FÌLÌPYƐŊ 3:3 - Bafia Nouveau Testament

³ Lɛ ɓìsi yɛɛ ri ɓumɓɛ ɓɛ mɛ kɛ̀rɛn syeesyee à kɛ̀rɛ̀n lɛ ɓìsi yɛɛ̀ ɓɔɔɓɔgsì Bɛ̀ll rì Ǹghay à Bɛ̀ll, tì saàsànɛ̀n ɓi Yeesus Kiris ɓi ɗùm, tyɛ̀ ki ki foŋ ntyweeyi wis ɓi kìɓan ki mɛmùù.

FÌLÌPYƐŊ 3:3 Cross References

RÒMƐŊ 1:9

Bɛ̀ll ànɛ nkìki kisay ɓi nghay wɛ̀m ɓi rìghaàghàgsì ɗi Syeesyee à Ɓɔlɛ à Man wiì, à rì mɛ̀ wusìnɛ̀ɗ lɛ ǹti mɓùgì mìni ɓyààmɛ̀n ɓìcèm,

RÒMƐŊ 15:17

Ǹɗì min lɛ ǹsanɛ̀n kìsay ki nkìki Bɛ̀ll ɓi Yeesus ɓi ɗùm.

RÒMƐŊ 7:6

Nni ɓigomìnɛ, tì yiìdi ɓi rìkpàn ɗi ɓidɔ̀gsɛna ɓisuulɛ, tì wughà ɓi san ànɛ a com ki ki ɓanɓàngà ɓìsi ɓi rìkpàn, fɔlɔɔ nnɛ ti kìki Bɛ̀ll kìsay ɓi bee ì nyɔn ìnɛ ɓi Nghay, àa tì ɓi bee ì fìɗyàɓ ìnɛ ɓi ɓìdɔ̀gsɛna ɓi ɓi ri ɓi kaàtà.

RÒMƐŊ 8:15

Lɛ Ǹghay ànɛ ɓì tekà à yin Nghay ànɛ a ghaasi mìni ɓɛ̀kpàn ɓi lèg ànɛ lɛ ɓi kɛnkɛn asu ɓì rirìsì tì, kìɓan kifog ɓì tekà Ǹghay ànɛ à mɛ kì lɛ ɓi ɓa ɓɔn ɓɛ Bɛ̀ll. Ǹghay ànɛ̀n yɛɛ ti à falàg ɓìsi ìtèɗ wulɛ ti reŋì Bɛ̀ll jɛ̀ɛ̀ aɗyoo lɛ: Aba, Tààta.

RÒMƐŊ 8:39

nsoò mɛ̀tèɗ, nsoò ɓyom ɓi ɓi riì ɓi jàŋ yi yi teŋmaagh, nsoò ɓi ɓi riì ɓi jàŋ yi rimɛn, nsoò com kidɛŋ ki Bɛ̀ll à kìghà, ki yin lɛ ki ghasì ɓìsi rì ǹkɔ̀nɛ̀n ànɛ Bɛ̀ll à rèsìghà ɓìsi ɓi Yeesus Kiris à Kan wìs.

RÒMƐŊ 9:6

Fɔlɔɔ a rèsii ɓi lɛ, ǹkàg wu Bɛ̀ll wu wii zɛy ɓisuulɛ dòò yi Isirayɛl yicèm yi yin ɓiyali ɓi Isirayɛl,

2 KƆ̀RƐ̀ŊTYƐŊ 11:18

Lɛ yɛ̀ɛ kìgwey ki ɓum kɛɛ̀ kaakalɛ̀n ɓìɓan ɓi ɓi mɛ̀mùù, mɛ̀ ǹɗì girig ɓiì kalɛɛ mɛkuu mɛ ɓiɓan mɛǹ.

