FÌLÌPYƐŊ 3:12 - Bafia Nouveau Testament

¹² Ki yin loo lɛ m̀mɛ kpaŋzɛn mɛ̀ree lɛ nteɗ mɛ̀lèɓ, nsoò lɛ m̀mɛ kpaŋ ɓi nɗɛli wulɛ kìɓan ki ɓɛ feèdì a lɔ̀ŋkɛm̀, kɛ̀ kɛɛ̀ ɓa ti. Kìɓan kifog, nka kɛ̀nkɛn lɔŋ asu rì mɛ̀ree, ǹki tèeteèsì nyoo lɛ nkobɛn mɛ̀lèɓ mɛ ɓi mɛ̀ree mɛ̀n ɓisuulɛ Yeesus Kiris à mɛ ɓan mɛ.

FÌLÌPYƐŊ 3:12 Cross References

MATYOO 5:48

Ɓaana min ɓɛsyeesyee ɓɛ ɓum lɛ kɔɔ̀kɔɔ̀ lɔŋ yɛ̀ɛ Tààta wìn anɛ à rì aɗyoo nyii ri.

MƐ̀KÌKÌÌ MƐ ƁƐKƐ̀NÌ-FÌTOM 9:15

Nsoò fɔlɔɔ, Kan à kpaatìghà Ananyas lɛ: Kɛ̀na lɔŋ ɓisuulɛ, Sol à rì mɛ̀ fɛlɛ yɛ̀ɛ com ki kisay ki ǹsɔnɛɛ. À rì ɓiì rèresii ɗii ɗyɛ̀m ɓi ɓìlɔ̀ŋ ɓi ɓɛ yii ɓi mɛ wɔɔ, rì a mɛ̀fòm, rì ɓi nyìinyìm à ɓɔn ɓɛ Isirayɛl.

RÒMƐŊ 8:39

nsoò mɛ̀tèɗ, nsoò ɓyom ɓi ɓi riì ɓi jàŋ yi yi teŋmaagh, nsoò ɓi ɓi riì ɓi jàŋ yi rimɛn, nsoò com kidɛŋ ki Bɛ̀ll à kìghà, ki yin lɛ ki ghasì ɓìsi rì ǹkɔ̀nɛ̀n ànɛ Bɛ̀ll à rèsìghà ɓìsi ɓi Yeesus Kiris à Kan wìs.

1 KƆ̀RƐ̀ŊTYƐŊ 13:10

Kìɓan kifog, yɛ̀ɛ com ki ki rɔɔtɛɛ kɛ̀ɛ̀ kìɓan ki lɛ ɓɛ fen miì ki ɓiì kpaŋì, ki ki ri tàtà ki leg.

1 KƆ̀RƐ̀ŊTYƐŊ 13:12

Ɓigomìnɛ, ti seesee ɓyom lɛ rìiì lɔŋ yɛ̀ɛ rìghɛnɛ̀n ɗi ŋwaà ti à ghɛnàg ɓi ŋwii wɔ̀lɛ, ɓi cààmɛ̀n kiǹ, tì konaagh gɛ kì ghɛɛ̀ lɛ tɛntɛ̀ɛ̀n. Ɓigomìnɛ ǹ-yii kìden, wɔ̀lɛ ɓi cààmɛ̀n kiǹ ǹkonaagh gɛ nyi kì yiì, lɔŋ yɛ̀ɛ nyii yighà mɛ̀.

1 KƆ̀RƐ̀ŊTYƐŊ 9:24

Ɓì yii lɛ ɓumɓɛ ɓɛ ri ɓi nlog à mɛ̀ree ɓi nlɛmɓog wu ticàɓ ɓɛɛ̀ ghɛghɛŋi ɓɛsɛ̀ɛ̀ ɓɛ̀cèm wɔ̀lɛ lɔŋ mum bog yɛɛ ti à kpagì, beèbɛ̀y à teɗ mɛ̀raà mɛ ɓi nlog ànɛ̀n? Nni ghɛŋiina lèg ànɛ lɛ ɓi teɗ mɛ̀raà mɛ ɓi nlog.

2 KƆ̀RƐ̀ŊTYƐŊ 13:9

Tì ti tì nyààràg di tì rì kɛ̀ɛ̀ ìtèɗ, kɔm̀ lɛ mìnii ri rì ìtèɗ, nni com ki ɓìsiì tɔtɔg ɓi bɔ̀ŋzɛ̀n yis ki ri lɛ, ɓi konag kì ɓaà ɓɛ̀kɔɔ̀kɔɔ̀ ɓɛ ɓɛgherɛ̀n.

2 KƆ̀RƐ̀ŊTYƐŊ 7:1

Nni yɛ̀ɛ tì rì rì mɛ̀kàg yɛ̀ɛ mɛǹ, ɓɛ̀geni ɓɛ̀m ɓɛ nɗem, tì ghɛ̀ɛ̀sɛɛ kì kìi lɛ tì ɓa ɓɛ̀tɛnɛn kɛ̀ɛ̀ tìfin ti ɓi nyoo, nsoò ti ɓi ǹghay. Ti tèèsiina nyoo lɛ ti konag kìɓaà ɓɛ̀tɛnɛn rì ìris wu Bɛ̀ll ɓi nɗem.

