिन्‌ओ य़ङ निनाम्‍हाङ अ़ङ्‌सालुम्‍स़ङ म़युङ्‌याङ।

रोमि 10:8

मेन ओसोओ अ़य़ङ्‌खान ओङा ओ, “निनाम्‍हाङ्‌ओ अ़चुय़ङ आम्‍च़क्‌दाङा, आम्‍दोदाङा खोन्‍कि आम्‍साकोङ्‌वादाङा याक्‌याङ।” मो सोम्‍कुवाओ अ़तुक्‌वादाओ य़ङ्‌खान आन्‍कान्‍का खालुसुम्‍का।

रोमि 15:16

निनाम्‍हाङ्‌ओ अ़चुआसिखालाम्‍पा अ़ङ्‌का येसु ख्रिस्‍तओ अ़चुतुक्‌वादा निरावा म़नाचि नुय़ङ्‌खान खाएत्‍तुङ्‌च़ङ। ओवात्‍नि, अ़ङ्‌का अ़क्‍छा काब़क्‍पा लिसाङ्‌किना निनाम्‍हाङ्‌ओ अ़चुऩङानुओ हेन्‍खोक्‌वा प़सि निरावाचि खोक्‍कोसोओ अ़चुबुदा बात्‍तुङ्‌च़ङ। मोचि सेङ्‌लावाआ सेङ्‌लो म़मुयुङ्‌सुचिओ।

रोमि 15:29

अ़ङ्‌का सिन्‍तुङ्‌योङ, अ़ङ्‌का खानानिन्‌एदा बान्‍ङाहिदा ख्रिस्‍तओ च़लोक अ़चुआसिखादा बान्‍ङा।

१ कोरिन्‍थि 1:10

ब़ब़, नाना खोन्‍कि निछाचि ओ, आन्‍हाङ्‌पा येसु ख्रिस्‍तओ अ़चुऩङ्‌लाम्‍पा खानानिन अ़ङ्‌का लोनाङ्‌नानिन, खानानिन झारा अ़क्‍छा निएदा तोङानिन खोन्‍कि आम्‍नुओ रादा मान्‍फेक्‍दानिन, मेन खानानिन अ़क्‍मिन्‍माओ खोन्‍कि अ़क्‍मित्‍चिऩङ्‍ओ लिसानिन।

१ कोरिन्‍थि 15:58

खोन्‌ओसा, अ़ङ्‌का सोमातुक्‍नाङ्‌नानिन्‌ओ अ़ङ्‍ब़ब़, नाना खोन्‍कि निछाचि ओ, नुलोक युङानिन। दिसाआछाङ ओह्‍यात्‍नि-मोह्‍यात्‍नि त़मुन्‍मिन्‍ने। हाङ्‌पाओ अ़चुकाचिदा अ़धुन पोइसा खारानिन। देकिनालो खानानिन त़सिन्‍तुम्‌योम, निनाम्‍हाङ्‌एदा आम्‍नुओ काचि सोज्‍जे अ़लिनिन।

२ कोरिन्‍थि 13:11

देङ्‌दा, ब़ब़, नाना खोन्‍कि निछाचि ओ, हासिन्‍चिन्‍ने। अ़च़वाङ्‍ओ निम्‍पाङ मित्‍चिऩङ मुवानिन। अ़ङ्‌य़ङ एनानुम! अ़क्‍छा निएदा तोङानिन। सेवाङ्‌नि युङानिन। खोन्‍कि निनाम्‍हाङ्‌ओ अ़चुसोमातुक्‍मा खोन्‍कि सेवाङ्‌नि खानानिन्‌एनान युङ।

२ कोरिन्‍थि 4:4

ओ हेन्‍खामादाओ माङ्‌आ साकोङ्‌छ़ङ मान्‍मुकादाचिओ अ़चुमिन्‍माचि दोप्‍म़क म़मेत्‍तुप़युङ्‌सुचिओसा ख्रिस्‍तओ साम्‍स़रिओ अ़चुनुय़ङ्‌खान खाङ्‌मादाङ्‌का म़छेक्‍तुचि। ख्रिस्‍त निनाम्‍हाङ्‌ओ अ़चुकात्‍मावा म़कात्‌याङ।

