फिलिप्‍पि 1:1 - बान्‍तावा राई

¹ ओ छाप्‍लावा ख्रिस्‍त येसुओ अ़चुहारुक्‌चि पावल खोन्‍कि तिमोथिदाङ्‌का ओ। ख्रिस्‍त येसुदा अ़क्‍भोम त़लिसिन्‌ओ फिलिप्‍पिदा कायुङ धिताङ्‌पाचि खोन्‍कि साम्‍भुङ काफापाचि झारा निनाम्‍हाङ्‌ओ अ़चुम़नाचि अ़ङ्‌का छाप्‍तुङ्‌योङ्‌ओ।

फिलिप्‍पि 1:1 Cross References

मर्कुस 13:34

ओ ना अ़क्‍छा म़नाआ अ़हारुक्‌चि अ़खिम्‌दाओ झाराकापाङ मोसाआ मुमायु काचिओ पाङ प़दाचिकि लाप्‍तिखोप काहुङ चाप्‍चाप्‍चाप्‌वा युङानि लोदाकि कोइसि खारिन्‌वात्‍नि ओ।

युहन्‍ना 12:26

साङ अ़ङ्‌का ब़त्‍मास़नालो मोसाआ अ़ङ्‌का अ़त़ङ्‌ङाने, खोन्‍कि अ़ङ्‌का खादा युङ्‌ङा, अ़ङ्‌का काब़त्‌छाङ मोदाङा युङ। साङ्‌आ अ़ङ्‌का अ़ब़त्‍ङा, अ़ङ्‌पापाआ मो साया अ़मेत।

छाम्‍माय़ङ 1:20

देकिनालो साम्‍ऱङ छाप्‍लाखादा दाउद हाङ्‌आ यहुदाओ अ़तुक्‌वादा छाप्‍तुयुङ्‌सु, ‘मोसोओ अ़खिम अ़होम्‍प़द़क लिने, मोदा साङ्‌छाङ अ़युङ्‌निन्‍ने।’ खोन्‍कि ‘मोसाआ मुमादोत्‌ओ काचिओ पाङ नितात्‍साआङा मुने।’ निकिनाछाङ छाप्‍तायुङ्‌सा।

छाम्‍माय़ङ 20:28

खानानिन आम्‍नुओ निम्‍पाङ खोन्‍कि सेङ्‌लावाआ खाङ्‌मा ऩप़न्‌ओ साम्‍भुङ्‌दाओ झारा साकोङ्‌छ़ङ कामुचिओ निम्‍पाङ चाप्‍चेत्‍तानिन्‍चिन। निनाम्‍हाङ्‌आ येसुओ अ़चुह़लाम्‍पा म़खिरुचिओ साम्‍भुङ काखाङ्‌चि लिसानिन।

छाम्‍माय़ङ 9:13

मेन हननियाआ लासुलो, “हाङ्‌पो, मो म़नाआ यरुसलेम्‌दाओ आम्‍नुओ म़नाचि च़लोक अ़त्‍लो मुचिओ अ़ङ्‌का ब़द्‍धेकापाङ्‌दाङ्‌का ओसोओ अ़तुक्‌वादा एनुङ्‌युङ्‌सुङ।

रोमि 1:1

अ़ङ्‌का पावल, येसु ख्रिस्‍तओ अ़चुहारुक, अ़क्‍छा छाम्‍माय़ङ लिसि ऩबुत्‍ताङ ओ, खोन्‍कि निनाम्‍हाङ्‌ओ अ़चुनुय़ङ्‌खान खालुसि ऩछेन्‍ताङ्‌ओ।

रोमि 1:7

रोम्‌दा कायुङ खानानिन झारा अ़ङ्‌का छाप्‍नाङ्‌नानिन, निनाम्‍हाङ्‌आ सोमाऩतुक्‍तिन्‌येन्‌ओचि, खानानिन निनाम्‍हाङ्‌ओ अ़चुम़नाचि लिसि ऩबुत्‍तिन्‌युङ्‌सिन: आन्‍पापा निनाम्‍हाङ खोन्‍कि हाङ्‌पा येसु ख्रिस्‍तएदाङ्‌का खानानिन्‌आ सोम्‍तुक्‍मा खोन्‍कि सेवाङ्‌नि त़तोक्‍तुम्‍ने।

