FÌLÌPYƐŊ 4:8 - Bafia Nouveau Testament

⁸ Ɓi rìsyɔɔ̀dì, ɓɔɔsoŋ̀! com kìcèm ki ki ri kɔɔ̀kɔɔ̀ à com, kìcèm ki ki ri gìn i com, kìcèm ki ki ri lɛ saaɗ, kìcèm ki ki ri kìtɛnɛn, rì kìcèm ki ki ti ki kɔngì ɓum, rì com kìcèm ki ɓum ɓɛ ri lɛ ɓɛ sɛg, com kìcèm ki ki ri rì ɓìsyɔ̀ɔ̀ ɓì syeesyee ki ki ɓa com ki ki ghɛɛ̀sɛɛ ɗì rìkem, ɓyom ɓiǹ ɓyɛɛ ɓa ɓyom ɓi ɓì ghɛ̀ɛ̀sɛɛ kìfèfeegh ɓi mɛ̀rem min.

FÌLÌPYƐŊ 4:8 Cross References

MATYOO 22:16

Nni ɓɛ romgà ɓum ɓɛdɛŋ ɓɛ ɓi ǹɗaŋ waa rì ɓɛ ɓi ǹɗaŋ wu Eroodɛ, lɛ ɓɛɛ kali Yeesus lɛ: Ǹɗèsàg, tì yii lɔŋ lɛ ù rì ŋwaànɛ a kpaakpaa saaɗ, à ki rèresi ɓum bee inɛ yɛ̀ɛ Bɛ̀ll lɛ tɛntɛ̀ɛ̀n kɛ̀ɛ risi bimiɗ à mum, ɓisuulɛ, ù yin ɓiì seesee riɓa ɗi mum.

MARIKUS 6:20

lɛ Eroodɛ àa ǹnìgàg Zyaŋ, à ki kàmag ri nyi, lɛ à yighà lɛ Zyaŋ à ɓaghà saaɗ à mum, à ki ɓa ti ǹtɛnɛn ɓi mis mɛ Bɛ̀ll. Ɗyomzɛ̀n ɗi ǹti ɗi ɗimgì Eroodɛ cààmɛ̀n kìcèm ki à woogh ɓìtòkì ɓi Zyaŋ, kɔm̀ lɛ ki ǹkɔ̀ngì nyi lɛ a wowog ɓyɔ.

LUKAS 16:15

Fɔɔnnɛ Yeesus à kpaaghà ɓɔ lɛ: Ɓì rì ɓumɓɛ ɓɛɛ kaakaa lɛ ɓum ɓɛdɛŋ ɓɛɛ ghɛǹ mìni lɛ ɓì rì ɓɛ̀saaɗ ɓɛ ɓum, wɔ̀lɛ Bɛ̀ll à yii mɛ̀rem min. Fɔɔnnɛ com kìcèm ki ki ri gìn i com ɓi nyìinyìm à ɓum, ki ri com ki Bɛ̀ll à ɓèèzɛɛ lɛɛ̀gwey.

LUKAS 2:25

Ɓi mɛ̀ru mɛ̀n, ŋwaàdɛŋ à ɓaghà a Yorisalɛm ɗii lɛ Simeyɔŋ, à ɓaghà syeesyee à mum, ànɛ àa nti à risàg Bɛ̀ll; à ɓoŋɓòŋgà gòri ì Isirayɛl, à ɓaghà rì Kìtɛntɛ̀ɛ̀n ki Nghay.

LUKAS 23:50

Ŋwaàdɛŋ ànɛ ɓi ntaŋzɛn wu rilàmì, wu Ɓɛ̀yudɛ̀n ɗii lɛ Yoosɛɓ, à ɓaghà rì syeesyee à ǹɗem, à ki ɓa ŋwaà saaɗ.

ZYAŊ 7:18

Ŋwaànɛ a kpaakpaa ɓiɓan ɓii ɓi nyimiɗ yɛɛ̀ kaakaa rikem ɗii, wɔ̀lɛ roànɛ a kaakaa rikem ɗi roànɛ à romgày nyi, nnyɛɛ̀ kpaakpaa saaɗ, kɛ̀ɛ ki ɓa ri kìɓan kidɛŋ ki ki ri kìtɛ̀ŋtɛ̀ŋ.

