FÌLÌPYƐŊ 3:19 - Bafia Nouveau Testament

¹⁹ Rìsyɔn ɗyaa ɗi ri lɛ, ɓɛ ri ɓiì ɗyaŋì; ɗùm ɗyaa ɗyɛɛ rì ɓɔ bɛ̀ll yàà, com ki kɛɛ̀ sòosoòtì ɓɔ kɛɛ̀ki ɓɛ foŋi rìkem ɗyaa miì; lɔŋ ɓìɓan ɓi ɓi ziinɛ ɓyɛɛ̀ɓi ɓɔɔ̀ fèfèg.

FÌLÌPYƐŊ 3:19 Cross References

MATYOO 16:23

Kìɓan kifog Yeesus à lɔ̀ɔ̀ghrɛ̀ngày à kpaa Pyɛɛri lɛ: Pɛ̀sɛn mɛ̀ ajɛ̀m Satàn, u kìki lɛ, u kɛɓti mɛ̀ fìɓàg, ɓisuulɛ mɛ̀yitì mɔɔ mɛ yin mɛyitì mɛ Bɛ̀ll, mɛ ri lɔŋ mɛyitì mɛ ɓum.

MATYOO 25:41

Fɔɔnnɛ rìfòm ɗi kalii gɛ ɓumɓɛ ɓi kìmɛŋ kii lɛ: Mìni ɓumɓɛ ɓì rì ɓɛ̀cɛ̀mɛn, pɛ̀sɛɛna mɛ̀ ɓi mis; ɓi kɛǹ ɓi ɗuu ɗi fiɗyàɓ fikɔ̀ɔ̀ ɗi ɓɛ pegsɛ̀ngà ɓisuu Satàn, ɗì ɓum ɓii ɓɛ titòm.

LUKAS 12:19

Fɔɔnnɛ ǹɗì ɓiì kpaa ǹɗem wɛ̀m lɛ: Ǹɗem wɛ̀m! ù rì lɛ, ù fɔɔsɛ̀n wɔ̀ lɛ tɛ̀tɛ̀rɛ̀ɛ̀, ù kìkì lɛ, ù ɗiɗì, ù nɔnɔ̀, ù nyàànyàà, lɛ m̀mɛ nyam gɛ com ànɛ à rì lɛ à ghɛɓsì mɛ̀ bèg lɛ bèg.

LUKAS 16:19

Mum àdɛŋ yɛɛ ɓaghà guŋgum, à waatàg ɓìlàà ɓi syeesyee, ɓi ki ɓa ɓilàà ɓi mɔ̀ɔ̀ni; fɔɔnnɛ ŋwos anɛ aɗyoo bimiɗ, ŋwaànɛ̀n à ghɛghɛ̀ɓkà ɓi kìnyàà à ki kìki ɓyoo ɓisɛ̀nɛ̀.

LUKAS 18:4

Kìɓan ki giɓ anɛ̀n kiǹ ki finɛ̀ngà, ǹ-yɔ̀mì-ɓìɓan anɛ̀n kɛ̀ɛ kɔ̀n lɛ a reǹ kɔ. Fɔɔnnɛ à ki fèkà min ɓi nɗem wii lɛ: Nsoò yɛ̀ɛ mɛ̀ ǹɗì lɛ, kɛ̀ɛ nɗisi Bɛ̀ll, kɛ̀ɛ nkuurag mum,

RÒMƐŊ 16:18

Ɓisuulɛ àa kìsay ki Kiris ànɛ à rì Kan wìs kɛɛ̀ki ɓɛɛ̀ kìkì, ɓɛɛ̀ sasay lɔŋ ɓisuu mùm maa, fɔɔnnɛ ɓɛ ti ɓɛ yegsàg ɓumɓɛ mɛ̀rem maa mɛ ka yin ɗi ɗyomzɛ̀n ɓi kìɓan ki kiɓe, rì ɓìsyeesyee ɓi jɛ̀ɛ̀, rì fìɗyɛɓi.

RÒMƐŊ 6:21

Nni ɓyom aɗi ɓyɛɛ̀ɓi ɓì fɔ̀ngà ɓi cààmɛ̀n kiǹ? Lɔŋ ɓyom ɓi ɓyɛɛ̀ fafa mini ǹtoòrìɗ ɓigomìnɛ, lɛ rìsyɔn ɗi miì ɗi ri lɛ rìwu.