१ कोरिन्‍थि 16:10

तिमोथि खानानिन्‌एदा बान्‌हिदा अ़क़मा मान्‍कात्‍माङ खानानिन्‌एनान अ़क्‍नि युङ्‌मा पुवानुम। देकिनालो खोछाङ अ़ङ्‌कावात्‍निङा हाङ्‌पाओ अ़चुकाचि मुयाङ।

२ कोरिन्‍थि 1:1

निनाम्‍हाङ्‌ओ अ़चुमिन्‍मालाम्‍पा ख्रिस्‍त येसुओ अ़चुछाम्‍माय़ङ पावल, खोन्‍कि आन्‍निछा तिमोथिएदाङ्‌का कोरिन्‍थदा कायुङ निनाम्‍हाङ्‌ओ अ़चुसाम्‍भुङ, खोन्‍कि झारादात्‍नि अखैयादा कायुङ झारा निनाम्‍हाङ्‌ओ अ़चुम़नाचि।

गलाति 1:10

दि अ़ङ्‌का म़नाचिओ अ़चुचोन्‍मा लामुङ्‌योङ ओ, हे निनाम्‍हाङ ओ? माङ्‌लो दि अ़ङ्‌का म़नाचिओ अ़चुऩङानुमा लाप्‍तुङ्‌योङ्‌च़ङ? मोवात्‍नि च़लोक हान्‍छाङ म़नाचिओ अ़चुऩङानुमा लाप्‍तुङ्‌योङ्‌च़ङ्‌नालो अ़ङ्‌का ख्रिस्‍तओ अ़चुहारुक मान्‍लिङा ओ।

गलाति 3:26

देकिनालो साकोङ्‌छ़ङ्‌लाम्‍पा खानानिन झारा येसु ख्रिस्‍तएदा निनाम्‍हाङ्‌ओ अ़चुछाचि ओ।

गलाति 3:28

खोन्‌ओसा हान ना यहुदि ना ग्रिक, ना हारुक ना लेत्‌वा, ना दुवाछा ना मेत्‍छाछा निकिना अ़फेक्‍निन, देकिनालो ख्रिस्‍त येसुएदा खानानिन झारा अ़क्‌तात्‌ङा ओ।

एफिसि 1:1

निनाम्‍हाङ्‌ओ अ़चुमिन्‍मालाम्‍पा ख्रिस्‍त येसुओ अ़चुछाम्‍माय़ङ अ़ङ्‌का पावल्‌दाङ्‌का एफिसस्‌दाओ ख्रिस्‍त येसुदा साकोङ्‌छ़ङ कामु निनाम्‍हाङ्‌ओ अ़चुम़नाचि,

एफिसि 1:15

हाङ्‌पा येसुदा याक्‌याङ्‍ओ आम्‍नुओ साकोङ्‌छ़ङ खोन्‍कि झारा निनाम्‍हाङ्‌ओ अ़चुम़नाचिएदाओ आम्‍नुओ सोमातुक्‍माओ अ़तुक्‌वादा अ़ङ्‌का एनुङ्‌युङ्‌सुङ ओसाआङा,

एफिसि 6:24

आन्‍हाङ्‌पा येसु ख्रिस्‍त अ़धुन अ़लुक्‍निन्‍लो सोमाकातुक्‌चि झाराएदा सोमातुक्‍मा युङ्‌ने।

फिलिप्‍पि 2:19

हाङ्‌पा येसुओ अ़चुमिन्‍मा याक्‌याङ्‌नालो खानानिन्‌एदा च़क्‍नि तिमोथि बान्‍मानि मिन्‍ङाङा, मोवात्‍नि आम्‍नुओ य़ङ्‌खान्‌आ अ़ङ्‌काछाङ अ़ङ्‌ऩङानुमान्‍चिन ऱङाने।

फिलिप्‍पि 2:5

झारा आम्‍नुओ रादा येसु ख्रिस्‍तदा याआङावाको मिन्‍मा याक्‍ने।

फिलिप्‍पि 3:12

अ़ङ्‌का मो मित्‍चिऩङ्‌चि झारा बुयाङा तोक्‍तुङ्‌चिउङ्‌युङ्‌सुङ्‌च़ङ माङ्‌लो अ़ङ्‌का बुयाङा तासुङ्‌लोङ्‌युङ्‌सुङ्‌च़ङ निकिना माआङ, मेन मो मित्‍चिऩङ्‌चि लाप्‍माचिओ निकिना अ़ङ्‌का बुया खात्‍ङाङा। मो मित्‍चिऩङ्‌चिओ निकिना ख्रिस्‍तआ अ़ङ्‌का ऩलावाङ!