MƐ̀KÌKÌÌ MƐ ƁƐKƐ̀NÌ-FÌTOM 10:22

Nni ɓɛ ɓakà nyi lɛ: Tì yùu yì fɛ lɛ ǹkɔ̀mɛ̀n ɓɛ̀sujàà ànɛ lɛ Kɔrinɛy yɛɛ romiì ɓìsi a lɔ̀ŋkɔɔ, àncèm à rì saaɗ à mum ànɛ à ti à risàg Bɛ̀ll, à ki rì tì ŋwaànɛ Ɓɛ̀yudɛ̀n ɓɛ̀cèm ɓɛɛ̀ Sɛsɛ̀g; ŋwaà-fìtom a Bɛ̀ll àa ǹkpaa nyi lɛ a regiì wɔ̀ a mɛɛ mii, a wog jɛ̀ɛ̀ ìnɛ ù rì lɛ ù kpaa nyi.

MƐ̀KÌKÌÌ MƐ ƁƐKƐ̀NÌ-FÌTOM 22:12

Ŋwaàdɛŋ à ɓaghà wɔɔ ɗii lɛ Ananyas, à ɓaghà ŋwaànɛ à falɛ̀ngà ɓi rìgherɛ̀n à ki nɔ̀ɔnɔɔ̀tì ɓìdɔ̀gsɛna ɓis, Ɓɛ̀yudɛ̀n ɓɛ̀cèm ɓɛ ɓɛ ɓaghà a Damas, ɓɛ sɛsɛ̀kà nyi.

MƐ̀KÌKÌÌ MƐ ƁƐKƐ̀NÌ-FÌTOM 6:3

Fɔɔnnɛ mìni ɓɔɔsoŋ̀, ɓì ghɛ̀ɛ̀sɛɛ kì ɓɔ̀ni ɓum taàɓɛ̀ɛ̀ ɓi nyìinyìm wiǹ, ɓɛ ɓum ɓɛ yii lɛ, ɓɛ rɔɔtaagh ɓìsyɔ̀ɔ̀, ɓɛ ki ɓa ɓɛronɛn ɗì Kìtɛntɛ̀ɛ̀n ki Nghay, rì ɗyomzɛ̀n, ɓɛɛ̀ ɓɛ ti fa kìsay ki rikàɓsì ɗi ɓiɗilàg.

RÒMƐŊ 13:13

Tì ghɛ̀ɛ̀sɛɛ kì ghɛɓì cɛɓ ki ki ri lɛ tɛntɛ̀ɛ̀n ki ki ghɛɛ̀sɛɛ rì kìtɛɛtɛn ki ŋwos, tì womzɛ̀n ɗì dili, rì kìɓan ki riceesì ɗi rinɔ ɗi mɛrɔ̀g ɗì tìsɔ̀mɔ̀g, rì cɛɓ ki sààsaa, rì ɓɛ̀paàzì, rì yàaka.

RÒMƐŊ 13:3

Ɓɛ̀làmì ɓɛ yin ɓumɓɛ lɛ mum à nìŋ di a kìki ɓiɓan ɓi syeesyee, lɔŋ ɓumɓɛ ɓɛɛ̀ kìki ɓiɓan ɓi ɓeɓtɛn, ɓɛɛ ti ɓɛ risàg ɓɔ. I ù kɔ̀ni lɛ kɔ̀ɔ ririsi rilàmì, ù ghɛ̀ɛ̀sɛɛ kì kìkii ɓiɓan ɓi syeesyee fɔɔnnɛ rìlàmì ɗi sɛg wɔ̀.

RÒMƐŊ 14:18

Ŋwaànɛ a kìki Kiris kìsay ɓikòò wìn, Bɛ̀ll a woki kirɔɔ rì nyi, ɓum ɓɛ ki sɛki nyi.

RÒMƐŊ 2:29

Wɔ̀lɛ muu Ɓɛ̀yudɛ̀n à rì lɔŋ ŋwaànɛ rì rì nɗem wu Ɓɛ̀yudɛ̀n. Fɔlɔɔ nnɛ syeesyee à kɛ̀rɛ̀n à rì kɛ̀rɛ̀n ànɛ ɓi nɗem, ànɛ a kìikilɛ̀n rì Ǹghay à Bɛ̀ll, kɛ̀ɛ ɓa anɛ à rì yɛ̀ɛ ki ri ki kànɛn ɓi kaàtà à ɓìdɔ̀gsɛna. Mɛ̀sɛɛ̀ghsɛɛgh mɛ rikuu ɗi muu Ɓɛ̀yudɛ̀n ɗi fɔlɔɔ mɛ ti mɛ̀ kɛɛ̀ ɓayi a ɓum, mɛ ti mɛ ɓalàg yì lɔŋ yɛ̀ɛ Bɛ̀ll.

