FÌLÌPYƐŊ 3:2 - Bafia Nouveau Testament

² Ɓi konàg rì bu, ɓì konàg rì ɓìɓeɓtàg ɓi ɓɛ̀kìì-ɓìsay, ɓì ki konag ti rì ɓumɓɛ ɓɛ ri ɓɛ̀kɛ̀rɛn lɛ ɓɛɛ ɓɔŋ̀ ɓɛ̀ro ɓum.

FÌLÌPYƐŊ 3:2 Cross References

MATYOO 24:10

Kìɓan kiǹ ki ɓiì kɛ̀ɓtii ɓum lɛɛ̀gwey fiɓàg, ɓɛ tɔɔ̀tɔ̀kɛ̀n ɓɔ rì ɓɔ, ɓɛ ki ɓigti bènà ɓi nyìinyìm wàà.

MATYOO 7:15

Konaaghna rì ɓɛ̀kpaŋzì-ɓìɓan ɓɛ ɓɛ ri ɓɛ̀pwààpwaà; ɓɛ ti ɓɛ yulàg mìni a nyoo ɓɛ̀pàmɓɛn gòò ì jɔ̀ɔ̀, wɔ̀lɛ wɔɔ ɓiɗùm, ɓɛ ɓa ɓìmonɗo ɓi ɓaaɓanɛ̀n.

MATYOO 7:6

Kɛ̀ ɓi falag bu ɓyom ɓi ɓi ri kìcèlì, kɛ̀ ɓi ki teki tìcaka tin ɓi pìg ɓɔn ɓɛ jèè tyɔ, lɛ ɓɛ ri lɛ ɓɛ nyɔ̀ɔ̀ghì tyɔ rì mɛ̀kɔ̀ɔ̀, ɓɛ ki lɔ̀ɔ̀ghrɛn yi lɛ ɓɛɛ ghaski mìni.

RÒMƐŊ 2:28

Ɓisuulɛ muu Ɓɛ̀yudɛ̀n à kɔɔ̀kɔɔ̀ à yin lɔŋ lɛ ŋwaànɛ a seeseèrɛ̀n ɓi mis lɛ à rì muu Ɓɛ̀yudɛ̀n, nsoò lɛ à ɓa nkɛ̀rɛn kɛ̀rɛ̀n ànɛ ɓɛɛ̀ seesee ɓi nyòò.

2 KƆ̀RƐ̀ŊTYƐŊ 11:13

Ɓumɓɛ̀n ɓɛ ri ɓumɓɛ ɓɛɛ̀ pwààpwaa lɛ ɓɛ ri ɓɛ̀kɛ̀nì-fìtom ɓɛ Yeesus ɓɔ ɓɛ̀kìì-ɓìsay ɓɛ ɓɛɛ̀ yèeghyegsì ɓum, ɓɛ reèghrèŋɗɛ̀n lɛ ɓɛ̀kɛ̀nì-fìtom ɓɛ Kiris.

GÀLAT 5:13

Ɓɔɔsoŋ̀, Bɛ̀ll à reŋìghà mìni lɛ ɓi ɓa ɓɛ̀kan; nni kɛ̀ ɓi ghɛɓ zɔɔ rì rìɓa ɗiǹ lɛ ɓi nɔɔ̀ti rìyɛ̀y ɗi cɛɓ ki mɛmùù. Wɔ̀lɛ ghɛɛghɛ̀ɓsɛɛna mìni rì mìni ɓi nkɔ̀nɛ̀n;

GÀLAT 5:15

Nni wɔ̀lɛ, i ɓì ɓaa lɛ ɓì loòlòmɓɛ̀n ɓì ki ɗiiɗilɛ̀n mìni rì mìni, ɓì konàg lɛ kɛ̀ ɓi lègsi ki weesɛɛ, mìni rì mìni.

GÀLAT 5:6

Ɓi ŋwaànɛ à rì ɓi Kiris ɓi ɗùm, rìɓa di lɛ à rì ǹkɛ̀rɛn nsoò lɛ à yin nkɛ̀rɛn ɗi yin com; bimiɗ à kìɓan anɛ à ghɛɓsii à rì lɛ rìgherɛ̀n ɗi ɗi ri rì mɛ̀kìkìì ɓi nkɔ̀nɛ̀n.

FÌLÌPYƐŊ 3:19

Rìsyɔn ɗyaa ɗi ri lɛ, ɓɛ ri ɓiì ɗyaŋì; ɗùm ɗyaa ɗyɛɛ rì ɓɔ bɛ̀ll yàà, com ki kɛɛ̀ sòosoòtì ɓɔ kɛɛ̀ki ɓɛ foŋi rìkem ɗyaa miì; lɔŋ ɓìɓan ɓi ɓi ziinɛ ɓyɛɛ̀ɓi ɓɔɔ̀ fèfèg.

FÌLÌPYƐŊ 3:3

Lɛ ɓìsi yɛɛ ri ɓumɓɛ ɓɛ mɛ kɛ̀rɛn syeesyee à kɛ̀rɛ̀n lɛ ɓìsi yɛɛ̀ ɓɔɔɓɔgsì Bɛ̀ll rì Ǹghay à Bɛ̀ll, tì saàsànɛ̀n ɓi Yeesus Kiris ɓi ɗùm, tyɛ̀ ki ki foŋ ntyweeyi wis ɓi kìɓan ki mɛmùù.