1 KƆ̀RƐ̀ŊTYƐŊ 3:3

Yɛ̀ɛ ɓì kaka lɛ rì yàaka, rì ɓɛ̀paàzì ɓi nyìinyìm wìn, fɔlɔɔ a yin nya ɓiì rèresii lɛ ɓì rì ɓumɓɛ ɓi mɛ̀mùù, rì tì lɛ, ɓi ghɛghɛɓ lɔŋ yɛ̀ɛ ɓum ɓɛ̀cèm?

1 KƆ̀RƐ̀ŊTYƐŊ 5:2

Ɓìdaŋà ɓyɛɛ̀ɓi ɓì kìkì, kɛ̀ ɓi waatɛn ɓilɛ̀ɓì lɛ di ɓɛɛ pisi ŋwaànɛ àa nkìi kìɓan kiǹ ɓi nyìinyìm wìn.

1 KƆ̀RƐ̀ŊTYƐŊ 5:6

Ɓi kìki ɓidaŋà ɓi zɛy! ɓì yii ɓi lɛ maa nwìɗ lɛsàg à ti à ɓɔgsàg ǹkùŋ wu ɓɛ tɔɓi?

2 KƆ̀RƐ̀ŊTYƐŊ 11:12

Ǹɗì ɓiì kɛ̀nkɛni asu ɗì rìkìkì ɗi nkìki ɗi, lɛ di m̀pisi ɓìɓan ɓìcèm ɓi ɓum ɓɛdɛŋ ɓɛ ri lɛ ɓɛ ɓanɛ̀n miì, lɛ ɓɛɛ̀ kaakalɛ̀n lɛ ɓɔɔ̀ kìki girig kìsay ki ɓìsiì kìkì. Ɓum ɓɛdɛŋ ɓɛɛ̀ kaakaa com ki ɓɛɛ ɓanɛn miì lɛ ɓɛɛ ki fɔlɔɔ.

2 KƆ̀RƐ̀ŊTYƐŊ 11:15

Fɔɔnnɛ ki yeesɛɛ ɓi lɛ ɓɛ̀kìì-ɓìsay ɓii girig ɓɛɛ resɛn ɓi mis mɛ ɓum lɛ ɓɛ ri ɓɛ̀kìì-ɓìsay ɓɛ roànɛ à rì lɛ saaɗ. Rìsyɔn ɗyaa ɗi ɓaa gɛ lɔŋ yɛ̀ɛ mɛ̀kìkìì maa mɛ ri.

GÀLAT 6:13

Lɛ ɓɔmiɗ ɓɛ ɓɛ ri ɓɛ̀n ɓɛ̀kɛ̀rɛn, ɓɛ ti ɓɛ̀ kɛɛ̀ ɓèŋ ɓidɔ̀gsɛna, wɔ̀lɛ ɓɛ ti ɓɛ kɔngì lɛ ɓi kɛrɛn lɛ di ɓɔɔ keŋkem ɓi gòò yìn.

FÌLÌPYƐŊ 2:21

Lɛ ɓum ɓɛ̀cèm ɓɛɛ̀ kaakaa lɔŋ kirɔɔ kaa ki ɓɔmiɗ, ɓɛ̀ kɛɛ̀ kaa ki Yeesus Kiris.

KÒLÒSYƐŊ 3:2

Foŋina ǹɗem rì ɓìɓan ɓi aɗyoo, kɛ̀ ɓi fèfeg ɓi ɓi ziinɛ.

2 TÈSÀLÒNÌSYƐŊ 1:9

Pɔnɔsì ànɛ ɓɛ ri ɓiì terì, à rì rìɗyaŋ ɗi fiɗyàɓ fikɔ̀ɔ̀, ɓɛ kɛɛ̀ wuɓsɛn ìsu wu Bɛ̀ll, ɓɛ̀ kɛɛ̀ ki wuɓsɛn kitɛɛtɛn ki rikem ɗii,

2 TÈSÀLÒNÌSYƐŊ 2:12

di fɔɔnnɛ Bɛ̀ll a yɔm̀ ɓum ɓɛ̀cèm ɓɛ ɓɛ gherɛ̀ngà ɓi saaɗ, ɓɛ kìnyàà kaa ki ɓaghà lɛ rìkì ɗi kiɓe.

2 TÈSÀLÒNÌSYƐŊ 2:8

Ajɛ̀m ìnɛn innɛ Kìɓeɓtàg ki mum ki ɓiì rèsɛɛ yi, Kan à wey kɔ rì cɔ̀ŋzɛn ki ki kpaŋiì nyi ɓi ŋwɔm, à tììsì kɔ rì kìtɛɛtɛn ki ɓi rìsugtìì ɗii.

