फिलिप्पियन 1:18 - Bagheli Bible

¹⁸ त एसे का भ? कि हम जेल माहीं हएन, इआ जानिके, कि चाह हमरे बिरोध माहीं, चाह सच्चाई से, मसीह के कथा त सुनाई जात ही, एसे हम आनन्दित हएन, अउर हमेसा आनन्दित रहबव करब।

फिलिप्पियन 1:18 Cross References

मत्ती 23:13

यीसु उनसे कहिन, कि “हे ढोंगिव, मूसा के बिधान सिखामँइ बाल्या, अउर फरीसी लोगव, तोहईं पंचन काहीं परमातिमा से खुब सजा मिली। काहेकि तूँ पंचे मनइन काहीं गलत सिच्छा दइके, परमातिमा के राज माहीं आमँइ से रोंकते हया। तूँ पंचे न त खुदय परमातिमा के राज माहीं जाँइ चहते आह्या, अउर न उनहूँ काहीं जाँइ देते आह्या, जे कोऊ उनखे राज माहीं जाँइ चाहत हें।

मरकुस 12:40

ऊँ पंचे बिधबन के घरन क लूट लेथें, अउर खुद काहीं धरमी देखामँइ के खातिर खुब देर तक प्राथना करत हें। ईं पंचे सगलेन से जादा सजा पइहँय।”

लूका 9:45

पय ईं बातन काहीं यीसु के चेला लोग नहीं समझे पाइन, कि यीसु उनसे का कहिन हीं; इआ बात उनसे छिपी रहिगे, कि ऊँ ओही न जाने पामँय, अउर इआ बात काहीं ऊँ पंचे, यीसु से पूछँइ माहीं डेरात रहे हँय।

लूका 9:50

तब यीसु यूहन्ना से कहिन, “उआ मनई काहीं न बरजा; काहेकि जऊँ तोंहरे बिरोध म नहिं आय, उआ तोंहरिन कइती हय।”

रोमियन 3:9

त पुनि हम पंचे का कही? का हम यहूदी लोग गैरयहूदी लोगन से कउनव मेर से निकहे हएन? नहीं, बेलकुल नहीं, काहेकि हम पंचे इआ साबित कइ चुकेन हय, कि चाह यहूदी होंय, चाह गैरयहूदी सगले जन पाप के कब्जे माहीं हें।

रोमियन 6:15

त एसे क भ? का हम पंचे एसे पाप करत रही, कि हम पंचे मूसा के बिधान के अधीन नहिं आहेन, बलकिन किरपा के अधीनता माहीं जीबन बिताइत हएन? नहीं, बेलकुल नहीं, हम पंचे पाप न करी!

1 कुरिन्थियन 10:19

त पुनि हम इआ कहित हएन, कि न त मूरत के ऊपर चढ़ाई जाँय बाली चीज के कउनव महत्व आय, अउर न त मूरत के कउनव महत्व आय।

1 कुरिन्थियन 14:15

एसे हमहीं का करँइ चाही? हम अपने आत्मा से प्राथना करब अउर अपने बुद्धी से घलाय प्राथना करब, अउर हम अपने आत्मा से गाना गाउब, अउर अपने बुद्धी से घलाय गाना गाउब।

1 कुरिन्थियन 15:11

एसे चाह हम होई, अउर चाह दूसर यीसु मसीह के खास चेला होंय, हम पंचे सगले जने एकय मेर के खुसी के खबर के प्रचार करित हएन, अउर एहिन के ऊपर तूँ पंचे बिसुआस घलाय किहा तय।

फिलिप्पियन 1:19

काहेकि हम जानित हएन, कि तोंहरे पंचन के प्राथना से, अउर यीसु मसीह के दीन पबित्र आत्मा के दान के व्दारा, हमहीं एखर प्रतिफल जरूर मिली, अउर हम जेल से छूटि जाब।