२ कोरिन्‍थि 9:13

खानानिन्‌आ त़मुम्‌ओ ओ काचि सिवाआ मोचिआ निनाम्‍हाङ अ़लोङ। देकिनालो मोचिआ अ़नुवाक मिन्‍माआ मोचि खोन्‍कि झारा साकोङ्‌छ़ङ कामुचि त़फासुम्‍च़म्‌ओ काचिआ ख्रिस्‍तओ अ़चुनुय़ङ्‌खान्‌दा साकोङ्‌छ़ङ त़मुम्‌ओ य़ङ खोन्‍कि निनाम्‍हाङ्‌ओ अ़चुलोमाय़ङ्‌वा त़च़न्‌ओ अ़छ़ङ मुयुङ्‌सुयुङ्‌सु।

गलाति 1:7

अ़नुछ्‍याङा नि नुय़ङ्‌खान खाक्‍कोछाङ मात्‍द़ङ, मेन खा-खाक्‍को म़नाचिआ खानानिन ऩथेम्‍सिन्‍खाइसिन्‌येन खोन्‍कि मोचिआ ख्रिस्‍तओ अ़चुनुय़ङ्‌खान अ़हुखान्‌याङ।

एफिसि 1:13

खोन्‍कि खानानिन्‌आछाङ खोक्‍कोएदा अ़छ़ङ य़ङ आम्‍नुओ लेन्‍माय़ङ नुय़ङ्‌खान त़एनुम, खोन्‍कि खोक्‍कोएदा साकोङ्‌छ़ङ त़मुन। खोक्‍कोएदाङा खानानिन हिप्‍माय़ङ सेङ्‌लावाआ ऩसेप्‍तिन।

एफिसि 1:15

हाङ्‌पा येसुदा याक्‌याङ्‍ओ आम्‍नुओ साकोङ्‌छ़ङ खोन्‍कि झारा निनाम्‍हाङ्‌ओ अ़चुम़नाचिएदाओ आम्‍नुओ सोमातुक्‍माओ अ़तुक्‌वादा अ़ङ्‌का एनुङ्‌युङ्‌सुङ ओसाआङा,

एफिसि 4:1

खोन्‌ओसा अ़ङ्‌का हाङ्‌पाओ निम्‍पाङ अ़क्‍छा छेक्‍माय़ङ्‍आ, खानानिन राक प़नाङ्‌नानिन, खानानिन त़तोक्‍तुम्‌ओ बुत्‍माय़ङ खान्‍तुओ ह़ङ्‌म़ङ ह़ङानिन।

फिलिप्‍पि 1:5

देकिनालो बुयाओ लेन्‌दाङ्‌का आइमित्‌तारि नुय़ङ्‌खान काचिदा खानानिन्‌आ अ़ङ्‌का त़फानियुङ्‌नि।

फिलिप्‍पि 2:12

खोन्‌ओसा सोमातुक्‍नाङ्‌नानिन्‌ओ यावाचि ओ, देत्‍नि खानानिन्‌आ अ़धुन निनाम्‍हाङ्‌ओ अ़चुलोमाय़ङ त़काङ्‌सिन, अ़ङ्‌का खानानिन्‌एदा युङाङ्‌याङ्‌हिदा ओन्‍ङा मुन्‌वा माआङ, मेन च़लोक अ़ङ्‌का मात्‍द़ङ्‌हिदाछाङ क़माआ धुन्‌याङ्‌सा आम्‍नुओ लेन्‍माय़ङ्‌आ खानानिन झारासाआ चात्‍लो काचि मुवायुङ्‌सानिन।

फिलिप्‍पि 2:24

खोन्‍किना अ़ङ्‌काछाङ च़क्‍नि बान्‍मा ऱन्‍ङाने निम्‍पाङ हाङ्‌पाएदा सोम्‍कुवा मुङाङा।

