FÌLÌPYƐŊ 3:15 - Bafia Nouveau Testament

¹⁵ Ɓìsi ɓɛ̀sɛ̀ɛ̀ ɓɛ̀cèm ɓɛ tì ti ɓɛ̀sɛ̀ɛ̀mɛn ɓi cɛɓ ki ɓi nghay, tì ghɛ̀ɛ̀sɛɛ kìɓaà rì fèg ànɛn; nni i ki kpaŋi lɛ ɓì wooghrɛɛ ɓi jɛ̀ɛ̀ ɓi kìɓan kidɛŋ Bɛ̀ll à rì mìni ɓiì lomi kitɛɛtɛn ɓi kìɓan kiǹ.

FÌLÌPYƐŊ 3:15 Cross References

MATYOO 5:48

Ɓaana min ɓɛsyeesyee ɓɛ ɓum lɛ kɔɔ̀kɔɔ̀ lɔŋ yɛ̀ɛ Tààta wìn anɛ à rì aɗyoo nyii ri.

LUKAS 11:13

I mìni ɓɛ ɓì rì ɓìɓeɓtàg ɓi ɓum ɓi yii rìfa ɗi ɓɔn ɓin ɓɛsyeesyee ɓɛ ɓyom, lannɛ Tààta ànɛ à rì aɗyòò à ɓiì rɔ̀ɓi kɛ̀ɛ fa Kitɛntɛ̀ɛ̀n ki Nghay a ɓumɓɛ ɓɛ tɔɔgh nyi kɔ̀?

ZYAŊ 6:45

Ki ri kìkànɛn ɓi kaàtà à ɓɛ̀kpaŋzì-ɓìɓan lɛ: Bɛ̀ll à rì ɓiì rèsaagh ɓɔ ɓɛ̀sɛ̀ɛ̀ ɓɛ̀cèm, fɔɔnnɛ mum ǹcèm ànɛ à wokà jɛ̀ɛ̀ ì Tààta, à ki teɗ rirèsàg ɗii, nnyɛɛ ri lɛ à yù a lɔ̀ŋkɛm̀.

ZYAŊ 7:17

Ŋwaànɛ à kɔ̀ni lɛ a ki rìkɔ̀n ɗi Bɛ̀ll yɛɛ ri ɓiì yiì ǹkòo ɓìɓan ɓi Bɛ̀ll ɓyɛɛ̀ɓi nɗèrèsì, nkòo ɓiŋkɛ̀m ɓi mɛ̀ɛmiɗ.

RÒMƐŊ 15:1

Ɓìsi ɓɛ tì rì rì ìtèɗ ɓi rìgherɛ̀n tì ghɛ̀ɛ̀sɛɛ kì ghɛɓsii ɓɛroɓɛ ɓɛ ri kɛ̀ɛ̀ ìtèɗ, lɛ ɓɛ̀ kɛɛ̀ càrɛn ɓi-ɓwɛɗ waa; tyɛ̀ ki kaa lɛ ti ki ɓìɓan ɓi ɓyɛɛ puɓsi ɓìsi nɗem.

1 KƆ̀RƐ̀ŊTYƐŊ 14:20

Ɓɔɔsoŋ̀, kɛ̀ ɓi ɓa yɛ̀ɛ ɓɔɓti ɓi rìfifìɓì ɗi ɓiɓan, wɔ̀lɛ ɓi kìɓe nnɛ ɓì ghɛ̀ɛ̀sɛɛ kì ɓaà yɛ̀ɛ ɓɔɓti; ɓì rìfifìɓì ɗi ɓiɓan, ɓì ɓa ɓɛ̀sɛ̀ɛ̀mɛn.

1 KƆ̀RƐ̀ŊTYƐŊ 2:6

Kɔlɛ ɗyomzɛ̀n ɗidɛŋ ɗyɛɛ̀ɗi ɓìsiì rèresi ɓɛ̀kìristɛ̀n ɓɛ ɓɛ mɛ kadɛ̀n; ɗyomzɛ̀n ɗiǹ ɗi yin ɗyomzɛ̀n ɗi ɓi ziinɛ, nsoò lɛ ɗi mɛfòm mɛ ɓi ziinɛ, mɛ mɛɛ ɓiì ɓaà mɛ̀tììsiyɛn.

