فِيلِپِّي 3:18 - العهد الجديد بالدارجة التونسية 2022

¹⁸ سْبَقْ وقُلْتِلْكُمْ هَاذَا بَرْشَة مَرَّاتْ، ونْزِيدْ نْقُولْهُولْكُمْ تَوَّا ودْمُوعِي فِي عِينَيَّا: فَمَّة بَرْشَة يِتْصَرْفُوا كِيمَا يِتْصَرْفُوا أَعْدَاءْ صَلِيبْ المَسِيحْ.

فِيلِپِّي 3:18 Cross References

لُوقَا 19:41

وكِي قْرُبْ لْأُورْشَلِيمْ وشَافْهَا، بْكَى عْلِيهَا.

أَعْمَالْ 20:19

وكُنْتْ نِخْدِمْ فِي الرَّبْ بْكُلْ تَوَاضُعْ وبَرْشَة دْمُوعْ، ونْقَاسِي فِي المْحَايِنْ فِي جُرِّتْ مُؤَامْرَاتْ اليْهُودْ.

رُومَا 9:2

آنَا حْزِينْ بَرْشَة، وفِي قَلْبِي وْجِيعَة مَا تُوفَاشْ،

كُورِنْثُوسْ الأُولَى 1:18

والبْشَارَة بِالصَّلِيبْ عَنْدْ النَّاسْ المَاشِينْ لِلهْلَاكْ، هْبَالْ. آمَا عَنْدْنَا أَحْنَا الِّي نْجِينَا، هِيَّ قُوِّةْ اللَّهْ،

كُورِنْثُوسْ الأُولَى 6:9

يَاخِي مَا تَعْرْفُوشْ الِّي الظَّالْمِينْ مَا يُورْثُوشْ مَمْلَكْةْ اللَّهْ؟ مَا تْغَلْطُوشْ رْوَاحْكُمْ، رَاهُو لَا الفُسَّاقْ، ولَا الِّي يِعْبْدُوا الصْنَبْ، ولَا الزَّانِينْ، ولَا المْخَنْثِينْ ولَا الشَّاذِّينْ،

كُورِنْثُوسْ الثَّانْيَة 11:13

هَاذُوكُمْ رُسُلْ كَذَّابِينْ، وخَدَّامَة غَشَّاشِينْ، عَامْلِينْ رْوَاحْهُمْ رُسُلْ المَسِيحْ.

كُورِنْثُوسْ الثَّانْيَة 11:29

شْكُونْ الِّي يُضْعُفْ وآنَا مَا نُضْعُفْشْ مْعَاهْ؟ وشْكُونْ الِّي يَعْمِلْ ذَنْبْ وقَلْبِي مَا يِتَّحْرَقْشْ عْلِيهْ؟

كُورِنْثُوسْ الثَّانْيَة 2:4

وكْتِبْتْهُولْكُمْ وقَلْبِي حْزِينْ ومَهْمُومْ، ودْمُوعِي فِي عِينَيَّا. مَا كَانِشْ قَصْدِي نْحَزِّنْكُمْ، آمَا حَبِّيتْكُمْ تَعْرْفُوا قَدَّاشْ نْحِبْكُمْ.

غَلَاطْيَة 1:7

فِي الحْقِيقَة، مَا فَمَّاشْ بْشَارَة أُخْرَى، آمَا فَمَّة نَاسْ قَاعْدِينْ يَعْمْلُوا فِي بَلْبْلَة بِينَاتْكُمْ، ويْحِبُّوا يْبَدْلُوا بْشَارِةْ المَسِيحْ.

غَلَاطْيَة 2:14

وكِي شُفْتْ الِّي هُومَا مُشْ قَاعْدِينْ يِتْصَرْفُوا حَسْبْ الحَقْ الِّي فِي البْشَارَة، قُلْتْ لْبُطْرُسْ قُدَّامْ الحَاضْرِينْ الكُلْ: «إِذَا كَانْ إِنْتِ يْهُودِي وتْعِيشْ كِيفْ الِّي مَاهُمْشْ يْهُودْ، كِيفَاشْ تُجْبُرْ الِّي مَاهُمْشْ يْهُودْ بَاشْ يْعِيشُوا كِيفْ اليْهُودْ؟»

غَلَاطْيَة 2:21

مَالَا آنَا مَا نَكْفَرْشْ بْنِعْمِةْ اللَّهْ. كَانْ جَاء الإِنْسَانْ يْنَجِّمْ يْوَلِّي صَالَحْ بِالشَّرِيعَة، وَقْتْهَا يْكُونْ المَسِيحْ مَاتْ بْلَا فَايْدَة.