फिलिप्‍पि 3:18

अ़ङ्‌का ब़द्‍धेकादु खाएत्‍नानिन्‌ओ म़नाचिओ अ़तुक्‌वादा हान्‍छाङ खानानिन खाप्‌याङ्‌सा लानालोनाङ्‌नानिन, ब़द्‍धे म़नाचि ख्रिस्‍तओ अ़चुक्रुस्‌ओ ङेङ्‌चिवात्‍नि म़ह़ङ।

फिलिप्‍पि 3:20

मेन आन्‍ताङ्‌युङ निनाम्‍मादु युङ्‌याङ। खोन्‍कि मोदाङ्‌का म़ताओ आन्‍कालेन्‍पा, हाङ्‌पा येसु ख्रिस्‍त आन्‍कान राक्‍स़रि हुङुम।

फिलिप्‍पि 4:1

खोन्‌ओसा अ़ङ्‌का सोमातुक्‍नानिन्‌ओ खोन्‍कि खाङ्‌मा स़ङाङाओ अ़ङ्‍ब़ब़, नाना खोन्‍कि निछाचि ओ, खानानिन अ़ङ्‌ऩङानुमा खोन्‍कि अ़ङ्‌तोक्‍पो लिखा ओ। अ़ङ्‌का सोमातुक्‍नाङ्‌नानिन्‌ओचि ओ, ओवात्‍निङा हाङ्‌पाएदा नुलोक युङानिन।

कलस्‍सि 1:10

खोन्‍किना खानानिन हाङ्‌पाओ अ़चुमिन्‍मावाको ह़ङ्‌म़ङ त़ह़ङिन्‌कि अ़धुन खोक्‍कोसोओ अ़चुऩङानुमा त़ऱम। मोवात्‍नि त़ह़ङिन्‌नालो आम्‍नुओ ह़ङ्‌म़ङ्‌आ झाराकापाराओ अ़नुवाक सिवा सिसु, खोन्‍कि खानानिन निनाम्‍हाङ्‌ओ अ़चुतायादा पोइसा त़खारिन।

कलस्‍सि 1:4

देकिनालो ख्रिस्‍त येसुएदाओ आम्‍नुओ साकोङ्‌छ़ङ खोन्‍कि झारा निनाम्‍हाङ्‌ओ अ़चुम़नाचिएदाओ आम्‍नुओ सोमातुक्‍माओ अ़तुक्‌वादा आन्‍काच्‍या एनायुङ्‌साचुवा।

१ थेसलोनिकि 3:6

मेन तिमोथि खानानिन्‌एदाङ्‌का आन्‍कान्‍काएदा लासाबानायुङ्‌सा, खोन्‍कि आम्‍नुओ साकोङ्‌छ़ङ खोन्‍कि आम्‍नुओ सोमातुक्‍माओ अ़तुक्‌वादा नुय़ङ्‌खान आन्‍कान्‍काएदा बात्‍तुयुङ्‌सु। खानानिन्‌आ आन्‍कान्‍का अ़धुन सोमातुक्‌याङ्‌सा त़मित्‍निङ्‌निओ खोन्‍कि खानानिन आन्‍कान्‍का खाङ्‌मा स़न्‌येन्‍कावात्‍निङा खानानिन्‌छाङ आन्‍कान्‍का खाङ्‌मा त़स़न्‌येन्‌ओ य़ङ आन्‍कान्‍का खाअ़एत्‍तिन युङ्‌सिन्‍का,।

१ थेसलोनिकि 4:1

हान अ़चिन्‍मादा, ब़ब़, नाना खोन्‍कि निछाचि ओ, आन्‍कान्‍का हाङ्‌पा येसुएदा खानानिन लोनियुङ्‌नि खोन्‍कि यायोक प़नियुङ्‌नि। खानानिन्‌आ देत्‍नि ह़ङ्‌माकि निनाम्‍हाङ्‌ओ अ़चुऩङानुमादोत्‌निओ य़ङ आन्‍कान्‍काएदाङ्‌का त़चिन्‍तिन्‌युङ्‌सिन्‍चिन। खानानिन मोवात्‍निङा त़च़न्‌येन, खोन्‍कि मोवात्‍निङा च़लोक च़याङ्‌सा खारानिन निकिना आन्‍कान्‍का खानानिन राक प़नि।