TIMOTE 6:5

rì nyoey yi yɛ̀ kɛɛ̀ ren ɓi nyìinyìm à ɓumɓɛ mɛ̀yitì maa mɛ ti ɓigɛŋ, ɓɛ̀ kɛɛ̀ yi saaɗ, ɓɛ ki fèki lɛ rìfalɛ̀n ɗi ɓi rìgherɛ̀n ɗi ri kìɓan ki mum à rì lɛ à fɔ̀nfɔ̀n miì.

2 TIMOTE 3:4

ɓɛ ɓa ɓɛ̀tɔ̀kɔ̀tɔkɔ, ɓɔ mɛ̀rem lɛ bùɓbùɓ, ɓɔ rì kalɛn ɓi nɗem, ɓɛ keesì rìyɛ̀y ɗi cɛɓ ki mɛmùù à cee Bɛ̀ll;

ZYAG 4:16

Kìɓan kifog mìniì kaakalɛ̀n ɓigomìnɛ ɓi ɓɔɔ ɓidaŋà ɓɛ mìni ɓi mɛ̀rem; rìkuu ɗi kalɛn ɗi fɔlɔɔ ɗi rɔɔtɛɛ ɓì.

2 PYƐƐRI 2:1

Ɓɛ̀kpaŋzì-ɓìɓan ɓɛ ɓɛpwàà ɓɛ ɓaghà abɛ̀y ɓi kìlɔ̀ŋ, fɔlɔɔ nnɛ ɓɛ̀pwààpwaà ɓɛ ɓɛrèsàg ɓìdɔ̀gsɛna ɓɛ ri ɓiì ɓaà girig ɓi nyìinyìm wìn; ɓɛ ri ɓiì ɗiŋzii yi ɓìɓeɓtàg ɓi dɔgtɛ̀n ɓi ɓi rìɗyaŋ lɛ ɗyɔ̀ɔ̀ŋ, ɓɛ ki roòzɛn masà ànɛ à kwèɗkà ɓɔ, fɔlɔɔ a kì lɛ ɓɔmiɗ ɓɛɛ syoŋ yì cuu ki kɛ̀ kɛɛ̀ lɛ̀mziì ɓi nyoo yàà.

2 PYƐƐRI 2:13

Mɛlèɓ mɛ ɓi kìtɛ̀ŋtɛ̀ŋ mɛ ri ɓiì ɓaà lɛ kìtɛ̀ŋtɛ̀ŋ. Kìrɔɔ ki ɓɛ ri lɛ ɓɛ wog ki ri lɛ ɓɛɛ kiki ɓìɓeɓtàg ɓi ɓiɓan ɓi ɓi ti ɓi kɔngì ɓɔ rì ŋwos ɓi nto. Ɓɛ ti ɓɛ ɓutàg kɔm̀ ɗì mìni, ɓɛ teɗ gàɓ ɓi ɓìɗilàg ɓin ɓi rigeni, wɔ̀lɛ rìkɛ̀ɛ̀ ɗyaa ɗi ri ǹtoòrìɗ, ɗi ki ɓa kiɓan ki fiɓàg; ɓɛ ti ɓɛ nyaàràg rì m̀ɓɔ̀ŋɗɛ̀n ànɛ ɓɛɛ̀ ɓɔ̀ŋɓɔŋ ɓum.

2 PYƐƐRI 2:3

Lɛ kìsee ki mɔ̀ɔ̀ni ki ɓɛ ri rì kɔ, ɓɛ ri mìni ɓiì kpaakpaa ɓiɓan ɓi ɓɛpwàà lɛ ɓi fafa ɓɔ ɓyom; kìɓan kifog ŋwaànɛ à ghɛ̀ɛ̀sɛɛ ɓɔ kìyɔ̀mi à tighà m̀pègsɛn lɛ a ki kìsay kii fìɗyàɓ, fɔɔnnɛ rìɗyaŋ ɗyaa ɗyaa finɛn yi tì ɓi.

ZYUUDƐ 1:10

Wɔ̀lɛ ɓumɓɛ̀n ɓɛ feèfèngì com ki ɓɛ yii ɓi, ki ɓɔɔ̀ fèki lɛ ɓɛ yii, ɓi fèg wàà anɛ à rì yɛ̀ɛ fèg à nyàm ìnɛ ì rì kɛ̀ɛ ɗyomzɛ̀n, kɛɛ ki ti, ki pikì ɓɔ ɓi rìɗyaŋ.

