फिलिप्पियन 1:10 - Bagheli Bible

¹⁰ इहाँ तक कि तूँ पंचे मसीह के उत्तम से उत्तम बातन काहीं पियार जाना, अउर मसीह के दिन तक सच्चे बने रहा; अउर बिसुआस से भटकँय न पाबा।

फिलिप्पियन 1:10 Cross References

मत्ती 16:23

तब यीसु मुड़िके पतरस से कहिन, “हे सइतान हमरे आँगे से दूरी होइजा, तँय हमरे खातिर ठोकर के कारन आहे, काहेकि तँय परमातिमा के बातन माहीं नहीं, बलकिन मनइन के बातन माहीं मन लगउते हए।”

मत्ती 26:33

तब इआ बात काहीं सुनिके पतरस यीसु से कहिन, कि “अगर सगले जने अपना के ऊपर किहे बिसुआस से भटक जाँय त भटक जाँय, पय हम कबहूँ न भटकब।”

यूहन्ना 1:47

अउर यीसु नतनएल काहीं अपने कइती आबत देखिके, उनखे बारे माहीं कहिन, “देखा, ईं आहीं, सच्चे इजराइली, इनखे जीबन माहीं कउनव कपट नहिं आय।”

यूहन्ना 3:20

काहेकि जे कोऊ बुरे काम करत हय, उआ जोति से दुसमनी रक्खत हय, अउर जोति के लघे नहीं आबय, कहँव अइसा न होय कि ओखे कामन के ऊपर दोस लगाबा जाय।

खास चेलन 24:16

एसे हम खुदय इआ कोसिस करित हएन, कि परमातिमा के तरफ से, अउर मनइन के तरफ से, हमार बिबेक हमेसा निरदोस रहय।

रोमियन 12:2

अउर तूँ पंचे इआ संसार के बुरे मनइन कि नाईं न बना; काहेकि परमातिमा तोंहरे मन काहीं नबा कइ दिहिन हीं, एसे तोंहार पंचन के चाल-चलन बदलत जाँइ चाही, जउने तूँ पंचे अपने अनुभव से इआ जान लेबा करा, कि परमातिमा तोंहरे जीबन से का चाहत हें, अउर उनहीं का नीक लागत हय, अउर उनखर पूरी इच्छा का ही।

रोमियन 12:9

अउर तूँ पंचे एक दुसरे से निस्कपट प्रेम करा; अउर बुरे कामन से नफरत करा, अउर भलाई करँइ माहीं लगे रहा।

रोमियन 16:17

हे हमार भाई-बहिनिव, हम तोंहसे बिनती करित हएन, कि तूँ पंचे मसीह के जउन सिच्छा पाया हय, ओखे बिरोध माहीं सिच्छा दइके, जउन मनई फूट डारत हें, अउर बिसुआसी भाई-बहिनिन काहीं बिसुआस से भटकाय देत हें, उनहीं पहिचान ल्या करा, अउर उनसे दूरी रहा करा।

रोमियन 2:18

अउर तूँ परमातिमा के मरजी काहीं जनते हया, अउर निकही-निकही बातन काहीं अपनउते हया, काहेकि इआ सब मूसा के बिधान से तोंहईं सिखाबा ग हय,

रोमियन 7:16

अउर अगर हम उहय काम करित हएन, जउन काम हम नहीं करँइ चाही, त हम माने लेइत हएन, कि मूसा के बिधान निकहा हय।

रोमियन 7:22

काहेकि हम त परमातिमा के बिधान से अपने पूरे मन से खुसी रहित हएन।

रोमियन 8:7

काहेकि जउन मनई मन के बुरी इच्छन माहीं मन लगाबत हय, उआ परमातिमा से दुसमनी रक्खत हय, काहेकि उआ मनई न त परमातिमा के बिधान के अधीन आय, अउर न होइन सकय।

1 कुरिन्थियन 1:8

अउर ऊँ तोहईं आखिरी समय तक बिसुआस माहीं मजबूत रखिहँय, कि जउने तूँ पंचे, हमरे पंचन के प्रभू यीसु मसीह के द्वारा न्याय करँइ के दिन माहीं बेकसूर निकरा।

1 कुरिन्थियन 10:32

अउर तूँ पंचे न त यहूदी लोगन के खातिर, न त गैरयहूदी लोगन के खातिर, अउर न परमातिमा के मन्डली के बिसुआसी लोगन के खातिर, बिसुआस से भटकामँइ के कारन बना।

1 कुरिन्थियन 8:13

इआ कारन से अगर हमार खाना दुसरे बिसुआसी भाई-बहिनिन काहीं पाप माहीं गिरामँइ के कारन बनत हय, त हम कबहूँ माँस न खाब, कहँव अइसन न होय, कि हम उनहीं पाप माहीं गिरामँइ के कारन बन जई।

2 कुरिन्थियन 1:12

हमहीं पंचन काहीं इआ बात के घमन्ड हय, कि हम इआ बात सच्चे मन से कहि सकित हएन, कि हम पंचे इआ संसार के मनइन के साथ, अउर खास करके तोंहरे पंचन के साथ, परमातिमा के किरपा के मुताबिक बेउहार किहेन हय। हम पंचे उआ बेउहार सरलता अउर सच्चाई के साथ किहेन हँय, जउन परमातिमा से मिलत हय, अउर उआ संसार के बुद्धी से नहीं मिलय।

