FÌLÌPYƐŊ 4:18 - Bafia Nouveau Testament

¹⁸ Mɛ̀ɛ nghɛɛ ɓyom ɓìcèm ɓi ɓìi nɗomiì, fɔɔnnɛ ǹɗì rì ɓyom lɛɛ̀gwey ɓigominɛ ɓi cee gàɓ ìnɛ ì ghɛ̀ɛ̀sɛɛ rì mɛ̀ yɛ̀ɛ m̀mɛ teɗ ɓyom ɓi ɓìi nɗomiì mɛ̀ rì Epafirodit; ɓyom ɓiǹ ɓi ri yɛ̀ɛ tìrààre ti ti rɔɔtɛɛ mɛ̀rùù nsoò lɛ kìtuwe ki ɓɛ funɛɛ ɓisuu Bɛ̀ll, Bɛ̀ll à ghàɓ kɔ ki ki rɔɔ nyi.

FÌLÌPYƐŊ 4:18 Cross References

MƐ̀KÌKÌÌ MƐ ƁƐKƐ̀NÌ-FÌTOM 10:4

Nni à fiɓìghà ŋwaà-fìtom lɛ fyɛɛɛyi, à risì, à tɔg nyi lɛ: La yɛɛ ri Kan? Ŋwaàfìtom a ɓàg nyi lɛ: Bɛ̀ll àa ǹghàɓi lɛ, rì bɔ̀ŋzɛ̀n yɔɔ, rì gɛ ɓyom ànɛ ù ti ù fafà ɓum ɓɛ nyìighnyìg, fɔɔnnɛ à ɗimzɛɛ ɓi wɔ.

RÒMƐŊ 12:1

Ɓɔɔsoŋ̀, ɓisuu nɗem wu nyìighnyìg wu Bɛ̀ll à rèsìghà ɓi ɓɛg wìs, ǹtɔɔgh mìni lɛ ɓi funɛn mìniì ɓɔmiɗ fɛlɛ yɛ̀ɛ kìtuwe ki mum à ti à weeyì ɓi rìɓɔgsì ɗi Bɛ̀ll; ɓi funɛn mìniì ɓɔmiɗ rifunɛ̀n ɗi ɗi ri cem, ɗyɔ rìtɛnɛn, ɗi ki ɓa ɗi ɗi rɔɔ Bɛ̀ll. Fɔlɔɔ yɛɛ ri ɓiì ɓaà syeesyee à rìɓɔgsì ànɛ ɓì ghɛ̀ɛ̀sɛɛ kì ɓɔgsii Bɛ̀ll.

2 KƆ̀RƐ̀ŊTYƐŊ 11:8

M̀pùmzìghà ɓìseŋi ɓi Kiris ɓidɛŋ, yɛ̀ɛ mɛ̀ɛ ntekii mɛ̀lèɓ a lɔ̀ŋkaa di nkìki kisay foo a lɔ̀ŋkin;

2 KƆ̀RƐ̀ŊTYƐŊ 9:12

Ɓisuulɛ, kìsay ki rìfa ɗìn ɗi ri ɓiì kìi, kaa ɓa ɓi lɔŋ lɛ kɛɛ ghɛɓsi ɓɛ̀gherɛ̀n, wɔ̀lɛ rìfa ɗìn ɗi ɓiì tinii ɓum lɛɛ̀gwey lɛ ɓɛɛ fafa Bɛ̀ll ɓìtògsɛ̀n.

EFÈZYƐŊ 5:2

Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

FÌLÌPYƐŊ 4:12

Ǹ-yii rìghɛɓ ɓi kìsowà, ǹki yi righɛɓ ɓi-kum; ɓi ɓìɓan ɓìcèm, rì jàŋ bimiɗ ǹ-yilàkà rìghɛɓ ɓi ɗuri, rì ɓi zày; ǹ-yilàg cɛɓ ki ɓi-kum rì cɛɓ ki ɓi kìyɛɓà.

2 TÈSÀLÒNÌSYƐŊ 1:3

Ɓɔɔsoŋ̀, tì ghɛ̀ɛ̀sɛɛ kì fafaa Bɛ̀ll ɓìtògsɛ̀n ɓisu win tyɛ̀ ki fɔy; tì ghɛ̀ɛ̀sɛɛ kì kìkii fɔlɔɔ ɓisuulɛ rìgherɛ̀n ɗin ɗyɛɛ̀ tɔɔtɔ̀ɔ̀, ǹkɔ̀nɛ̀n ànɛ à rì ɓi nyìinyìm wìn a tèèghtèghɛ̀n.

EBIREEGH 13:16

Kɛ̀ ɓi ɗimzɛn rikì ɗi kirɔɔ rì rìghɛɛ̀ghɛ̀ɓsɛ̀n ɗi ɓi nyìinyìm wìn, lɛ rìkì ɗiǹ ɗyɛɛ ti ɗi rɔɔghì Bɛ̀ll, ɗi ɓa ɓi bàlì ì ɓyom ɓi ɓì faa nyi.

1 PYƐƐRI 2:5

fɔɔnnɛ mìni girig, fɛlɛ yɛ̀ɛ gɔ̀g yi yi ri cencem, ɓì rì ɓɛ̀toŋɛn lɛ ɓi ɓa mɛɛ mɛ ɓi Nghay, ɓì ɓa ǹɗaŋ wu ɓɛpìrɛɛtìrɛ̀ ɓɛ ɓɛ ri ɓɛ̀tɛnɛn ɓɛ ɓɛɛ̀ fùufunɛ̀n Bɛ̀ll ɓyom ɓi ɓi Nghay ɓi ɓi ri rɔɔ nyi, lɛ Yeesus Kiris.