FÌLÌPYƐŊ 3:10 - Bafia Nouveau Testament

¹⁰ Com ki nkɔ̀nkɔ̀n ki ri lɛ: n-yi Kiris, ǹ-yi ìtèɗ wu rìghèmɓɛ̀n ɗii, ɗi a ɓìloŋ, ǹteɗ gàɓ ɓi mɛ̀tɔɓ mii, ǹki pisɛn nyi ɓi rìwu ɗi à wughà

FÌLÌPYƐŊ 3:10 Cross References

MATYOO 20:23

Nni Yeesus à ɓàkà ɓɔ lɛ: Ki ri lɔŋ saaɗ lɛ ɓì rì ɓiì nɔɔ̀ ɓeŋ wɛ̀m, kìɓan kifog àa mɛ̀ yɛɛ ghɛɛ̀sɛɛ kì kalii ghɛn yɛɛ rì mɛ̀ ɓiì kɔ̀rii ɓi weèlem nsoò lɛ ɓi kìmɛŋ; mɛ̀kɔ̀ɔ̀ mɛǹ mɛ ri mɛ̀kɔ̀ɔ̀ mɛ ɓumɓɛ Tààta à pègsɛ̀ngà mɔ ɓisu wàà.

ZYAŊ 10:18

Mum à ɓàtɛɛ ɓi mɛ cɛɓ, lɔŋ mɛ̀ɛmiɗ yɛɛ faa kɔ̀. Ǹɗì rì ìtèɗ wulɛ nfa kɔ, ǹki ɓa ti ri ìtèɗ wulɛ ǹteetì kɔ̀; kìɓan ki Seŋi wɛ̀m à reɓsìghà mɛ̀ lɛ nki kɛɛ̀ kìn.

ZYAŊ 17:3

Cɛɓ ki fiɗyàɓ fikɔ̀ɔ̀ ki ri lɛ, ɓɛɛ yi wɔ̀, lɛ wɔ̀ yɛɛ ri m̀bobog à kɔɔ̀kɔɔ̀ à Bɛ̀ll, ɓɛ ki yi Yeesus Kiris, roànɛ ù romgày.

RÒMƐŊ 8:17

I tì rì ɓɔn ɓii, tì rì girig rì gàɓ ɓi ɓìrɔɔ ɓi Bɛ̀ll, à kàkà ɓum ɓii; tì ki rì ɓɛ̀roɓɛ ɓɛ ri ɓiì kàɓɓɛɛ ɓirɔɔ ɓìn rì Kiris, lɛ, i ti wowog mɛtɔɓ ǹɗaŋ ɗi nyi, tì ɓiì ɓaà girig rì gàɓ ɓi rìkem ɗìì.

RÒMƐŊ 8:29

Ɓisuulɛ ɓumɓɛ Bɛ̀ll à lokà kì ɓɔ̀ni, à ɓaghà girig di à mɛ ren abɛ̀y lɛ ɓɛ ɓiì ɓaà ɓi kìpisɛn ki Man wiì, lɛ di Man wiì a ɓa man à ǹtonto ɓi kìtuu ki ɓɛgeni.

RÒMƐŊ 8:36

Fɛlɛ yɛ̀ɛ ki ri kìkànɛn lɛ ɓisu wɔɔ nnɛ ɓɛɛ̀ cuucuùsì ɓìsi ŋwos anɛ aɗyoo bimiɗ, ɓɛ tetèɗ ɓìsi yɛ̀ɛ jɔ̀ɔ̀ yi ɓɛ kɛɛ̀ kì ghèegh ɓɛ̀ɓoŋ.

2 KƆ̀RƐ̀ŊTYƐŊ 1:10

Bɛ̀ll ànɛn yɛɛ nghɛɓsii ɓìsi, Nnyɛɛ ki rì ɓìsi ɓiì kìi, lɛ tyɛ̀ ki wu rikuu ɗi riwù ɗìn. Ɛ̀ɛ̀ tì rì rì dyàɓɛn lɛ à rì tì ɓìsi ɓiì kòri.

2 KƆ̀RƐ̀ŊTYƐŊ 1:5

Ɓisuulɛ, fɛlɛ yɛ̀ɛ mɛ̀tɔɓ mɛ Kiris mɛ ti mɛ ghenàg a lɔ̀ŋkis lɛɛ̀gwey, fɔlɔɔ nnɛ rìfɔɔsì ɗi mɛrem mis ɗi ti ɗi ɓalàg girig lɛɛ̀gwey lɛ Kiris.

2 KƆ̀RƐ̀ŊTYƐŊ 13:4

ɓisuulɛ ɓɛ kpangà nyi ɓi Kɔrɔs aɗyoo, lɛ rìɓa ɗii ɗi à rì kɛ̀ɛ̀ ìtèɗ, kìɓan kifog à rì cem lɛ ìtèɗ wu Bɛ̀ll; ɓi rìɓa ɗis ɗi tì rì ɓɛ̀ràrɛn ɗi nyi, tì rì girig kɛ̀ɛ ìtèɗ, wɔ̀lɛ tì ɓii ghɛɓì ǹɗaŋ ri nyi ɓisu win lɛ ìtèɗ wu Bɛ̀ll.