फिलिप्‍पि 3:3

देकिनालो सेङ्‌लावालाम्‍पा काब़क आन्‍कान्‌ङा ओ, खोन्‍कि ख्रिस्‍त येसुआ दि अ़मुवायुङ्‌सा मोदा आन्‍कान तोक्‍पो कालि खोन्‍कि च़माथाङ्‌मादा सोम्‍कुवा मान्‍मुकादा अ़नुछ्‍याओ सिप्‍मायाम्‍बुन कापाक आन्‍कान्‌ङा ओ।

फिलिप्‍पि 3:8

अ़नुछ्‍या ख्रिस्‍त येसु अ़ङ्‌हाङ्‌पा निकिना सिन्‍मा तोक्‍पो अ़वाखाम तोक्‍तुङ्‌ओदा नि झारा य़ङ्‌चि अ़काचि मात्‍द़ङ्‌ओनि मित्‍तुङ्‌च़ङ। ख्रिस्‍त तोक्‍मा ऱङ्‌ने निकिना खोक्‍कोसोओ निम्‍पाङ अ़ङ्‌का झारा य़ङ्‌चि छिरुङ्‌युङ्‌सुङ्‌च़ङ, खोन्‍किना झारा मोचि सिप्‍भाङ्‌वा मित्‍तुङ्‌च़ङ,

१ थेसलोनिकि 1:1

पावल, सिलास खोन्‍कि तिमोथिएदाङ्‌का निनाम्‍हाङ पापा खोन्‍कि हाङ्‌पा येसु ख्रिस्‍तएदा साकोङ्‌छ़ङ कामु थेसलोनिकेदाओ साम्‍भुङ्‌एदा ओ छाप्‍लावा छाप्‍तुम्‌योम्‍का। निनाम्‍हाङ्‌आ खानानिन आसिखा ऩप़न्‍ने खोन्‍कि सेवाङ्‌नि ऩमुन्‍ने!

१ थेसलोनिकि 2:2

आन्‍कान्‍का बुयाङा फिलिप्‍पिदा चाअ़त्‍लो दुखा आङ्‌तुम्‍काओ खोन्‍कि आन्‍काओ साया ऩपेप्‍तिन्‍काओ य़ङ ना खानानिन त़सिन्‍तुम्‌योम। मेन अ़न्‍नुनु फित्‍चि ऩमुन्‍कानुछाङ आन्‍निनाम्‍हाङ्‌लाम्‍पा आन्‍कान्‍का राक तोक्‍तुम्‍काकिना खोक्‍कोसोओ अ़नुय़ङ्‌खान मान्‍क़माङ खानानिन खाएत्‍नि।

२ थेसलोनिकि 1:1

पावल, सिलास खोन्‍कि तिमोथिएदाङ्‌का आन्‍निनाम्‍हाङ पापा खोन्‍कि हाङ्‌पा येसु ख्रिस्‍तदा साकोङ्‌छ़ङ कामु थेसलोनिकेदाओ साम्‍भुङ्‌एदा ओ छाप्‍लावा छाप्‍तुम्‍का।

२ थेसलोनिकि 1:10

मो लेन खोक्‍कोसोओ अ़चुम़नाचिएदाङ्‌का साया मेत्‍लुसि खोन्‍कि खोक्‍कोएदा साकोङ्‌छ़ङ कामुचिएदाङ्‌का चोन्‍लुसि म़ता। खोन्‍कि खानानिन्‌छाङ मो साकोङ्‌छ़ङ कामुचिएदा त़याइन, देकिनालो आन्‍काओ सालुम्‍स़ङ्‌दा खानानिन साकोङ्‌छ़ङ त़मुम।

१ तिमोथि 1:2

ओ छाप्‍लावा साकोङ्‌छ़ङ्‌दा अ़नुछ्‍याओ अ़ङ्‌छा तिमोथिओ निम्‍पाङ ओ छाप्‍लावा छाप्‍तुङ्‌योङ। निनाम्‍हाङ पापा खोन्‍कि आन्‍ख्रिस्‍त येसुआ खाना नुलोक ऩमुने, सोमाऩतुक्‍ने खोन्‍कि सेवाङ्‌नि ऩमुने।