1 KƆ̀RƐ̀ŊTYƐŊ 4:5

Ɓisu wìn miì nnɛ kɛ̀ ɓi yɔ̀m kiɓan kidɛŋ di cààmɛ̀n ki ka kpaŋ ɓi, di Kan à ka yu ɓi, nnyɛɛ ri ɓiì tɛɛ̀zii ɓiɓan ɓi ɓi ri ɓì nyamɛn a birìm, à ki kì lɛ ɓɛɛ yi mɛ̀yitì mɛ ɓum ɓɛ ri rì mɔ ɓi mɛ̀rem, fɔɔnnɛ Bɛ̀ll à rì ɓiì faa mum ǹcèm mɛ̀sɛɛ̀ghsɛɛgh mɛ à ghɛ̀ɛ̀sɛɛ rì mɔ.

2 KƆ̀RƐ̀ŊTYƐŊ 13:7

Nsoò fɔlɔɔ, ɓìsiì ɓɔ̀ɔɓɔ̀ŋzì Bɛ̀ll lɛ ɓi ɓa kɛ̀ ɓi kì kiɓan kidɛŋ ki ki ɓeɓtɛɛ, àa ɓà loo lɛ, di mɛ̀fèèghrɛn mɛɛ pisɛn yɛ̀ɛ mɛ ghaghii kìrɔɔ, wɔ̀lɛ ti ɓɔ̀ɔɓɔŋzàg lɛ di ɓyàa kìi ɓìɓan ɓi rɔɔtɛn, nsoò yɛ̀ɛ mɛ̀fèèghrɛn mɛ ǹkɛ̀ɛ̀ghii ɓi ɓi ɓɛg wìs.

2 KƆ̀RƐ̀ŊTYƐŊ 6:8

ɓi rìkem rì ɓi zɛɛtɛn, ɓi mɛ̀sɛɛ̀ghsɛɛgh rì ɓi tìfena; ɓɛ seesèè ɓìsi yɛ̀ɛ ɓɛ̀pwààpwaà kɔm̀ lɛ tì rì ɓumɓɛ ɓɛɛ̀ kpaakpaa saaɗ;

2 KƆ̀RƐ̀ŊTYƐŊ 8:18

Tì romiì Tit ǹɗaŋ ɗi maaseŋi wìs anɛ ɓi rìgherɛ̀n ànɛ rìkem ɗi ɓi kìsay kii (ki a kìki) ɓisuu Syeesyee à Ɓɔlɛ, ɗi ri ɗìsààyɛn ɓi ɓìseŋi ɓi Kiris ɓìcèm.

2 KƆ̀RƐ̀ŊTYƐŊ 8:21

Ɓisuulɛ ɓìsiì kaakaa lɛ ti ki ɓìɓan ɓi ɓi ri lɛ syeesyee, nni àa ɓi mis mɛ Kan mɔ rì mɔ nnɛ rìkì ɗis ɗi ghɛɛ̀sɛɛ kì rɔɔtɛɛ, ɗi ghɛɛ̀sɛɛ girig lɛ ɗi rɔɔtɛ̀n ɓi mis mɛ ɓum.

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

EFÈZYƐŊ 4:25

Kìɓan kiǹ kɛɛ̀ki càrina pwàà, mum ǹcèm ànɛ ɓi mìni a kalag geni kìɓan yɛ̀ɛ ki ri, ɓisuulɛ, ɓìsiìcèm tì rì ɓìkàɓ ɓi ɓi nyoo bogtɛ̀n.

EFÈZYƐŊ 5:9

Kìtɛɛtɛn kìn kɛɛ ti ki falàg ɓum ìtèɗ wulɛ ɓɛɛ rɔɔtɛn nɗem ɓɛ ɓa ɓumɓɛ nkpaà, ɓɛ ki ɓa ɓumɓɛ ɓɛɛ̀ kpaakpaa saaɗ.