TIMOTE 1:19

ù ɓèŋ rìgherɛ̀n rì syeesyee à ǹɗem. Syeesyee à ǹɗem ànɛ̀n, ɓum ɓɛdɛŋ ɓɛ mɛ naŋ nyi, rìgherɛ̀n ɗyaa ɗi ɓɛǹ mɛ̀nig yɛ̀ɛ ɓumɓɛ rìɓày à teri.

Kaàtà ànɛ Pol à kàngà TIT 1:16

Ɓɛ ti ɓɛ kpaaghì lɛ ɓɔɔ yii Bɛ̀ll, kìɓan kifog ɓɛ roòròòzɛ̀n nyi ɓi mɛ̀kìkìì maa, ɓum ɓɛ ɓeèzɛɛ rìɓa ɗyaa ɗiǹ, ɓɛ ri rì ǹtoòtèɗ, ɓɛ̀ kɛɛ̀ ki ɓa ɓumɓɛ ɓɛ ri lɛ ɓɛ ki syeesyee à kìɓan nsoò bog.

2 PYƐƐRI 2:22

Kìɓan ki ki kighà ɓɔ ki resii saaɗ ànɛ ɓi dàɗkì ìnɛ yɛɛ̀ kpaaghi lɛ: Bu ìi nsugtii tì kì ɗiì ɓyom ɓi ì nlooghii, jèè inɛ ɓɛ wuɓsii lɔŋ a-kɔ̀ɔ̀, ì kɛ̀ɛ̀dì kì tɔɓɓɛɛ ɓi bìbìɗ.

ZYUUDƐ 1:4

Ɓisuulɛ ɓìɓeɓtàg ɓi ɓum ɓidɛŋ ɓi nɗyɔ̀ɔ̀gɛɛ yì ɓi yu kìsɔ̀lɛɛ ɓi nyìinyìm wìn; ɓɛ tum rìlɔ̀ɔ̀lɔ̀gtì ɗi rirèsàg ɗi geesɛ̀n ìnɛ Bɛ̀ll à rì rì yɔ̀ ɓi san wìs lɛ ɓɛɛ kiki ɓìɓan ɓi tifin ɓɛ roòròòzɛ̀n m̀bobog wìs a masà ànɛ à rì lɛ Kan wìs Yeesus Kiris; ǹcɛ̀m à ɓumɓɛ̀n à ɓaghà di à ti ǹkànɛn fiɗyàɓ.

ÀPÒKÀLIƁSƐ̀ 2:9

Ǹ-yii ǹtɔɓ wu ɓɛɛ̀ kìki wɔ, rì kìsowà kɔɔ, kɔm̀ lɛ ù rì rì ìkum; ǹ-yii lɛ ɓumɓɛ ɓɛɛ̀ reereŋɗɛ̀n lɛ ɓɛ ri Ɓɛ̀yudɛ̀n ɓɛ̀ kɛɛ̀ ki ɓa Ɓɛ̀yudɛ̀n, ɓɛɛ yooyogsì wɔ̀ ɗii; ɓɛ ri lɔŋ ntaŋzɛn wu Satàn.

ÀPÒKÀLIƁSƐ̀ 21:8

Wɔ̀lɛ ɓi ɓɛg ànɛ a ɓɛ̀riris, rì ɓumɓɛ ɓɛ gherɛɛ ɓi, rì ɓɛ̀kìì-ɓìɓan ɓi ɓeɓtɛn, rì ɓɛ̀wolì ɓum, rì ɓɛ̀kìì-tìsɔ̀mɔ̀g, rì ɓɛ̀kìì-majìg, rì ɓɛ̀kìì-ɓìnùn, rì ɓɛ̀pwààpwaà ɓɛ̀cèm, gàɓ yàà i ɓaa gɛ ɓi kìràà ki ɗuu ɗi ghɛ̀g-ghɛ̀g rì ǹdùsi, kɛɛ ri rìwu ɗi kiɓɛ̀ɛ̀.

ÀPÒKÀLIƁSƐ̀ 22:15

Ɓɛ̀kìì-ɓìɓan ɓi ɓeɓtɛn rì ɓɛ̀kìì-majìg, rì ɓɛ̀kìì-tìsɔ̀mɔ̀g, rì ɓɛ̀wolì-ɓum, rì ɓɛ̀kìì-ɓìnùn, rì mum ǹcèm ànɛ à ti à keesàg rìkì ɗi ɓɛpwàà, ɓɛ ri ɓiì rɔ̀ɓi ɓi dan, ɓɛ̀ kɛɛ̀ ɗiŋi ɓi bàn ìnɛn.

ÀPÒKÀLIƁSƐ̀ 3:9

Ghɛna mɓiì faà wɔ̀ ɓumɓɛ ɓi nɗaŋ wu Satàn ɓɛ ɓɛɛ̀ pwààpwàà, ɓɛ reèghrèŋɗɛ̀n lɛ ɓɛ ri Ɓɛ̀yudɛ̀n, ɓɛ̀ kɛɛ̀ ki ɓa Ɓɛ̀yudɛ̀n, lɛ ɓɛɛ̀ pwààpwàà. Ghɛna, ǹɗì ɓiì kìi lɛ ɓɛɛ yu wɔ̀ kìkuŋii a mɛ̀kòò, ɓɛ ki yi lɛ ǹkeesìghà wɔ̀.