FÌLÌPYƐŊ 3:13 - Bafia Nouveau Testament

¹³ Ɓɔɔsoŋ̀, ǹ-yin ɗi fèg ànɛ lɛ, m̀mɛ kòbɛn mɛlèɓ, kìɓan kifog, com ki mɛ̀ɛ nkìkì ki ri lɛ, ǹti ǹɗimzàg ɓìɓan ɓi ɓi mɛ rɔ̀ɓ yi mɛ̀ ajɛ̀m, mɛ̀ ǹnànàɓ lɔŋ ɓi ɓi ri mɛ̀ beèbɛ̀y.

FÌLÌPYƐŊ 3:13 Cross References

LUKAS 10:42

Wɔ̀lɛ kìɓan kifog kɛɛ ri rì gɛɓsɛ̀n; Marii àa ɓɔ̀ni gàɓ ì syeesyee; ɓaa ɓàtɛn ɓi nyi yɔ̀.

LUKAS 9:62

Yeesus à ɓàg nyi lɛ: Ŋwaànɛ à rì lɛ, i à ɓeegh kìɓan, à tumɛn kɔ, wɔ̀lɛ kɛ̀ɛ kì kɔ lɛ, a fèfeg ɓiɓan ɓidɛŋ ɓi nyi ajɛ̀m, à ghɛ̀ɛ̀sɛɛ ɓi ri kìlɔ̀ŋ ki Bɛ̀ll.

2 KƆ̀RƐ̀ŊTYƐŊ 5:16

Fɔlɔɔ nnɛ à tumɛ̀n ɓigomìnɛ ɓìsii yitii tì ɓi mum ɓi rìyi ɗi ɓi mɛ̀mùù; nsoò tì yighà Kiris ɓi rìyi ɗi ɓi mɛ̀mùù, tì yitii tì ɓi nyi ɓi rìkuu ɗi riyi ɗìn, ɓigomìnɛ.

FÌLÌPYƐŊ 2:12

Fɔlɔɔ nnɛ, mìni ɓum ɓɛm ɓɛ nɗem ɓɛ ɓyàa kìkì mɛ̀ mɛ̀wog, mɛ̀wog min mɛ̀ kɛɛ̀ sugtɛn lɔŋ lɛ cààmɛ̀n ki ǹɗì mìni jàŋbog, wɔ̀lɛ mɛ ghɛɛ̀sɛɛ kì ghɛnɛɛ ti à cee fɔlɔɔ, cààmɛ̀n ki ǹɗì mìni ki fìràɓ. Salina ɓisuu gòri yìn, rì coo bɔgsɛ̀n lɛɛ̀gwey.

FÌLÌPYƐŊ 3:12

Ki yin loo lɛ m̀mɛ kpaŋzɛn mɛ̀ree lɛ nteɗ mɛ̀lèɓ, nsoò lɛ m̀mɛ kpaŋ ɓi nɗɛli wulɛ kìɓan ki ɓɛ feèdì a lɔ̀ŋkɛm̀, kɛ̀ kɛɛ̀ ɓa ti. Kìɓan kifog, nka kɛ̀nkɛn lɔŋ asu rì mɛ̀ree, ǹki tèeteèsì nyoo lɛ nkobɛn mɛ̀lèɓ mɛ ɓi mɛ̀ree mɛ̀n ɓisuulɛ Yeesus Kiris à mɛ ɓan mɛ.

FÌLÌPYƐŊ 3:8

Ǹghɛɛ gì lɛ ɓìɓan ɓìcèm ɓi ri rìɗimzì di ù fèegh ɓyɔ rì coo kirɔɔ ki ki laŋi ɓìrɔɔ ɓìcèm, kìrɔɔ kìn kɛɛ ri rìyi ɗi Yeesus Kiris; ɓisu wii nnɛ ǹgherɛ̀ngà lɛ mmɛm̀ ɓìɓan ɓìcèm, fɔɔnnɛ nseesee ɓyom ɓìcèm yɛ̀ɛ ɓyaaɓi ɓi kìkùnkùn lɛ di nfɔǹ Kiris,

EBIREEGH 6:1

Kìɓan kiǹ kɛɛ̀ki ti càrina rìrèsì ɗi a rìtumɛ̀n ɗi ɓi kìɓan ki Kiris, ti ɓeg̀mɛn ɓi ɓìɓan ɓi ɓi konaagh kì rɔɔtɛɛ, tyɛ̀ ki sugti tiì rìjɛ̀m ɓi ɓìɓan ɓi a rìyàghɛ̀n ɓi ɓi ri lɛ: Mum à ghɛ̀ɛ̀sɛɛ kì càri ɓiɓan ɓi kɛ̀ɛ̀ ìsu,

2 PYƐƐRI 3:8

Wɔ̀lɛ com ki ɓì ghɛ̀ɛ̀sɛɛ ɓi ki ɗimzɛɛ, mìni ɓum ɓɛm ɓɛ nɗem, ki ri lɛ: Ìru wùfog ɓi mis mɛ Kan wu ri yɛ̀ɛ bèg tɔɔsìm; bèg tɔɔsìm yi ɓa yɛ̀ɛ ìru wùfog.