फिलिप्पियन 2:5 - Bagheli Bible

⁵ अउर जइसन मसीह यीसु के सुभाव रहा हय, उहयमेर तोंहरव पंचन के सुभाव होय।

फिलिप्पियन 2:5 Cross References

मत्ती 11:29

हमार जुँआ अपने ऊपर उठाय ल्या; अउर हमसे सिखा; काहेकि हम नम्र अउर मन माहीं दीन हएन: इआमेर से तूँ पंचे अपने-अपने मनन माहीं आराम पइहा।

लूका 22:27

काहेकि बड़ा को हय, उआ जउन खाँय बइठ हय, इआ कि जउन सेबा करत हय? का उआ नहीं जउन खाँय बइठ हय? पय हम तोंहरे बीच माहीं सेबक कि नाईं हएन।

खास चेलन 10:38

अउर परमातिमा कउनमेर से नासरत सहर माहीं, रहँइ बाले यीसु काहीं पबित्र आत्मा अउर सामर्थ से अभिसेक किहिन तय, अउर ऊँ भलाई के काम करत, अउर सगलेन काहीं जउन सइतान के सताए रहे हँय, उनहीं नीक करत चारिव कइती घूमत फिरत रहिगें; काहेकि परमातिमा उनखे साथ रहे हँय।

खास चेलन 20:35

अउर हम अपना पंचन काहीं सब कुछ कइके देखायन हय, कि कउनमेर से मेहनत कइके कमजोर मनइन के मदत करँइ चाही, अउर हमहीं पंचन काहीं प्रभू यीसु के कहे उआ बचन काहीं हमेसा सुध रक्खँइ चाही, जउने काहीं ऊँ खुदय कहिन तय, कि ‘लेंइ से देब भला होत हय’।”

रोमियन 14:15

अउर अगर तोंहरे बिसुआसी भाई-बहिनिन काहीं तोंहरे खाना के कारन ठेस पहुँचत ही, त तूँ उनसे प्रेम नहीं करते आह्या, एसे तूँ अपने खाना के द्वारा उनखे बिसुआस से गिरँय के कारन न बना। काहेकि मसीह उनहूँ के खातिर आपन प्रान दिहिन हीं।

रोमियन 15:3

काहेकि मसीह घलाय अपने-आप काहीं प्रसन्न नहीं किहिन, पय जइसन पबित्र सास्त्र माहीं लिखा हय, “हे पिता अपना के बारे माहीं जउन बुरी बातँय सगले मनई कहत हें, ऊँ सगली बातँय हमरे ऊपर आय गई हँय।”

रोमियन 15:5

हम इआ प्राथना करित हएन, कि धीरज अउर सान्ति देंइ बाले परमातिमा, तोंहईं पंचन काहीं इआ बरदान देंइ, कि तूँ पंचे मसीह यीसु के बताई बातन के मुताबिक आपस माहीं एक दुसरे से मिल जुलिके रहा।

1 कुरिन्थियन 10:33

अउर जइसन हमहूँ घलाय, सगली बातन माहीं हरेक मनइन काहीं खुस करँइ के कोसिस करित हएन, अउर हम खुद के फायदय भर के इच्छा नहीं करी, बलकिन दुसरे मनइन के फायदा के खातिर घलाय कोसिस करित हएन, कि जउने ऊँ सगले जनेन काहीं घलाय मुक्ती मिलय।

इफीसियन 5:2

अउर जइसन मसीह घलाय हमसे पंचन से प्रेम किहिन हीं, उहयमेर तुहूँ पंचे एक दुसरे से प्रेम करा। अउर प्रेमय के कारन हमहीं पंचन काहीं मुक्ती देंइ के खातिर, ऊँ परमातिमा काहीं प्रसन्न करँइ बाले सुगन्धित बलिदान के रूप माहीं, उनखे आँगे खुद काहीं बलिदान कइ दिहिन।

फिलिप्पियन 1:1

प्रभू यीसु मसीह के सेबक पवलुस अउर तीमुथियुस के तरफ से इआ चिट्ठी, फिलिप्पी सहर माहीं रहँइ बाले मसीह यीसु के ऊपर बिसुआस करँइ बाले भाई-बहिनिन, अउर मसीही मन्डली के अँगुअन अउर सेबकन काहीं मिलय।

1 पतरस 2:21

अउर तूँ पंचे एहिन के खातिर परमातिमा के द्वारा बोलाए गया हय, काहेकि मसीह घलाय तोंहरे खातिर दुख सहिके, तोंहईं नमूना देखाइगे हँय, कि जउने तुहूँ पंचे उनहिन के पद चिन्हन माहीं चला।

1 पतरस 4:1

एसे जब मसीह अपने देंह माहीं दुख उठाइन हीं, त तुहूँ पंचे घलाय उनहिन कि नाईं सोच-बिचार काहीं अपनाय ल्या। काहेकि जे कोऊ अपने देंह माहीं दुख उठाबत हय, त उआ पाप के सम्बन्ध से मुक्ती पाय चुका हय।

1 यूहन्ना 2:6

जे कोऊ इआ कहत हय, कि हम परमातिमा के बचन माहीं बने हएन, ओही यीसु कि नाईं जीबन जिअँइ चाही।