GÀLAT 5:17

Ɓisuulɛ mɛ̀mùù mɛ ri rì ɓìɓan ɓi ɓyɛɛ̀ kɔ̀ngi mɔ, ɓìɓan ɓiǹ ɓi ɓa ɓì ghasɛn ri ɓi Nghay à Bɛ̀ll a kɔ̀nkɔ̀n. Nghay à Bɛ̀ll à rì rì ɓìɓan ɓi ɓyɛɛ̀ kɔ̀ngi nyi, ɓi ki ɓa ɓi ghasɛn ɗi ɓi mɛ̀mùù mɛɛ̀ kɔ̀nkɔ̀n; mɛ̀kuu mɛ ɓiɓan mɛǹ mɛ ri ɓi wɛ̀y, lèg ànɛ lɛ ɓi yin ɗi ìtèɗ wulɛ ɓi ki com ki ɓì kɔ̀ni.

EFÈZYƐŊ 1:4

Ɓi Kiris, Bɛ̀ll à ɓɔ̀ngà ɓìsi di ziinɛ ì ka kilɛn ɓi, lɛ ti ɓa ɓɛ̀tɛnɛn, kɛ̀ɛ̀ kìɓan ki lɛ ɓɛ fen ɓi mis mii. Ɓi nkɔ̀nɛ̀n wìì,

EFÈZYƐŊ 4:12

À kìghà fɔlɔɔ lɛ di ɓɛ̀gherɛ̀n ɓɛɛ tɔɔ̀ ɓɛ kpaŋ ɓi nɗɛli wu ɓɛ ri lɛ ɓɛ ki kìsay ɓi rìtoŋ ɗi nyoo ì Kiris.

FÌLÌPYƐŊ 1:1

Ɓìsi ɓɛ̀kìì-ɓìsay ɓɛ Yeesus Kiris lɛ rì Pol, rì Timote, tì kàni ɓum ɓɛ Bɛ̀ll ɓɛ̀ ɓi Yeesus Kiris ɓɛ̀cèm ɓɛ ɓi bàn ì Filiɓ, rì ɓɛ̀kɛ̀ɛ̀sì ɓaa rì ɓɛ̀dyaakìrɛ̀.

FÌLÌPYƐŊ 3:16

Wɔ̀lɛ ɓì nɗɛli wu tì ti wu miì, tì ghɛ̀ɛ̀sɛɛ lɛ tì kɛ̀nkɛ̀n lɔŋ asu ǹɗaŋ.

FÌLÌPYƐŊ 3:3

Lɛ ɓìsi yɛɛ ri ɓumɓɛ ɓɛ mɛ kɛ̀rɛn syeesyee à kɛ̀rɛ̀n lɛ ɓìsi yɛɛ̀ ɓɔɔɓɔgsì Bɛ̀ll rì Ǹghay à Bɛ̀ll, tì saàsànɛ̀n ɓi Yeesus Kiris ɓi ɗùm, tyɛ̀ ki ki foŋ ntyweeyi wis ɓi kìɓan ki mɛmùù.

FÌLÌPYƐŊ 3:8

Ǹghɛɛ gì lɛ ɓìɓan ɓìcèm ɓi ri rìɗimzì di ù fèegh ɓyɔ rì coo kirɔɔ ki ki laŋi ɓìrɔɔ ɓìcèm, kìrɔɔ kìn kɛɛ ri rìyi ɗi Yeesus Kiris; ɓisu wii nnɛ ǹgherɛ̀ngà lɛ mmɛm̀ ɓìɓan ɓìcèm, fɔɔnnɛ nseesee ɓyom ɓìcèm yɛ̀ɛ ɓyaaɓi ɓi kìkùnkùn lɛ di nfɔǹ Kiris,

TÈSÀLÒNÌSYƐŊ 5:15

Ɓì konàg lɛ ŋwaàdɛŋ kɛ̀ɛ ɓa lɛ à rɔ̀ŋ kiɓe ri kìɓe; wɔ̀lɛ kaana lɔŋ lɛ ɓi kiki kìrɔɔ cààmɛ̀n kìcèm, lɛ rì ɓi nyìinyìm wìn, rì ɓi ɓɛg ànɛ a ɓum ɓɛm̀bog ɓɛ̀cèm.