EFÈZYƐŊ 6:14

Sììrɛɛna min: Ɓì sìnɛ̀n saaɗ ɓi kìɓon ɓi sìg à kànɗa; ɓì waatɛ̀n ǹkpaà fɛlɛ yɛ̀ɛ kìlàà ki bɔŋ.

FÌLÌPYƐŊ 3:1

Ɓɔɔsoŋ̀, ɓigomìnɛ, ɓì ghɛ̀ɛ̀sɛɛ kì nyàànyaa ɓi Kan ɓiɗùm; ki yeesii ɓi mɛ nsoò lɛsàg lɛ mɓiìti mìni kìkàni ɓiɓan ɓi m̀mɛ ka kàn mini abɛ̀y; rìkì ɗiǹ ɗi ri ɓi kìrɔɔ kin.

KÒLÒSYƐŊ 4:5

Ɓaanà rì ɗyomzɛ̀n ɓi rìghɛghɛ̀ɓ ɗin ɗi rì ɓumɓɛ ɓɛ yin ɓɛ̀kìristɛ̀n, kɛ̀ ɓi yogsi cààmɛ̀n ki ɓì rì rì kɔ.

TÈSÀLÒNÌSYƐŊ 4:12

di fɔɔnnɛ ɓumɓɛ ɓɛ yin ɓɛgherɛ̀n ɓɛɛ teɗ mìni rì rìmum, ǹtɛ̀g win wɛ̀ kɛɛ̀ rìɗ ŋwaàdɛŋ.

TIMOTE 2:2

ɓisuu mɛfòm, rì ɓum ɓɛ̀cèm ɓɛ ɓɛ ri ɓɛ̀làmì, lɛ di ti ghɛɓ cɛɓ ki fyòoog rì tɛ̀tɛ̀rɛ̀ɛ̀, tì falɛ̀n ɓi rìgherɛ̀n lɛɛ̀gwey, tì ɓa ɗì rìmum.

TIMOTE 3:11

Ɓɛ̀yiɓ girig ɓɛ ghɛɛ̀sɛɛ lɛ ɓɛ ɓa rì rìmum, ɓɛ̀ kɛɛ̀ ɓa ri mɛ̀wɔ̀wɔrì, ɓɛ kɛɛ̀ falɛn ɓi mɛ̀rɔ̀g, ɓɛ ɓa ɓumɓɛ ɓɛ tyweeyì ɓi ɓìɓan ɓìcèm.

TIMOTE 3:4

Ki ghɛɛ̀sɛɛ lɛ à kɛ̀ɛ̀kɛ̀ɛ̀sì naa yìì i ɓum lɛ syeesyee, à yi rìkì lɛ ɓɔn ɓii ɓɛɛ ɓa rì mɛ̀wog, ɓɛ falàg nyi bɔgsɛ̀n yɛ̀ɛ ki ghɛɛ̀sɛɛ.

TIMOTE 4:12

Mum kɛ̀ɛ sɛɛti riɓa ɗyɔɔ ɗi ùrì ŋwɔɓti, kìɓan kifog, ɓaya kìfèèghrɛnà ɓisuu ɓɛgherɛ̀n ɓi ɓìtòkì ɓyɔɔ, ɗì rìkɛ̀ɛ̀ ɗyɔɔ, rì ɓi nkɔ̀nɛ̀n, rì ɓi rìgherɛ̀n, rì ɓi rìtɛn.

TIMOTE 5:10

Ki ghɛɛ̀sɛɛ lɛ a ɓa giɓ anɛ ɓum ɓɛ yii ɓìsyeesyee ɓii ɓi mɛkìkìì, ànɛ à mɛ tɔɔsag ɓɔn, ànɛ àa nghàɓkì ɓɛ̀kèn lɛ syeesyee, à sòòghì ɓɛ̀gherɛ̀n mɛ̀kòò, à ghɛɓsàg ɓum ɓɛ nyìinyìg, à ki kaakaa lɛ a ki ɓìɓan ɓi syeesyee.

TIMOTE 5:2

ù reɓkì ɓɛ̀sɛ̀ɛ̀mɛn ɓɛ ɓɛ̀yiɓ lɔŋ yɛ̀ɛ ù rì lɛ ù reɓ ɓɛ̀gaa, ù reɓkì ɓɛ̀yiɓ ɓɛɓwɛɗ yɛ̀ɛ ù rì lɛ ù reɓ ɓɛ̀goni ɓɛ ɓɛyìɓ; rìkì ɗiǹ ɗìcèm ɗi ɓa ɗìtɛnɛn lɛ kɔɔ̀kɔɔ̀.