GÀLAT 5:10

Ɓi mɛ̀, ǹɗì rì ǹtyweeyi ri Kan ɓi kìɓan kin, ɓyàa ɓa ti ɓi ri rìyitì ɗi ɗi ghasɛɛ rì ɗiŋkɛ̀m, wɔ̀lɛ Bɛ̀ll à rì ɓiì pɔnɔsii ŋwaànɛ a ɓùuɓuùsì mìni, nsoò ghɛn yaa rì.

EFÈZYƐŊ 1:17

ǹtɔtɔ̀g Bɛ̀ll à Kan wìs Yeesus Kiris, ànɛ à rì ǹkeŋkèmì wìs a Seŋi lɛ a fa mìni ǹghay à ɗyomzɛ̀n ànɛ a rèsag ɓum ɓìɓan ɓi a rìnyam lɛ a ki lɛ ɓi yi nyi.

KÒLÒSYƐŊ 1:28

Kiris ànɛ̀n nnɛ ɓìsii ghaaghagsì ɓum ɓɛ̀cèm, tì rɔ̀ɔ̀rɔ̀gsɛ̀n ɓɔ, tì ki rèsag ɓɔ rì ɗyomzɛ̀n ɗìcèm, lɛ ti ki lɛ mum bimiɗ a kpaŋ ɓi mis mɛ Bɛ̀ll, di à ti ǹsììrɛn lɛ kɔɔ̀kɔɔ̀ ɓi Kiris.

KÒLÒSYƐŊ 4:12

Epafiras à maaseŋi wìn à tògsii yì mìni, à rì ǹkìì-kìsay a Yeesus Kiris ànɛ à fɔli ɓi riɗùù ɓi bɔ̀ŋzɛ̀n ɓisu wìn, lɛ ɓi ɓa ɓɛ̀sììrɛn, ɓì ɓa ɓɛ̀syeesyee ɓɛ ɓum, ɓì ki gherɛn rikɔ̀n ɗi Bɛ̀ll syeesyee à rìgherɛ̀n.

TÈSÀLÒNÌSYƐŊ 4:9

Ki ghɛɓsii ɓi com lɛ ti kaǹ mìni kìɓan ki ǹkɔ̀nɛ̀n à rìgeni, ɓisuulɛ Bɛ̀ll nyimiɗ a rèsàkà mìni kìɓan ki ɓi ǹkɔ̀nɛ̀n ànɛ à ghɛ̀ɛ̀sɛɛ kì ɓaà ɓi nyìinyìm wìn.

2 TIMOTE 3:17

lɛ mum à Bɛ̀ll a ɓa m̀pègsɛn lɛ kɔɔ̀kɔɔ̀, à ki ɓa ri bee inɛ lɛ a ki ɓìɓan ɓi syeesyee.

EBIREEGH 5:14

Wɔ̀lɛ, ɓìɗilàg ɓi tèɗ ɓi ri ɓisuu ɓumɓɛ ɓɛ mɛ sììrɛn ɓum, ɓɛɛ̀ɓɛ ɗyomzɛ̀n ɗi mɛ mɛ̀ɛ̀tɛn ɗi rìghasì ɗi lɛ, rì kìɓe rì kìrɔɔ.

1 ZYAŊ 2:5

Wɔ̀lɛ i mum à ti à ɓègì jɛ̀ɛ̀ yìì, di ǹkɔ̀nɛ̀n à rì ǹɗonɛn ŋwaànɛ̀n ɓi nɗem kɔɔ̀kɔɔ̀ à rìron; bee innɛ tì rì lɛ tì yi lɛ tì rì ɓɛ̀ràrɛn ɗi Bɛ̀ll ì rì lɛ,