غَلَاطْيَة 5:21

والحُسْدْ والسِّكْرَة وسَهْرِيَّاتْ الفْسَادْ وكُلْ مَا تَابَعْهُمْ. انَّبَّهْكُمْ تَوَّا كِيفْ مَا نَبَّهْتْكُمْ قْبَلْ: الِّي يَعْمْلُوا الحَاجَاتْ هَاذِي، مَاهُمْشْ بِشْ يُورْثُوا مَمْلَكْةْ اللَّهْ.

غَلَاطْيَة 6:12

الِّي يْلَزْمُوا عْلِيكُمْ الطْهُورْ، يْحِبُّوا يُظْهْرُوا بْمَظْهِرْ بَاهِي قُدَّامْ النَّاسْ، بَاشْ مَا يِضْطَهْدُوهُمْشْ بِسْبَبْ صَلِيبْ المَسِيحْ.

غَلَاطْيَة 6:14

آمَا آنَا، مَا نِتْفَخِّرْ كَانْ بْصَلِيبْ رَبْنَا يَسُوعْ المَسِيحْ. بِالصَّلِيبْ وَلَّاتْ أُمُورْ الدِّنْيَا هَاذِي مِيْتَة ومَا عَادِشْ مُهِمَّة بِالنِّسْبَة لِيَّا، وآنَا وَلِّيتْ مِيِّتْ بِالنِّسْبَة لِلدِّنْيَا هَاذِي وأُمُورْهَا.

أَفَسُسْ 4:17

هَاذَا الِّي نْقُولْهُولْكُمْ ونْلِحْ عْلِيهْ بْإِسْمْ الرَّبْ: إِنُّو مَا عَادِشْ تْعِيشُوا كِيفْ مَا يْعِيشُوا الِّي مَاهُمْشْ يْهُودْ بْأَفْكَارْ بَاطْلَة،

فِيلِپِّي 1:4

ودِيمَا نِدْعِيلْكُمْ الكُلْ فِي صْلَاتِي وآنَا فَرْحَانْ،

تْسَالُونِيكِي الأُولَى 4:6

ومَا يِتْعَدَّى حَدْ عْلَى حَقْ خُوهْ وَلَّا يْضُرُّو فِي الحْكَايَة هَاذِي. وكِيمَا قُلْنَالْكُمْ قْبَلْ ونَبَّهْنَاكُمْ، إِنُّو اللَّهْ يَنْتَقِمْ مِلِّي يَعْمْلُوا الأُمُورْ هَاذِي.

تْسَالُونِيكِي الثَّانْيَة 3:11

عْلَى خَاطِرْ سْمَعْنَا الِّي فَمَّة بِينَاتْكُمْ جْمَاعَة بُخْلِيِّينْ مَا يِخْدْمُوشْ، آمَا يِدَّخْلُوا فِي أُمُورْ غِيرْهُمْ.

بُطْرُسْ الثَّانْيَة 2:10

بِالأَخَصْ الِّي يْتَبْعُوا فِي شْهَاوِيهُمْ ويْنَجْسُوا فِي بْدَنَّاتْهُمْ، ومَا يَعْمْلُوشْ قِيمَة لْسُلْطِةْ اللَّهْ! هَاذُمْ نَاسْ قْبَاحْ ومِتْكَبْرِينْ، مَا يْخَافُوشْ كِي يْسِبُّوا ويْهِينُوا المَخْلُوقَاتْ السْمَاوِيَّة العْظِيمَة،

يَهُوذَا 1:13

يِطْلَعْ مِنْهُمْ العَارْ كِيمَا مُوجْ البْحَرْ الهَايِجْ يْطَلَّعْ الوْسَخْ. هُومَا كِيمَا نْجُومْ ضَايْعَة فِي السْمَاء، مْصِيرْهَا فِي قَلْبْ الظْلَامْ لِلْأَبَدْ.