फिलिप्‍पि 1:10 - बान्‍तावा राई

¹⁰ खोन्‌ओसा खानानिन्‌आ अ़नुवाक य़ङ छेन्‍मा त़ऱम्‍ने। खोन्‍किना ख्रिस्‍त म़लाताओ लेन्‌दा अ़च़क़ल़क खोन्‍कि लाहि मात्‍द़ङ्‌ओ त़लिसिन्‍ने।

फिलिप्‍पि 1:10 Cross References

मत्‍ति 16:23

मेन येसु म़हुसान्‍चिन्‌कि पत्रुस अ़लोवा, “सैताना! अ़ङ्‌बुदाङ्‌का खारालावा। खाना अ़ङ्‌लाम काछेक ओ। देकिनालो आम्‍मिन्‍मा निनाम्‍हाङ्‌दाङ्‌काओ माआङ, मेन म़नाएदाङ्‌काओ ओ।”

मत्‍ति 26:33

पत्रुस्‌आ येसु अ़लासालोवा, “आम्‍नुओ तुक्‌वाआ झारा देङ म़लानुछाङ अ़ङ्‌का देम्‍खाछाङ अ़लाऩङ।”

युहन्‍ना 1:47

येसुआ नथानेल खोएदात्‍नि बानाङाओ अ़खाकि मोसोओ अ़तुक्‌वादा म़य़ङा, “अ़क्‍छा अ़नुछ्‍याओ इस्राएलि खानुम, मोएदा दित्‍छाङ म़प्‍मा मात्‍द़ङ।”

युहन्‍ना 3:20

अ़त्‍लो काचि कामु झारासाआ साम ऩङाअ़छित, खोन्‍कि साम्‌दा ऩतानिन, देकिनालो मोचिओ अ़चुअ़अ़त्‍पा काचिचि म़नाचिआ ऩखान्‍चिन्‍ने।

छाम्‍माय़ङ 24:16

खोन्‌ओसा अ़ङ्‌का अ़धुन निनाम्‍हाङ्‌ओ अ़चुबुदा खोन्‍कि म़नाचिओ अ़चुबुदा दित्‍छाङ अ़अ़त्‍पा काचि मान्‍मुदामा लाम्‍ङाङा।

रोमि 12:2

ओ हेन्‍खामादाओ अ़च़माथाङ्‌माचिवा मान्‍च़दानिन, मेन आम्‍नुओ मिन्‍मादा अ़ऩङ्‌वा लिसानिन्‌कि झारा फान्‍तानिन्‍चिन। खोन्‍किना निनाम्‍हाङ्‌ओ अ़नुवाक, अ़चुऩङानुओ खोन्‍कि अ़छ़ङ अ़चुमिन्‍मा दि ओ, मो खानानिन्‌आ सिन्‍मा त़ऱम।

रोमि 12:9

सोम्‍तुक्‍मा झारा अ़छ़ङ मुने। खाक्‍को य़ङ अ़अ़त्‍पा मुयाङ, मो ऩङाछिरानुम। खाक्‍को य़ङ अ़नुवाक मुयाङ, मो मुवायुङ्‌सानुम।

रोमि 16:17

ब़ब़, नाना खोन्‍कि निछाचि ओ, अ़ङ्‌का खानानिन यायोक प़नाङ्‌नानिन, खानानिन चिन्‍माय़ङ साम्‌योक्‍मि लाम्‌ओ अ़देङ्‌सालाप्‍पादा काफेक्‌चि खोन्‍कि लाम्‍काछेक्‌चिदाङ्‌का चाप्‍चेत्‍तानिन्‍चिन, खोन्‍कि मोचिदाङ्‌का अ़थाया युङानिन!

रोमि 2:18

खानानिन निनाम्‍हाङ्‌ओ अ़चुमित्‍चिऩङ त़सिन्‍तुम्‌योम, दि अ़नुवाक मुयाङ मो छेन्‍मा खानानिन य़ङ्‌हुप्‌दाङ्‌का त़चिन्‍तिन्‍चिन।

रोमि 7:16

मेन अ़ङ्‌का दि मुङ्‌योङ मो फिसुङ्‌योङ्‌नि सिन्‍तुङ्‌योङ्‌नालो य़ङ्‌हुप अ़नुवाक मुयाङ निकिना अ़ङ्‌का काङ्‌ङाओ ओसाआ खाङ्‌मुसु।

रोमि 7:22

देकिनालो अ़ङ्‌साकोङ्‌वा हुत्‌याङ्‌का निनाम्‍हाङ्‌ओ अ़चुय़ङ्‌हुप्‌दा अ़ङ्‌ऩङानु,

रोमि 8:7

साङ्‌आ हेवामि मित्‍माचिदा अ़मिन्‍मा पाउ, मो निनाम्‍हाङ्‌ओ अ़चुङेङ लि। मो देम्‍खाछाङ निनाम्‍हाङ्‌ओ अ़चुय़ङ्‌हुप्‌दा अ़प़नान्‍लाप्‍नान्‍चिमिन, खोन्‍कि अ़नुछ्‍याङा लिमा अ़ऱनिन।

