FÌLÌPYƐŊ 4:5 - Bafia Nouveau Testament

⁵ Rìɓa ɗin ɗi tɛ̀tɛ̀rɛ̀ɛ̀ ɗi ghɛɛ̀sɛɛ lɛ ɓum ɓɛ̀cèm ɓɛɛ yi ɗyɔ; Kan à ti jàŋbog ɗì rìyù.

FÌLÌPYƐŊ 4:5 Cross References

MATYOO 6:25

Kìɓan kiǹ kɛɛ̀ki ǹkpaa mìni lɛ: mɛ̀rem min mɛ̀ kɛɛ̀ cɛɛcɛɛ̀rɛ̀n ɓi kìɓan ki ɓiɗilàg ɓi ɓyɛɛ̀ mɛmɛni ɓyɛɓ ɓin nsoò lɛ ɓisuu ɓilàà ɓi ɓyɛɛ lɔg nyoo yìn; mɛ̀ɛ nti cɛɓ ki cee ɓìɗilàg, nyoo ì cee ɓìlàà yèè?

MATYOO 6:34

Fɔɔnnɛ kɛ̀ ɓi ghɛ̀ri ǹɗem aɗyoo rì rìduri, lɛ rìduri a ɓiì yùu ri ɓìɓan ɓii; ŋ̀wos bimiɗ à ghɛ̀ɛ̀sɛɛ rì ntɔɓ wìì.

LUKAS 21:34

Ɓì konàg rì mìniì ɓɔmiɗ, lɛ ɓìsɛ̀nɛ̀ rì ɓìzɛ̀ŋ ɓi mɛrɔ̀g rì rìcɛɛ̀cɛ̀ɛ̀rɛ̀n ɗi nɗem ɓyɛ̀ kɛɛ̀ fa mɛrem min ìɓwɛɗ; di ŋwos anɛ̀n à ri sìɗ mini ǹsìrɛn.

1 KƆ̀RƐ̀ŊTYƐŊ 16:22

I mum à keesii ɓi Kan, à ghɛ̀ɛ̀sɛɛ kì terì ǹcɛ̀m! Màrànatà-Kan wìs yuiy!

1 KƆ̀RƐ̀ŊTYƐŊ 6:7

Ki ka ti zɛ̀ɗ ɓi ɓɛg ànɛ a lɔ̀ŋkin, lɛ ɓi ɓa rì ɓɛ̀kpaaghi-kpaaghi ɓi nyìinyìm wìn; ɓisuucɛ nnɛ ɓì yin kɔm̀ lɛ ɓì nìɗ nɗem lɛ ɓi caɗ kɛ̀ ɓi nɔ̀ɔ̀ti kiɓan ki ŋwaà sɛ̀raagh rì mìni? Ɓisuucɛ nnɛ ɓi yin kɔm̀ lɛ ɓì càɗ lɛ ɓɛɛ pumzi mìni?

1 KƆ̀RƐ̀ŊTYƐŊ 8:13

Ɓisu wìn innɛ, i ɓìɗilàg ɓidɛŋ ɓi ri lɛ ɓi kɛɓtì geni wɛ̀m fìɓàg, m̀ɓàŋ kì cèlii ɓyɛn ìsuùcèm yɛɛ ri, à cee lɛ nkɛɓti geni wɛ̀m fìɓàg.

1 KƆ̀RƐ̀ŊTYƐŊ 9:25

Ɓɛ̀ɗùù zàà yi ran ɓɛ ti ɓɛ ɓalàg rì ɓìtèetèɗ ɓi ɓìcèlì, ɓɛ kikì fɔlɔɔ lɛ di ɓɛɛ fɔǹ mɛ̀raà mɛ mɛ ri lɛ mɛ ɗyoŋ wɔ̀lɛ ɓìsiì ɗùùɗuu ɓi mɛ̀raà mɛ mɛ ri fìɗyàɓ fikɔ̀ɔ̀.

2 KƆ̀RƐ̀ŊTYƐŊ 10:1

Mɛ̀ Pol! ǹtɔɔgh mìni, ɓi tɛ̀tɛ̀rɛ̀ɛ̀ rì syeesyee à ǹɗem à Kiris, mɛ̀ ànɛ ǹti ǹsɛɛ̀dàg mɛ̀ɛmiɗ ɓi zi ɓi mis min, kìɓan kifog, cààmɛ̀n ki ǹɗì mìni fìràɓ, m̀ɓa rì kìghɛɛsii ɓi san wìn lɛɛ̀gwey.

