FÌLÌPYƐŊ 3:17 - Bafia Nouveau Testament

¹⁷ Ɓɔɔsoŋ̀, nɔ̀ɔ̀tiina mɛ̀kòò mɛm̀, ɓì seesèè ɓɛ̀roɓɛ ɓɛɛ̀ nɔ̀ɔnɔɔ̀tì kìfèèghrɛnà kis.

FÌLÌPYƐŊ 3:17 Cross References

RÒMƐŊ 16:17

Ɓɔɔsoŋ̀, ǹkalii mìni lɛ, ɓi konag rì ɓumɓɛ ɓɛɛ̀ syòŋsyoŋ yi gasɛ̀n, ɓɛ ki kɛ̀ɛkɛɓtì ɓɛ̀gherɛ̀n tìɓàg, rìkì ɗiǹ ɗyɛɛ̀ yooyogsì rìrèsàg ɗi ɓì tekà. Kɛ̀ ɓi ɓasɛn ɗi mɛ̀kuu mɛ ɓum mɛ̀n.

1 KƆ̀RƐ̀ŊTYƐŊ 10:32

Kɛ̀ ɓi ɓa gɔ̀g ìnɛ ì rì lɛ ì kɛ̀ɓtì nsoò muu Ɓɛ̀yudɛ̀n nsoò muu Gìrɛg nsoò kìseŋi ki Bɛ̀ll fìɓàg.

1 KƆ̀RƐ̀ŊTYƐŊ 11:1

Ɓaana ɓumɓɛ ɓɛɛ̀ nɔ̀ɔnɔɔ̀tì kìfèèghrɛnà kɛm̀ fɛlɛ yɛ̀ɛ mɛ̀ɛmiɗ mɛ̀ɛ nnɔ̀ɔnɔɔ̀tì ki Kiris.

1 KƆ̀RƐ̀ŊTYƐŊ 4:16

Fɔɔnnɛ ǹtɔɔgh min mini lɛ, ɓi pisɛn mɛ̀.

FÌLÌPYƐŊ 4:9

Ɓìɓan ɓi ɓì kìghà lɛ, ɓì yilàg, ɓì teɗ, ɓì ki wog a lɔ̀ŋkɛm̀, rì ɓi ɓì ghɛngà mɛ̀ di nkìkì, ɓyɛɛ̀ɓi kìkiina. Fɔɔnnɛ Bɛ̀ll à fyòoog à ɓiì ɓaà rì mìni.

TÈSÀLÒNÌSYƐŊ 1:6

Ɓì nɔ̀ɔ̀tìghà lɛ rì mɛ̀kòò mis, rì mɛ̀kòò mɛ Kan, ɓì ki tulɛn rì mɛ̀tɔɓ lɛɛ̀gwey yɛ̀ɛ bì ghàɓkà Syeesyee à Ɓɔlɛ rì kìnyàà ki Kìtɛntɛ̀ɛ̀n ki Nghay kɛɛ̀ falàg.

2 TÈSÀLÒNÌSYƐŊ 3:14

I mum à ɓèni kìnɔ̀ɔ̀tii ɓiɓan ɓi tì kpaa mìni ɓi kaàtà ànɛ ɓi, ɓàlina kìɓan kiǹ, ɓì lɛg ŋwaànɛ̀n miì, fɔlɔɔ nnɛ à ɓiì woògh ǹtoòrìɗ ɗi rìɓa ɗii ɗiǹ.

2 TÈSÀLÒNÌSYƐŊ 3:7

Mìniìɓɔmiɗ ɓì yii lannɛ ɓì ghɛ̀ɛ̀sɛɛ kì kìi lɛ ɓi nɔɔ̀ti mɛ̀kòò mis, lɛ ɓìsii ɓaghà ɓi ɓɛ̀ɓɔɓwɛɗ yɛ̀ɛ tì ghɛɓkà a lɔ̀ŋkin.

2 TÈSÀLÒNÌSYƐŊ 3:9

I tì kìghà fɔlɔɔ, ki yin lɛ tì ghɛ̀ɛ̀sɛ̀ngà ɓi lɛ tì tɔg mìni ǹghɛɓsɛn, tì kɔ̀ngà lɔŋ yɛɛri lɛ ti fa mìni kìfèèghrɛnà ki ɓì rì lɛ ɓì nɔ̀ɔ̀tì.

TIMOTE 4:12

Mum kɛ̀ɛ sɛɛti riɓa ɗyɔɔ ɗi ùrì ŋwɔɓti, kìɓan kifog, ɓaya kìfèèghrɛnà ɓisuu ɓɛgherɛ̀n ɓi ɓìtòkì ɓyɔɔ, ɗì rìkɛ̀ɛ̀ ɗyɔɔ, rì ɓi nkɔ̀nɛ̀n, rì ɓi rìgherɛ̀n, rì ɓi rìtɛn.

EBIREEGH 13:7

Yitiina ɓumɓɛ ɓɛ lokà mìni kì kɛ̀ɛkɛɛ̀sì, ɓɛɛ wogsìghà mìni jɛ̀ɛ̀ ì Bɛ̀ll, ɓì fiɓì rìsyɔn ɗi cɛɓ kaa, ɓì nɔ̀ɔ̀tì ìkòò waa wu righerɛ̀n.

1 PYƐƐRI 5:3

Kɛ̀ ɓi tuturi ɓumɓɛ ɓɛ faghà mìni lɛ ɓi ɓeŋ̀, kìɓan kifog ɓaana kìfèèghrɛnà ki jɔ̀ɔ̀ yi Bɛ̀ll yi ri lɛ yi nɔɔ̀tì;