2 TÈSÀLÒNÌSYƐŊ 2:13

Ɓi san ànɛ a lɔ̀ŋkis, ɓɔɔseŋi ɓis ɓɛ Kan a keesag lɛɛ̀gwey, tì ghɛ̀ɛ̀sɛɛ kì fafaa Bɛ̀ll ɓìtògsɛ̀n cààmɛ̀n kìcèm ɓisuu kiɓan kin, ɓisuulɛ Bɛ̀ll à ɓɔ̀ngà mìni à tumɛ̀n a rìtumɛ̀n lɛ ɓi ɓa ɓɛ̀kòrɛn ɓi rìkì ɗi Kìtɛntɛ̀ɛ̀n ki Nghay kɛɛ̀ kìki lɛ ɓi ɓa ɓɛ̀tɛnɛn, rì ɓi rìgherɛ̀n ɗi ɓì gherɛɛ saaɗ.

TIMOTE 5:10

Ki ghɛɛ̀sɛɛ lɛ a ɓa giɓ anɛ ɓum ɓɛ yii ɓìsyeesyee ɓii ɓi mɛkìkìì, ànɛ à mɛ tɔɔsag ɓɔn, ànɛ àa nghàɓkì ɓɛ̀kèn lɛ syeesyee, à sòòghì ɓɛ̀gherɛ̀n mɛ̀kòò, à ghɛɓsàg ɓum ɓɛ nyìinyìg, à ki kaakaa lɛ a ki ɓìɓan ɓi syeesyee.

TIMOTE 6:19

fɔlɔɔ nnɛ ɓɛ ri ɓiì taŋzɛɛ ikum wu wu rɔɔtɛɛ wu ki kpegmɛn ɓisuu cɛɓ ki kɛɛ̀ yùyuiy, fɔɔnnɛ ɓɛ ri ɓiì terì kɔɔ̀kɔɔ̀ à cɛɓ.

EBIREEGH 12:14

Kaana lɛ ɓi ghɛɓ lɛ fyòoog rì ɓum ɓɛ̀cèm, ɓì ki ɓa ri cɛɓ ki ki ri kìtɛnɛn; lɛ ŋwaànɛ cɛɓ kìn ki ri ɓiì kaarɛɛ a lɔ̀ŋkii, àa ghɛn ɓi Kan.

EBIREEGH 12:23

ɓìi nkɛ̀ɛ jàŋbog rì ǹtaŋzɛn wu ɓɔn ɓɛ Bɛ̀ll ɓɛ ǹtonto, ɓɛ mii maa mɛ ri mɛ̀ kànɛn ɓi ɗyoo ɓi ɗùm; ɓìi nkɛɛ̀ jàŋbog rì Bɛ̀ll ànɛ à rì ɓiì yɔ̀mi ɓum ɓɛ̀cèm; ɓìi nkɛ̀ɛ jàŋbog rì mɛ̀ghay mɛ mɛ ri lɛ saaɗ, mɛ mɛ ti lɛ syeesyee, kɛ̀ɛ̀ com ki ɓɛ ri lɛ ɓɛ fen ɓi mɔ.

EBIREEGH 13:21

a fa mìni ìtèɗ wulɛ ɓi kiki ɓìɓan ɓi syeesyee lɛ ɓi roòzi rikɔ̀n ɗii; a ki lɛ, ɓìɓan ɓi ɓyɛɛ̀ rɔɔghi nyi ɓyɛɛ ghɛnɛn ɓi ɓìsi lɛ Yeesus Kiris ànɛ à ghɛ̀ɛ̀sɛɛ ɗì rìkem fìɗyàɓ fikɔ̀ɔ̀ ri fìɗyàɓ fikɔ̀ɔ̀ Ààmɛ̀n.

ZYAG 3:2

Ɓìsiìcèm tì ti tì sɛ̀ràg ɓìɓan bee lɛɛ̀gwey; i mum à ka nɛskà ɓi jɛ̀ɛ̀ di a tòtòg, di mum ànɛ̀n miì à rì lɛ sɛɛghisɛɛghi, à ki yi riɓan ɗi nɗem lɛ a lami nyoo yìì.

1 PYƐƐRI 5:10

Fɔɔnnɛ ki ɓiì ɓaà lɛ i ɓyàa wog rikɛŋ ɓi maa cààmɛ̀n, Bɛ̀ll ànɛ à rì rì geesɛ̀n bimiɗ, ànɛ à reŋìghà mìni lɛ ɓi teɗ gàɓ ɓi rìkem ɗii ɗi fiɗyàɓ fikɔ̀ɔ̀ ɓi Kiris ɓi ɗùm, à rì mìni ɓiì konagh ki rɛsii lɛ syeesyee nyimiɗ, à sììràg mìni, à fa mìni ìtèɗ, à kì lɛ ɓi ɓa ɓumɓɛ com ki yin lɛ ki ɓigtì.

2 PYƐƐRI 3:18

wɔ̀lɛ tɔɔtɔɔna ɓi geesɛ̀n, rì ɓi rìyi ɗi Yeesus Kiris ànɛ à rì Ǹghɛɓsì-ɓum, nyi yɛɛ ghɛɛ̀sɛɛ rì rìkem à tumɛ̀n gɛɛ̀nɛ à kpaŋ fìɗyàɓ fikɔ̀ɔ̀, Ààmɛ̀n.