१ तिमोथि 3:8

मोवात्‍निङा साम्‍भुङ काफाचिछाङ साऩङ्‌वा मेत्‍मा खान्‍तुचिओ खोन्‍कि सोत्‍सोत्‌वाओ मुमादोत। मोचि ब़द्‍धे अङ्‌गुरा माङ्‌वा कादुङ खोन्‍कि अ़त्‍लो च़याङ्‌सा छेन्‍बि कादुप लिमा अ़नुनिन।

तितस 1:1

अ़ङ्‌का पावल निनाम्‍हाङ्‌ओ अ़चुहारुक खोन्‍कि ख्रिस्‍त येसुओ छाम्‍माय़ङ्‌आ ओ छाप्‍लावा छाप्‍तुङ्‌योङ। निनाम्‍हाङ्‌आ म़छेन्‍तुचिओचिओ अ़चुसाकोङ्‌छ़ङ पोइसि खोन्‍कि निनाम्‍हाङ्‌ओ अ़ऩङानुओ अ़छ़ङ य़ङ म़नाचिआ तुप्‍मा निकि फासि निनाम्‍हाङ्‌आ अ़ङ्‌का ऩछाम्‍साङ।

तितस 1:7

धिकाखाङ्‌पा निनाम्‍हाङ्‌ओ अ़काचि कामु ओ। खोन्‌ओसा मो खोक्‍कोछाङ ह़त्‍माय़ङ मात्‍द़ङ्‌ओ म़ना लिमादोत। खोन्‍कि अ़ताकावा काच़, च़क्‍नि अ़माइसुङ्‌कात्‌ओ, खाबात सेत्‍चाले, धात्‍काधात कामु खोन्‍कि म़प्‌याङ्‌सा छेन्‍बि कादुप लिमा अ़नुनिन।

फिलेमोन 1:1

येसु ख्रिस्‍तओ निकि छेक्‍ङाङाओ अ़ङ्‌का पावल खोन्‍कि तिमोथि निछाएदाङ्‌का ओ छाप्‍लावा आन्‍कान सोमातुक्‍तुम्‌ओ अ़क्‍निओ आन्‌यावा फिलेमोन, आन्‍कान निछा अप्‍फिया, आन्‍कान काफा रात्‍खामि अर्खिप्‍पस खोन्‍कि आम्‍को आम्‍खिम्‌दा कातुप साम्‍भुङ्‌ओ निकिना ओ।

हिब्रु 13:23

आन्‍निछा तिमोथि छेक्‍खादाङ्‌का लोन्‍तायुङ्‌सानि खानानिन सिन्‍मेत्‍मा स़ङाङा। खो च़क्‍नि बान्‌नालो अ़ङ्‌का खोक्‍कोएनान अ़क्‍नि खानानिन तुप्‍सि बान्‍ङा।

याकुब 1:1

निनाम्‍हाङ खोन्‍कि हाङ्‌पा येसु ख्रिस्‍तओ अ़हारुक याकुब्‌दाङ्‌का हेन्‍खामादा रावा-रावाचिओ अ़चुरादा त़रिसिन्‍चिन्‌ओ बारकाभुङ्‌चिएदा अ़ङ्‌सेवा!

१ पत्रुस 2:25

देकिनालो खानानिन म़थेमाखाराओ भेराचिवात्‍नि त़मुन्‌येन, मेन हान खानानिन आम्‍नुओ लावाचि काखाङ्‌पा खोन्‍कि कारात्‍पाएदा त़लासिन्‍तान्‌युङ्‌सिन।

२ पत्रुस 1:1

येसु ख्रिस्‍तओ अ़चुहारुक खोन्‍कि छाम्‍माय़ङ सिमोन पत्रुस्‌दाङ्‌का, आन्‍निनाम्‍हाङ खोन्‍कि कालेन्‍पा येसु ख्रिस्‍तओ अ़चुसाम्‌योक्‍मिदा आन्‍काओवाको अ़लुङ छुक्‌ओ अ़क्‍निवा सोम्‍कुवा कामुचिएदा ओ छाप्‍लावा छाप्‍तुङ्‌योङ।