2 TÈSÀLÒNÌSYƐŊ 2:2

kɛ̀ ɓi càrɛn lɛ mum a fyaŋzi mìni kì nyɛ̀ŋi ɓi syeesyee à ǹɗɛli anɛ ɓì rì miì, nsoò lɛ a syaŋdi mìni bwaɓ ɗi rìkuu ɗi ɗyomzɛ̀n ɗidɛŋ ɗi ǹghay wudɛŋ wu ri lɛ wu fa nyi, nsoò rì jɛ̀ɛ̀ ìdɛŋ, nsoò rì kaàtà ànɛ ɓɛ ri lɛ ɓɛ pwaà mìni lɛ ɓìsi yɛɛ kani, ki pisɛ̀n fɛlɛ yɛ̀ɛ ŋwos a Kan à mɛ kpaŋ.

Kaàtà ànɛ Pol à kàngà TIT 3:2

Ɓɛ̀ kɛɛ̀ wɛ̀ɗ mum, ɓɛ ghɛɛ̀sɛɛ kì ɓaà ɓum ɓɛ fyòoog, ɓɛ ɓa rì syeesyee à nɗem, ɓɛ ghɛɓ lɔŋ lɛ fyòoog rì ɓum ɓɛ̀cèm.

EBIREEGH 10:25

Tyɛ̀ ki lèg rikɛ̀ngì ɗi a mɛ̀taŋzɛn mis yɛ̀ɛ ɓum ɓɛdɛŋ ɓɛ ti ɓɛ kilàg, ti faàfàlɛ̀n lɔŋ ɓìsiìɓɔmiɗ itèɗ, à ɓiisɛ̀n yɛ̀ɛ ɓi seesee lɛ ŋwos a Kan a kɛ̀ɛ̀kɛɛ yi.

EBIREEGH 10:37

Lɛ cààmɛ̀n kaa rɔ̀ɓ kiden lɔŋ lɛsàg lɛ roànɛ à ghɛ̀ɛ̀sɛɛ kì yùu a kpaŋ, àa lɛ̀mzii ɓi.

1 PYƐƐRI 1:11

Ɓɛ siìrɛ̀ngà lɛ ɓɛɛ yi lɛ rì zìŋɛn, rì ɓìɓan ɓi ɓi koŋkomi ɓìɓan ɓi Ǹghay à Kiris ànɛ à ɓaghà ɓi ɓɔ à rerèɓkà ɓɔ abɛ̀y; à rèsìghà mɛ̀tɔɓ mɛ Kiris à ghɛ̀ɛ̀sɛ̀ngà kìwoògh, rì rìkem ɗi ɗi ghɛɛ̀sɛ̀ngà kì ɓɔ̀ɓiì mɛ̀tɔɓ mɛ̀n.

1 PYƐƐRI 4:7

Rìsugtɛ̀n ɗi ɓyom ɓìcèm ɗi ti jàŋbog, fɔlɔɔ nnɛ ɓì ghɛ̀ɛ̀sɛɛ kì ɓaà rì ɗyomzɛ̀n, kɛ̀ ɓi falɛn ɓi ɓìnɔɔ̀nɔɔ̀, di ɓi kiki bɔ̀ŋzɛ̀n.

ÀPÒKÀLIƁSƐ̀ 22:20

Roànɛ a kalag lɛ ɓiɓan ɓiǹ ɓi ri saaɗ a kpaaghi lɛ: Ɛ̀ɛ̀! Mɛ̀ yɛɛ̀ yùyuiy lɔɔ ɓi cààmɛ̀n ki. Ààmɛ̀n! Yuiy ɓà, Kan Yeesus!

ÀPÒKÀLIƁSƐ̀ 22:7

Mɛ̀ yɛɛ tiì lɔɔ ɓi cààmɛ̀n ki. Mààgh rì ŋwaànɛ à ɓèŋi jɛ̀ɛ̀ yi kaàtà ànɛ; yi ri jɛ̀ɛ̀ yi yɛɛ̀ kpaakpaŋzì ɓìɓan ɓi Bɛ̀ll.