GÀLAT 2:20

Ǹwughà ɓi Kɔrɔs ǹɗaŋ ɗi Kiris, fɔɔnnɛ àa mɛ̀ yɛɛ̀ ghɛghɛɓti, lɔŋ Kiris yɛɛ̀ ghɛghɛɓ ɓi mɛ̀; cɛɓ ki nghɛghɛɓ gɛɛ̀nɛ yɛ̀ɛ mum, nghɛghɛɓ kɔ ɓi rìgherɛ̀n ɗi ǹgherɛɛ Man à Bɛ̀ll ànɛ à keesìghà mɛ̀, à ki fa cɛɓ kii ɓisu wɛ̀m.

GÀLAT 6:17

Nni mum kɛ̀ɛ yùti mɛ rì ǹ-yeesɛ̀n ɓisuulɛ doòdoo yi ǹɗì rì yɔ, yɛɛ̀ rèresi lɛ ǹɗì ǹkpàn a Yeesus Kiris.

EFÈZYƐŊ 4:13

À kɛ̀n kì kpaŋì ɓi jàŋ inɛ rìgherɛ̀n ɗis, rì rìyi ɗi tì yii Man à Bɛ̀ll, ɓyɛɛ ɓa com kìfog di tì mɛ sììrɛn ɓum, tì ghɛ̀ɛ̀sɛ̀n ɗì kɔɔ̀kɔɔ̀ à ǹɗɛli a Kiris.

FÌLÌPYƐŊ 3:8

Ǹghɛɛ gì lɛ ɓìɓan ɓìcèm ɓi ri rìɗimzì di ù fèegh ɓyɔ rì coo kirɔɔ ki ki laŋi ɓìrɔɔ ɓìcèm, kìrɔɔ kìn kɛɛ ri rìyi ɗi Yeesus Kiris; ɓisu wii nnɛ ǹgherɛ̀ngà lɛ mmɛm̀ ɓìɓan ɓìcèm, fɔɔnnɛ nseesee ɓyom ɓìcèm yɛ̀ɛ ɓyaaɓi ɓi kìkùnkùn lɛ di nfɔǹ Kiris,

KÒLÒSYƐŊ 1:24

Ǹɗì rì kìnyàà ɓi cààmɛ̀n ki, ɓi mɛ̀tɔɓ mɛ nwowog ɓisu win, fɔɔnnɛ com ki kɛɛ̀ kaakaàrɛ̀n ɓi mɛ̀tɔɓ mɛ Kiris, mɛ̀ɛ nɗàaratɛ̀n kɔ kì woògh ɓi nyoo yɛ̀m ɓisuu nyoo yìì ìnɛ ì rì kìseŋi kii.

KÒLÒSYƐŊ 2:13

Mìni ɓɛ ɓì ɓaghà ɓìloŋ abɛ̀y lɛ ɓìɓe ɓin, ɗì rìɓa ɗi ɓì ɓaghà kɛ̀ɛ̀ kìkɛ̀rɛɛ, Bɛ̀ll à mɛ fati mini cɛɓ ǹɗaŋ ɗi Kiris, yɛ̀ɛ à cenɛ̀ngà ɓisi ɓìɓe ɓis ɓìcèm.

KÒLÒSYƐŊ 3:1

I ɓì mɛ ghèmɓɛn min nɗaŋ ri Kiris, kaakaana ɓìɓan ɓi aɗyoo, jàŋ inɛ Kiris à rì ǹkɔ̀kɔriyɛn ɓi weèlem à Bɛ̀ll.

1 PYƐƐRI 1:3

Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris; ɓi coo kipuɓì ǹɗem kii, à faghà ɓìsi cɛɓ ki nyɔn yɛ̀ɛ à ghèmzìghày Yeesus Kiris a ɓìloŋ; fɔlɔɔ a fa ɓìsi dyàɓɛn inɛ ì rì cem rì ǹtyweeyi,

2 PYƐƐRI 1:13

Mɛ̀ɛ ǹghɛɛ lɛ ki ri lɛ syeesyee lɛ cààmɛ̀n kìcèm ki ǹkaka ɓi ziinɛ, nki lɛ ǹɗem win wɛ̀ kɛɛ̀ wu ɓi rìyitì ɗi ǹɗì mìni ɓiì yiiyitàg ɓìɓan ɓiǹ,

1 ZYAŊ 2:3

I ti ɓèŋɓeŋ ɓidɔ̀gsɛna ɓi Bɛ̀ll, fɔɔnnɛ tì rì lɛ tì yi lɛ, tì mɛ yi Bɛ̀ll.

1 ZYAŊ 2:5

Wɔ̀lɛ i mum à ti à ɓègì jɛ̀ɛ̀ yìì, di ǹkɔ̀nɛ̀n à rì ǹɗonɛn ŋwaànɛ̀n ɓi nɗem kɔɔ̀kɔɔ̀ à rìron; bee innɛ tì rì lɛ tì yi lɛ tì rì ɓɛ̀ràrɛn ɗi Bɛ̀ll ì rì lɛ,

ÀPÒKÀLIƁSƐ̀ 1:18

Mɛ̀ yɛɛ ri ŋwaà ǹtonto, mɛ̀ tì ŋwaà siitòn, roànɛ à rì cem. Ǹwughà, kìɓan kifog ǹɗì cem fiɗyàɓ fikɔ̀ɔ̀. Ǹwowotii tìɗìɓà ti riwù rì ti a tɛ̀ɛ̀.