ZYUUDƐ 1:16

Ɓumɓɛ̀n ɓɛ ri lɔŋ ɓɛ cɔɔ̀cɔ̀ɓɛ̀n rìɓa ɗyaa, ɓɛ̀ kɛɛ̀ wog kirɔɔ, ɓɛ kikì ɓìɓan lɔŋ yɛ̀ɛ mɛ̀rem maa mɛ feègh, ɓɛ kpaakpàà ɓìɓan ri kalɛn, ɓɛ ɗyɛɓsàg ɓumɓɛ ɓɛɛ̀ sìŋsiŋ kirɔɔ kidɛŋ a lɔ̀ŋkaa.

ZYUUDƐ 1:4

Ɓisuulɛ ɓìɓeɓtàg ɓi ɓum ɓidɛŋ ɓi nɗyɔ̀ɔ̀gɛɛ yì ɓi yu kìsɔ̀lɛɛ ɓi nyìinyìm wìn; ɓɛ tum rìlɔ̀ɔ̀lɔ̀gtì ɗi rirèsàg ɗi geesɛ̀n ìnɛ Bɛ̀ll à rì rì yɔ̀ ɓi san wìs lɛ ɓɛɛ kiki ɓìɓan ɓi tifin ɓɛ roòròòzɛ̀n m̀bobog wìs a masà ànɛ à rì lɛ Kan wìs Yeesus Kiris; ǹcɛ̀m à ɓumɓɛ̀n à ɓaghà di à ti ǹkànɛn fiɗyàɓ.

ÀPÒKÀLIƁSƐ̀ 18:7

Faana bàn ìnɛn ǹtɔɓ, ɓì ki cuusi yɔ̀ lèg ànɛ yɛ̀ɛ rìkem ɗi kɔngà yɔ̀, bas rì ìkum, ɓisuulɛ bàn ìnɛn yɛɛ̀ kpaakpaa ɓi nɗem ɓi ɗùm lɛ: Ǹkɔ̀kɔrii lɔŋ yɛ̀ɛ giɓ anɛ à rì rìfòm a kɔ̀ràg, ǹ-yin nkpɔɓ, rìwu ɗyaa tanɛɛ gɛ ɓi mɛ.

ÀPÒKÀLIƁSƐ̀ 19:20

Nni ɓɛ ɓangà nyàm ìnɛn nɗaŋ ri ǹkpaŋzì-ɓìɓan ɓi ɓɛpwàà ànɛ à kìkìghà dàm yi yi syogà ɓumɓɛ ɓɛ ɓaghà rì kìrèmzɛnà ki nyàm, ɓɛ ki ɓɔɔɓɔgsì kìfèèghrɛnà ki nyàm ìncèm. Fɔɔnnɛ ɓɛ pikà ɓyom ɓi kiɓɛ̀ɛ̀ ɓiǹ cem ɓi kìràà ki ɗuu, ki ǹdùsi a lɔŋlɔŋ miì.

ÀPÒKÀLIƁSƐ̀ 21:8

Wɔ̀lɛ ɓi ɓɛg ànɛ a ɓɛ̀riris, rì ɓumɓɛ ɓɛ gherɛɛ ɓi, rì ɓɛ̀kìì-ɓìɓan ɓi ɓeɓtɛn, rì ɓɛ̀wolì ɓum, rì ɓɛ̀kìì-tìsɔ̀mɔ̀g, rì ɓɛ̀kìì-majìg, rì ɓɛ̀kìì-ɓìnùn, rì ɓɛ̀pwààpwaà ɓɛ̀cèm, gàɓ yàà i ɓaa gɛ ɓi kìràà ki ɗuu ɗi ghɛ̀g-ghɛ̀g rì ǹdùsi, kɛɛ ri rìwu ɗi kiɓɛ̀ɛ̀.

ÀPÒKÀLIƁSƐ̀ 22:15

Ɓɛ̀kìì-ɓìɓan ɓi ɓeɓtɛn rì ɓɛ̀kìì-majìg, rì ɓɛ̀kìì-tìsɔ̀mɔ̀g, rì ɓɛ̀wolì-ɓum, rì ɓɛ̀kìì-ɓìnùn, rì mum ǹcèm ànɛ à ti à keesàg rìkì ɗi ɓɛpwàà, ɓɛ ri ɓiì rɔ̀ɓi ɓi dan, ɓɛ̀ kɛɛ̀ ɗiŋi ɓi bàn ìnɛn.