यहुदा 1:1

अ़ङ्‌का येसु ख्रिस्‍तओ अ़चुहारुक खोन्‍कि याकुब्‌ओ अ़निछा यहुदा ओ। याकुब्‌ओ अ़निछा ओ। निनाम्‍हाङ्‌आ खा-खाक्‍कोचि म़बुत्‍तुचि, निनाम्‍हाङ पापाओ अ़चुसोमातुक्‍मादा कायुङ्‌चि खोन्‍कि येसु ख्रिस्‍तआ म़रात्‍तुचिओचिओ निम्‍पाङ अ़ङ्‌का ओ छाप्‍लावा छाप्‍तुङ्‌योङ।

खाङ्‌मुमा 1:1

ओ निनाम्‍हाङ्‌आ येसु ख्रिस्‍त खाङ्‍अ़मेत्‍ताओ य़ङ ओ, खोन्‌ओसा खोक्‍कोसाआ अ़चुकाब़त्‍पाचि च़क्‍नि लिसि तामा म़मुयाङ्‌ओ य़ङ्‌चि खाङ्‌मेत्‍मा म़ऱचि। ख्रिस्‍तआ अ़चुकाफा अ़छुत्‍ताकि ओ य़ङ अ़चुकाब़त्‍पा युहन्‍ना खाङ्‌अ़मेत्‍ता।

खाङ्‌मुमा 1:20

खाना त़खाओ अ़ङ्‌चुप्‍ताङ्‌छुक्‌दाओ ओ सात्‌कातात साङ्‌केन्‍माचि खोन्‍कि हाराक्‌वाओ सात्‌कातात कुपि युङ्‌खाओ अ़कोङ्‌दुम्‌ओ अ़तुप्‍मा ओङा ओ: सात्‌कातात साङ्‌केन्‍माचि सात्‌कातात साम्‍भुङ्‌चिओ निनाम्‍हाङ काफाचि ओ, खोन्‍कि सात्‌कातात कुपियुङ्‌खाचि सात्‌कातात साम्‍भुङ्‌चि ओ।”

खाङ्‌मुमा 19:10

खोन्‍किना खो सेवा मेत्‍सि अ़ङ्‌का खोसोओ अ़लाङ्‌दा बोम्‍साङ्‌च़ङ। मेन खोसाआ अ़ङ्‌का अ़लोवाङ, “खाना अ़ङ्‌का ओवात्‍नि मुमा अ़नुनिन। अ़ङ्‌का येसुओ अ़छ़ङ सालुम्‍स़ङ काखुन आम्‍निछाचि खोन्‍कि अ़क्‍निओ आम्‌यावा काफाचि ओन्‍ङा ओ। निनाम्‍हाङ ब़क्‍तु!” देकिनालो येसु ख्रिस्‍तआ खाङ्‌अ़मुसाओ अ़छ़ङ्‌आङा निनाम्‍हाङ्‌य़ङ खाकालुचि मो अ़छ़ङ य़ङ्‌खान खालुमा सावा प़चि।

खाङ्‌मुमा 2:12

पर्गामम्‌दाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। ओ य़ङ्‌खान ह्‍वालिप्‍पा अ़हा याक्‌याङ्‌ओ बान्‍छोन काखुन्‌दाङ्‌का ओ।

खाङ्‌मुमा 2:8

स्‍मुर्नादाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। साङ सुवादा खोन्‍कि लासाह़ङा, ओ य़ङ्‌खान खोक्‍कोसोओ ओ, खोक्‍को अ़पुङ्‌चिपुक खोन्‍कि अ़लुक्‍मा म़युङ्‌याङ।

खाङ्‌मुमा 22:9

मेन निनाम्‍हाङ काफाआ अ़ङ्‌का अ़लोवाङ, “खाना ओवात्‍नि मान्‍च़दा! खाना, निनाम्‍हाङ्‌य़ङ खाकालु आम्‍द़क्‍छा बुवाचि खोन्‍कि ओक्‍को छाप्‍लाखा भोङ्‌दा छाप्‍ताओ य़ङ्‌चि काकाङ झारा म़नाचिवात्‍नि अ़ङ्‌का निनाम्‍हाङ्‌ओ अ़चुहारुक ओन्‍ङा ओ। खाना निनाम्‍हाङ ओन्‍ङा ब़क्‍मादोत।”