2 कुरिन्थियन 2:17

काहेकि हम पंचे ऊँ खुब मनइन कि नाईं नहिं आहेन, जउन खुद के फायदा के खातिर परमातिमा के बचन माहीं मिलाबट कइके प्रचार करत हें, बलकिन हम पंचे अपने सच्चे मन से, परमातिमा के तरफ से, अउर परमातिमा काहीं हाजिर जानिके, मसीह के प्रचार करित हएन।

2 कुरिन्थियन 6:3

काहेकि हम पंचे हरेक बातन माही, इआ ध्यान रक्खित हएन, कि कोहू काहीं हमरे पंचन के ऊपर दोस लगामँइ के मोका न मिलय। जउने हमरे पंचन के सेबा माहीं कउनव कलंक न लागय।

2 कुरिन्थियन 8:8

अउर हम इआ बात काहीं, तोंहईं पंचन काहीं हुकुम के रूप माहीं नहीं कहि रहेन आय। बलकिन दुसरे मनइन के उत्साह के बारे माहीं कहिके, अउर तोंहरे पंचन के प्रेम काहीं जाँचँय-परखँइ के खातिर कहि रहेन हय।

गलातियन 5:11

पय हे भाई-बहिनिव, अगर हम अबे तक खतना के प्रचार करित हएन, त अबे तक हम काहे सताए जइत हएन; अउर हम क्रूस माहीं चढ़े मसीह के जउन प्रचार करित हएन, उआ यहूदी लोगन के खातिर ठोकर के कारन न बनत?

इफीसियन 4:15

बलकिन हम पंचे प्रेम के साथ सच्चाई माहीं चलत, सगली बातन माहीं मसीह कि नाईं बनँइ के खातिर बढ़त जई, जउन सगली बातन माहीं सिर अरथात मुखिया आहीं।

इफीसियन 5:10

अउर तूँ पंचे हरेक समय इआ जानँय के कोसिस करा, कि “प्रभू कउने बात से प्रसन्न होत हें?”

इफीसियन 5:27

अउर ओही अइसन महिमावान मसीही मन्डली बनाइके अपने आँगे ठाढ़ करँय, जउने माहीं कउनव कलंक न होय, न कउनव दाग धब्बा होय, अउर न ओमाहीं कउनव कमी होय, बलकिन उआ पबित्र अउर निरदोस होय।

इफीसियन 6:24

अउर जे कोऊ हमरे पंचन के प्रभू यीसु मसीह से सच्चा प्रेम करत हें, उन सगलेन के ऊपर परमातिमा के किरपा होत रहय।

फिलिप्पियन 1:16

अउर ईं पंचे इआ जानिके, कि परमातिमा हमहीं खुसी के खबर के बारे माहीं मनइन काहीं सही जबाब देंइ के खातिर चुनिन हीं, एसे ऊँ पंचे बड़े प्रेम के साथ खुसी के खबर के प्रचार करत हें।

फिलिप्पियन 1:6

अउर हमहीं इआ बात के पूर बिसुआस हय, कि परमातिमा जउन तोंहरे पंचन के जीबन माहीं निकहा काम सुरू किहिन हीं, उँइन ओही मसीह यीसु के दिन तक पूर करिहँय।

फिलिप्पियन 2:16

अउर मसीह के दुसराय आमँइ के दिन काहीं हमार छाती चउड़ी होइ जई, इआ देखिके, कि तूँ पंचे परमातिमा के अनन्त जीबन देंइ बाले बचन काहीं, अपने जीबन माहीं अपनाए हया, अउर हमरे जीबन के भाग-दउड़ अउर हमार मेहनत बेकार नहीं गे।

1 थिस्सलुनीकियन 3:13

जउने ऊँ तोंहरे हिरदँय काहीं अइसन स्थिर करँय, कि जब हमार पंचन के प्रभू यीसु अपने सगले पबित्र लोगन के साथ आमँय, त तूँ पंचे पिता परमातिमा के आँगे पबित्र अउर बेकसूर ठहरा।

1 थिस्सलुनीकियन 5:21

सगली बातन काहीं पहिले जाँचा-परखा जउन निकही होंय, उनहीं अपनाबा।

1 थिस्सलुनीकियन 5:23

सान्ति देंइ बाले परमातिमा खुदय तोंहईं पूरी तरह से पबित्र करँय; अउर तोंहार आत्मा, प्रान अउर देंह हमरे पंचन के प्रभू यीसु मसीह के आमँइ तक, पूर-पूर निरदोस अउर सुरच्छित रहय।

1 यूहन्ना 4:1

हे पियार साथिव, हरेक आत्मा के बिसुआस न माना, बलकिन हमेसा उनहीं जाँच परखिके देखा, कि का ऊँ परमातिमा के तरफ से आहीं कि नहीं? इआ बात हम तोंहसे एसे कहि रहेन हय, काहेकि झूँठ बोलँइ बाले खुब नबी संसार माहीं तइआर होइगे हँय।

दरसनन के बातँय 2:2

हम तोंहरे काम, अउर मेहनत, अउर तोंहरे धीरज काहीं जानित हएन; अउर इहव घलाय, कि तूँ बुरे मनइन काहीं बरदास नहीं कइ सकते आह्या, अउर जउन अपने-आप काहीं यीसु मसीह के खास चेला कहत हें, अउर आहीं न, उनहीं पंचन काहीं घलाय तूँ जाँच परखिके लबरा पाया हय।