१ कोरिन्‍थि 1:8

आन्‍हाङ्‌पा येसु ख्रिस्‍तओ अ़चुलामातामा लेन्‌दा खानानिन ऩङ्‌छिन मान्‍मुमाङ युङ्‌मा खोक्‍कोसाआ खानानिन आदेङ्‌तारि साकोङ्‌छ़ङ्‌दा नुलोक ऩयुङ्‌सिन।

१ कोरिन्‍थि 10:32

साङ्‌छाङ धुङ्‌खा मान्‍लिदानिन, यहुदिने, ग्रिक्‌ने माङ्‌लो निनाम्‍हाङ्‌ओ अ़चुसाम्‍भुङ्‌ङाने।

१ कोरिन्‍थि 8:13

खोन्‌ओसा अ़ङ्‌का चाङ्‍ओ साआ साकोङ्‌छ़ङ कामु हेवादा धाखा लाम लिनालो अ़ङ्‌का देम्‍खाछाङ सा अ़चाऩङ, मोवात्‍नि अ़ङ्‌का साकोङ्‌छ़ङ कामु हेवादा अ़धान्‍ऩङ।

२ कोरिन्‍थि 1:12

हेन्‍खामादा खोन्‍कि च़लोक्‌वा खानानिन्‌एनान्‌ओ आन्‍काओ तुप्‍मादा आन्‍कान्‍का काचि मुम्‍काहिदा ओ हेन्‍खामादाओ चाप्‍चाआ माआङ, मेन सेङ्‌लो खोन्‍कि अ़छ़ङ्‌दा आन्‍कान्‍का मुम्‍का। ओ य़ङ्‌दा आन्‍काओ ऩङानु, खोन्‍किना आन्‍काओ छेन्‍खातायाआछाङ मोसोओ अ़सालुम्‍स़ङ प़।

२ कोरिन्‍थि 2:17

देकिनालो ब़द्‍धे निचिवा आन्‍कान्‍का निनाम्‍हाङ्‌ओ अ़चुय़ङ काखित काइन्‌चि माआङ, मेन निनाम्‍हाङ्‌आ ऩछुत्‍तिन्‍काओ अ़चुमिन्‍मा सेङ्‌याङ्‌ओ म़नाचिवा आन्‍कान्‍का निनाम्‍हाङ्‌ओ अ़चुबुदा ख्रिस्‍तओ अ़चुतुक्‌वादा चेविन्‍का।

२ कोरिन्‍थि 6:3

आन्‍काओ काचिदा फिमाय़ङ ऩधिरुन्‍ने निकिना आन्‍कान्‍का साङ्‌कोछाङ अ़लाम अ़छेक्‍तिमिन्‍का।

२ कोरिन्‍थि 8:8

अ़ङ्‌का खानानिन लोमाय़ङ्‌वा लोनाङ्‌नानिन्‌ओ माआङ, मेन निचिओ अ़चुराक्‌एनान तोङ्‌खाङ्‌याङ्‌सा आम्‍नुओ सोम्‍तुक्‍माछाङ अ़छ़ङ मुयाङ्‌नि खाङ्‌मुमाओ निम्‍पाङ अ़ङ्‌का लोनानिन्‌ओ।

गलाति 5:11

ब़ब़, नाना खोन्‍कि निछाचि ओ, अ़ङ्‌का सिप्‍मायाम्‍बुन मुमादोत निकिना हान्‍छाङ खालुङाङाओ खाङ्‌देना अ़ङ्‌का यहुदिचिआ दुखा मान्‍प़ऩदाङ्‌ओ। मोवात्‍नि क्रुस्‌ओ अ़तुक्‌वादा खाअ़लुऩङ्‌ओ खाङ्‌दे ना अ़ङ्‌का फित्‍चि ऩमुऩङ्‍ओ।

एफिसि 4:15

माङ्‌लो, सोम्‍तुक्‍माएनान अ़छ़ङ चेप्‌याङ्‌सा, झारा य़ङ्‌दा आन्‍कान खोक्‍कोएदातारि माङ्‌लो ख्रिस्‍तएदातारि पोयिन्‍ने, खोक्‍कोङा अ़छोङ ओ।