Kaàtà ànɛ Pol à kàngà TIT 1:8

Kìɓan kifog à ghɛ̀ɛ̀sɛɛ kì yiì rìghàɓ ɗi ɓɛ̀kèn, à keesì ɓìɓan ɓi syeesyee, à ɓa rì ɗyomzɛ̀n, à ɓa lɛ saaɗ, à ɓa ǹtɛnɛn ɓi mis mɛ Bɛ̀ll, à ki ɓìɓ nɗem,

Kaàtà ànɛ Pol à kàngà TIT 2:14

ànɛ à falɛ̀ngà nyimiɗ ɓisu wis lɛ a pwaŋ̀ yì ɓìsi ɓi kìɓe mɛkuu mɛ̀cèm, à kì lɛ ti ɓa kìlɔ̀ŋ kitɛnɛn ki kɛɛ woòghrɛn ɗì nyi; ki falɛ̀n ɓi rìkìkì ɗi ɓiɓan ɓi syeesyee.

Kaàtà ànɛ Pol à kàngà TIT 2:2

Ù kpaa ɓìtùg ɓi ɓum lɛ ɓyɛ̀ kɛɛ̀ nɔnɔ mɛrɔ̀g lɛɛ̀gwey, ɓɛ ghɛɛ̀sɛɛ kìɓaà rì rìmum, rì ɗyomzɛ̀n, ɓɛ ki ɓa ri ìtèɗ ɓi rìgherɛ̀n, rì ɓi nkɔ̀nɛ̀n, rì ɓi rìɓìɓ ɗi nɗem.

Kaàtà ànɛ Pol à kàngà TIT 2:7

Wɛ̀ɛmiɗ ù ɓa kìfèèghrɛnà ɓi rìkì ɗi ɓiɓan ɓi syeesyee, ù rèèrèsàg ɓum dɔgtɛ̀n inɛ ì rì ǹtɛnɛn, ɗì rìmum.

Kaàtà ànɛ Pol à kàngà TIT 3:14

Ki ghɛɛ̀sɛɛ lɛ ɓumɓɛ ɓi nɗaŋ wis ɓɛɛ yilɛn rì rìkìkì ɗi ɓiɓan ɓi syeesyee lɛ kɔɔ̀kɔɔ̀, fɔɔnnɛ ɓɛ ri ɓiì kìkii ɓɛ̀gɛni-ɓiɓan ɓɛ ɓɛ ghɛɛ̀sɛɛ kì kìlɛɛ lɛ fyɛ̀ɗ yɛ̀ɛ ɓɛ̀ kɛɛ̀ rɔ̀ɓ kɛ̀ɛ̀ ɓìɗùn.

EBIREEGH 11:2

Ɓumɓɛ abɛ̀y ɓɛ tekà mɛ̀sɛɛ̀ghsɛɛgh lɛ rìgherɛ̀n ɗyaa.

EBIREEGH 13:18

Ɓì ɓɔ̀ŋzàg ɓisu wis, lɛ tì konaagh kì yiì lɛ mɛ̀rem mis mɛ ri lɛ sɛɛghi sɛɛghi, rì rìkɔ̀n ɗi lɛ ti ghɛghɛɓ ɓi ɓɛ̀saaɗ ɓi ɓìɓan ɓìcèm.

ZYAG 1:27

Rìgherɛ̀n ɗi ɗi ri ɗìtɛnɛn, ɗi ki ɓa kɛ̀ɛ̀ tìfin ɓi mis mɛ Bɛ̀ll à Seŋi wìs ɗyɛɛ̀ tɔtɔg lɛ mum a kɛngi kì ghɛɛ̀ lɛ rì ɓɔɔ̀zii rì mɛ̀kpɔɓ cààmɛ̀n ki ɓɛ ri rì ǹɗemi-kɛŋɛn, à ki ɓèŋɗɛn lɛ kɛ̀ɛ kì ɓìɓan ɓi tifin ɓi ɓi ziinɛ.