GÀLAT 5:25

Yɛ̀ɛ ki ri lɛ Nghay à Bɛ̀ll yɛɛ̀ fafa ɓisi cɛɓ, tì ghɛ̀ɛ̀sɛɛ min ki kɛ̀ɛ̀ghii yɛ̀ɛ Nghay a rèresi ɓisì.

GÀLAT 6:16

Fyòoog à Bɛ̀ll rì nyìinyìg ìnɛ Bɛ̀ll a woki ɓum, ɓyɛɛ ɓa rì ɓum ɓɛ̀cèm ɓɛ ɓɛɛ̀ nɔ̀ɔnɔɔ̀tì ǹsiŋdɛn wiǹ, ɓi ɓa girig ɗì Isirayɛl à kìlɔ̀ŋ ki Bɛ̀ll.

EFÈZYƐŊ 6:18

Ɓɔ̀ŋziina Bɛ̀ll cààmɛ̀n kìcèm, ri Nghay, ɓì tɔtɔ̀g nyi ǹghɛɓsɛn ɓi bɔ̀ŋzɛ̀n yin yicèm; ɓaana cem ɓi rìkì ɗiǹ, ɓì ki sììrɛn miì lɛ syeesyee, ɓì ɓɔ̀ŋzàg ɓisuu ɓɛgherɛ̀n ɓɛ̀cèm;

FÌLÌPYƐŊ 1:1

Ɓìsi ɓɛ̀kìì-ɓìsay ɓɛ Yeesus Kiris lɛ rì Pol, rì Timote, tì kàni ɓum ɓɛ Bɛ̀ll ɓɛ̀ ɓi Yeesus Kiris ɓɛ̀cèm ɓɛ ɓi bàn ì Filiɓ, rì ɓɛ̀kɛ̀ɛ̀sì ɓaa rì ɓɛ̀dyaakìrɛ̀.

FÌLÌPYƐŊ 3:12

Ki yin loo lɛ m̀mɛ kpaŋzɛn mɛ̀ree lɛ nteɗ mɛ̀lèɓ, nsoò lɛ m̀mɛ kpaŋ ɓi nɗɛli wulɛ kìɓan ki ɓɛ feèdì a lɔ̀ŋkɛm̀, kɛ̀ kɛɛ̀ ɓa ti. Kìɓan kifog, nka kɛ̀nkɛn lɔŋ asu rì mɛ̀ree, ǹki tèeteèsì nyoo lɛ nkobɛn mɛ̀lèɓ mɛ ɓi mɛ̀ree mɛ̀n ɓisuulɛ Yeesus Kiris à mɛ ɓan mɛ.

FÌLÌPYƐŊ 3:14

Fɔɔnnɛ nghɛghɛŋi lɛ nkɛǹ kìkpaŋzɛɛ, di nteɗ mɛ̀lèɓ mɛ ɓi ǹɗeèghreŋi wu wu ɓaghày mɛ̀ aɗyòò yɛ̀ɛ Bɛ̀ll, ɓi Yeesus Kiris.

KÒLÒSYƐŊ 2:11

Ɓi nyi, ɓì kɛ̀rɛ̀ngà rìkuu ɗi kɛ̀rɛ̀n ɗi ɗi yin ɗi ɓum ɓɛɛ kɛri rì ɓyàg ɓyaa, kìɓan kifog, ɓì kɛ̀rɛ̀ngà kɛ̀rɛ̀n à Kiris ànɛ à rì lɛ mum a leg ɓi rìkpàn ɗi nyoo ì kìɓe.

ZYUUDƐ 1:20

Wɔ̀lɛ mìni ɓum ɓɛm ɓɛ nɗem, faafàlɛɛna mìniìɓɔmiɗ itèɗ ɓi rìgherɛ̀n ɗin ɗi ɗi ri ɗìtɛnɛn lɛ kɔɔ̀kɔɔ̀, ɓì ɓɔ̀ɔ̀ɓɔ̀ŋzì rì ìtèɗ wu Kitɛntɛ̀ɛ̀n ki Nghay.