एफिसि 5:10

खोन्‍कि हाङ्‌पा दिसाआ अ़चुऩङानु, मो चिन्‍मान्‍चिन लामानिन।

एफिसि 5:27

खोन्‍कि खोक्‍कोसाआ थुपि मात्‍द़ङ्‌ओ खोन्‍कि मान्‍चुन्‌युक्‍तुओ माङ्‌लो दियाकोछाङ मान्‍फिकादा साम्‍स़रिओ साम्‍भुङ खोक्‍कोसाआ आप्‍पि खाङ्‌मुमा निम्‍पाङ ओ, खोन्‍किना मो सेङ्‌याङ्‌ओ खोन्‍कि थुपि मात्‍द़ङ्‌ओ लिने।

एफिसि 6:24

आन्‍हाङ्‌पा येसु ख्रिस्‍त अ़धुन अ़लुक्‍निन्‍लो सोमाकातुक्‌चि झाराएदा सोमातुक्‍मा युङ्‌ने।

फिलिप्‍पि 1:16

नुय़ङ्‌खान रात्‍माओ निम्‍पाङ अ़ङ्‌का ओदा युङ्‌ङाङाओ मोचिआ अ़सिन्‍तायुङ्‌सा। खोन्‌ओसा खा-खाक्‍कोचिआ अ़नुवाक मिन्‍माआ खाअ़लुसायुङ्‌सा, मोचिआ अ़चुसोमातुक्‍माआ अ़मुयाङ।

फिलिप्‍पि 1:6

खोन्‍कि अ़ङ्‌का सोम्‍कुवा मुङा, निनाम्‍हाङ्‌आ खानानिन्‌एदा अ़क्‌तात अ़नुवाक काचि अ़पुङ्‌साओ, खोक्‍कोसाआ येसु ख्रिस्‍त म़लाताओ लेन्‌तारि मो अ़ताला।

फिलिप्‍पि 2:16

ह़ङ्‌म़ङ्‌ओ नुय़ङ्‌खान नुलोक लावायुङ्‌सानुम। मोवात्‍नि अ़ङ्‌का सोज्‍जेङा मान्‍लोत्‍ङा माङ्‌लो अ़ङ्‌का सोज्‍जेङा काचि मान्‍मुङा निकिना ख्रिस्‍तओ अ़चुलामातामा लेन्‌दा अ़ङ्‌का तोक्‍पो लिमा ऱङाने।

१ थेसलोनिकि 3:13

खोन्‌ओसा खोक्‍कोसोओ झारा अ़चुसेङ्‌ताङ्‌पाचिएनान आन्‍हाङ्‌पा येसु ख्रिस्‍त म़लाय़हिदा खोक्‍कोसाआ आन्‍निनाम्‍हाङ पापाओ अ़चुबुदा सेङ्‌याङ्‌ओ खोन्‍कि लाहि मात्‍द़ङ्‌ओ लिमा आम्‍नुओ साकोङ्‌वा छोओ ऩमेत्‍तिन्‍प़न्‍ने।

१ थेसलोनिकि 5:21

झारा य़ङ्‌चि चिन्‍ताखानुम्‍च़म। खाक्‍को य़ङ अ़नुवाक मुयाङ, मो य़ङ लावायुङ्‌सानुम।

१ थेसलोनिकि 5:23

सेवाङ्‌निओ निनाम्‍हाङ्‌आङा खानानिन झारा ऩसेङ्‌सिन्‍ने, खोन्‍कि झारा आम्‍नुओ लावा, साक्‍मा खोन्‍कि पोक आन्‍हाङ्‌पा येसु ख्रिस्‍त म़लाय़याङ्‌हिदा लाहि मात्‍द़ङ्‌ओ लिने।

१ युहन्‍ना 4:1

सोमातुक्‍नाङ्‌नानिन्‌ओ यावाचि ओ, झारा लावाचि साकोङ्‌छ़ङ मान्‍मुदानुम्‍च़म, मेन लावाचि निनाम्‍हाङ्‌दाङ्‌का म़ताओ हे माआङ, मोचि सिन्‍मा निम्‍पाङ चिन्‍ताखानुम्‍च़म, देकिनालो सोज्‍जेओ निनाम्‍हाङ्‌य़ङ खाकालुचि ओ हेन्‍खामादा झारादात्‍नि म़खारायुङ्‌सा।

खाङ्‌मुमा 2:2

खाना त़मुचिओ य़ङ्‌चि, आम्‍काचिचि खोन्‍कि खाना देत्‍नि त़आङ्‌तुओचि अ़ङ्‌का सिन्‍तुङ्‌योङ। खोन्‍कि खाना अ़अ़त्‍पा म़नाचि आङ्‌मा त़ऱन्‍चिन, मोचि आप्‍पि ‘छाम्‍माय़ङ्‌ओचि’नि ना म़लोनान्‍चिन, मेन माआङ। खोन्‍कि खाना मोचि त़चिन्‍तुखोचिहिदा सोज्‍जेओ त़धिरुचिओ अ़ङ्‌का सिन्‍तुङ्‌योङ।