ZYAG 3:17

Ɗyomzɛ̀n ɗi ɗi riì aɗyoo ɗi ka rì ɗì tɛnɛn, ajɛ̀m ìnɛn ɗi ɓa tì lɛ fyòoog, ɗyɛ̀ kɛɛ̀ ròoroòtɛ̀n, ɗi kaaghì lɛ ɓum ɓɛɛ ɓa ɓɛ̀ràrɛn, ɗyɔ ɗìronɛn ri nɗem wu nyìighnyìg, ɗi ki kìlag ɓiɓan ɓi syeesyee, ɗyɛ̀ kɛɛ̀ ɓa ri ǹlànag nsoò tìfyèèrɛnà.

1 PYƐƐRI 1:22

Yɛ̀ɛ ɓyàa lègsi kìpuɓsii mɛghay min ri mɛ̀wog mɛ ɓì rì rì mɔ ɓi ɓɛg ànɛ a saaɗ, lɛ ɓi ɓa rì nkɔ̀nɛ̀n à rìgeni ànɛ à rì lɛ sɛɛghisɛɛghi; kɔ̀nɛɛna rì ìtèɗ, rì nɗem win wucèm.

1 PYƐƐRI 2:12

Ɓaana rì ɓìsyeesyee ɓi ɓisyɔ̀ɔ̀ ɓi nyìinyìm à ɓumɓɛ ɓɛ yin ɓɛgherɛ̀n, di fɔlɔɔ nnɛ kɛɛ ɓalag lɛ, jàŋ inɛ ɓɛ mɛɛ̀ ɓùŋ mini a mɓeɓɛn, yɛ̀ɛ ɓɛɛ̀ kali lɛ ɓi kìki ɓiɓeɓtàg ɓi ɓiɓan, i ɓɛ ghɛɛ mɛ̀kìkìì min mɛ syeesyee, ɓɛ kemzì Bɛ̀ll ŋwos anɛ à ɓiì yùu.

1 PYƐƐRI 4:8

Kìɓan ki asu ki ri lɛ: Ɓaana rì ǹkɔ̀nɛ̀n ànɛ kɛ̀ɛ lɔ̀gtɛn ɓi nyìinyìm wìn, lɛ ǹkɔ̀nɛ̀n à ti à lɔkì ǹkun wu ɓiɓe.

2 PYƐƐRI 3:1

Mìni ɓum ɓɛm ɓɛ nɗem, kaàtà wɛ̀m à kìɓɛ̀ɛ̀ ànɛ ǹkàniì mìni yɛɛ ri lɛ; ɓi kìɓɛ̀ɛ̀rɛn ki ɓɛ̀kaàtà kiǹ, n-yiiyitì mìni ɓìɓan, lɛ nghem̀zi mìni mɛ̀rem yɛ̀ɛ ɓi ɓa rì syeesyee à fèg

1 ZYAŊ 3:18

Mìni ɓɔn ɓɛm, ki ghɛɛ̀sɛɛ ɓi lɛ ti kɛkɛɛgh ǹkɔ̀nɛ̀n wìs ŋwɔm ɗì ŋwɔm; ǹkɔ̀nɛ̀n wìs a ghɛ̀ɛ̀sɛɛ kì ɓaà kɔɔ̀kɔɔ̀ à ǹkɔ̀nɛ̀n ànɛ a rèeresɛ̀n ɓi mɛ̀kìkìì mis.

1 ZYAŊ 3:3

Nni mum ǹcèm ànɛ à rì rì ǹtyweeyi wiǹ yɛ̀ɛ Kiris, à ti à ɓègì nyimiɗ ntɛnɛn fɛlɛ yɛ̀ɛ Yeesus Kiris à rì ǹtɛnɛn.

1 ZYAŊ 4:1

Mìni ɓum ɓɛm ɓɛ nɗem, kɛ̀ ɓi siighrag ɓi mum ǹcèm ànɛ à kpaa lɛ, à rì rì Nghay à Bɛ̀ll; fèèghraaghna mɛ̀kuu mɛ ɓum mɛ̀n, lɛ ɓi yi ǹkòo ǹghay wu ɓɛ ri rì wɔ, wu ri wu Bɛ̀ll ɓisuulɛ ɓɛ̀pwààpwaà ɓɛ ɓɛkpaŋzì-ɓìɓan ɓɛ ti ɓi ziinɛ lɛɛ̀gwey.