फिलिप्पियन 1:7 - Bagheli Bible

⁷ तोंहरे बारे माहीं हमहीं अइसा सोचब उचित हय, काहेकि तूँ पंचे हमरे हिरदँय माहीं बसे हया। अउर हम जेल माहीं हएन, तऊ खुसी के खबर के खातिर मनइन काहीं जबाब देंइ माहीं, अउर अपने जीबन के व्दारा गबाही देंइ माहीं, परमातिमा हमरे ऊपर बड़ी दया कइके हमार मदत किहिन हीं, अउर ऊँ सगले कामन काहीं करँइ माहीं तूँ पंचे हमरे साथ सामिल हया।

फिलिप्पियन 1:7 Cross References

खास चेलन 20:23

केबल इआ कि पबित्र आत्मा हरेक सहरन माहीं गबाही दइ-दइके हमसे कहत हय, कि बन्धन अउर दुख तोंहरे खातिर तइआर हय।

खास चेलन 21:33

तब सिपाहिन के मुखिया उनखे लघे आइके उनहीं पकड़ लिहिन; अउर दुइठे जंजीरन से बाँधय के हुकुम दइके पूँछँइ लागें, “ईं को आहीं, अउर ईं का किहिन हीं?”

1 कुरिन्थियन 13:7

अउर उआ अपने जीबन माहीं सगली बातन काहीं सहि लेत हय, हरेक बातन माहीं परमातिमा के ऊपर बिसुआस रक्खत हय, अउर हरेक बातन माहीं परमातिमा के ऊपर आसा रक्खत हय, अउर उआ हमेसा सगली बातन माहीं धीरज रक्खत हय।

1 कुरिन्थियन 9:23

अउर हम इआ सब कुछ खुसी के खबर काहीं फइलामँइ के खातिर करित हएन, कि जउने अउर दुसरे मनइन के साथ आसिरबाद पामँइ माहीं हिंसदार होइ जई।

2 कुरिन्थियन 3:2

हमार पंचन के चिट्ठी त तुहिन पंचे आह्या, जउन हमरे पंचन के हिरदँय माहीं लिखी हय, अउर ओही सगले मनई जनतिव हें, अउर पढ़तिव हें।

2 कुरिन्थियन 7:3

अउर हम तोंहईं पंचन काहीं दोसी ठहरामँइ के खातिर इआ नहिं कहि रहेन आय: काहेकि हम पहिलेन तोंहईं पंचन काहीं इआ बताय चुके हएन, कि तूँ पंचे हमरे हिरदँय माहीं अइसन बसि गया हय, कि हम तोंहरे साथ मरँइ जिअँइ के खातिर घलाय तइआर हएन।

गलातियन 5:6

काहेकि अगर हम पंचे यीसु मसीह के ऊपर बिसुआस करित हएन, त खतना करबाउब इआ कि खतना न करबाउब, एसे कउनव फायदा नहिं आय, बलकिन केबल यीसु मसीह के ऊपर बिसुआस रखिके, दुसरे मनइन से प्रेम करब खास बात आय।

इफीसियन 3:1

तूँ पंचे जउन गैरयहूदी आह्या, तोंहरे बीच माहीं हम मसीह यीसु के सेबा करित हएन, एसे हमहीं जेल माहीं डार दीन ग हय।

इफीसियन 4:1

हम पवलुस प्रभू के सेबक होंइ के कारन जउन बन्दी बने हएन, तोंहसे बिनती करित हएन, कि जउने उद्देस्य से परमातिमा तोंहईं बोलाइन हीं, ओहिन के काबिल तोंहार चाल-चलन होय।

इफीसियन 6:20

अउर इहव प्राथना करा, कि हम खुसी के खबर के बारे माहीं जइसन हमहीं बोलँय चाही, उहयमेर साहस के साथ बोलि सकी।

फिलिप्पियन 1:12

हे बिसुआसी भाई-बहिनिव, हम चाहित हएन, कि तूँ पंचे इआ जानिल्या, कि जउन हमरे ऊपर बीता हय, ओसे खुसी के खबर के बढ़ोत्तरिन भे ही।

फिलिप्पियन 1:13

इहाँ तक कि कैसर के राज के सगली सेना, अउर उनखे अलाबा सगले मनई इआ जानिगें हँय, कि हम मसीह के ऊपर बिसुआस किहे के कारन जेल माहीं हएन।

फिलिप्पियन 1:14

अउर प्रभू के ऊपर बिसुआस करँइ बाले जउन भाई हें, उनमा से जादा से जादा हमरे जेल माहीं होंइ के कारन, साहस के साथ, परमातिमा के बचन अउर निधड़क होइके सुनामँइ के हिम्मत करत हें।

फिलिप्पियन 1:5

काहेकि तूँ पंचे जब से खुसी के खबर सुने हया, तब से लइके आज तक खुसी के खबर के प्रचार करँइ माहीं हमरे साथ सामिल रहे हया।

फिलिप्पियन 2:22

पय तूँ पंचे, तीमुथियुस काहीं अजमाइके जानिव लिहा हय, कि जइसन लड़िका अपने बाप के साथ मेहनत करत हय, उहयमेर खुसी के खबर के प्रचार करँय माहीं ऊँ हमरे साथ मेहनत किहिन हीं।