१ तिमोथि 1:11

ओ अ़ङ्‌का ऩपुवाङ्‌ओ चिन्‍माय़ङ साम्‍स़रिओ नुय़ङ्‌खान चोन्‍मा खान्‍तुओ निनाम्‍हाङ्‌ओवात्‍निओ मुयाङ।

१ तिमोथि 1:19

साकोङ्‌छ़ङ खोन्‍कि अ़नुवाक छेन्‍खाताया मान्‍लेत्‌दो। खा-खाक्‍को म़नाचिआ छेन्‍खाताया ऩङाअ़छिराकि अ़चुसाकोङ्‌छ़ङ अ़लुक्‍तायुङ्‌सा।

२ तिमोथि 4:7

अ़ङ्‌का अ़नुवाक ङेन मुवाङ्‌युङ्‌साङ, अ़ङ्‌का अ़ङ्‌लोत्‍मा चिउङ्‌युङ्‌सुङ। अ़ङ्‌का अ़ङ्‌साकोङ्‌छ़ङ्‌ओ य़ङ रात्‍तुङ्‌युङ्‌सुङ।

तितस 2:10

खोन्‍कि खाक्‍को सामाछाङ ऩख़सुन्‍ने। मेन अ़धुन्‌ङा मिन्‍माआ चाओ खोन्‍कि अ़नुवाक म़लिकिना म़युङ्‌ने। मोवात्‍नि म़च़नालो म़नाचि दियाको य़ङ्‌दाछाङ आन्‍कान कालेन्‍पा निनाम्‍हाङ्‌ओ अ़चुचिन्‍मा एन्‍मा म़स़।

फिलेमोन 1:5

देकिनालो निनाम्‍हाङ्‌ओ अ़म़नाचिएदा आम्‍सोम्‍तुक्‍मा खोन्‍कि हाङ्‌पा येसुएदा आम्‍साकोङ्‌छ़ङ याक्‌याङ्‌ओ एनुङ्‌योङ।

याकुब 3:18

कातोङ्‌चिआ सेवाङ्‌निदा अ़वेत, खोन्‍कि मोचिआ साम्‌योक्‍मिओ अ़सिवा अ़कोप।

२ पत्रुस 3:11

ओ झारा य़ङ्‌चि ओवात्‍नि म़ह़त्‍खात्‌ओसा खानानिन दियाको म़ना लिमादोत? आम्‍नुओ ह़ङ्‌म़ङ निनाम्‍हाङ्‌ओ निम्‍पाङ सेङ्‌याङ्‌ओ खोन्‍कि साम्‌योक्‍मि च़माथाङ्‌मादा प़मादोत।

२ पत्रुस 3:14

खोन्‌ओसा सोमातुक्‍नाङ्‌नानिन्‌ओ अ़ङ्‌यावाचि ओ, ओ य़ङ्‌चि काहुङ्‌चिओसा निनाम्‍हाङ्‌ओ अ़चुखाङ्‌मादा खानानिन थुपि खोन्‍कि ह़त्‍माय़ङ मात्‍द़ङ्‌ओ सेवाङ्‌निओ ह़ङ्‌म़ङ ह़ङानिन।

यहुदा 1:3

सोमातुक्‍नाङ्‌नानिन्‌ओ यावाचि ओ, आन्‍कान झारासोओ लेन्‍माओ अ़तुक्‌वादा छाप्‍मा अ़न्‍नुनु लामाङ्‌युङ्‌सा। मेन हान मोसोओ अ़फान्‌दा, निनाम्‍हाङ्‌आ अ़चुओ म़नाचि अ़धुन्‌ओ निकिना म़प़चिओ साकोङ्‌छ़ङ रात्‍माओ निम्‍पाङ चात्‍लो काचि मुमाओ राक प़मा छाप्‍लावा छाप्‍मादोत्‌नि मिनाङ।