फिलिप्पियन 4:14

तऊ तूँ पंचे निकहा किहा हय, जउन हमरे दुख माहीं हमार मदत किहा हय।

फिलिप्पियन 4:15

अउर हे फिलिप्पी सहर के मसीही मन्डली के बिसुआसी भाई-बहिनिव, तूँ पंचे खुदय जनते हया, कि जब हम खुसी के खबर के प्रचार करब सुरू किहेन तय, अउर मकिदुनिया सहर से चल दिहेन तय, तब तोंहईं पंचन काहीं छोंड़िके, अउर कउनव मसीही मन्डली के मनई लेन-देन के बारे माहीं हमार मदत नहीं किहिन तय।

फिलिप्पियन 4:3

अउर हे हमार सच्चे सहकर्मी हम तोंहऊँ से अनुरोध करित हएन, कि तूँ उन मेहेरिअन के मदत किहा, काहेकि ऊँ पंचे क्लेमेंस अउर हमरे साथ माहीं काम करँइ बालेन के साथय, खुसी के खबर के प्रचार करँइ माहीं बड़ी मेहनत किहिन हीं, इनखर नाम जीबन के किताब माहीं लिख लीनगे हँय।

कुलुस्सियन 4:18

हम पवलुस अपने हाँथ से तोंहईं पंचन काहीं नबस्कार लिखित हएन, हम जेल माहीं हएन, एही तूँ पंचे सुध रख्या; हम प्राथना करित हएन, कि तोंहरे पंचन के ऊपर परमातिमा के किरपा होत रहय। आमीन!

कुलुस्सियन 4:3

अउर एखे साथय-साथ हमरे पंचन के खातिर घलाय इआ प्राथना करत रहा, कि परमातिमा हमहीं पंचन काहीं बचन सुनामँइ के मोका देंय, कि हम पंचे मसीह के उआ भेद काहीं बताय सकी, जेखे कारन हम जेल माहीं हएन।

1 थिस्सलुनीकियन 5:5

काहेकि तूँ पंचे सगले जने त जोति अउर दिन के सन्तान आह्या, हम पंचे न रातय के आहेन, न अँधिआरय के।

2 तीमुथियुस 1:8

एसे तूँ प्रभू के बारे माहीं दुसरेन काहीं बतामँइ माहीं न लजा, अउर न हमहिन से लजा, जउन खुसी के खबर सुनामँइ के कारन जेल माहीं बंद हएन, पय परमातिमा के दिहे सामर्थ के मुताबिक खुसी के खबर काहीं सुनामँइ के खातिर, हमरे कि नाईं दुख उठाबा,

2 तीमुथियुस 2:9

खुसी के खबर के खातिर हम अपराधी कि नाईं दुख उठाइत हएन, इहाँ तक कि हम जेल माहीं घलाय बंद हएन; पय तूँ इआ जानिल्या, कि परमातिमा के बचन काहीं फइलँय से कोऊ नहीं रोंक सकय।

फिलेमोन 1:13

हम जउन खुसी के खबर के प्रचार करँइ के कारन, जेल माहीं डारे गएन हय, एसे ओही हम अपनेन लघे रक्खँइ चाहत रहे हएन, कि उआ तोंहरे तरफ से हमार सेबा करत।

इब्रानियन 3:1

एसे हे पबित्र भाई-बहिनिव, तूँ पंचे जउन स्वरग माहीं रहँइ बाले परमातिमा के द्वारा बोलाए जाँइ माहीं भागीदार हया, परमातिमा के पठए ऊँ प्रतिनिधि अउर महायाजक यीसु के ऊपर ध्यान करा, जिनहीं हम पंचे सोइकार किहेन हँय।

1 पतरस 4:13

पय जइसय-जइसय तूँ पंचे मसीह के दुखन माहीं भागीदार होते हया, त आनन्द मनाबा, जउने जब मसीह के महिमा प्रगट होय, त तुहूँ पंचे खुब आनन्दित अउर मगन होइ सका।

1 पतरस 5:1

तोंहरे पंचन के बीच माहीं जउन मसीही मन्डली के अँगुआ हें, हमहूँ उनहिन कि नाईं अँगुआ हएन, अउर मसीह जउन दुख सहिन हीं, हम ओखर गबाह हएन, अउर प्रगट होंइ बाली महिमा माहीं भागीदार होइके, उनहीं पंचन काहीं इआ समझाइत हएन।

2 पतरस 1:13

अउर हम इआ बात काहीं अपने खातिर उचित समझित हएन, कि जब तक हम इआ देंह रूपी डेरा माहीं हएन, तब तक तोंहईं पंचन काहीं सुध देबाइके उत्साहित करत रही।

1 यूहन्ना 3:14

हम पंचे जानित हएन, कि मउत के बन्धन से पार होइके अनन्त जीबन पाएन हय; काहेकि हम पंचे अपने भाई-बहिनिन से प्रेम रक्खित हएन, जे कोऊ प्रेम नहीं रक्खय, उआ मउत के दसा माहीं रहत हय।